والله يالوكان وحدة تزيد تقلي مانعرفش نطيب ...

[ماكانش]

احم احم هههههه
لا حشومة لاوالو ياخي حابين لحلال هههههه

 

[shéryfa luna]

elhamdoulah na3raf ntayeb leghrif
hhhh
ben hia koul wahda w kifeh tayeb moch ta3 tawabil kima rak tgoul okol ndirou kifkif mais koul wahda w elbena ta3 maklatha
et je crois pas la kayen tofla mata3rafch tayeb hadi mchay3inha 3lina bark
w bsahatkom ya rjal ki rakom ta3arfou taybo khirmena hanitouna ​

 

[تاج الجزائر]

ليوم ما مسكينة قنالها في القيالة ديرينا لغرايف ناضت دارتنا وهي مريضة
وكليت حتى شبعت ههه
اذا حاب من بعد نجيبلك
​

زعمة سلفي وتغبن في يماك وتنوض فيها في القايلة باه طيبلك البغرير وكليت حتى شبعت والله لغاية _o:


هادي نورمالمو طيبه روحك وتجيبلنا كامل في اللمة باه ناكلو :glare:

​

 

[تاج الجزائر]

من جهة الطياب الحمد لله نعرف النطيب غاية وسيرتو البغرير نموت عليه

ولي نديره بزاف هو السفنج :shay:

في الدار يعيطولي غير السفانجي :lol:

اي حاجة تشتهيها رانا هنا نخصولك كوزينة في اللمة ونطيبولك :shiny:
​

 

[ماكانش]

زعمة سلفي وتغبن في يماك وتنوض فيها في القايلة باه طيبلك البغرير وكليت حتى شبعت والله لغاية _o:​

وعلاه سلفي مايسخفش ؟؟؟
سلفي مايجوعش ؟؟؟
اففف من هاذ الردود والعقليات
واش تشوفو في السلفيين مخدومين من حديد ولا واش
سخف قال ليماه اطيبلو البغرير في القاية وينو المشكل
وبلاك يماه ماشي من الفنيانات الي يحبو يقيلو
وزيدي والله ماعلابالك كيفاش يعامل يماه هذا السلفي المعاملة الحسنة
ربي يهديكم​

 

[لاجودان شاف]

يعطيك الصحة سفيان

مكانش واحد يطيب خير من الصالح وبوبو

​

 

[zahya]

واش راك سفيان خويا حبكت اليوم في الغرايف ساهلين لوكان علابالي كنت طيبتهم الخويا ودرتلو فيهم الدهان الحر يخي تعرفه ... وجبتهم حتى لعندو
انا الحمد الله نعرف نطيب كل صبع بطبخة هههه ههه هههه وحتى ليوم ومزال ما تزوجت . هههه هههه هههه
وكين رجال صح يطيبو خير من المرا...... الطبيخ نفس :showoff::showoff:

 

[تاج الجزائر]

وعلاه سلفي مايسخفش ؟؟؟
سلفي مايجوعش ؟؟؟
اففف من هاذ الردود والعقليات
واش تشوفو في السلفيين مخدومين من حديد ولا واش
سخف قال ليماه اطيبلو البغرير في القاية وينو المشكل
وبلاك يماه ماشي من الفنيانات الي يحبو يقيلو
وزيدي والله ماعلابالك كيفاش يعامل يماه هذا السلفي المعاملة الحسنة
ربي يهديكم​

انا والله ما قصدت الاساءة وربي شاهد غير مين قال بلي دارلتله وهي مريضة ومع

السخانة شفتني هادا مكان

انا راني في شحال في المنتدى ولا مرة جرحت واحد بكلمة كل ردودي عفوية ونجيبها

بالمزح وسأل عني الادارة وكل المراقبين

واسفة على تواجدي في متصفحك

وربي يخليله الوالدة ويحفظها
​

 

[roseblanche]

البغرير ساهل:sheer:

 

[M!ss_f@ti]

السلام عليكم ورحمة الله وبركاته

وعليكم السلام ورحمة
واش راكم خاوتي لاباس بخير الحمد لله

الحمد لله السوال عليك
اليوم نحكيو على الطياب ههههه

موضوع مهم ههه
ايا هذيك المرة مانعرف كيفاش حتى قاتلي وحدة هنا في اللمة ولا مانعرف وين مانعرفش نطيب ؟؟؟
:scared: رسمي تتمسخر برك ( تتقلش)
قلتلها كيفاش هذا ماتعرفيش اطيبي ياخي الطياب حاجة ساهلة :shiny:
قلتلها عندكم نفس الدوا تاع البرمة (التوابل) وتعاودوه ههههه
وكي تحبو المرقة تجي حمرا اديرو طماطم لباط، وكي ماتحوبوش ماديروهش
قلتلها والبربوشة تزيدولها الحمص والباطاطا والجريوات (القرعة) هههه
والتليتلي تزيدولو لعظام (البيض)
والسباقيتي تغليوها في الما ...
قلتلها هذا ماكان هههه
واشي هوا لبنات زعما يحبو يبينولنا بلي الطياب صعيب يقلك لازم الفلفل لكحل والكمون والكروية والملح ومانعرف واش، باش يبانو حوايج بزاف هههههه
وهوما قادرين تقولولهم الدوا تاع البرمة برك وتهنيونا هههههه​

أيا واش رايكم ...

واقيل أنت عمرك لا دخلت للكوزينة ,,, أسمحلي هذا ماشي طياب

زعما أنا نعرف امليح احم احم
​

الملاحظة:
حاجة برك حبيت نتعلم نطيبها لغرايف (البغرير) نضال نحاول في ختي اطيبهولي وماتحبش هههه
اي لازم يومين وانا نسايس ونرطب ونجيب الشيكولا باش نقلها ايا ديريلي اليوم غرايف :shiny:
وهكذاك وتقلي افففف لغرايف ثاني ؟؟؟ ههههه
عليها قلتلكم زوجوني
لمرا ندخل نسعل احم، ماشي السعلة تاع المرض، السعلة تاع لوعارة ههههه
ايا ديرينا غرايف ومانزيدش نهدر ههههه

أسهل مايكون ,, وقتاش راكم ناوين اجيو هههه
​

ثانيا:
الرجال يطيبو خير من النسا ...​

عندك الحق ,, بابا فنان في الطياب مي خاوتي حدث ولا حرج

بركا بركا ,,,, الخضرة ماتعرفوش تشروها تعرفو الطيبو ترررر

أيا صحيت صحيت

سلام

 

[لاجودان شاف]

وين راهو مكانش هذا ماوش يبان

ظاهرا مكانش صح هههه​

 

[mira bey]

هههههههههههههههههههه ولله يا سفيان غير تقولشي راك من بريكي لخاطر تاع بريكة هوما لي يهدرو هكا هههههههههه
ايييييييييييه منعرفوش نطيبو نتوما الرجالة عندكم كلشي ساهل بالهدرة وحنا نحصلو انا وحدة من الناس منعرفش نطيب ومنتعلمش حتى تنفحلي ههههههههههههههههههه
بصح راك علمتني نطيب انت كي كنت تحكي على التليتلي و الطعام ههههههههههههههه

 

[adel-mz]

انا ثابت لي متعرفش طيب الماكلة سيرتو الحوايج التقليدية غير تنسى تدخل للدار خاطر بزاف نتاع النساء يخلعو فينا غير بالgــــاطو هههههه
كيفية صنع البغرير
المقادير :
- مقدار معين من الدقيق
- مقدار معين من الفرينه
- مقدار معين من الماء على حساب المقادير نتاع الدقيق والفرينة
- الملح
- كمية خميرة
- الزبدة
- السكر
ويختلف من منطقة الى اخرى كاين لزيدو البيض وكاين وكاين وكاين
كيفية التحضير
تخلط الدقيق والفرينة مع الماء الى يكون جاري بمعنى يكون كانه ساءل من الماء، ثم تاتي بطاجين نتاع طين ولا حديد وتدهن الطاجين بمادة صابون الطرف (صابن العرب) ليستعمل في الغسيل ههههههه والله حقيقة ونبعد دير كميه معينة بالمغرف وتحركو كان ديرو دائري الشكل الى ان تشوفو يجمد كي البيض ونبعد تدهن الزبدة والسكر اخر شىء ........شهية طيبة ....... انا والله حمد لله راجل مي نطيب كلش .....مع انو ليست مهنتي طباخ ..........
تعلمت من امي المتمسكة بالتقاليد بزافففففففففففففففففففففففففففففففففففففففففففف

 

[BREAVE-HEART-91]

ربي يرزقك الزوجة الصاحة ولي تعرف اطيب
شكرا على الموضوع

 

[ماكانش]

لي عودة للرد عليكم جميعاذ
راني من السيبار ماعنديش النترنت

 

[امونة-زياني]

صح طياب مش صعيبة مي لازمو حوايج والله مانعرف وش هي انا نعرف مي مزال شوي حوايج

سيرتو حنا في صحراء اكل تاعنا معقدة شوي

و غرايف رووعة تفضل خويا عندنا لصحراء تاكلهم بالهناء

 

[ماكانش]

انا والله ما قصدت الاساءة وربي شاهد غير مين قال بلي دارلتله وهي مريضة ومع​

السخانة شفتني هادا مكان ​

انا راني في شحال في المنتدى ولا مرة جرحت واحد بكلمة كل ردودي عفوية ونجيبها ​

بالمزح وسأل عني الادارة وكل المراقبين ​

واسفة على تواجدي في متصفحك ​

وربي يخليله الوالدة ويحفظها ​

الله غالب مانعلمش الغيب حتى نعرف مقصودك
والحمد لله ألي معانا في اللمة معصومات من الخطأ​

 

[nina bonoise]

​

ههه
الصيف السخانة والشتا لقرايا وكتاه يا بونواز هههه
ايه رتبي الطابلة وزيدي حوايج خفاف بورك ولا مانعرف واش يطيب في الفور ههه
يعطيك الصحة ...







[/center]

اه وي البوراك عليا
اسكت برك راني وليت نطيب ساعات
هذي شكشوكة
هذا ليكراب
هذا معجون تاع المشماش
طيبت غير الساهل
البرم مزال متعلمتش ههههه
​

 

[stsmat]

ههههه سعدها لي تزوج بيك​

لو كان تعلم راجلي ادير فيا مزية ​

هههههههههههه​

واش نتعلم واش درك نقرا الموضوع

 

[stsmat]

واش نتعلم واش درك نقرا الموضوع

هادا مكاين حسبتها تعلامة زينة اقلب علي