ماذا ستطبخين اليوم سيدتي الجزء 3

[روعة2005]

الياغورت ذوق فراز رغودة
---------ربي يتقبل منكم بسومة وشوشو
شكرا الجيغواز على التوضيح
تسنيم السفنج جاك هايل ​

 

[ibtesem]

انا وقيلة نعمل كفتاجي ان شاء الله و حسوة نكسر بيها الصيام كاشربة
يمكن سلطة منوعة ادا خلصت بكري راني نصور ادا مكانت غدا لاننا نفطرو متاخرين

 

[ام منصف]

بصحتكم البنات
بائعة الكبريت بارك الله فيك اختي

الدوخة راهي تدي فيا وتجيب الصيام والسخانة وزيد التريسيتي ساعة على ساعة يروح
* يا ويلي *

وعليه عشايا او بالاصح فطوري راح يكون دجاجة من برا احم احم

وفريت وسلاطة وديسار
اذا قدرت نحطلكم الصور ان شاء الله
بسومة خيرلك ارواحي تفطري معايا ههههههههههههه مابقاش ياسر للمغرب
* ساعتين برك نصبر في روحي *
​

 

[تسنيم الهناء]

سلام لبنات
روز الله يفرحك وخيتي كيري خاطرك برك
ام ندوش و عفاف و دهبيتو بصحتكم التحواس و نستناو التصاور اكيد
ام منصف حتى انا صايمة نعيا نجي انا عندك نفطر راكي قريبة عليا حكاية ساعة طريق نكون عندك

و صح فطوركم بسوم و ام منصف و لي صايمة الكل
ربي يقبل
​

 

[بنت الجسور المعلقة]

مساء لخير عليكم صحا فطورك أم منصف الله يتقبل
ليوم ام ندى مبناتش نشاله يكون غيباهآآ خير

 

[ibtesem]

ندى راها في القالة يا بنت قسنطينة
تصيف
والباقي صايم
كوزينة راها تصفر
ام منصف راني جاية وقيلة نتاخر شوي مي استنايني

 

[برنســ اللمة ـيسة]

السلامك عليكم
تقبل الله صيام الجميع
صحا فطوركم
و الله سخفتوني في الصيام مي الله غالب الايامات هاددو مع الميناج نعاون في ماما حتى نخلصو غدوا بربي انشاء الله و نبداها بالخميس
ربي يقدرني برك
مالا يا الصايمات فطوركم عندي
قهوة و رفيس

و هادي السلطة درتها لمرت عميفي الغداكي دارت الغدا لوليدها
صورتهالكم بصراحة انا عجبوني الصحان برك هههه

و الشخشوخة و الباقيين مالحقتش نصورهم الله غالب
و راني جايتكم بالعشا من يديا
أحم احم
انا ساعا ساعا يهديني ربي و نفحال في الدار هههه​

 

[بنت الجسور المعلقة]

ندى راها في القالة يا بنت قسنطينة
تصيف

ايه واش نقولك يا حنونة بصحتهآآ طريق لخير ونشاله ترجع بخير

 

[l'algeroise]

مساء الخير عليكم كامل
tassnim55 شكرا أختي على الوصفة
ibtesem و تسنيم الهناء صح فطوركم
PRINCESSE WA أطباق هايلين سيرتو الرفيس نموووووووت عليه
أنا غدايا كان "فطير"

ولعشا شكشوكة espagnol و سردين
صحا عشاكم كامل

 

[برنســ اللمة ـيسة]

البنات راح نسقسيكم القرنطيطة واش هي؟
ديما نشوفكم هنا دايرينها مي مانعرفش كيفاه​

 

[برنســ اللمة ـيسة]

l'algeroise

بصحتك الفطير انا تاني نموت عليه مي نقولو النعمة مش الفطير
شهيتيني​

 

[l'algeroise]

princesse wa وينا منطقة يقولولو النعمة جامي سمعتها في العاصمة نسموه "فطير" و في سطيف "مفرمسة" وكاين لي يسموه "شخشوخة لبساكرة" القرنطيطة هي حمص مرحي

 

[imane27]

مساء الخير عليكم واش راكم صح فطوركم وعشاكم

 

[rima29]

بصحتكم كاااااامل حنوناتي انا اليوم درت روز مفور
وسلاطة​

 

[ام منصف]

مرحبا بيك تسنيم الهناء عندي نفرشلك الارض ورد وصحى فطورك
PRINCESSE WA ربي يخليك على هذيك السنية يعطيك الصحة وتسلم الايادي
بسومة احنا فطرنا وخلصنا بانتظار فطورك انت ثاني
هذا هو عشايا

بصحتكم كامل
​

 

[برنســ اللمة ـيسة]

princesse wa وينا منطقة يقولولو النعمة جامي سمعتها في العاصمة نسموه "فطير" و في سطيف "مفرمسة" وكاين لي يسموه "شخشوخة لبساكرة" القرنطيطة هي حمص مرحي

النعمة نقولولها في ميلة و في التلاغمة بالضبط معروفة بالنعمة

و شكرا جزيلا على المعلومة
​

 

[rima29]

يمممممممممممممم
فطورك يشهي ام نصف
ربي يقبل حنونة​

 

[ام منصف]

حالياً الأعضاء النشيطين الذين يشاهدون هذا الموضوع : 49 (22 عضو و 27 ضيف) ‏ام منصف, ‏anfal96, ‏arsalane, ‏أم عبدالصمد, ‏ام التوام, ‏امة الرحمن, ‏اسال الله الفردوس, ‏بنت الجسور المعلقة, ‏fati mosta, ‏ibtesem, ‏l'algeroise, ‏lima, ‏mimi53, ‏nassima88, ‏شذى الزهور, ‏PRINCESSE WA, ‏samora68, ‏s_luna, ‏tasnim55, ‏غزالة الصحراء, ‏wassila21, ‏فايزة1207
مرحبا بيكم معانا

 

[ibtesem]

صح فطورك ام منصف ربي يتقبل منك يارب
بارك الله فيك والله كاني كليت معاك
لالجرواز امممممممم شخفتيني في الشخشوخة
برنساس مشاء الله على الطمينة والسلايط

 

[imane27]

البنات راح نسقسيكم القرنطيطة واش هي؟


ديما نشوفكم هنا دايرينها مي مانعرفش كيفاه​

برانسس قرنطيطا هي اكلة بلحميصة
ديري 400غ حميصة مرحية يعنى فرينة راهى تتباع وزيدى ملح كمون و2 لترات ماء ودربهم باتور ولا فوي اومعد دربى 2 حبات بيض وضفهم ونتى تضربى و ربع كاس زيت وفرغى لكل فى سنوة ودخليها للفرن حتى طيب وتحمار من فوق
انشاء الله فهمتينى