دارو لعراس وماسرقوشي؟

[صفـاء و نقـاء]

سلام ياناس اللمة :ax_flw:​

واش لحوال لاباس​

حابة نهدر على ظاهرة تحيرنى وتقلقنى :angry:​

موجودة بزاف في مجتمعنا ​

هي ظاهرة السرقة في الأعراس​

ماكانش واحدة rarement ماتسرقتش والا sois disant بحرت حاجة ولو مرة في حياتها ​

املا أنا خممت:um_sh: ولقيت الحل وهو نوليو نرحو للعرس​

بذهب palqueor ونديوا معانا بورتابل​

1100 والحوايج مانلبسوش حاجة
chicولخاطر اذا ماسرقوناش مايضربوناش بعين الفوارة ههههه​

المهم نوليو نرحو متواضعات بال minimum​

ولا واش رايكم أنتم في هذي الظاهرة

واللى عندها ولا عندو تجربة يحيكها لنا ​

سلام ​

 

[صفـاء و نقـاء]

شكرا على الأعتماد

..........​

 

[ماكانش]

ههههههههههههههههه
أهلا اشراقة امل
هذي كاثرة بزااااااف في وسط النسا
وديما نسمع حكايات من عند الوالدة
واقيلا حتى هيا سرقولها صوارة ولا مروحة ولا مانعرف ... هههههه​

 

[دنيا البسمة]

هاذي راهي كاينة بزااااااااااااااااااااااااااااااااف ياما وياما سرقولي
مرة خمار مرة صباط
مرة بنت خالتي سرقولها مناقش نتاع الذهب لحد ضوك والله لا خبر
مرة 500 الف طارت الله اعلم وين
وزيد وزيد وزيد
ربي يهديهم يكونو جايين يزهاو ويرقصو يعشيو يبكو وينوحو

 

[بلادي نبغيك]

انا بعدي وخونولي ,,,,,,,,,,,,,,,,,,,,,,,,,,,,,,,,,,,,,,منقولش في عرس لافامي ياو حتى في الموت الخيانة عجب راه صاري

 

[صفـاء و نقـاء]

ههههههههههههههههه

أهلا اشراقة امل
هذي كاثرة بزااااااف في وسط النسا
وديما نسمع حكايات من عند الوالدة

واقيلا حتى هيا سرقولها صوارة ولا مروحة ولا مانعرف ... هههههه​

أهلا خويا

والله معاناة تاع الصح

أكيد سرقولها مكان حتى واحد سلم من السرقة في العراس

منعرف الرجالة ثانى يتسرقوا ولالا

مشكور أخى ​

 

[صفـاء و نقـاء]

هاذي راهي كاينة بزااااااااااااااااااااااااااااااااف ياما وياما سرقولي
مرة خمار مرة صباط
مرة بنت خالتي سرقولها مناقش نتاع الذهب لحد ضوك والله لا خبر
مرة 500 الف طارت الله اعلم وين
وزيد وزيد وزيد
ربي يهديهم يكونو جايين يزهاو ويرقصو يعشيو يبكو وينوحو

شفتى ربي يهديم

منعرف كيفاه جيهم البنة يسرقوا

ونحير كيفاه ميتفضحوش

مشكورة ختى​

 

[صفـاء و نقـاء]

انا بعدي وخونولي ,,,,,,,,,,,,,,,,,,,,,,,,,,,,,,,,,,,,,,منقولش في عرس لافامي ياو حتى في الموت الخيانة عجب راه صاري

والله غير صح

ولات عادة وين كاين الناس متجمعين لازم تكون سريقة

وبزااف في لعراس

شكرا​

 

[kojak]

لازمنا المحقق كونان وتوقوموري ...ندوهم معانا في الفاليزات تواع لعراس .....باش كشما يوقع نفسخوهم
​

 

[صفـاء و نقـاء]

لازمنا المحقق كونان وتوقوموري ...ندوهم معانا في الفاليزات تواع لعراس .....باش كشما يوقع نفسخوهم​

ههههههههههه هذي فكرة مليحة

بصح لازم كل واحد فينا يكون عندو المحقق كونان وتوقوموري

باه منضلوش نسلفوا على بعضنا

تخف ثانى يسرقوه نورمال يقدرولو

شكرااااااااا​

 

[حذيفة بن اليمان]

ما عندي ما نقول

 

[kadysom]

عند النساء كاينة بزااف عند النساء

الناس تسرق بنك،تسرق سيارة

وحنا نسرقو صباط،هاتف مدرح

والله عيب

 

[{مُدَلَّلَتُهُ}]

ههههههههههه تروحي للعرس مع هاداك الزهو تنساي كل شي تزهاي صح مي ممبعد تخلصي تروحي تفتشي الصاك تلقايه فارغ ( هادا لا لقيتيه ) لا كنتي داية لبسة معاك و نسيتيها طاارت هادي بلا ما نهدر على الصباط يبغو ينحوهلك من رجلك هههههههههههههههههه

يعطيك الصحة على الموضوع

 

[فؤاد الورقلي]

سلام


روحو للعرس وما تدو معاكم والوووووووووو هه

شكرا​

 

[صفـاء و نقـاء]

ما عندي ما نقول

شكرااااااااااااااا​

 

[صفـاء و نقـاء]

عند النساء كاينة بزااف عند النساء

الناس تسرق بنك،تسرق سيارة

وحنا نسرقو صباط،هاتف مدرح

والله عيب

السرقة سرقة سوا كا بنك ولا صباط

وعندك الحق هذا مؤشر على التخلف ​

 

[صفـاء و نقـاء]

ههههههههههه تروحي للعرس مع هاداك الزهو تنساي كل شي تزهاي صح مي ممبعد تخلصي تروحي تفتشي الصاك تلقايه فارغ ( هادا لا لقيتيه ) لا كنتي داية لبسة معاك و نسيتيها طاارت هادي بلا ما نهدر على الصباط يبغو ينحوهلك من رجلك هههههههههههههههههه

يعطيك الصحة على الموضوع

هههههههههه والله غير صح

يجيو ملهوفين و مخطين كيفاه يسرقو

علابالك كاينين اللى عندهم ديبلوم في السرقة محترفات

مشكورة نونو​

 

[صفـاء و نقـاء]

سلام​

روحو للعرس وما تدو معاكم والوووووووووو هه​

شكرا​

وعليكم السلام

وقيلا هو الحل

نلبسو جبة الدار ونروحو بيها نى ذهب نى قش

العفو

كل الشكر لك ​