واش راكم يا بنات اللمة
اليوم جايبة ليكم وصفة شهية و هشة و حااااااااااارة و إن شاء الله تنال إعجابكم و هي فطائر الفلفل الحار
أترككم مع المقادير
- كوبين فرينة
- ملعقة كبيرة حليب غبرة ( لحظة )
-ملعقة كبيرة خميرة فورية
- ملعقة كبيرة و مملوءة **دة غير مذابة
-ملعقة صغيرة سكر
- بيضة
- ماء دافئ
- نخلط جميع المكونات ماعدا البيضة و الماء و نقوم بإدخال كمية ال**دة في الفرينة جيدا ثم نضيف البيضة و الماء بالتدريج حتى نتحصل على عجينة متماسكة نغطيها بPلاستيك غذائي و نتركها تتخمر
- و الآن نحضر كمية الفلفل نقوم بتنضيفة و نشقه بسكين عالجنب و بملعقة صغيرة نقوم بإخراج كل البذور الموجودة و نملحه و نقليه نص قليان
و الآن نتركه يبرد و نبدأ في تجهيز الحشوة
في مقلاة نقلي 250 غ لحم مفروم في شوي زيت زيتون و ملح و فلفل أسود و نتركه يبرد و نضيف عليه معدنوس مقطع رقيق و حبة طماطم كبيرة مقطعة رقيقة و 5 حبات بيض مسلوقين و مقطعين مكعبات و زيتون أخضر أو أسود أو كليهما حسب الرغبة و قرن فلفل حار مقطع رقيق هذا اللي يحبه حار بزاف و ثوم و ملح و نترك الحشو جانبا
و نرجع للعجين و يكون تخمر و تضاعف حجمه
- نرش الطاولة بالفرينة و نبسط العجينة بالحلال رقيقة و نقصها شرائط طويلة بعرض من 2 إلى 3 سم
و نجيب قرن الفلفل و نحشيه بالحشوة اللي مجهزينها
و نلويه بالعجنة كيف ما نديروا مع الكورني
و ندهنهم بصفار بيضة و ندخلهم للفرن و هذا شكلهم في الأخير
إن شاء الله تعجبكم وصفة اليوم
إذا عجبتكم يا ريت ما تحرمونيش من ردودكم و تقييماتكم
إلى اللقاء مع وصفة جديدة
