قالك بحرنا مع الفاميليا في منتها الادب والحشمة

ي

يسرى 2008

:: عضو متألق ::
أوفياء اللمة
السلام عليكم ورحمة الله تعالى وبركاته
الموضوع باين من عنوانو التبحار مع الفاميليا زعما مازال يصلح في بلادنا
كالعادة وفي كل صيف نروحو مع الفاميليا تاعنا كبار وصغار ونبحرو نهار مليح
من 6 تاع الصباح حتى الليل ونجيو مروحين
مي الدعوة مش كيما تحسابوها
اللبسة تاع البنات متشوفهاش شبه عارية ولا تقدر تقول عارية كاملة
الدراري تداور تحشم حتى تعوم قدامهم في البحر لانهم مستوليين عليه
ولا الكلام الله يبارك الزين الي يخرج من افواهم غير السبان والكلام العيب
تلقا الطفلة تداور باش تدي نيميرو تاع شاب التما
متقعدش تقعد دقيقة التما في الجو هداك ساعات تقول نقعدو في الدار خير من نروحو نحوسو ونديرو الدنوب
خلاصة القول مبقاش التبحار اونفامي في بلادنا بقا غير قلة التربية والعرا وين رايحين بيها العقلية هادي
ربي يهدي وش رايكم في الظاهرة هادي
وزعما كاين بحار تصلح للتبحار مع فاميليا
ابارامو في عنابة مبقاتش
 
مانروحو للبحر مانشوفو الي ماينشافش
خير لينا نقعدو فالدار مقابلين la télé ولا,net
هكدا مانشوفو ماندو دنوووووووب هههه
مارسي ليك يسرى على الموضوع ​
 
عندي تلاث سنين ماروحتش للبحر لخاطر خلااااص ماتقدرش توقف كيف كيف انت واخوك ولا باباك في بلاصة كيماهكذاك
بالصح اختي الشئ اللي رانى نشوفو فيه حتى فالشارع دوكا تقدري تقولي تحشمي تمشي انتي وخوك ولا محرم لييك
خلينا نريحو فالدار خير ... خلي البير بغطاه
شكرا أختي على الموضوع
سلااام
 
مشكورين على الرد
كيما يقلك اقعد في دارك تستر عارك
 
و الله يا العزيزة معاك حق و المشكل مش غير فالبحر حتى كي تخرجي برا تحشمي تهزي راسك مليح نقعدو فالدار فهاد الصيف و ما نخرجو و ما نبحرو خير ههههههههه بويسك راهي فضايح الناس ما تخافش ربي ربي يهديهم
 
يخي حالة يخي العباد هبلو ا سوسو ختي مرسيييييي
 
3andak elsah ya khti
elkharja klalat besbabe el3ibad li kima hado
 
روحو للبحر وغمضو عينيكم هههههه باش متدوش الذنوب ولا نقولكم حاجة شوفو البحر برك في التيلي
انا والله نحشم كي نكون ما جدي ولا خالي وتجي فايتة اعلينا وحدة نصها لابس نصها عريان
وش هد حابين يستعمرو الزنقة هههههههههه
مرسي علي الموضومع فوووووور كيفك
 
والله عندك الحق خيتوو
ديك اللبسة الله الله وهديك الهدرة كيما قلتي
حنا العام لي فات أنا قاعدة مع ماما وبابا وجا الطفل يهدر معايا ياه حمرت وصفرت وخضرت مالقيت ماندير يبست في بلاصتي ههههههه واش نقولك ربي يسترنا البحر ولا قفة تاع الذنوب تروحي فارغة ترجعي معمرة
مشكوووووورة خيتو عالموضوع
​
 
شكرا حبيباتي على الموضوع
فعلا اصبح مجنمعنا مليئ بظواهر دخيلة
غريبة علينا مخجلة لكن......؟؟؟؟؟؟؟؟
هذا الانساحب والهروب يترك المجال لنموا هذه الامراض الطفيلة
على المجتمع الوقوف يوجه هذه الامراض والا فالمجتمع ينزل في هاوية عفانا الله منها وحفظ بلدنا من اهوالها
 
لالا ختي حتى الواحد لازم يعرف وين يروح كيما البحر في جيجل الناس كامل مسطورين كي البنات كي الرجال واحد مايدنا ليك مالgري حنا قريب لينا بحر تع بجاية مي كي علابالنا وش فيه مانروحولوش pcq هاداك لناسوا.....شكرااااااااا
 
اييه وين وصلنا
الواحد ما يقدر ابداآ يطلع مع عائلته
لكن احناآ اذا بغينا نروحوا للبحر نروحوا مورا العصر وما نجوش حتى ورا المغرب
يعني حتى الناس كاآمل تروح وتقدر تريح مهني
و كيما قلتي قلييييل وين تلقي شواطئ للعائلات بل ونااااادر
لكن مرة رحنا وحد الشاطئ اسموا )مسلمون( بتيبازة على ما أظن المهم لقيناااه فااارغ \\ررحناآ الصبح
ولقينا غير العائلات والمتحجبات برك
وكي سقسينا قاآلك طالقين إشاعة أنه مسكوون ههههه
فحتى واحد ما يجيهش
المهم ربي يهدينا
وشكرا لك على الموضوع
=)​
 
kayan les plage mlah :shiny:ana rani rayha n3oum
 
مشكوووووووووووورة موضوع رائع
 
هذا كل من قلة التربية
وللا عيب كل هذه الضواهر

لكن كاين دي بلاج محترمة
للعلائات فقط

والمناطق تختلف فقط

انا غي سمانة الي فاتت الي جينا
مي كنا في واحد لابالاج محترم رائع
فيه اصحاب الي يسكنو التم فقط

ومالاحاضته
ان الناس تعاند بزاف
كي تلقا بلاصة محترمة
هي تاني تلتزم

وكي تلقا بلاصة فيها غير للعرى تكمل

باسكو جاتني بيزار
قعدت 15 يوم
وانا نشوف غير المحجبات في لابالاج
والي يعومو بيانسور

لوكان جاو قاع هكداك فور


الف شكر اختي على الموضوع


 
لازم نديروا ........بلاج اسلامي ولا كيفاه ؟؟؟؟؟؟
 
يا حسرا على التبحار اون فامي
ملي بديت نكبر مزدناش درناها التبحيرة
 
لي بغى حشمة يبقى في دارهم مايروحش لبحر ​
 
موضوع في القمة

you are the best

مي كاين حاجة صغيرة ختي

نتي راكي تقولي مابقاش تبحار en famille ...برك!!!

cad عندما ماتكونيش مع la famille تنجمي تبحري عادي؟؟
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom