الجيرااااااااااااان

[nour mary]

بالعكس جيراننا تقدري تقولي دار واحدة

والله يبارك كون يغيب الراجل من الدار تلقايهم يسقسيو على دارو لكاش مامستحق
وماتنظلميش عندهمكل واحد وكيفاش

سلامي​

الله يبارك اختي
هادو هوما الجيران
شكرا على المرور العطر

 

[nour mary]

سلآآآم

حنا الحمد الله عندنا جيران من كل نوع و من قاع العقليات ، صح كاين اللي ما يحشموش و كاين اللي الله يبارك عليهم ، تقول فاميلتنا، و البارح برك جيرانا اللي يسكنو قدامنا الباب للباب سافرو لبلادهم في بجاية

و راحو على ال4 تاع الصباح ، و تالمون نحبهم و رايحة نتوحشهم نضت على جالهم باش نشوفهم
وهوما تاني دايرين فينا ثقة خلاو عندنا النباتات تاوعهم باش نسقيوهم و نتهلاو فيهم و وصاونا حتى على دارهم: و الله في هاد الوقت اللي عندو جار مليح كيما اللي عندو صديق حقيقي و للأسف راهم قلاااااال
إن شاء الله ربي يرزقكم جيرآآآن على حساب قلوبكم

عندك الحق الناس فيهم وعليهم
يعطيك الصحة ختي وكيما يقولو كيما ودعتي تلاقي :sheer:
تحيااااتي
​

 

[nour mary]

الحمد لله جيرانا ناس ملاح كيما حنا .... وحتى ولو ماشي ملاح حنا نكونو معاهم ملاح هذا شرط من شروط بابا الله يرحمو ..... لازم تعامل جارك معاملة حسنة حتى ولو هو عاملك بالعكس .... الجار وصى عليه رسولنا الكريم عليه الصلاة والسلام

صلى الله عليه وسلم
الحمدلله كي لقيتو جيران كيما نتوما ملااح
ربي يخليكم لبعضاكم
شكرا على المرور العطر:shiny:

 

[nour mary]

حنا عادي ما عندناش مشاكل مع الجيران
زعما الجار وصى عليه ربي

الحمدلله
تهنيتو من تكسار الراس ههههههههه
شكرا على المرور العطر

 

[nour mary]

والله الجيران كل واحد وكيفاه وفي كل مكان تلقاي لمليح وتلقاي الخايب والله احنا عندنا غير جارة واحدة برك احنا وياه اكثر من الاهل ​

اييييييييييه عندك الحق اختي
الحمد لله لي لقيتو جارة مليحة باسكو الواحد ماعلابالوش وقتاش يحتاجهم هاد الجيران

 

[nour mary]

ههههههه اليك حنا جوارينا عادي وعدنا وحدة قريبة لينا وهكا نحكو معاها وكلشي بصح انا شخصيا منيش ندير ثقة وراني نشك بزاف منقدر نجاور تواحد ومندير ثقة في حتى انسان من غير والديا ختي ومنامنهاش ههههه
يتسمى قاع ويكونو كي سكر هاد جوارين انا نبقى نشك ومنديرش لمان
كيما قالك عودي مايهرب وانا مندير لمان

شكرا ختو ​

هههههههه
وعلاش ماديريش لامان ماهمش الناس كامل كيفكيف
يقدر يجي النهار وتحتاجي جيرانك
شكرا على المرور الرائع

 

[nour mary]

السلام
عندك الحق شانا نشوفو يخلع بصح احنا الحمد الله جيرانا قاع شاكاين

الحمدلله
صح وما خفي اعظم
شكرا على المرور

 

[nour mary]

جيرانا ملي فتحت عيني على هذي الدنيا ماشفت منهم غير الشي المليح وزيد الصيف الجاي يولو نسابنا نشالله مشي حنا خاطر متربيين معاهم بصح من وليد عمي والله الحمد لله وزيد واجب علينا نحتارموهم لانو الرسول اوصى بلجار

ربي يكمل على خير حنونة وكلشي مبروك
شكرا على المرور العطر
نورت الموضوع

 

[nour mary]

ياك قالو *الجااااااااااااار قبل الدار *

وصح ماشي قاع الجيران ماشي ملاح
وكاين الي يا لطييييف
حنا الحمدلله جيرانا
قاع ناس ملاح
مازال ماشفنا خيرهم من شرهم

صحيتي على الموضوووووع ​

وييييييي الجار قبل الدار هاديك هي
شكرا على المرور
وردتي الموضوع

 

[nour mary]

احنا اختي جيرانا يصوبو الماء من فوق كي ننشرو القش بصح اونجينيرال متحملينهم مش كي تاعكم ربي معاك بصح كاين ظاهرة خطيييييييرة بزاااف عندهم
صغير وكبير التقرعيج والتمنشير تاع الجيران والحرزة في البالكونات والبيبان ربي يهديهم

اهالا يسرى اختي توحشتك
ربي يصبركم عليهم سيرتو نتاع الباطيمات تلقايهم جنوووون هههههه
شكرا على المرور العطر حنونة

 

[nour mary]

الحق عندنا جيران الله يبارك واحد مايدخل روحو في لوخر اون+ تقولشي من لافامي في فرح وفي قرح تلقايهم قبل فاميلتك مي كاين جيران الله يسترنا منهم تاقايهم سامطين قاعدين غير للتقرعيج وتقطاع والبلى يشريوهالك بسيف مي الصح واحد يشري جار قبل دار ولازم مايربحلوش العيب بارسكو جار تلقاه ​

الواحد لازم يحكم قدرو كيما يقولو ويمشي معاهم بالنية وهوما ربي يسهل عليهم
شكرا على المرور العطر ​

 

[nour mary]

اقسمينا شوية من الروطي هذا هههههههههههههههههه

بلا مانقسم هيا ابداي كولي بصحتك :shiny:

 

[nour mary]

مرحبا حبيتي ,يعيشك
, يقولك أشري الجار قبل الدار

احنا الحمد لله جيرانا ماشاء الله تحطيهم على الجرح يبرا مي عندنا واحد جديد ربي يهديه كبير وجايح ,, تصوري لابوبال يرميوها من التاقة والله غير عيب عليهم كامل ... بالصح الانسان يعرف كيفاش يتعامل معاهم وصايي ( يقصر الشر)

والدصارة بزاف ماشي مليحة مع الجيران .. لازم يبقاو حدك حدي..

شكرا ليك أختي

هاديك هي اختي قلتي ووفيتي كيما يقولو
وكل واحد يخلي قدرو عزيز
شكرا على المرور العطر

 

[nour mary]

عاش من عرف قدره وتفادى حماقات جاره وترفع عن الشبهات بسلوكه وصفاته
هذا الي عندي ولست معصوم فما أنا إلا جار لكل الناس
شكري وتقديري لكي

كامل رانا جيران وعايشين في مجتمع يعني الواحد لازم يكون حدر وخلاص
شكرا على المرور

 

[mira bey]

الحمد لله عندنا جيرا الله يبارك عليهم تقولشي رانا عايلة وحدة ربي يبعد العين علينا هادا مكان هههههههه
بصح كاينين جيرانا ربي يستر منهم يسرقو في بعضاهم في رمضان و يطيحو لبعضاهم ولله تبعدي عليهم احسن

 

[mer10]

rabi yahdi