ماذا ستطبخين اليوم سيدتي الجزء 3

[ibtesem]

مرحبا بيك ام اروي واش راكي اختي ياك انتي لعايشة في الخليج
هدي غيبة

 

[ام منصف]

لانو صورة ماشي واضحة عندي
كبري تصاورك شوية :santa_1:
اممممممممممممممممم رحتو تهبل احنا نخدموه في الدار من جميع المكوتان
نرحوه عند الشاوي تاع لكوانة يخي تعرفيه _o:

ركزيلي على الشاوي
*
*
مساء الخير على جميع الحاضرات والغائبات
صح غداكم كامل
احنا غدانا شكشوكة بالبطاطا والجريوات
مع السخانة هذا ما يصلح
​

 

[ibtesem]

ركزيلي على الشاوي

*
*
مساء الخير على جميع الحاضرات والغائبات
صح غداكم كامل
احنا غدانا شكشوكة بالبطاطا والجريوات
مع السخانة هذا ما يصلح​

اهلا ام منصف

راني كبرتهالك يالبنت شوية :sheer:
خيار الناس
متقوليليش تعرفيه او منصف

 

[ام منصف]

ما عرفتش منه اللي تقصديه على خاطر كاين بزاف شاوية هنا في بسكرة وانا وحدة منهم
وضحي اكثر ونقولك نعرفه والا لالا؟
​

 

[nada242008]

بصحتك ايمان جاتك تشهي سخفتيني في المقرونة امممم
ام منصف بصحتكم الشكشوكة والله هذا مايليق
عفاف يعطيك الصحة على الاطباق جاري الزيارة

 

[حاملـة المسك]

رغود ماتتعبيش من تسجيل دخول تسجيل خروج
ياختي انا مكنكتيا 25ساعة
نكره نكتب اسم المستخدم وكلمة السر

عندكم ساعة زايدة في المريكان
انا بلا نعمر الاستمارة نضغط على المفتاح فقط ندخل مباشرة للمة
موجود في أعلى الصفحة...أحيانا لما نختفي هداك راني فقدت الاتصال
إيمان ندى أم أروة أم منصف بصحتكم وش طيبتو
اليوم مع القهوة عملت بسبوسة على طريقة آسيا
بصحتكم القهوة​

 

[imane27]

الله يسلمكم خممتو على لعشاء ولا

 

[nada242008]

والله يا ايمان راني غير نطلع ونهبط مازلت حايرة :schmoll:
رغوودة بصحتك البسبوسة انا عندي مدة ماطيبتش حاجة حلوة
الزوج رجيم وانا مانحبش الحلو

 

[أم دودو]

صح غداواتكم الكل
أم ندوشة بصحتك مرقة الزيتون
أم منصف غداك هو عشاي تاع البارح يحير الواحد واش يدير في هذي السخانة
عفاف يعطيك الصح عالوصفات جاري الزيارة في أقرب وقت
باقي البنات صح غداواتكم كامل
أنا اليوم عملت محاجب حارين باللحمة المفرومة

​

 

[nada242008]

ام دودو بصحتك المحاجب يشهو اممممم

 

[omarwa]

وبك مرحبا اختي ابتسام انا هي الله لا غيبك مبروك عليك الاشراف اهلا بكل الاخوات باش ماننسى حتى وحدة

 

[omarwa]

بصحتك ام دودو المحاجب يبانو هايلين

 

[ibtesem]

مساء الخير عليكم يالبنات انا اليوم نعمل حوت فيلي مع لبيري
سلطة خفيفة ان شاء الله
كي تخلص راني نوافيكم بالصور

 

[imane27]

بصحتكم ام دودو محاجب يشهو
ندى رانى غير نخمم مشاء الله على ندودة خرجو عليها لحوايج

 

[الاختان سوسو ونونا]

مساء الخير لبنات اليوم رحنا لحفلات التخرج تاع صحاباتنا شبعناحلويات عقوبة لمزالو اليوم غدانا مرقة زيتون والعشاء لبيري واللحم مشوي صح عشاواتكم كامل
حقاام ندى تعيشي حطيناوصفة التليتلي لماشي مفور يعنني شحال نحطو المرق لكيس من التليتلي وجزاك الله خيرا

 

[nada242008]

مساء الخير لبنات اليوم رحنا لحفلات التخرج تاع صحاباتنا شبعناحلويات عقوبة لمزالو اليوم غدانا مرقة زيتون والعشاء لبيري واللحم مشوي صح عشاواتكم كامل
حقاام ندى تعيشي حطيناوصفة التليتلي لماشي مفور يعنني شحال نحطو المرق لكيس من التليتلي وجزاك الله خيرا

المرقة في التليتلي ماقستهاش يعني عيني ميزاني
شوفي في كيس تليتلي
مثلا تكون كمية المرق 3 ارباع الطنجرة
والتليتلي يعمرها بحوالي النصف
انا الطنجرة تاعي صغير تهز حوالي لتر
بصح لازم النار تكون متوسطة وكي يبدا يغلي تنقصي عليها خلاص وتغلقي طنجرة الظغط وبعد ما ينشف ماتحليهاش الا بعد 5 الى 10 دقائق لانو يكمل طيابو بالبخار
وتراقبيها حتان تنشف
طريقة سهلة خلاص والنتيجة والله رائعة

 

[الاختان سوسو ونونا]

صح غداواتكم الكل

أم ندوشة بصحتك مرقة الزيتون
أم منصف غداك هو عشاي تاع البارح يحير الواحد واش يدير في هذي السخانة
عفاف يعطيك الصح عالوصفات جاري الزيارة في أقرب وقت
باقي البنات صح غداواتكم كامل
أنا اليوم عملت محاجب حارين باللحمة المفرومة ​

امممممممممممممممممممم بصحتك

 

[nada242008]

الله يسلمك ايمان عقبال ماتكبر ريمة وتشوفيها عروسة :sheer:
انا راني عجنت الفريكاسي :showoff:

 

[الاختان سوسو ونونا]

المرقة في التليتلي ماقستهاش يعني عيني ميزاني
شوفي في كيس تليتلي
مثلا تكون كمية المرق 3 ارباع الطنجرة
والتليتلي يعمرها بحوالي النصف
انا الطنجرة تاعي صغير تهز حوالي لتر
بصح لازم النار تكون متوسطة وكي يبدا يغلي تنقصي عليها خلاص وتغلقي طنجرة الظغط وبعد ما ينشف ماتحليهاش الا بعد 5 الى 10 دقائق لانو يكمل طيابو بالبخار
وتراقبيها حتان تنشف
طريقة سهلة خلاص والنتيجة والله رائعة

ربي يخليك ويحفظلك ندودة رايح نجربها

 

[عفاف الجزائرية]

انا للعشاء عملتلهم روز بالخضار
وفلفل
وديسار
نكمل ونحطلكم