هل لديك حبيب ؟؟؟؟

[وفاء22]

السلام عليكم
اليوم اتيتكم بموضوع ان شاء الله يعجبكم و يلقى ترحيبكم و طبعا يتشرف بردودكم
الموضوع يدور حول وقائع يومية لنا
المهم دار حوار بين فتاتين الفتاة 1 سالت الفتاة 2هل لديك حبيب؟
الفتاة 2 اجابت بلا
الفتاة الاولى قالت لماذا؟هل خوفا من اهلك ام لم تجدي شخصا مناسبا؟
ردت الثانية لا لكن انا مقتنعة بفكرة المكتوب يعني في الاخير ان كتب الله لي الزواج ساتزوج الشخص الذي كتبه الله لي و ليس بالتحديد من هو حبيبي
فقالت الفتاة 1 هذا احسن لك فان احببت سوف تتالمين فقط انا احسدك
ما رايكم في الحوار مع اي فتاة انت و هل اصبحت اقامة العلاقة هي الحل للزواج؟​

 

[loca]

لالالا مش الحل ومندو غي لي كتابهون ربي بصح هادي نفس انسان كل ماهو محرم مرغواب ولا منعرف كي يقولولها
انا راني من راي شيرة لي قالت مكتوب
وكان غي رانا نندمو قبل لا نغلطو بروبلام نغلطو بعد نندمو
هادي دنيا
مــــــــــرسي ختو ​

 

[خفيف الروح]

وجهة نظري القلب يتمد بضمانات

ومكانش ضمانه كيما العقد على الاقل

كا قلتش العرس.

كي يقرب واحد ويكون قادر على الزواج وموفرلو شروطو

يبدى يحوس في فترة وجيزة

وقادر يلقى اللي تدخل في قلبو

راني نتكلم على الرجال

ام النساء
تحكم دارها وتستنى حتى يجي مكتوبها

والا تصبح لعبة

سلامات مع التشكرات على الموضوع
​

 

[دعاء19]

انا مع الفتاة التي مقتنعة بالمكتوب لان المكتوب مامنو هروب ولي بغاها ربي هي لي غادي تكون

 

[وائل ابن الجزائر]

كان موقف و رد البنت رائع

شكرا جزيلا لك اختي وفاء على الطرح الرائع

ننتظر جديدك​

 

[Amoula ALG]

وانا ثاني مع رد البنت الثانية parce queكل شي بالمكتوب
والعلاقات لي راهي صايرة درك يعني
قبل مايتقدملها الشاب وهي عاملة معاه علاقةشي غالط ومايرضاش عليها ربي
مشكورة ختي على الموضوع​

 

[صفـاء و نقـاء]

أنا مع رأي البنت 2

كل شيئ في هذي الدنيا بالمكتوب وحنا لاه نكسرو رسنا ونجيبوا المشاكل لروحنا

البنت اللى قعدت تستنى مكتوبها اللى يجيها لدار خير من هذيك اللى دير حبيب

متربح رضي الله ولا رضي الولدين

مشكورة على الطرح

 

[وفاء22]

شكرا على المرور انرتم الموضوع بارائكم الرائعة بارك الله فيكم​

 

[mira bey]

صح عندها الحق البنت 2 كلشي بالمكتوب احسن متروحي ديري علاقة مع واحد متعرفيهش يطمعك يالزواج ومن بعد يروح ويخليك و زيد ربي مش راضي عليك نخليوها على المكتوب احسن

 

[fifi18]

انا مع البنت المقتنعة بالمكتوب لانو في الاخير كل واحد يدي واش كتبلو ربي

 

[مايا الجزائرية]

اسلوب خاطئ كما انه غير مقنع ...من قال انا الحب يؤدي للزواج ومن قال ان الزواج يولد الحب ..بمعنى آخر الكثير يعلم انا الزواج يولد حب الجسد لا غير وينكر ذلك لاسبابه الخاصة وان القليل من يحب لغير ذلك ..علاقة ام لا نفس الشي ..فان ارادات الفتاة اقامة علاقة قبل الواج فذلك لاختيار شريك حياتها وعيش قصة مثل الافلام من وحي الواقع لا بل من وحي الخيال

 

[نور الهدى22]

السلام عليكم
بصراحة موضوع جميل للنقاش
أنا بصراحة نفضل المكتوب ونفضل العلاقات التي تتم في شفافية
واش فيها إدا الوحدة استنات مكتوبها على خاطر بزآآآآف من العلاقات قبل الزواج
تجيب غير المشاكل
شكرآآآآ على الطرح​