السلام عليكم
و الله يا خويا هذا امر شائك
من الناحيةالدينية أنا تبالي بلي ربي ما حللش تعدد الزوجات إلا لحكمة معينة رابي دايما يدير غير المليحة
و مانظنش بلي هذاك وقت و هذا وقت لأن القرآن و الاسلام صالح لكل وقت و كل زمان
بالصح هو أيضا امر بالعدل و هذا ألي أظنه صعيب و ما على الرجال غير يوضحونا
تبالي بلي تعدد يضر الراجل أكثر من المرأة
فهل تظن بأنه ساهل عليه باش يجي قدام ربي و نصفه مشقوق ( لعدم قدرته على العدل )
و لا ساهل باش يقابل ربي و هو ظالم لأحداهن
المرأة بطبيعتها ما تحبش ألي يشاركها زوجها
بصح أيضا بطبيعتها صبورة تتحمل الاساءة و تحتسب الاجر عند الله
أنا في هذا المنبر ما نتكلمش على العنوسة هذا موضوع آخر
بصح نتكلم على الفساد و كثرة الزنا في المجتمعات الاسلامية
كيفاش المرأة ترضى راجلها يصاحب و مترضاش يتزوج لأن الراجل ربي خلقه هكذا ما تكفيهش وحدة ؟ ما علاباليش علاه
(هاذي يجاوبوني عليها الرجال ماعرفتش علاه )الحرام يدور عليها و على ولادها الله ينجينا
هي حاجة ماشي ساهلة بصح لابد منها
إذا كانت متزوجة مع راجل قدرته أكبر منها و هي أدرى
إذا كانت متزوجة مع راجل غني أكيد انه راح يعاود يتزوج عليها
هذا رأيي بالعقل لكن بعاطفتي كأنثى شيء صعيب بزاف لكن غير مستحيل
و أنا ما نفارقش زوجي و أبو ولادي و حبيبي و رفيق دربي أبدا مهما كانت أخطاءه و تصوراته
i-o:
