ماذا ستطبخين اليوم سيدتي الجزء 3

[A_abir]

وهدا قاتو درناه في نجاح اختي في البيام حبيت نوريلكم

 

[ام حبيب]

الف مبروك علي اختك عقوبة للباك وحلويات روعة يعطيكم الصحة

 

[nada242008]

هذا عشايا جبدت شخشوخة الظفر من الكونجيلاتور سخفت عليها ندى
وزدت معاها سلاطة

بصحتكم فوفة عشا يشهي
عبير الله يبارك حلويات رائعة والرفيش يبان بنين
مرحبا بيك معانا نورتينا

 

[تسنيم الهناء]

سلام لبنات
صح عشواتكم و غداواتكم و قهواتكم
مبروك نجاحاتكم و الله يهنيكم الكل
انا قبيل جربت الخبز البلغاري لي حطاتو الحبوبة روز
حشيتو بالدجاج و الزيتون و الفرماج و الدبشة
الحمد لله عجبهم
(روز الظاهرة ندورها طبخ خير من تكسار الراس انتاع لكتيبة جابتلي نش عظيم):sadwalk:

تصبحوا بالف خير و احلام سعيدة
​

 

[nada242008]

امممم جاك هايل تسنيم ومورق يعطيك الصحة

 

[اميرة الساحل]

قاطو هايل اختي عبير و رفيس روووعة و مبرووووووك النجاح لاختك عقوبة للباك ان شاء الله
صحا عشاك ام ندى بصحتكم
تنسيم الهناء تطبيق ممتاز و يشهي من الصورة
جميع الاخوات مشكورات على المشاركات و مجهودات​

 

[حكيك]

سلام عليكم
تفضلوا

https://www.4algeria.com/vb/showthread.php?p=3387854#post3387854

 

[روعة2005]

بصحتكم عبير ومبروك النجاح
بصحتك ندوش .........واميرة الساحل........وتسنيم الخبز جاك روعة

 

[روز]

دهبيتو قاطوك رائع مبروك لاختك متقون وهايل وتاني عبير ماشاء الله عليكم لعقوبة لنجاحات اخرى

بصحتكم وش طيبتو كامل ام ندى تسنيم عفوفة بائعة الكبريت ومبروك زواج بنتك يا حكيك لعقوبة للذرية الصالحة ان شاءالله
تسنيم يا تسنيم ههه راكي مليحة في المطبخ والفي هنا خير نوصيك جاك هايل الخبز والحشو أكيد زاد فيه النص راني ناوية المرة الجاية الحشو نوزعو على العجينة كاملة ونلويه شغل بسكو غولي باش البنة تبان اكثر
(أما على النش النش لي جاني يعلم بيه ربي برك لكن هذي هي.. لازم تدفعي ضريبة الابداع

راني وليت نشوف اكثر مما نشارك ونهدر
راه المورال هابطلي هذ الايامات تاع الصح ادعولي تروح عليا هذ الضيقة

​

 

[ام منصف]

السلام عليكم
بصحتكم لبنات كامل واش طيبتو ومبروك لكل الناجحين ربي يدوم الفرحة
​

روحت البارح في الليل ما تهنيتش بالتحويسة:cra_zy:

توفى راجل عمة زوجي ربي يرحمو فاضطريت اني نروح:sadwalk:
غدانا اليوم بربوشة او كسكسي
​

 

[tasnim55]

السلام عليكم وشراكم انشاء الله كامل بخير
فوفة مشكوووووورة حنونة على الوصفة
بائعة الكبريت مشكوووووورة على الشرح يعطيك الصحة حبيبتي
عبير حلويات رائعة الف مبروك النجاح للاختك انشاء الله يدوم الافراح
تسنيم الهناء الخبز جاك رووووعة بصحتكم
اختي روز انشاااء الله لاباس عزيزتي وربي يعوض الضيقة بالفرحة واتساع البال يارب
سلامي الحار لجميع احبابي كل وحدة باسمها وصح غداكم
​

 

[tasnim55]

ام منصف عظم الله اجركم انا لله وان اليه راجعون
​

 

[روز]

عظم الله أجرك ام منصف وربي يصبر أهله يارب
شكرا تسنيم ان شاء الله مااطولش وتروح ربي يهنيك
​

 

[روعة2005]

ام منصف عظم الله اجركم انا لله وان اليه راجعون

وروز ضيقة وتروح اسغفري الله عز وجل ومايكون غير الخير
​

 

[روعة2005]

 

[روز]

يعطيك الصحة فوفة ربي يخليك ان شاءالله خير

بصحتك وش طيبتي هذاك سلق!

 

[rima29]

عظم الله اجركم ام منصف​

 

[imane27]

سلام لبنات واش راكم صح فطوركم
ام منصف عضم الله أجركم ان لله وان اليه راجعون
لبارح درت بيتزا للعشاء

 

[rima29]

بصحتكم البيتزا ايمان
جاتك روووووووووووووووووعة​

 

[روعة2005]

الله يسلمكم حبيبتي روز هذاك عدس في الكوشة
بصحتك ايمان البيتزا مممممممم