stp حابة النصيحة من عند خاوتي وخواتاتي

[نسمة حب]

bnj نشاءالله حبابي تكونو b1 :shiny:
عندي مشكل ومعرفتش كيفاه نحلو بيني وبين خطيبي انا كملت قرايا هاد العام وحبت نخدم mais خطيبي رافض هاد الفكرة وقالي ماهوش رايك وغير نحيها من راسك..انا ماعندتوش وقتلو ماعليش mais جاني poste ف la banque ومحبيتش نراطيه بصح ماقدرتش نقولو وزيد بزيادة قالي بعد زواج ديري جلباب mais انا مانيش مقتانعة بيه بصح حابة نرديه اوهو حالفلي بلي نديرو
plz حابة نصيحتكم ورايكم

 

[ياسمين عنابة]

السلام عليكم ورحمة الله تعالى وبركاته
ان شاء الله اختي ربي يتمملك على خير
مسألة العمل والجلباب تحتاج الى اعادة طرح ومناقشة مع خطيبك بالعقل وبمايرضيك ويرضيه
فحاولي اقناعه او ليقنعك
واذا كان مصر على موقفه لاتملك الزوجة الصالحة الا طاعة الزوج لارضاء الله
اتمنى لك التوفيق وايجاد حل يريح قلبك

 

[Black heart]

السلام عليكم ورحمة الله وبركاته
اختي انتي حاولي تتفاهمي معاه والا ما حبش ورفض افكارك روحي وخليه لانها حياتك وانت حرة ماشي على جال واحد تخلي قرايتك .وان شاء الله توصلي لحل انت وخطيبك
good luck​

 

[ماكانش]

أهلا بيك نسمة هذ الأمور لوكان تفاهمتو فيهم قبل وخاصة مسألة العمل
الجلباب زوج ميترات كتان ونتي لبستيه ماشي مشكل
المشكل في العمل ...
وهل رفض العمل قبل مايخطبك ولا بعد الخطوبة ولا واش
فالأمر متعلق بالمفاهمة قبل الخطوبة
وان كنتو تخطبتو دون مفاهة على هذ الأمور فراكم ماتعرفوش وتهورتو بزاف ...
واعتذر ...​

 

[Black heart]

اختي تديها من عندي الى ما حبش يفهمك قو ليلوا طريق السلامة .بويسك جامي لاتخلي خدمتك وعيشي حياتك ما تخلي حتى واحد يتحكملك في حياتك .لان الحياة تعيشيها مرة ميش 2
تقبلي مروري​

 

[mizora]

بالنسبة للعمل اذا كان شغله يكفيكم و زيادة علاش تخدمي؟

 

[♥SaMoù Là MoDèsTe♥]

السلآم عليكم

أخ'ــتي أنـآ برأيي
إذآ كـــنتِ وآثقــة فـيـ خـطيبك و
تعــرفيـ عــقليتو مـليح
و
تـعرفيـ بلي قـآدر يعـــيشك معــيشة مليح'ـة
وهـآنية علآهـ تروحي تخدمي
بالعكس هكذآكـ تزيدي التعب ع'ــلى روحكـْ .

أمــآ قضيـة الجلبـآب زيدي أهدري معـآهـ مليـح
وإذآ كنتـــي قـآدرة ديريهـْ علآه لآلآ !!

وإذآ مـآ كنتيش قـآدرة قوليلو يصبر ع'ـــليكـ
أو قوليلو يكفي الحجآب إذآ كـآن شرعي
(مـآشي الحجـآب تآع لآمود)

هذآ رأيي
والـْقرآر الأخير يعود لكي ح 'ــبـيـبتي

وإن شــآء الله تتوصلي لحل
اللي يرضي خـآلقك
وَ يـرضيك ويرضي خطيبكـ
فيـــ نفس الوقت

دون أي منآوشـآتـْ .

و /

مــوفـــقة إن شششــــآء الله
​

 

[الحق سلاحي]

ربي يجيبلك اللي فيها الخير
وادا ربي كتبلك حاجة ولا واحد يوقف في طريقها .....

 

[lespoire]

مساء الخير أختي الكريمة علابالك لامان في وقتنا هذا مكانش وز يدي نوصيك حاجة غير الخدمة اللي متفرطيش فيها لأنو مؤخرا راهم كاينين بزاف ناس يقولوا لخطيباتهم متخدميش و متخرجيش و مديريش و التزيار هذا أكل علاه ولازم تراجعي أمورك أكل
ونتمنى من كل قلبي تتهناي في حياتك
تحياتي

 

[القلب الابيض]

حنونة انا في رايي اذا كنتي تاع الصح حابة تخدمي حاولي تهدري معاه و تفهميه و ادا ماقبلش ماتفرطيش في قرايتك و تعبك في جالو خاطر الخدمة تدوملك مي هو كاين غيرو اما مسالة الجلباب حاولي تتفاهمي معاه و ايدا مارضاش سيي تسمحي شويا من حقك مافيها والو كي تديريه
مجرد راي
سلام

 

[lebien]

و لله معلبالي واش النقلك ؟؟؟؟؟؟؟؟
المهم نوغمالمون هاد الشوفات تتفاهموا عليها فاللول او لتنين التشدوا في واش قلتوا ملول خلاص ؟؟؟؟؟؟؟؟؟؟؟؟؟؟؟؟

 

[حذيفة بن اليمان]

عندو حق

أنا تاني اختي المرأة لي تخدم ما نشوفش ليها خلاص بلا ما نتزوجها.

انا نقول لخطيبتي مكنش خدمة نهار اخر, إذا قالت لا نقوللها سلام عليكم.

ننصحك عالجي المشكل هذا جذريا قبل الزواج لأنه رح يولي مشكل اكبر بعد الزواج ان لم يتم اختيار قرار مشترك

 

[naGam]

اختي هاذي مسألة تحتاج اعادة النظر سيرتوا اذا كنتم ماكمش متفاهمين
يعني لازم تكون أرائكم ووجهت نظركم متقاربة ولا كل واحد يحاول يقدم تنازلات
​

 

[نسيم الربيع]

هاذ الزوج مسائل خاصة صعيب الواحد يبدل رايو فيهم بنتي بهو
حاولو تتناقشيه واذا ماقنعتيهش ديري فبالك بللي حايبقى فرايو ومن الصعب يبدلو
الشي اللي ننصحك بيه بعد المناقشه خممي ملييح قبل اتخاذ خطوة الزواج
اذا كنت قادره تتنازلي مبروك عليك الزواج
واذا مكنتيش قادره ننصحك تفسخي وخليه آخر حل كيعاد عدم التفاهم فأمور كبيره كيما هذي يهدد الزواج
ربي يجيبلك اللي فيها الخير ومتنسايش اكيد صلاة الاستخاره
​

 

[N@riM@N]

اختي تديها من عندي الى ما حبش يفهمك قو ليلوا طريق السلامة .بويسك جامي لاتخلي خدمتك وعيشي حياتك ما تخلي حتى واحد يتحكملك في حياتك .لان الحياة تعيشيها مرة ميش 2
تقبلي مروري​

والله كيما قاتلك ماعندي مانزيد اذا من دورك ع ابسط لحوايج مش متفاهمين
كبفاش مباعد؟!

 

[قلم مجروح]

يا اختي مادابيك تحاولي تفهميه ..يا ريت متفرطيش في الخدمة ..و الله هاد الزمان مايرحمش...وزيد بزيادة ..طول حياتك و نتي تقري ومن بعد متخدميش ...علاه قريتي ؟؟؟؟....ياو خدمة كيما هذي الناس راها تتقاتل عليها ..وانتي باغيا تفرطي فيها..من الواضح انك تحبيه وباغيا ترضيه ..انشا الله يقبل و يتنازل شويا ...الله يقدم اللي فيه الخير .....الله يهنيك حنونة

♥تحياتي قلم مجروح ♥​

 

[نسيم الربيع]

هاذ الزوج مسائل خاصة صعيب الواحد يبدل رايو فيهم بنتي بهو
حاولو تتناقشيه واذا ماقنعتيهش ديري فبالك بللي حايبقى فرايو ومن الصعب يبدلو
الشي اللي ننصحك بيه بعد المناقشه خممي ملييح قبل اتخاذ خطوة الزواج
اذا كنت قادره تتنازلي مبروك عليك الزواج
واذا مكنتيش قادره ننصحك تفسخي وخليه آخر حل كيعاد عدم التفاهم فأمور كبيره كيما هذي يهدد الزواج
ربي يجيبلك اللي فيها الخير ومتنسايش اكيد صلاة الاستخاره
​

 

[الشلفي02]

السلام عليكم
الصح الصح
أنتومة من قبل ما يخطبك تفاهمتو ولة لال
أما قضية الجلباب ترجع ليك نورمالمو ماشي سيف
وزيد بزيادة راه خاطبك مازال ماعقدتوش
ولة ماتفاهمتوش دوكة أمبعد أنت وزهرك
و على كل حال ولة تفاهم أي واحد مع واحد
الضغط يكون على واحد فيهم
واش أنقولك
صلي صلاة الاستخارة تبالي خير
سلامي

 

[Tear]

سلامو اختي
حنونة انا في رايي هذا الامر لي طرحتيه واحد ما يقدر يدبر عليك واش لازم ديري psq انتي لي عايشة هذا الوضع و تعرفي خطيبك اكتر من اي شخص و الظروف المحيطة بيكم لازم انتي تخمي واش لازم ديري معاه انتي لي تعرفي عقليتو مليح و تعرفي طريقة التفاهم معاه ....حاولي تلقاي باب تدخلي منو و ان شاء الله مايكون غير الخير ربي مافيه غير الخير​

 

[07 _H@yThm]

ربي يوفقك لما يحبه الله ويرضاه
​