spa بنات اللمة :: حملة تغيير من أجل طلة أروع ::

قال نجمة الفؤاد:
:: وعليكم السلام ورحمة الله وبركاته ::

أولا كل الشكر والامتنان ليك حبيبتي شــــهـــزراــد على الموضوع الهايل
بارك الله فيك وجزاك كل الخير
وانتي قلتيها لا شغل ولا مشغلة ما نتهلاو في روحنا خير لينا
ثانيا المهم كل وحدة فينا تستفاد قدر المستطاع
وانا بدوري نقولكم:
المكآآآآآآآآن محجووووووووز
درك ندير دورة ونولي...()
تحيآآآآآآآآتي ..



​
إضغط للتوسيع...
بارك الله فيك نجمة
اياا هكاا لبنات نحبكم متحمسيين :sheer:
ننتظرو يتجمعو لبنات اكثر باه نبداو
​
 
قال NOUR_light:
بدا تجاوب العضوات معاه
بالتوفيق
راني عدلتو كيما تفاهمنا شهرزاد
سلامو
...
ثُبت الموضوع مادام التفاعل موجود
​
إضغط للتوسيع...
ان شاء الله رانا نسناو يكون تجاوب اكبر
يعطيك الصحة نور على التثييت وعلى تعديل الموضوع
بارك الله فيــــك:re_gards:
​
 
وعليكم السلام
موضوع يستحق التقييم والمتابعة
ان شاء الله يفيد العضوات كل
شكرا اختي
تحياتي
​
 
توقيع السلطانة
حظ موفق شهرزاد راح نكون معاكم في الحملة
ان شاء الله يكون العمل منظم
باه تتحقق نتائج باهية
تحياتي

​
 
توقيع السلطانة
و الله فكرة رااائعة .. بيانسير نشاركم ..
و انا نحب هاد لحواايج شكرا ..
 
قال شرطية اللمة:
حظ موفق شهرزاد راح نكون معاكم في الحملة
ان شاء الله يكون العمل منظم
باه تتحقق نتائج باهية
تحياتي

​
إضغط للتوسيع...
اهلا عايشةاختي
بارك الله فيك على التقييم
و مرحبا بيك معانا فالحملة
ايه هداك هو الصح كيما قلتي لازم يكون التنظيم باه ينجح
وهاد الشي يتحقق بالتعاون مع لبنات كامل
:sheer:
​

 
قال ••[јάzάyriyά]••;3364005:
موضووووع في القم‘ـــه

مشششآركه معآكم و بقوووه ..

ويلي نقدر نديرهـ نديرهـ آن شششآء الله

يع‘ــطيم الصصصح‘ــه آختي
​
إضغط للتوسيع...

مرحبا بيــــــــــــــــــك:sheer:​
 
موضوع هايل حنونة انا تاني حابة نشارك معاكم
سلااام​
 
ايمان الهاني
beso and 7ano
meryama94

اهلا بيكم معانا خياتي
:sheer:

ختي ندووش يعطيك الصحة على المرور والتشجيع :sheer:
​
 
آخر تعديل:
الموضوع لاقي تجاوب
تقدري تبداي البرنامج
لي تخدمو بيه
وراني معاكم ان شاء الله
​
 
توقيع الورد الأحمر
فكرة قمة

بالتوفيق للبنات
 
صباح الخيــر لبنات:sheer:

اليوم ان شاء الله نبداو فالبرنامج تاعنا
اولا رايحة نبدا بعادات لازم تولي جزء من حياتنا اليومية

*شرب مالا يقل عن 2لتر من الماء
والي قدرت تزيد لانو رانا فالصييف
من الاسرار نظارة البشرة.هاد الشي مهم جدا يالبنات ..الماء يعطيك حيوية فالوجه وتحمي نفسك من التجاعييد في سن مبكر
و من الاحسن ايضا ديري لترة ماء و تخلطيها بماء الورد
يومياااا ومن الاحسن ايضا كي تنوضي من الرقاد تشربي كاس ماء بماء الورد
مع الوقت يولي وجهك مورد ان شاء الله
اذا تفاهمنا على النقطة هادي
كااامل رايحيين نطبقوها الي ماهيش موالفة تشرب كمية كبيرة من الماء معليش فالاول حتمييه وممبعد توليلك عادة
وديرو كيما انا وين ندور فالدار
نرفد معايا القرعة تاعي تاع الماء :yaw:
*اكل الخضروات والفواكه
عاداتنا فالاكل زي زفت :no_1:
مانكذبش عليكم انا منكلش بزاف الخضراوات مي على جال
البشرة نديرو كلشي :thumb_up2:
يوميا حبة جزر والخيار والي تقدر تزيد :showoff:حاجة مليحة
ماشي حاجة واعرة راكي مع الميكرو وتاكلي
هكا تفيدي البشرة تاعك الجزر بزااف مليح يعطيلك لون فالوجه والخيار بلا مانحكي عليه
و نوعي ايضا فالسلطات
تفاهمناااا حبة جزر وخيار
ورانا في فصل الفاكهة نوعي قد ماتقدري
*شرب النعناع فاليوم و كاس حليب قبل النوم
(ايه ايه حليب قبل النوم ليك نتي ماشي لخوك الصغير:angel:)

النعناع يالبنات راه في كل دار ومفيد بزاف ينقي الجسم
وجسمك كي يكون نقي يبان هاد الشي على وجهك
اذا راكي قاعدة روحي غلي نعناع وشربي
اما لحلييب قبل النوم والله صدقوني لازم تكون عادة عندك ماترقديش بلا بيها ..رايحة تفيدي جسمك الان وممبعد من ترقق العظام وامراض كثييرة مع تقدم العمر
وبيناتنا ماهيش حاجة واعرة لبنات:wink:
بالنسبة ليا من عمر صغييير وانا بهاد العادة لحد الان
مع العلم نضييف لحليب مغرفة عسل
والي ماتقدرش ماشي مشكل

*نوم الكافي
وراكي تعرفي كي مترقديش مليح تنوضي وجهك مكرفص
وعينيك :no_1:
يعني حرام علينا نعذبو فالرواحنا هاك :tears:
علابالي الصيف ورانا نبروفيتيو ونحو على خاطرنا
مي شوية على الاقل نضمو 8ساعات فالنوم
الرياضة
هههه على بالي نصنا لكبير ماديرش رياضة
بيان سيير الرياضة لكبيرة تاعنا راهي كي نوضو مع الصباح
الميـــــــــــــــــناج:showoff:
الي تعاني من وزن زائد يالبنات
الرياضة ثم الرياضة ثم الرياضة
ماشي تحرمي نفسك من الاكل ممبعد تحوسي تنقصي
ابدااا ماهيش طريقة ...ساعة فاليوم وفالمنزل اجري فبلاصتك ياسيدي وديري شوية حركات ادا داومتي على هاد الشي مع تنقصي الحلويات والدهون تحققي المطلوب :thumb_up1:

*اذا هاد الشي كامل تعرفوه لكن قليل الي يطبقو
*من عادتنا اليومية شرب مالايقل عن 2لتر ماء ونخلطو لترة بماء الورد
*من عاداتنا اليومية ناكلو جزر وخيار وفواكه دااااايما
*من عاداتنا اليومية نشربة كاس حليب قبل النوم
*من عاداتنا اليومية نحافظو على النوم تاعنا باه نوضو قمرات :luve_1:
من عاداتك اليومية اذا كنتي ذات وزن زائد
الريااااضة ساعة فاليوم


ومازال الخيـــــــــر لقدام تابعونا :shay:
​
 
آخر تعديل:
ياحلاتكم يابنات الجزائر
ولا انا بعرفكم انكم أمورات
فاليش الحزة الحين وبتسوون هيك في نفسكم
لكن ماعليه زيادة الخير خيرين
والله يوفقكم ان شاء الله
وأي نصيحة أو مساعدة أنا هون
​
 
لي عودة اختي شهرزاد
​
 
توقيع الورد الأحمر
ايا لبنات لازم شوية حماس
والا ماراه خاصكم والو تغيروه امممم :rolleyes:
:sheer:
الآن راحة نقلكم على الاشياء الي نسحقوها فالبرنامج هدا
ولازم تكون عندكم
جربت قد مانقدر نحوس اشياء رخيصة سهلة التحصييل
ايا نبداو بالقائمة

1*ماء الورد الطبيعي (ضروري جداااااوتلقاوه في كل مكان)
2*زيت اللوز المر والحلو
3*زيت الزيتون الطبيعي
4*زيت الخروع
5*زيت جوز الهند
6*زيت السمسم
7*سائل الجليسيرين الشفاف (راه موجود عند اي عطار او الي يبيع صوالح تاع الزيوت وغير كيما شريتو روعة)
8*الفازلين(ضروري)
9*صابونة دوف الوردية
10*رايحيين نحتاجو فبعض الخلطات لعسل الحر
11*الجليسوليد (تلقاوه فالصيدلية)

وكاين حاجات بلا مانقول عليهم رايحيين نسحقوهم
و راهم متواجدين في كل بيت
مثل الليمون ..النشا..الخ





​
 
مشكووووووورة حبيبتي عالموضضضضووووووووووع الرااااائع
لي عودة انشاء الله
 
زيت بيبي جونسون


اذا تقدرو تضيفوه للقائمة
ومفيــــــــد بزااف هايل
توضعيه لازالة المكياج
ولا بعد الاستحمام ترطبي بيه جسمك يخلي جسمك ريحتو شااابة
ونعوومة كي الاطفال
وتنا تقدري تستعمليه اثناء الاستحمام
وكذلك مليح للحامل تدير مساج بيه يمنع التشققات البطن او يخفف منها
و تستعمليه ايضا بعد نزع الشعر يساعد فتهدئة البشرة
​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom