يا ليت الورد ما يذبل
يا ليت الدمع ما ينزل
يا ليت الدنيا تصفا لي
تعبت أشيل وأتحمل
دموعي صارت حروفي
حياتي أنجرح و ازعل
حرام الناس تجرحني
وجرحي بالصبر يدمل
حرام الخل يطعني
وطعناته ترى تقتل
ومن حولي الطعن يكثر
ولا احدٍ يرحم ويبذل
بديت أخاف يا قلبي
بديت أخاف تتمل
ولا مليت يا قلبي
من يخف ومن يسأل
كفاية لعبة الدنيا
تدور بنا وبها نعتل
تشتنا تمزقنا
وكلن بالأذى ينشل
أبصرخ بس يا دنيا
وآهاتي بدت توصل
أريد الناس تفهمني
أبى الإحساس ما ينذل
أريد الكل يرقى بي
وأبرقى بالمنى الأفضل
أبى كفي بأياديكم
وأبى من قال لي يفعل
وأشوف الصدق في عينٍ
غدت تتلون وتخجل
عسى تتحق أحلامي
وعمر الزين ما يكمل
