ديمه تصرالي مع البنات !!!

[خفيف الروح]

ديمه تصرالي مواقف محرجه مع البنات

كنا نتناقشو في الجامعه ورانا جماعة مخلطه وكلام يجيب كلام قلتلها شحال من ولد عندك !
فتوقف الكلام في حلقها ...وقالتلي راني منيش مزوجا !!_o:
آه شحال كنت متسرع على حساب ملامحها راهي كبيره في حدود الاربعينات علا هذاك
غلطت فيها ..حاولت استدرك الموقف والمرور باقصى سرعه على هاذ الزلgـه.:scared:

*****************​

ومرة حضرت حفلة تخرج متاع بنات وجاوا لافامي متاعهم وباركت للمتخرجه واللي صغيرونه شوي
وكانت معاها وحده سمينه بطبوبطه
وظاهر عليه كبيرة شوي قلتلها هذه ماماك ..آه !!!
وتفلقوا عليا بالضحك وجهها احمروقالولي راهي اختها واش انقلكم وليت غير نلوي في
الكلام باش نفوت على هذه الخبطه.:shay:

ذرك وليت نعس بزاف لساني البنات راهم حساسين بزاف لموضوع الزواج والاولاد والسن
ديمه تحب تكون صغيرونه لةكان تكون عزوز تقلها شحال في عمرك
تقلك وعلاه واش تندب بيه !!:cra_zy:

هيا هاتوا واش صرالكم يا لخاوا.........:re_gards:
​

 

[آلاء النايلية]

وانت علاه تسقسي هاذ الأسئلة؟؟ ههههههه
مش كيما هاك اذا حاب تعرف حاجه كيما هاك اسكت وللا سقسي حرايج اخرى تقدر من خلالها تعرف ... و أصلا كاين حوايج لو كان تصبر شوي تقدر تعرفها بلا ما تهدر.. يعني من تصرفاتهم من كلامهم
و ممكن كاين طريقه لبقه شوية تفرح الوحدة.. مثلا تعود وحدة تعرفها مع ماماها حتى وعارف بللي ماماها قولها هادي اختك؟؟ اييييه شحال تفرح.. يعني اطرح السؤال المعاكس اذا عافو ممكن يحرجهم
بصح علاه تسقسي فيهم وش اداك ههههه

زيد صح البنات حساسات ياسر من هاد الجوانب و سورتو تاع الزواج
..
كي نتفكر كاش لقطة صارتلي نحكيلكم

​

 

[EL General]

وش نقولك خويا ننصحك
اربط لسانك بحبل متين كي تشوفهم ههههه
و العالم ربي
ايا ربي يوفقك
​

 

[kadysom]

لازملك تحرز روحك خويا

وتعرف وقتاش تسقسي

 

[إيمان قلب]

هههههه صافي ديما مطيحلهم المورال
بالصح تبانلي مكان حتى مشكل انها المرأة تقول سنها .... على العكس ربي يكبرنا في طاعته
شكر ا خويا على الموضوع واحرز روحك المرات الجاية
يعطيك الصحة

 

[Estrella]

هههههههههههه
مرة اخرى احصي روحك لبنات راهم حساسات بزاف
وهوما مرايحينش يقولو بلي غلط ولا زلج لسانو
رايحين يقولو راه يتمسخر علينا ......
وغير الي يعرف عقليتك مليح الي رايح يعدرك
يعطيك الصحة خويا رد بالك مرة اخرى هههه
​

 

[الجندية]

هههههههههههههه وانا خطره قلت لواحد هذي بنتك لوووووووول كان مع أخته الكبيره واخته في عمرها عام تقريبا رافدها ... ضحكوو عليا والطفله حااارت مسكينه خخخخخخخ
عاد قتله نسيت بلي ماكش مزوج
​

 

[DARINE05]

hhhhhhhhhhhhhhhhh 3as fomk

 

[ماكانش]

يعطيك الصحة خويا لعزيز
والله كيما قلت الطفلة ديما تلقاها عندها عقدة شويا مع السن
وديما تحب تبقا صغيرة
انا يما نحب نقلقها ونقصر معاها نقلها راكي كبرتي يا الحاجة ههههههه
​

 

[خفيف الروح]

وانت علاه تسقسي هاذ الأسئلة؟؟ ههههههه
مش كيما هاك اذا حاب تعرف حاجه كيما هاك اسكت وللا سقسي حرايج اخرى تقدر من خلالها تعرف ... و أصلا كاين حوايج لو كان تصبر شوي تقدر تعرفها بلا ما تهدر.. يعني من تصرفاتهم من كلامهم
و ممكن كاين طريقه لبقه شوية تفرح الوحدة.. مثلا تعود وحدة تعرفها مع ماماها حتى وعارف بللي ماماها قولها هادي اختك؟؟ اييييه شحال تفرح.. يعني اطرح السؤال المعاكس اذا عافو ممكن يحرجهم
بصح علاه تسقسي فيهم وش اداك ههههه

زيد صح البنات حساسات ياسر من هاد الجوانب و سورتو تاع الزواج
..
كي نتفكر كاش لقطة صارتلي نحكيلكم

​

ياختي ساعات لساني يطوال كيفكم ونولي ندخل في حوايج خاطيين

واش اتحب التقرعيج واش دير بالعرب.

وساعات نحب نعرف لحوال بصح نغلط منعرفش مين ندخل باللطافة

راني رايح نعكس السؤال باه نخرج من المشكل.

يعطك الصحه على المرور

 

[خفيف الروح]

وش نقولك خويا ننصحك
اربط لسانك بحبل متين كي تشوفهم ههههه
و العالم ربي
ايا ربي يوفقك
​

صحيت خويا راين ك انشوفهم وتكثر لحكايات نولي ما نعرفش ون نحبس

ونولي نطيح ونعاود سيرتوا اذا كاين فيهم الل حاط عني عليها

وربي يوفقك انت كذليك

 

[خفيف الروح]

لازملك تحرز روحك خويا

وتعرف وقتاش تسقسي

واش انقلك روحي يا روحي

الروح هناك مع القلب والجثة هنا

علاه هذاك راني نزلق ونعاود

امبصح راح ناخذ بنصيحتك

مشكورة اختي على المرور .

 

[kojak]

نقلك حاجة احبيبنا........ .....مام ليجاست يصراو معايا ........ الكارثة وين ....ماتفرقش بين لمعرسة والبايرة .....كامل يشابهو كي الفناجين ...... كي لمعرسة وكي البايرة
​

 

[خفيف الروح]

هههههه صافي ديما مطيحلهم المورال
بالصح تبانلي مكان حتى مشكل انها المرأة تقول سنها .... على العكس ربي يكبرنا في طاعته
شكر ا خويا على الموضوع واحرز روحك المرات الجاية
يعطيك الصحة

اسمعي اختي ايمان ما نيش قاصد ربي راهو عالم

امبصح نحساب بلي رايح نعدلك لكن تتثقب ونزلق ونولي غير نهتهت باه نفوت ...

ربي يحفظك ويعطينا واياك كمال الايمان

 

[خفيف الروح]

هههههههههههه
مرة اخرى احصي روحك لبنات راهم حساسات بزاف
وهوما مرايحينش يقولو بلي غلط ولا زلج لسانو
رايحين يقولو راه يتمسخر علينا ......
وغير الي يعرف عقليتك مليح الي رايح يعدرك
يعطيك الصحة خويا رد بالك مرة اخرى هههه
​

صحيتي راني تعمت من هاذ الزلاقات راهم كاين اخرين غير ما بغيتش انطول عليكم

المهم راني نعس في روحي

مشكورة على المرور

 

[خفيف الروح]

هههههههههههههه وانا خطره قلت لواحد هذي بنتك لوووووووول كان مع أخته الكبيره واخته في عمرها عام تقريبا رافدها ... ضحكوو عليا والطفله حااارت مسكينه خخخخخخخ
عاد قتله نسيت بلي ماكش مزوج
​

الحمد لله كي القت وحده زلقت كيما انا راه الجماعه

طيحولي المورال الكل عاسين رواحهم وانا نطيح ونجي على راسي

هيا ربي يحفظك ويحفظنا الكل

 

[Black heart]

سلام عليكم
مي وين المشكل كي تقول البنت عمرها ؟؟والله ما نشوف حتى في مشكل .
وعلاه في lannèe versaireتاعها تلقاها تفرح وتغني؟؟؟؟؟
البنات ما يشبهوش خو كل واحد وعقليتوا
شكرا​

 

[خفيف الروح]

hhhhhhhhhhhhhhhhh 3as fomk

ههههههههههههه

واش انقلك المشكل ماهوش في فمي راهو ف عقل ههههههه

راه الفهانه بزاف اتخلي الواحد ادير الروطار ولافونس

ربي يحفظك الشاوية

 

[خفيف الروح]

يعطيك الصحة خويا لعزيز
والله كيما قلت الطفلة ديما تلقاها عندها عقدة شويا مع السن
وديما تحب تبقا صغيرة
انا يما نحب نقلقها ونقصر معاها نقلها راكي كبرتي يا الحاجة ههههههه
​

اهلا خويا ماكانوش

راهم الكل الا ما رحم ربي يبغو يبقاو صغيرونات

لازم نعكسو االسوهال وانقولولهم راكي في العشرين

راكي ما زلتي ما زوجتش

راكي بوقوصة كيلي ما ولدت ما عندك الدراري كانستا معاها ربعة

ههههههه هيا خويا نبقيك بعافية راك اكبير في الاج راك في 28 ههههه

 

[خفيف الروح]

نقلك حاجة احبيبنا........ .....مام ليجاست يصراو معايا ........ الكارثة وين ....ماتفرقش بين لمعرسة والبايرة .....كامل يشابهو كي الفناجين ...... كي لمعرسة وكي البايرة
​

الحمدو لله كي لقيت واحد راه كيفي صرولو هاذ ليجاست

شوف خويا رني وليت نعس روح بزاف

ولازم كيما قالولي نعكس السوهال

ربي يعطيك الصحة ويحفظك.