الجيرااااااااااااان

[nour mary]

سلاااااااااااااام
صباح/مساء الخير
وشراكم؟؟ ماكمش لاباس آآآآراكم ساvا
اولا حابا نقول bonne chance لجماعة الباك
ربي ينجحنا كااااااامل تولي نسبة النجاح 100% :sheer:
.

.
.
.
السمانا لي فاتت كنت نسمع في راديو كانو يحكو على الجيران ويشكو منهم
هادا باع دارو على جالهم :scared:
ولوخر كتب فالحيط عبارة ( النظافة من الايمان والوسخ من الجيران )_o:
ولوخرا يبعتوله فالورق ويهدو فيها :cra_zy:

وعلاش هادا كامل؟؟
وزعما الجيران كامل هاكا ؟؟؟
ونتوما راكم تعانيو منهم لهاد الدرجة ؟؟
انا مانكدبش عليكم
عدنا 5 سنين وحنا عايشين مع الجيران مي كلي مايعرفونا مانعرفوهم خاطيينا وخاطيينهم:shay:
هاكم الخط وقولولي رايكم
​

 

[فؤاد الورقلي]

سلام عليكم

الحمدلله ياربي

احوالنا مليحة مع لجيران واكثر من مليحة ثاني

مي كاين جيران واش نقولك قط وفار

ربي يهدي

متنسايش الجيران موصي عليهم الرسول عليه افضل الصلاة والتسليم

شكرا ختي

ربي يجازيك​

 

[ماكانش]

حنا جيرانا ماشي رجال فيهم غير الهدرة
---
المشوي هذاك سخفني مممممم مممممم
غير اعرضوني هههه

 

[إيمان قلب]

بالعكس جيراننا تقدري تقولي دار واحدة
والله يبارك كون يغيب الراجل من الدار تلقايهم يسقسيو على دارو لكاش مامستحق
وماتنظلميش عندهمكل واحد وكيفاش
سلامي​

 

[أم راضية ~_]

سلآآآم

حنا الحمد الله عندنا جيران من كل نوع و من قاع العقليات ، صح كاين اللي ما يحشموش و كاين اللي الله يبارك عليهم ، تقول فاميلتنا، و البارح برك جيرانا اللي يسكنو قدامنا الباب للباب سافرو لبلادهم في بجاية

و راحو على ال4 تاع الصباح ، و تالمون نحبهم و رايحة نتوحشهم نضت على جالهم باش نشوفهم
وهوما تاني دايرين فينا ثقة خلاو عندنا النباتات تاوعهم باش نسقيوهم و نتهلاو فيهم و وصاونا حتى على دارهم: و الله في هاد الوقت اللي عندو جار مليح كيما اللي عندو صديق حقيقي و للأسف راهم قلاااااال
إن شاء الله ربي يرزقكم جيرآآآن على حساب قلوبكم

 

[zahya]

الحمد لله جيرانا ناس ملاح كيما حنا .... وحتى ولو ماشي ملاح حنا نكونو معاهم ملاح هذا شرط من شروط بابا الله يرحمو ..... لازم تعامل جارك معاملة حسنة حتى ولو هو عاملك بالعكس .... الجار وصى عليه رسولنا الكريم عليه الصلاة والسلام

 

[hannsg]

حنا عادي ما عندناش مشاكل مع الجيران
زعما الجار وصى عليه ربي

 

[naGam]

والله الجيران كل واحد وكيفاه وفي كل مكان تلقاي لمليح وتلقاي الخايب والله احنا عندنا غير جارة واحدة برك احنا وياه اكثر من الاهل
​

 

[loca]

ههههههه اليك حنا جوارينا عادي وعدنا وحدة قريبة لينا وهكا نحكو معاها وكلشي بصح انا شخصيا منيش ندير ثقة وراني نشك بزاف منقدر نجاور تواحد ومندير ثقة في حتى انسان من غير والديا ختي ومنامنهاش ههههه
يتسمى قاع ويكونو كي سكر هاد جوارين انا نبقى نشك ومنديرش لمان
كيما قالك عودي مايهرب وانا مندير لمان
شكرا ختو ​

 

[hiba14]

السلام
عندك الحق شانا نشوفو يخلع بصح احنا الحمد الله جيرانا قاع شاكاين

 

[احلامdz]

جيرانا ملي فتحت عيني على هذي الدنيا ماشفت منهم غير الشي المليح وزيد الصيف الجاي يولو نسابنا نشالله مشي حنا خاطر متربيين معاهم بصح من وليد عمي والله الحمد لله وزيد واجب علينا نحتارموهم لانو الرسول اوصى بلجار

 

[Estrella]

ياك قالو *الجااااااااااااار قبل الدار *
وصح ماشي قاع الجيران ماشي ملاح
وكاين الي يا لطييييف
حنا الحمدلله جيرانا
قاع ناس ملاح
مازال ماشفنا خيرهم من شرهم
صحيتي على الموضوووووع ​

 

[يسرى 2008]

احنا اختي جيرانا يصوبو الماء من فوق كي ننشرو القش بصح اونجينيرال متحملينهم مش كي تاعكم ربي معاك بصح كاين ظاهرة خطيييييييرة بزاااف عندهم
صغير وكبير التقرعيج والتمنشير تاع الجيران والحرزة في البالكونات والبيبان ربي يهديهم

 

[iméne09]

الحق عندنا جيران الله يبارك واحد مايدخل روحو في لوخر اون+ تقولشي من لافامي في فرح وفي قرح تلقايهم قبل فاميلتك مي كاين جيران الله يسترنا منهم تاقايهم سامطين قاعدين غير للتقرعيج وتقطاع والبلى يشريوهالك بسيف مي الصح واحد يشري جار قبل دار ولازم مايربحلوش العيب بارسكو جار تلقاه ​

 

[DARINE05]

اقسمينا شوية من الروطي هذا هههههههههههههههههه

 

[M!ss_f@ti]

مرحبا حبيتي ,, يقولك أشري الجار قبل الدار

احنا الحمد لله جيرانا ماشاء الله تحطيهم على الجرح يبرا مي عندنا واحد جديد ربي يهديه كبير وجايح ,, تصوري لابوبال يرميوها من التاقة والله غير عيب عليهم كامل ... بالصح الانسان يعرف كيفاش يتعامل معاهم وصايي ( يقصر الشر)

والدصارة بزاف ماشي مليحة مع الجيران .. لازم يبقاو حدك حدي..

شكرا ليك أختي

 

[بقايا إنسان]

عاش من عرف قدره وتفادى حماقات جاره وترفع عن الشبهات بسلوكه وصفاته
هذا الي عندي ولست معصوم فما أنا إلا جار لكل الناس
شكري وتقديري لكي

 

[ALEXIS SANCHEZ]

كاين جيران من جيران
كاين جار مايحوسش على جارو 9اع وهم الاكثرية
شكرا
​

 

[nour mary]

سلام عليكم​

الحمدلله ياربي​

احوالنا مليحة مع لجيران واكثر من مليحة ثاني​

مي كاين جيران واش نقولك قط وفار​

ربي يهدي​

متنسايش الجيران موصي عليهم الرسول عليه افضل الصلاة والتسليم​

شكرا ختي​

ربي يجازيك​

الناس كامل فيهم وعليهم والواحد لازم يصبر
وكيما قلت الجار وصى عيه الرسول صلى الله عليه وسلم
بلا مزية خويا شكرا ليك نورت الموضوع

 

[nour mary]

حنا جيرانا ماشي رجال فيهم غير الهدرة
---
المشوي هذاك سخفني مممممم مممممم
غير اعرضوني هههه

ربي يصبركم خويا
........
مرحبا بيك بلا ما نعرضك
ميرسي على المرور