décapotable حجـــــــــــــــاب

[rima mimi]

التخصص :

décapotable حجـــــــــــــــاب

حببت اليوم نحكيو على الحجاب تع la mode
زعما زعما

وشي هذا حجاب يحتاج إلى حجاب يخي كنا لاباس بينا حتى جات الموضة الجديدة وهبلتنا:

وحدا خانقا رقبتها وحدا جابدة la méche من الخمار لوخرا تبين les boucles حرام والله حرام واش هذي لبدع

"كل بدعة ضلالة و كل ضلالة في النار"





بصح ماشي غير لبنات الغالطين ماعندهش خوهم بابهم
"كل راع مسؤول عن رعيته"

​

لازم نرجعو باش يرضى علينا ربي يهدينا ربي

شاركوا معايا في هذا الموضوع ربي يخليكم


مع تحــــــــــــــــــيات

ريما

 

[mohgladiator]

و الله مليح باش موضوع هك يجي من عند طفلة
بارك الله فيك ختي
بصح ختي هي صح لازم نطرحو السؤال
وين راه باباها و خوها
و الرد
باباها راهو لاهي مع الدومين ولا حاجب فالدار
و خوها راهو يجري مور البنات لي كي ختو
كيفاش تحبي تخرج الطفلة
بصح تاني الطفلة كي ماتحبش تلبس هك و الله ماتلبس
معناتها كامل غالطين
و كامل عاميينها
و نقولو ربي يسترنا و يستر على بناتنا
و ربي يسترك
دمتي بود ختي​

 

[الحاج الطيف]

لا خوها ولا اي واحد
المشكل من الوالدين ويقول هيه بنتي وما عندك ما دخلك .
الرباية الحسنة تؤول للوالدين والعكس صحيح .

 

[بر الامان]

ربي يهدينا ، هذا واش نقولو ، نشكرك اختي ، بارك الله فيك.

 

[{مُدَلَّلَتُهُ}]

الله يهدينا و يستر علينا

 

[سجاآآايا]

السلام عليكم
ان لم تستحِ فافعـــــــل ما شئت
الكل تعلم على مبادئ و قيم يسيِّـــر بها حياتـــــه
و المظهر يحكي جزءا منها
نسأل الله الهداية

بارك الله فيك
​

 

[المتفائلة_91]

هاذم ديمودي ، لامود تاع ليماش والخرطي راحت ، ضرك عادت المخيرة هي الي ماتخلي حتى شعرة باينة من خمارها

بصح فيما يخص اللبسة ،،، ربي يستر ،،،،

تبانلي كل واحد مسؤول عن روحه


سبق وان تناقشنا ممطولا في هذا الموضوع


سلمت يمناك اختي


بوركتِ


شكرا ،،،،​

 

[ماكانش]

انا مانسميهش حجاب نسميه كتانة ...
الحجاب هوا ألي يحجب ...
يعطيك الصحة على الموضوع لمليح ...​

 

[تاج الجزائر]

موضوعك شباب عجبني

ضرك راني رايحة لعرس ولد خالي كي نجي راني نعلق عليه i-o:

تبغي نجيبلك معيا شوي قاطو مكانش مشكل السلة لي يعطوهالي نخليهالك :shay:

ايا نتلاقو ممبعد سلام :ax_flw:
​

 

[raile]

والله الموضوع عجبني بزاف

سورتو منين جا من عند طفلة

باش تعرف بلي مزال كاين بنات الفاميليا

شكراا لك اختي تقبلي مروري

بأفضل التحيات

ميرسي
​

 

[إيمان قلب]

أتصدقين :؟؟؟ هذا وين كنت متناقشة انا وخويا على موضوع الحجاب
جيت لقيت الموضوع تاعك
قالي خويا نورمالمو الطفلة تستر روحها لاوالديها لاخاوتها لخاطر رانى في وقت كل شئ معروف
قلتلو هذا جزء منه صحيح بالصح الأساس من الوالدين كيفاش تخلي بنتك تخرج بهاذ الصورة بالصح هو تعجبو بنتو وهي خارجة هاك .... الله يهدي
والحجاب ماهوش للزينة الحجاب دارو ستر للزينة
لكن مانراه اليوم يدمي القلوب ويدمع العيون
وكل من صنع اليهود واحنا نتبعو فيهم ...
أدام الله علينا وعليكي نعمة الإسلام أخيتي
والله يرزقنا الثبات والعفاف
تحياتي​

 

[hannsg]

أتصدقين :؟؟؟ هذا وين كنت متناقشة انا وخويا على موضوع الحجاب
جيت لقيت الموضوع تاعك
قالي خويا نورمالمو الطفلة تستر روحها لاوالديها لاخاوتها لخاطر رانى في وقت كل شئ معروف
قلتلو هذا جزء منه صحيح بالصح الأساس من الوالدين كيفاش تخلي بنتك تخرج بهاذ الصورة بالصح هو تعجبو بنتو وهي خارجة هاك .... الله يهدي
والحجاب ماهوش للزينة الحجاب دارو ستر للزينة
لكن مانراه اليوم يدمي القلوب ويدمع العيون
وكل من صنع اليهود واحنا نتبعو فيهم ...
أدام الله علينا وعليكي نعمة الإسلام أخيتي
والله يرزقنا الثبات والعفاف
تحياتي​

(( قال فبعزتك لأغوينهم أجمعين إلا عبادك منهم المخلصين))

 

[zahya]

هداك يا اختي وسمو خمار على الراس الحجاب انك تحجب زينك ومظهرك على الناس ... ماشي تبرزهم للناس من تحت االلباس ..... ربي يهدينا ويسترنا

 

[*nassima*]

موضوع يستحق النقاش و الدراسة صح اختي الغالية ما عندنا ما راح نديرو كون تجي تهدري تحصلي يقولولك واش دخلك المهم احنا ندعولهم و نقولو ربي يهديهم ان شاء الله

 

[sahiko hamza]

سلام عليكم ورحمة الله


هاذا رد رديتو في موضوع مشابه

بون نشفى على غنية تاع دوبل كانون



آلك حجاب مولون حجاب طروسبارون :shay:
جحجاب نواريبلون يعومو بيه فالروشيبلون :shiny:

كاين حجاب تاع الشتا .... حجاب تاع رمضان _o:
حجاب تاع الصيف نايك آر جوردا :scared:

كاين حجاب نضيف ... كاين حجاب علكيف
وكاين حجاب آلطيف تاع ترنديف ............ :cra_zy:
​

اني ماحبيتش نكمل ليبارول بويسك .... ربي يبعدنا على لامود تاعكم
قولو آمين
​

 

[hasna.m]

مشكورة على موضوعك ونطلبوا الهداية من رب العالمين
​

 

[يوسےفے]

مشكورة على موضوعك ونطلبوا الهداية من رب العالمين
​

آآآآآآآآآآآآآآآآآآآآآآآآآآآمين​

 

[NeيRسNe]

ربي يهدينا اجمعين.... ربي يهدي ماخلق
​

 

[Estrella]

شانحكو و واش نخلو
خليهم على ربي و صايي
ربي يهديهم
تشكراااتي​

 

[hiba14]

و الله يا اختي غي عندك الحق
بصح باش ما نكدبش
الحق ما نخرج لاماش و ما ندير لي بوكل بصح ما نيش دايرة جلابة يعني الحجاب الشرعي