طفل ولا طفلة صرتهم تتقاس في.....باش.....ادخلو تسمعو العجب

[بنـ MaPa ـت]

السلام عليكم
كاينة منها هذا الحكاية ومن لي النسا تاع هذا الوقت ماعادوش يرمو الصرة في السوق البنات بارو والعنوسة على راسها ههههههههههههههههه
خويا الكبير حطت جدتي صرتو في المكتبة خلف المجلدات وامهات الكتب الادبية والتفاسيراليوم خويا راه دكتور الله يبارك
ودفنت صرتي في الجنان وراني نموت على الازهار والاخضرار
ديرو النية هههه
شكون لي جاهل المراة لي ترمي الصرة ونيتها مليحة ولا طفلة تنتف في زهرة وتقول :يحبني ما يحبنيش؟

شكرا سوندرين على الموضوع النايس

ههههه الله يبارك و الله يخليك وردة في الجنان
مرسي على المرور المميز فاطمة الزهراء
نورتي
​

انا طيشوها داخل اينتي تاع ميكرو سير ... راني ضال معاهم في السيبار هههههه

​

هههه مالا قاسوهالك في كاش سيبار
مرسي على المرور المميز خويا محمد
نورتـ
​

شفتي؟؟
خسارة ماما ما دارتهاش يا زهري يا زهري
هاهاها والله هادو بصحهم؟؟
والله اول مرة نسمع بيها الله ما زدنا علما
الله يهديهم واش الخورفات هادي مازال ما انقرضتش الناس اللي هكا؟؟

هههه مازالو راهم في طور الانقراض بالعقل
مرسي على المرور المميز يسمين نورتيييييي
​

 

[aneshabib]

البروبلام ماشي في الناس تاع بكري هادوك مزال نيتهم معهم البروبلام في الجيل تاع دروك مالغري مثقف وقاري ويامن بهاد الخرفات وينتا تطور الدزاير

 

[بنـ MaPa ـت]

البروبلام ماشي في الناس تاع بكري هادوك مزال نيتهم معهم البروبلام في الجيل تاع دروك مالغري مثقف وقاري ويامن بهاد الخرفات وينتا تطور الدزاير

كاين لي مازال يتبعهم يقولك جدودي ولازم نكون وندير كيفهم....وكاين لي فاقو ما هوما غير خرافات
مرسي على المرور المميز
نورتـ
​

 

[moi*]

انا ثان سمعت بيها بصح هدا كامل خرططططططططططططططططططططططططططي

اللي ربي ماشي كاتبلها الزواج والله متتزوج وماشي يرمو صرتها في السوق برك
واللي خلقو ربي خاطيه القراية ياو ميقراش ومان يدو صرتو يحطوها في وزارة التربية والتعليم
تقبلي مروري

 

[BREAVE-HEART-91]

ههههههههههههههههه
يخي حالة يخي
شكرا على الموضوع

 

[بنـ MaPa ـت]

انا ثان سمعت بيها بصح هدا كامل خرططططططططططططططططططططططططططي

اللي ربي ماشي كاتبلها الزواج والله متتزوج وماشي يرمو صرتها في السوق برك
واللي خلقو ربي خاطيه القراية ياو ميقراش ومان يدو صرتو يحطوها في وزارة التربية والتعليم
تقبلي مروري

هاديك هي ختي
مرسي على المرور المميز نورتي
​

ههههههههههههههههه
يخي حالة يخي
شكرا على الموضوع

مرسي على المرور المميز نورتـ خويا​

 

[مرام التيبازية]

كامل نحبوك ونردوا عليك
مع كل احتراماتي اول مرة نسمع بيها

 

[aidouch]

هههههه
و الله لاول مرة نسمع بيها
كل واحد و عقليتو و كل واحد و التقاليد تاعو
لكن كل شيئ بقضء و قدر
مشكورة اختي​

 

[بنـ MaPa ـت]

كامل نحبوك ونردوا عليك
مع كل احتراماتي اول مرة نسمع بيها

ربي يخليك خيتي ويعطيك الصحة على المرور المميز نورتي
​

هههههه
و الله لاول مرة نسمع بيها
كل واحد و عقليتو و كل واحد و التقاليد تاعو
لكن كل شيئ بقضء و قدر
مشكورة اختي​

التقاليد راهي باينة
يعطيك الصحة على المرور المميز خيتو نورتي
​

 

[manghassa_ali]

السلام عليكم
هههههههههههههههههههههه
راكي غالطة اختي هدا ماهوش منتدى النكت
ياو مكانش منها هده غير خرافات ههههههههه
ههههههههههههههههههههههههههههههه​

 

[manel@]

هههههههههههههههههههه :lol:
والله غير عجب _o:
لي مكتوب في الجبين ما يمحوه اليدين :surrender:
كيما قلتي خرطي في خرطي
بصح هذي جامي سمعت بيها

 

[بنـ MaPa ـت]

السلام عليكم
هههههههههههههههههههههه
راكي غالطة اختي هدا ماهوش منتدى النكت
ياو مكانش منها هده غير خرافات ههههههههه
ههههههههههههههههههههههههههههههه​

خربت وجبدتلي الموضوع تاني دوك يجو يحدفوه ههه

المهم كامل الناس علابالها لي خرافات
برك ربي يهدي لي يديروها

مرسي على المرور المميز نورت خويا
:re_gards:

هههههههههههههههههههه :lol:
والله غير عجب _o:
لي مكتوب في الجبين ما يمحوه اليدين :surrender:
كيما قلتي خرطي في خرطي
بصح هذي جامي سمعت بيها

صحيتي على المرور الجميل مينوشا ^^ منورة حبيبتي

:re_gards:
​

 

[M!ss_f@ti]

والله موضوع في القمة

اولا عندك تقييم

ثانيا لحكاية كاينة منها ،، مي احنا يطيشوها في مدرسة ديما

واحنا واحد كي يكثر الزيارة لبلاصة ولا لكاش واحد نقولو : تقول رماو صرتو في حجر فلان هههه

 

[Mr mino]

واللي ينساولوا صرتو في السبيطار ؟؟؟

ها خزعبلات برك خرطي الناس تع بكري بيريمي


​

 

[ألاء الرحمـــن]

سمعت بيها خاصتا نتاع زمان وكاين الي يرموها فالبحر

هههههههه علابيها كثرو الحراقة في بلادنا

مزالكم تامنو بالغولة والي يرمو صرت ولادهم فالمسيد؟ زعما صح خرجو قارين؟

الي مكتبو ربي مكتبو وربي يهدي أجدادنا والعادات السيئة



​

 

[مينة آلاء الْقُدُّوس]

ضحكتيني تاع ارميها فالسوق يولي الغاشي كامل يجري موراها

الناس تركت الصح وشدت فالخرافات

حنا لاباس علينا خصنا برك نحو الخرافات هذو من ريسان لعجايز

مفهمتش تلقايهم حاجات ومزالهم متمسكين بالخرطي هذا

شكرا على الموضوع الشباب​

 

[آمِيْرَتُه]

ههههههه والله عجب صح انا رماوهالي في دار الشرع و مكتب نتاع الصحافة و ثانوية قسم خاص بالفلسفة هههههه " هذو خدماتي "
يعطيك الصحة و اش نقولو ربي يهدينا برك

 

[براءة مسروقة]

هههههههههههه كان يرفدها طلاب كيفاه ههههههههههههه حنا ندسوها ومانرميوهاش

 

[الرومنسي الجاد]

سلآمو ..

هههههههههههههههه نبداها بضحكة مقودة قبل ههههههه

صح كاينة منها هذي حتى عندنا تصرا وانا نقول غير حنا برك جدودنا لي مفرميين

نروح نشوف وين رماوها نسلك عمري

تحياتنا ​

 

[Łøst Fłôwęr]

وي كاينة لحكاية هذه بصح ماشي حتان يكباروا غير كي يزيدوا و ينحوهالهم يديوها يدفنوها في بلاصة كيما الجامعة و الليسي وهكذا باه يخرجوا الناس زعما قاريين يااختي هذه النية تاع بكري و جدودنا مازالو يامنو بيها على هذه خليهم في نيتهم ف
على قد نياتكم ترزقون


شكرا على الموضوع​