ايام الدراسة ...الحلقة1

[الجريئة]

:sheer:السلام على من اتبع الهدى و امر بالتقوى
how are you
:showoff:ناس اللمة الزينين
اليوم جيت نخربش شويا على ايامات الدراسة
:sheer::showoff::shay::shay::shay:و قسمنا الحبيب
نبدا
:showoff::scared:قسمينا كان اسوء و احسن قسم
:sheer::showoff:احسن المعدلات عندنا
:shay::shay:مي نشوشوا بزاف
:shiny:خاصة في حصة العربية تعدي غير ضحك
:sheer:وشوي قراية كان عندنا واح الجماعة فووور
مرة حنا قاعدين والطفل رسم عمو القذافي
و قاعد يلصق فيه
شافت فيه وقاتلوا واش قاعد تدير
قالها راني نعلق في زنقة زنقة
:cra_zy:
ومرة تاني جابوا ماركور ما يتمحاش
وكتبوا في السبور
لا توجد دراسة اضراب مفتوح
كشك متعدد الخدمات
و علقوا بحداها حقوق التلميذ
ورسموا في جيهة شعار الريال و في جيهة خرى
شعار البرسا
حتى ولينا شغل المدير كل نهار يجي يتجول
عندنا
ومرة خرجت نتاع العربية نتاعنا واحد قاتلوا اعطيني
جمل فيها السجع
كتبلها
ذهبت الى السهول لاشرب الكحول
هاو سجع
نتاع لفرونسي الي جامي هدرت مع التلاميذ بالعربية
نطقوها
المهم اليكم الخط والى اللقاء في الحلقة القادمة
:santa_1::santa_1:ممنوع سرقة الموضوع
حقوق الكاتب محفوظة
اليكم الخط
​

 

[القلب الابيض]

ههههه صح ايام الدراسة ذكريات لا تنسى
ميرسي عليك ختي

 

[nina bonoise]

en dirai مقريتش العام هذا انا
مشني شافية على حاجة تاع ضحك
الجامعة باسلة و صعيبة

 

[حفيد هواري بومدين]

كل واحد عاش في وقتو ايام مليحة صح
بصح العنابية وقت الليسي عمرو مايتعوض وخاصة العام اللخر

يا حصراااا
​

en dirai مقريتش العام هذا انا
مشني شافية على حاجة تاع ضحك
الجامعة باسلة و صعيبة

 

[Houda Chaouienne DZ]

ههههههههه
مليح
مي نشفا كي كنت سنة اولى ثانوي كنا في كلاصة غير ليمافيا و كيما قلتي في نفس الوقت فيها القرايين
و يديرو حالة اكثر من هاذو
هههههههههه
نهار نقعد نحكيلك عليهم
شكرا على الموضوع​

 

[♥SaMoù Là MoDèsTe♥]

ليـآمــآت مـآ قبل الجـآمعة مــآ يتعوضوش
قــآع عندنــآ des souvenirs شبيهة بتـآوعكـ

أمـــآآ الجـآمعة فــ الهدرة غي على النقطة والأسـآتذة والدرآسة ولي pـوليكوp
هذآ مكــآن
​

 

[ميسومة الدلوعة]

هههههه والله يمات لقراية روعة سيرتو حنا لعام هذا 2 تقني رياضي عام روعة و ماكانش لي كيفو و ما يتنساش لا قراية و طوايش غير هوما كون نحكي ما نسكتش و كنا ديما حنا لي ما نصلحوش فليسش بصح شيوخة تاعنة كانو يحبونا

 

[رضوان92]

يآآآآآآآآآآآآآآآآآه حصرا على ديك ليمات لي فاتوا احسن مرحلة هي مرحلة الثانوية لي مالعبش وقرا فيهم ميزيدش يلقى كيفهم
​

 

[DARINE05]

هههههههههههههههههه والله يا السجع ههههههههههههه ا وحدو هذا مرسي حنونة

 

[sahiko hamza]

وعليكم السلام

لا حول ولا قوة إلا بالله ......
​

 

[N@riM@N]

:showoff::scared:قسمينا كان اسوء و احسن قسم
:sheer::showoff:احسن المعدلات عندنا

​

زعما صــــح بيناتناi-o:i-o:
​

 

[معاك يا الخضراء]

اببابابابابابابااااا هاي الهدرة اللي توجعني :sheer: :sheer:

نتاع لفرونسي الي جامي هدرت مع التلاميذ بالعربية
نطقوها
​

ههههههههههههههه
معليش ربي يسترنا :scared:
احلى ايام هوما هادو الي نعيشوهم فالسيام و الليسي والله روعة
قمة البراءة و التخيبيث :sheer: ............

يسلمو ايديكي
​

 

[السلطانة]

اببابابابابابابااااا هاي الهدرة اللي توجعني :sheer: :sheer:​

نتاع لفرونسي الي جامي هدرت مع التلاميذ بالعربية ​

نطقوها ​

ههههههههههههههه
معليش ربي يسترنا :scared:
احلى ايام هوما هادو الي نعيشوهم فالسيام و الليسي والله روعة
قمة البراءة و التخيبيث :sheer: ............​

يسلمو ايديكي​

خمي على عمرك ياللي رايحة تحكمي الطباشير والمحفظة هاذ العام ههه
اواه باينة فيها تباصية
:santa_1:انا لازمتني نولي هك:santa_1:
صحيتي اختي على الموضوع الطيب
قسمكم واعر يالطيف ههه
يالطيف من اجيال اليوم
تحياتي

 

[معاك يا الخضراء]

خمي على عمرك ياللي رايحة تحكمي الطباشير والمحفظة هاذ العام ههه
اواه باينة فيها تباصية
:santa_1:انا لازمتني نولي هك:santa_1:
صحيتي اختي على الموضوع الطيب
قسمكم واعر يالطيف ههه
يالطيف من اجيال اليوم
تحياتي

هههههههههههههههههه اهاه ا ستادة خممي مليح
قاتلك مولات الفرونسي جامي نطقت و نطقت تسما مرة
بصح نتي شوفي وصلوك للسهول و الكحول هههههههههههههه
انا نحطلهم فايسبووك و نقلهم اجوت موا
مبعد نقسرو هههههههه
​

:shiny:خاصة في حصة العربية تعدي غير ضحك
:sheer:وشوي قراية كان عندنا واح الجماعة فووور
مرة حنا قاعدين والطفل رسم عمو القذافي
و قاعد يلصق فيه
شافت فيه وقاتلوا واش قاعد تدير
قالها راني نعلق في زنقة زنقة
:cra_zy:
ومرة تاني جابوا ماركور ما يتمحاش
وكتبوا في السبور
لا توجد دراسة اضراب مفتوح
كشك متعدد الخدمات
و علقوا بحداها حقوق التلميذ
ورسموا في جيهة شعار الريال و في جيهة خرى
شعار البرسا
حتى ولينا شغل المدير كل نهار يجي يتجول
عندنا
ومرة خرجت نتاع العربية نتاعنا واحد قاتلوا اعطيني
جمل فيها السجع
كتبلها
ذهبت الى السهول لاشرب الكحول

 

[بنـ MaPa ـت]

وعليكم السلاام

انا حرموا عليا في الصيف نهدر على القرايا ههه
سي بون راحت وتهنيت منها شوية
لعقوبة للعام الجاي نشالله ندخلو بخير وعلى خير ولا مزيد من الطوايش لي درناه يكفينا خيتو

مرسي على الموضوع الطيب
تحياتي
​

 

[zahya]

احنا قرينا وكملنا .... مي تبقى مرحلة الليسي احسن من الجامعة واحسن من الوظيفة....التمخميخ والتعفرييت..... نقولك حاجة تفكرتها ... في السنة الثالثة جابولنا استاذة تقرينا العلوم الطبيعية وكانت من القبايل ... والله من الطوايش لي كنا نديرهملها شهر مكاكملاتوش ... خرجت ومازددتش رجعت من القسم للباب الليسي... مازادتش تلفتت وراها....

 

[يسرى 2008]

هههههههههههههههههههههههههههههههههههههههههههههههههههههه ايه فكرتيني في ايام الدراسة
حنا السنة بيام عام ميتعوضش كلو تمسخير وضحك وفيه قراية نشاء الله في الليسي الدعوة اكثر
حنا كنا القسم المشاغب هههه سورتو في الحصة تاع العربية والاسلامية والانجلي
مكانش قراية خلاص وسورتو تاع الفرنسي المعلمة تشتيخ معانا نعقبوها كاملة ضخك

 

[الجريئة]

ههههه صح ايام الدراسة ذكريات لا تنسى
ميرسي عليك ختي

ايه لا ولن تنسى يهبل لهبال نتاع هاد ليام

 

[الجريئة]

en dirai مقريتش العام هذا انا
مشني شافية على حاجة تاع ضحك
الجامعة باسلة و صعيبة

انا مازلت نقرى يعني مازال الضحك :sheer::sheer::sheer:
وعلاه كاين في الجامعة يحكيولي عباد هايلين غير نتاع ضحك
هبلوا الاساتدة
مرسي على المرور

 

[الجريئة]

كل واحد عاش في وقتو ايام مليحة صح

بصح العنابية وقت الليسي عمرو مايتعوض وخاصة العام اللخر ​

يا حصراااا ​

اهلين بالطبيب
دايمن لعوام الاخيرة نديروا راينا
و الله ايام الدراسة ولمبيونس هايلة
مش كيما لميتسين نهار كامل ونتا تقرا و زلقة بفلقة
ماما طبيبة و اني علابالي تشفوا هههههههههههههه
شكرا على المرور