العرضة للعراس والزلزال الي يصرى

[هآجر]

السلام عليكم
وش راكم
لا كان عليا راني لاباس والحمد الله
باركولي على النيو لوك نتع تنسيق المواضيع والدود ديالي
بصح ديما الموف مساميني

اوكي متقلقوش راح ندخل في الموضوع ديراكت

موضوعي اليوم يحكي لما وحدة تتعرض للعرس وش يصرى http://www.muslmah.net/smile/smile_albums/*****/mus-19.gif
عندي خالتي عرضتها جارتها للعرس وهذا العرس راح يدار في اوتال يا سلام في الدورة نتع شابي ناس المظاهر وكذة والتبدير لاعلينا

هي سمعت بروحها معروضة قلبت الدنيا بالتليفونات http://www.muslmah.net/smile/smile_albums/*****/mus-314.gif
دارت زلازال تسونامي

الواااااااااااا فلانة جبلي خمارك هذاك مليح يهبل يليق للعرس
الوووووووووووووا فلاتانة جيبلي الساك نتاعك نتاعي راهو ديمودي ومعجبني حتى واحد كما رحت نشري
الوووووووووووووو يا فلانة بنت فلان سلفلي المقياس نتاعك (الذهب وممنعش يا خاوتي )
الوووووووووووووووووا يا الحلاقةاني نجيك النهار الفلاني على الساعة الفلانية بش نقص شعري ونجبدوااااا

او دوختني خلاه العفسة هذيhttp://www.muslmah.net/smile/smile_albums/*****/mus-165.gif وعندي نسا الفامليا الكل حتى يما العزيزة معاهم يديروا الزلازل هذا بعد مايسمعوا برواحهم معروضين
قلتلهم :ندعي ربي منوليش كيفكم كما نتزوج راكم هبلتوا

همسة : للرجال ونساء +21 ​

 

[هآجر]

شكرا على اعتماد الموضوع بسرعة ....................نخليكم ساهرين معاه

 

[ماكانش]

ههههههههه
اهلا راجية
ربي يحفظك
الحمد لله كثر من 21 سنة هههه
هذي عندكم بزاف النسا
فكرتيني بيما وختي كي يتعرضو لعرس يعيطو لخواتاتي لخرين ويعيطو لمرت خويا كاشما يجيبو ذهب وقنادر ههه
يعطك الصحة على الموضوع الباهي
ملاحظة:
كثرتي مواضيع على الزواج هههههههه
ان شاء الله فال مليح لينا وليكم .....​

 

[بنـ MaPa ـت]

وعليكم السلاام
هههه ماتحيريش ختي الناس كامل تسلف الحاجة المخيرة باش تظهر في اجمل صورة يوم العرس
وكامل يقولو انا راني خير من لخرة وانا لي راني شابة في العرس كامل يعني هادا هو الهدف تاعهم من التسلاف
غير كيما عيطتلي بنت خالتي (ايدا تسلفيلي الروب نتاعك ولا التايور) مزيا لي جا عندي عرس في نفس النهار لي عرست فيه هي قتلها راح نلبسهم في زوج هه مانقدرش....
انا اسوأ حاجة عندي كي يسلفو عليا الحوايج نحب حاجتي تبقى عندي وانا لي نلبسها ماكانش التسلاف آلي
مرسي على الموضوع الجميل وسمحيلي راني قل من 21 عجبني ميضوعك وحبيت نفرغ قلبي برك يا طاطا
​

 

[السلطانة]

وعليكم السلام
الحالة عندكم في عنابة تخوف
ليصال تاعكم تاع لبحر هادوك حاجة فور
بصح وبصح زعمة يديروهم غير ناس الهدات على حسب علمي
ويكونو ستايل زعم زعم
هيا صحيتي على الموضوع الشيك
تحياتي
​

 

[الورد الأحمر]

وانا كي نسمع بماما تعرضت نبقى ماما ماما أديني معاك
عندي مدة ما رحتش لعرس ما قعدتش باش نروح
كوم أنا الله يبارك عليا مشغولة بزاف أحم
ايه هذي الحالة راهي تدور pـاغ تو
ما ظنيتش أنا نديرها كاش نهار
أنا نحب نروح برك للعرس مي
تاع نقتل روحي بالمظاهر نو
مغسي عالموضوع
سلامو
​

 

[المتفائلة_91]

مرحباااا
الصح الصح انا في عراس الغراب والناس اللي ما يقربوليش ماندير والو ونبقى بخماري نخاف من التصوير ،،
بصح عند القراب ندير حااااالة لازم نشري كل شي جديد ، نكرهلهم حياتهم(بابا وماما) بالشريان والخرجة ،،
الحالة تتقلب والآخرة تنوض عندي

الله غالب نحب نصنع ،،، يعطيك الصحة

انا ضرك هكا ، مالا مباعد كيفاه^_^



نورمالمون مانردش،،، بصح هزيت الpـيرميسيون اك النهار

 

[amina_b]

عجبني ميضوعك مي دوماج قل من 21
شكرا نهدر شوي برك رااام خنقونا بهذ اللعبة نتاع التسلاف تقول قشهم مش ملييح
​

 

[Rosa2]

همسة : للرجال ونساء +21

آمـ آوتـ

//
هههـ
شكـ’ـرآ عـ’ـلى المـوضوع خ’ـيتوو
يع’ـطيكـ الصح’ـه ..~​

 

[kadysom]

القندورة تاع صحبتها
الخيمار تاع ختها
الصندالة تاع جارتها
والدهب من كل بلاصة

يعني الكدب في الكدب

 

[هآجر]

السلامعليكم
سباح الخير عليكم
راح نرد على كل مشترك واحد بواحد

مكانش

ههههههههه
اهلا راجية
ربي يحفظك
الحمد لله كثر من 21 سنة هههه
هذي عندكم بزاف النسا
فكرتيني بيما وختي كي يتعرضو لعرس يعيطو لخواتاتي لخرين ويعيطو لمرت خويا كاشما يجيبو ذهب وقنادر ههه
يعطك الصحة على الموضوع الباهي
ملاحظة:
كثرتي مواضيع على الزواج هههههههه
ان شاء الله فال مليح لينا وليكم .....

اهلا وسهلا منور الموضوع نتاعي
اهاملا يماك ثاني واختك ثاني هكة
وانا حسبتالمرض هذا غير عندنا
عمري لا تعرضت للعرس مي كوننتعرش منقتلش روحي
مرسي على المرور​

sendrine

وعليكم السلاام
هههه ماتحيريش ختي الناس كامل تسلف الحاجة المخيرة باش تظهر في اجمل صورة يوم العرس
وكامل يقولو انا راني خير من لخرة وانا لي راني شابة في العرس كامل يعني هادا هو الهدف تاعهم من التسلاف
غير كيما عيطتلي بنت خالتي (ايدا تسلفيلي الروب نتاعك ولا التايور) مزيا لي جا عندي عرس في نفس النهار لي عرست فيه هي قتلها راح نلبسهم في زوج هه مانقدرش....
انا اسوأ حاجة عندي كي يسلفو عليا الحوايج نحب حاجتي تبقى عندي وانا لي نلبسها ماكانش التسلاف آلي
مرسي على الموضوع الجميل وسمحيلي راني قل من 21 عجبني ميضوعك وحبيت نفرغ قلبي برك يا طاطا

اهلا اختي
اول حاجا منيش طاطك يا حنونة
ديجا انت اكي اتوروزي خاطر وجهك مهوش صحيح وتهدري بلمعقول
اني عليها قلت اقل من 21 منسحقهمش
درك نمدل الهمسة بصيغة اخرى
اماعن الرد ديالك وي التسلاف قتلهم ودارللهم زلال بصح والله طاهرة مهبولة
مرسي حنونة ​

وعليكم السلام
الحالة عندكم في عنابة تخوف
ليصال تاعكم تاع لبحر هادوك حاجة فور
بصح وبصح زعمة يديروهم غير ناس الهدات على حسب علمي
ويكونو ستايل زعم زعم
هيا صحيتي على الموضوع الشيك
تحياتي

اهلا شوشيتا
وي الي ديرو لتكم غير صحاب الهدات كما قلتي
مي بيني ووبينك منحملهمش خلاص خاطر يحساب في رواحهم مالكين الدنيا
ربي يهديهم
مرسي منورة ​

وانا كي نسمع بماما تعرضت نبقى ماما ماما أديني معاك
عندي مدة ما رحتش لعرس ما قعدتش باش نروح
كوم أنا الله يبارك عليا مشغولة بزاف أحم
ايه هذي الحالة راهي تدور pـاغ تو
ما ظنيتش أنا نديرها كاش نهار
أنا نحب نروح برك للعرس مي
تاع نقتل روحي بالمظاهر نو
مغسي عالموضوع
سلامو

اهلا يا منغوليانا
منورة الموضوع
انت اه حاجة مليحة كما متقليش روحك خاطر مهوش مهم المظهر المهم كما قبلتي العرضة
مرسي حنونة
تحياتي ​

مرحباااا
الصح الصح انا في عراس الغراب والناس اللي ما يقربوليش ماندير والو ونبقى بخماري نخاف من التصوير ،،
بصح عند القراب ندير حااااالة لازم نشري كل شي جديد ، نكرهلهم حياتهم(بابا وماما) بالشريان والخرجة ،،
الحالة تتقلب والآخرة تنوض عندي

الله غالب نحب نصنع ،،، يعطيك الصحة

انا ضرك هكا ، مالا مباعد كيفاه^_^



نورمالمون مانردش،،، بصح هزيت الpـيرميسيون اك النهار

اهلا حببتي
وي b1 sur مسموحلك تشاركي خاطر اكي عارفة عقلتيك فور
بصح نتع الفامليا معليش تخرج علينا ما نقتلوا رواحنا مي برانية نو مش مليحة
مرسي حنونة ​

عجبني ميضوعك مي دوماج قل من 21
شكرا نهدر شوي برك رااام خنقونا بهذ اللعبة نتاع التسلاف تقول قشهم مش ملييح

اهلين
اه انت منعرفكش راك جديد ة بلاك بصح منورة الموضوع مع انك خلفت الشروط
مشكورة : )​

آمـ آوتـ

//
هههـ
شكـ’ـرآ عـ’ـلى المـوضوع خ’ـيتوو
يع’ـطيكـ الصح’ـه ..~

بلا مزية بصح مفهمتش ردك وش معناه ؟؟؟؟؟؟؟؟؟؟؟؟؟​

القندورة تاع صحبتها
الخيمار تاع ختها
الصندالة تاع جارتها
والدهب من كل بلاصة

يعني الكدب في الكدب

مرسي مي وش معنها كذب في كذب يا تعمل رد واضح ولا مكلاه
مشكور ​

 

[Jeune Sghir Mc]

يا أختي الكريمة
راكي قلتي الموضوع لل+21 هذا راه فيه احتقار للأعضاء لي كيفي
وأنا مانسمحش بهذا الشي
وكي قتلك ذيك الخطرة بلي كاين عنصرية بين الكبار والصغار
سما ماكنتش غالط وانتي قلتيلي مكاش منها
وانا استغربت كي جا هذا الشي منك
ونورمالمو المنتدى للنقاش وتبادل الافكار
وماذا بيا ذوك لاراكي حابة مانزيدش ندخل لمواضيعك تقوليهالي قدام 9اع الاعضاء

​

 

[يوسےفے]

همسة : للرجال ونساء +21

لا حول ولا قوة الا بالله زعما حووووار بين الأعضااااااء.....هذي المره الثانيه و الثالثه ديرها....الله يهدينا
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!​

 

[nina bonoise]

راني اقل من 221 سنة مي عجبني الموضوع و حنرد ههههه
وين جاهة لاصال متقوليليش petit mousse
اي تهبل لاصال هاذيك
ول لاصال bouraoui
انا صراحة منسلف ميسلفولي
منحملش عبد اخر يلبس معايا
نخاف نلقى في العرس عباد يعرفوني
و يبداو يخلطوها اي لاغوب تاع فلانة
اي صندالة تاع هذيك
اه نونو ميخرج عليا التسلاف
​

 

[DARINE05]

اممممممممممممم علاه مواضيعك للكبار فرات ههههههههههههههههههه

 

[هآجر]

جماعة الاقل من 21 سنة
الي حاب يرد يرد ولكن بلباقة واحترام
وسبب وضعي الهمسة هديك هي عقوبة لكل واحد اقل من 21 سنة ويحب يقلل من احرتام ااقل منوا
وكل واحد عمبالوا بروحوا
ولم اوجه الهمسة لاحد معين بداته مثل ما قال براهيم ؟؟؟؟؟؟؟
غريب امرك ؟؟؟؟؟قلت في همسة ممنوع براهيم يرد ؟؟؟؟؟؟؟؟​

 

[kaissoum_elsaker]

أولا السلام عليكم وأهلا بيكم كامل
تحياتي إليك راجية الجنة هذا قيسوم الصقر يعود من جديد
أولا شكرا على الموضوع وحتى أنا ألاحظ ذلك
تناولتي الموضوع من جانب المباهاة في الأعراس والاسراف الشديد في الكماليات
وماذا لو أضيف لموضوعك نقطة مهمة أنو كاين بزاف سيدات مع كل احترماني لهن نجدها لا تتجمل لزوجها طوال الأيام ولما بتسمع بالعرس نلقاوها تقول هي العروسة مكياج لباس
ومسألة التسلاف كاينة عند لبنات بزاااااااااااف حنا كاينة مي قليلة وخاصة في الكوستيمات هههه الحمد لله انا واحد ما يلبس قدي في لاطاي هههه
تقبلي مروري راجية الجنة
تحياتي​

 

[هآجر]

راني اقل من 221 سنة مي عجبني الموضوع و حنرد ههههه
وين جاهة لاصال متقوليليش petit mousse
اي تهبل لاصال هاذيك
ول لاصال bouraoui
انا صراحة منسلف ميسلفولي
منحملش عبد اخر يلبس معايا
نخاف نلقى في العرس عباد يعرفوني
و يبداو يخلطوها اي لاغوب تاع فلانة
اي صندالة تاع هذيك
اه نونو ميخرج عليا التسلاف

اهلا اختي
انت صح عندك حاجة مليحة فيك انك تحترمي الي اكبر منك حتى كما شاركتي هنا بالرغم من الهمسة شاكرتي لانك حابة تشارك ولانك تحترميني
مهيش بوتي موس
ولا بوراوي
او اوتل يا حنونة جاي في ارمبوا نتع شابي
وعلى تسلاف عندك حق انت صح تحقي مرسي على مرورك العطر و الاحترام الجميل منك ليا
للموضوع ايضا
وعليكم السلام

اممممممممممممم علاه مواضيعك للكبار فرات ههههههههههههههههههه

قابلتني بالضحكة الزينة يعطيك الصحة شوفواالناس الي تحترم
شكرا لك على مرور ومدي رايك براحتك

أولا السلام عليكم وأهلا بيكم كامل
تحياتي إليك راجية الجنة هذا قيسوم الصقر يعود من جديد
أولا شكرا على الموضوع وحتى أنا ألاحظ ذلك
تناولتي الموضوع من جانب المباهاة في الأعراس والاسراف الشديد في الكماليات
وماذا لو أضيف لموضوعك نقطة مهمة أنو كاين بزاف سيدات مع كل احترماني لهن نجدها لا تتجمل لزوجها طوال الأيام ولما بتسمع بالعرس نلقاوها تقول هي العروسة مكياج لباس
ومسألة التسلاف كاينة عند لبنات بزاااااااااااف حنا كاينة مي قليلة وخاصة في الكوستيمات هههه الحمد لله انا واحد ما يلبس قدي في لاطاي هههه
تقبلي مروري راجية الجنة
تحياتي

قيسوم الصقر ؟؟؟؟؟؟؟؟؟
عاش من شافك اخي المحترم
منور الموضوع ورايك الرزين صح تشوفها مهملة روحها قدام راجلها يجي عرس تولي عروسة عقلية وش نقلك
مرسي

 

[iméne09]

امممممم بورتون راني قل من 21 مي لازمني نرد الله غالب قلبي ياكلني قلبي بارسكو عجبني ســuـجي
بون عنك الحق ديفوا تلقاي نسا غير يسمعو بلعرس يبدا توجاد وتسلاف داير رايو من ساسها لرجليها كلش مسلف مي والله مانحب هدي العقلية لي مكسي برزق الناس عريان مانحب نتسلف مانسلف سيرتو ادا ولفتيهم يلصقولك في حوايجك وكي تروحي تجيبيهم يزعفو منك كيشغل حوايجهم الحمد الله قشي يكفيني علاش زوخ وفوخ ​

 

[هآجر]

امممممم بورتون راني قل من 21 مي لازمني نرد الله غالب قلبي ياكلني قلبي بارسكو عجبني ســuـجي
بون عنك الحق ديفوا تلقاي نسا غير يسمعو بلعرس يبدا توجاد وتسلاف داير رايو من ساسها لرجليها كلش مسلف مي والله مانحب هدي العقلية لي مكسي برزق الناس عريان مانحب نتسلف مانسلف سيرتو ادا ولفتيهم يلصقولك في حوايجك وكي تروحي تجيبيهم يزعفو منك كيشغل حوايجهم الحمد الله قشي يكفيني علاش زوخ وفوخ ​

اهلا وسهلا
ايه حتى انت كما شاركتي معليش جبتيها دلخة سبور وشاركتي في موضوعي
منورةاملا يالالالة
هكة بنيتلي بلي راكي اكثر من 21 سنة في العقلية
وي عندك الحق وعلاش الزوخ والفوخ
مرسي حنونةعلى المشاركة
ربي ينورلك طريقك : )​