spa بنات اللمة :: حملة تغيير من أجل طلة أروع ::

[shahrazad]

الوجه

بعد ما تكلمنا على الشعر رايحيين ننتقلو لأهم منطقة
وهي الوجه
بزاف من لبنات يعنيو من مشاكل فهاد المنطقة وكل مشكلة تختلف عن الاخرى
وكاين الي ربي بلاها وعندها قاع المشاكل فهاد المنطقة
اصعب مشكل هو حب الشباب
بارسكو حتى كي يروح راه يخلف اثار واشياء كثيرة صعب باه تزول
انا ننصح اي بنت عندها مشكل كبير في وجها تروح عند طبيب مختص فالجلد يعني لااااااازم
كاين اشياء لازم الطب يعالجها ماتخليش روحك هكداك
////
نصائح
*لازم تعرفي نوع البشرة نتاعك
الجافة-دهنية-مختلطة
يقولو البشرة الدهنية مليحة لانها تخرج كامل الاوساخ والسموم عن طريق الدهون لكن مشاكلها تاني كثيرة
هي البشرة الاكثر تعرضا للحبوب
وصعيييبة في فصل الصيف
اما الجافة لازملها ترطييب باستمرار بعد كل غسل وهي معرضة اكثر للتجاعيد المبكرة
باه تحافظي على بشرتك صحية ونظرة لازم تشربي الماء بكثرة قد ماتقدري (مهم جدا)
*لازم تاكلي الجزر الخيار الفواكه البيطراف
وغيرها هادو يسعدو فاعطاء لون للبشرة وباه تبقى صحية
*لازم عليك ترطبيها بالكريم الي يخرج عليك
*حطي ماء الورد فالقوالب تاع الثلج وكل ماتنوضي الصباح
امسحي وجهك وحتى عينيك
بحركات دائرية بكعبة من ماء الورد المثلج
هادي انا نديرها وتعطيك نظارة للوجه مع صباح
*ماتخلطيش بزاف الماكلة لانو كي تكون المعدة تاعك نقية
يبان على وجهك
واعرفي واش هيا الحاجات الي كي تاكليها ماتخرجش عليك
مثلا كيما الشيكولا راهي كاين الي تسببلهم حبوب
لانها دهنية
*اشربي النعناع مليح ينقي المعدة ويعطيلك نظارة فالوجه

بعد هاد النصائح من عندي
رايحيين نبداو بلي ماسك المناسبة للوجه
تابعوني :shay:

​

 

[aidouch]

بعد ما تكلمنا على الشعر رايحيين ننتقلو لأهم منطقة

وهي الوجه
بزاف من لبنات يعنيو من مشاكل فهاد المنطقة وكل مشكلة تختلف عن الاخرى
وكاين الي ربي بلاها وعندها قاع المشاكل فهاد المنطقة
اصعب مشكل هو حب الشباب
بارسكو حتى كي يروح راه يخلف اثار واشياء كثيرة صعب باه تزول
انا ننصح اي بنت عندها مشكل كبير في وجها تروح عند طبيب مختص فالجلد يعني لااااااازم
كاين اشياء لازم الطب يعالجها ماتخليش روحك هكداك
////
نصائح
*لازم تعرفي نوع البشرة نتاعك
الجافة-دهنية-مختلطة
يقولو البشرة الدهنية مليحة لانها تخرج كامل الاوساخ والسموم عن طريق الدهون لكن مشاكلها تاني كثيرة
هي البشرة الاكثر تعرضا للحبوب
وصعيييبة في فصل الصيف
اما الجافة لازملها ترطييب باستمرار بعد كل غسل وهي معرضة اكثر للتجاعيد المبكرة
باه تحافظي على بشرتك صحية ونظرة لازم تشربي الماء بكثرة قد ماتقدري (مهم جدا)
*لازم تاكلي الجزر الخيار الفواكه البيطراف
وغيرها هادو يسعدو فاعطاء لون للبشرة وباه تبقى صحية
*لازم عليك ترطبيها بالكريم الي يخرج عليك
*حطي ماء الورد فالقوالب تاع الثلج وكل ماتنوضي الصباح
امسحي وجهك وحتى عينيك
بحركات دائرية بكعبة من ماء الورد المثلج
هادي انا نديرها وتعطيك نظارة للوجه مع صباح
*ماتخلطيش بزاف الماكلة لانو كي تكون المعدة تاعك نقية
يبان على وجهك
واعرفي واش هيا الحاجات الي كي تاكليها ماتخرجش عليك
مثلا كيما الشيكولا راهي كاين الي تسببلهم حبوب
لانها دهنية
*اشربي النعناع مليح ينقي المعدة ويعطيلك نظارة فالوجه​

بعد هاد النصائح من عندي
رايحيين نبداو بلي ماسك المناسبة للوجه
تابعوني :shay:​

[/QUOTE

مشكورة اختي شهرزاد جزيل الشكر على النصائح المفيدة
و الله ليوم سمعت اخصائية التجميل تكلمت على الحب الشباب و الكنف
قالت يتعالج
بالماء الورد و الخل هذا يصفي الوجه
و لازم نقصو من اكل كل انواع الشوكولاطة و الدهون لانها سبب من اسباب ظهور حب الشباب
لكن اختي
انا مازالت عندي مشكلة
نطلب من اي وحدة تعرف ماسك يعالج الحب الشباب يمدهولي
انا في الانتضار
سلامي.....​

 

[shahrazad]

[/QUOTE

مشكورة اختي شهرزاد جزيل الشكر على النصائح المفيدة
و الله ليوم سمعت اخصائية التجميل تكلمت على الحب الشباب و الكنف
قالت يتعالج
بالماء الورد و الخل هذا يصفي الوجه
و لازم نقصو من اكل كل انواع الشوكولاطة و الدهون لانها سبب من اسباب ظهور حب الشباب
لكن اختي
انا مازالت عندي مشكلة
نطلب من اي وحدة تعرف ماسك يعالج الحب الشباب يمدهولي
انا في الانتضار
سلامي.....​

يعطيك الصحة :sheer:
مايكون غير بخاطرك عايدة تبعي وراح نحط ماسك للحبوب
:shay:
​

 

[shahrazad]

باسم الله رايحيين نبداو مع ماسكات من عندي
ان شاء الله يفيدوكم

رايحيين نبداو بماسك لحب الشباب

المكونات
2 ملاعق نشا (مايزينا)
ملاحظة(كاين ناس يديرو دقيق بيض)
ملعقة حليب مجفف (لحظة)
ملعقة عسل
تخلطيهم وتضيفيلهم عصير ليمونة متوسطة
مدة الاستعمال
ساعة ..تحسي بلي الماسك نشف بزااف على وجهك
جيبي ماء دافي ومنشفة وتبداي تحكي وجهك غيييير بشوية
على جال الحب
واذا خفتي لا تجرحي الحب امسحي عادي بلا ما تحكي
بعد ما تمسحيه بالماء الدافي
عاودي اغسلي بالماء البارد

مدة استعمال الماسك
مدة اسبوعين حتى تحسي الفرق وانو الحب بدا ينشف ويقل

ماتنسايش شرب الما بكثرة و مسح الوجه بماء الورد

​

 

[shahrazad]

وكاين هاد لابوماد مليحة للحب
تقدري تروحي للفرماسيان وتسقسيه عليها
كاين الي دارو هادي وخلطوها مع بوماد وسمها acretin واستعملو المزيج
لانو اكريتين مليحة للاثار حب الشباب

حتى انا رايحة نشريهم ونجرب
لانو عندي اثار حب فالظهر :sad:
كان عندي شوية حب
درت خل التفاح زدتلو شوية ماء وعندي اسبوع ملي راني نمسح ظهري بيه
ولاحظت تحسن لكن الاثار مازالت شوية
خل تفاح راه متواجد فأي صيدلية

انا ندلكم ونتوما زيدو سقسيو :re_gards:
​

 

[shahrazad]

نكملو مع الماسكات الوجه يا زينات

ماسك للتخلص من شوائب البشرة وللتبييض
يعني تصفية الوجه في اسبوعين

هدا جربتو عندي 3 اياام واش نقلكم روووعة
نتمنى جربوه وتخبروني بالنتيجة

المكونات
3 مغارف حليب بودرة(لحظة)
4 مغارق دقيق(فرينة)
2 مغرف عسل
وماء الورد للعجن
راح توليلك تقريبا عجينا جارية شوية

ملاحظة (انا ماكانش عندي لحظة ودرت حليب سائل بصح كونديا
يعني حليب تاع شكاير نظن مافيه حتى فايدة والله اعلم )
لكن نتي ادا عندك لحظة ديريها

مدة الوضع
نصف ساعة

تحسي وجهك نشف بزاااف
ممبعد تقشريها بالفوطة والماء الدافئ
وتعاودي تغسلي بالماء بارد
النتائج
نعووووووووومة روووعة+ تحسي بلي بشرتك صفات شوية لكن مع الاستمرار تزيد

مدة استعمال الماسك
اسبوعين وراني انا نديرو يوميا
فضلي من المرة الي فاتت وحطيتو فالثلاجة
​

 

[shahrazad]

ماسك للتنقية البشرة
هاد الماسك تاني مجرب مني شخصيا
كنت نستعملو فرمضان الي فات تاني حسييت بشرتي صفات
و وجهك تحسييه معمر

المكونات
مغلي تاع حلبة( الحلبة عندها دور رااائع فصفاء البشرة تقدري حتى تشربي المغلي تاعها)
+
خميرة تاع خبز (هههه ماتخافيش راه مجرب)
تخلطيهم مليح ماتخليه جاااري بزاف ما يكون يابس
وتوزعيه على وجهك دايما بعدي على منطقة ما حول العين
مدة الوضع
نص ساعة
تحسي تااااني وجهك ناشف ههه ومشدود
بعديها تنحيه كيما فالطرق الساااابقة
وبعدها تحكي وجهك بمكعب ثلج بحركات دائرية
راح تحسي وجهك سخون ويحمار
ماتخافيش لانو رايح يزل بعد مدة

مدة استعمال الوصفه
مرتين فالاسبوع
النتائج
نقاء وهادي عن تجربة

الي تشوف بلي بشرتها حساسة تجرب الماسكات السابقيين
احسن
هادي مافيها حتى خطورة لكن للحذر فقط
​

 

[aidouch]

باسم الله رايحيين نبداو مع ماسكات من عندي

ان شاء الله يفيدوكم​

رايحيين نبداو بماسك لحب الشباب​

المكونات
2 ملاعق نشا (مايزينا)
ملاحظة(كاين ناس يديرو دقيق بيض)
ملعقة حليب مجفف (لحظة)
ملعقة عسل
تخلطيهم وتضيفيلهم عصير ليمونة متوسطة
مدة الاستعمال
ساعة ..تحسي بلي الماسك نشف بزااف على وجهك
جيبي ماء دافي ومنشفة وتبداي تحكي وجهك غيييير بشوية
على جال الحب
واذا خفتي لا تجرحي الحب امسحي عادي بلا ما تحكي
بعد ما تمسحيه بالماء الدافي
عاودي اغسلي بالماء البارد​

مدة استعمال الماسك
مدة اسبوعين حتى تحسي الفرق وانو الحب بدا ينشف ويقل​

ماتنسايش شرب الما بكثرة و مسح الوجه بماء الورد ​

مشكورة اختي
ان شاء الله نجربها
بصح
قوليلي اختي
ملعقة كبيرة ولا صغيرة ؟؟؟؟
و بالنسبة للابوماد حوست عليها ملقيتهاش
ويدا صبتي ماركا واحدوخرا قوليلي
ok???
​

 

[آلاء النايلية]

مشكورة اختي شهرزاد جزيل الشكر على النصائح المفيدة
و الله ليوم سمعت اخصائية التجميل تكلمت على الحب الشباب و الكنف
قالت يتعالج
بالماء الورد و الخل هذا يصفي الوجه
و لازم نقصو من اكل كل انواع الشوكولاطة و الدهون لانها سبب من اسباب ظهور حب الشباب
لكن اختي
انا مازالت عندي مشكلة
نطلب من اي وحدة تعرف ماسك يعالج الحب الشباب يمدهولي
انا في الانتضار

سلامي.....[/CENTER]

عندي وصفه من عند بنت الله يذكرها على خير
و جربتها بنت خالتي عندها حب شباب نقصلها
و انا ثاني جربتها عندها فوائد ياسر للوجه كيما ذكرت من قبل
و كا من يجربها تنفعو

تجيبي نص صابونه دوف تكرفجيها + عصير حبه صغيرة قارص أو نص حبة كبيرة تضيفيلهم كاس ما ورد مغلي و تبداي تزيدي في المايزينه و تخلطي حتى توللي كي الكريم +++ تحبي تضيفي حبتين او ثلاثة من حبوب خميرة الجعه (هادي باه تنفخ الوجه طبيعيا) ،، ديريه في قرعه و سكري عليها
اديريه ماسك مرتين في الأسبوع و بعدها التقشير و تحبي تغسلي بيه و جهك كل يوم في بلاصة الصابون
ملاحظة :
* تقدري تدوشي بيه يعني استعمليه مكان الجال دوش
* القارص تزيديه حسب نوع البشرة اذا جافه ، اذا دهنيه ،،،، واذا كانت عادية تستغناي على القارص و ديري صابون دوف قارص و خلاص و اذا البشرة جافه استعملي صابون دوف عادي
* حبوب الخميرة مجربتهاش لكن أكيد هي مصنوعه من مواد طبيعيه
ان شالله تفيدكم​

 

[aidouch]

ملاحظة يا البنات
هاذي كريم لتبييض الوجه و تصفيته
ديريه مرتين في ايوم
وجهك يولي مراااااااااااياا هههههه و الله جربتها اختي
و انا رايحة نجربها..
تلقاوها في جميع الصيدليات​

ايا سلام​

 

[aidouch]

عندي وصفه من عند بنت الله يذكرها على خير
و جربتها بنت خالتي عندها حب شباب نقصلها
و انا ثاني جربتها عندها فوائد ياسر للوجه كيما ذكرت من قبل
و كا من يجربها تنفعو​

تجيبي نص صابونه دوف تكرفجيها + عصير حبه صغيرة قارص أو نص حبة كبيرة تضيفيلهم كاس ما ورد مغلي و تبداي تزيدي في المايزينه و تخلطي حتى توللي كي الكريم +++ تحبي تضيفي حبتين او ثلاثة من حبوب خميرة الجعه (هادي باه تنفخ الوجه طبيعيا) ،، ديريه في قرعه و سكري عليها
اديريه ماسك مرتين في الأسبوع و بعدها التقشير و تحبي تغسلي بيه و جهك كل يوم في بلاصة الصابون
ملاحظة :
* تقدري تدوشي بيه يعني استعمليه مكان الجال دوش
* القارص تزيديه حسب نوع البشرة اذا جافه ، اذا دهنيه ،،،، واذا كانت عادية تستغناي على القارص و ديري صابون دوف قارص و خلاص و اذا البشرة جافه استعملي صابون دوف عادي
* حبوب الخميرة مجربتهاش لكن أكيد هي مصنوعه من مواد طبيعيه

ان شالله تفيدكم​

يعطيك الصحة يا الغالية على الوصفة
ممكن تقوليلي مدة الماسك؟؟​

 

[shahrazad]

مشكورة اختي
ان شاء الله نجربها
بصح
قوليلي اختي
ملعقة كبيرة ولا صغيرة ؟؟؟؟
و بالنسبة للابوماد حوست عليها ملقيتهاش
ويدا صبتي ماركا واحدوخرا قوليلي
ok???
​

ملعقة كبيرة ختي جربيها ان شاء الله تفيدك
انا مازال ماحوستش على لابوماد مي اكيد كاينة
ماتحوسيش في صيدلية وحدة برك

​

 

[aidouch]

ملعقة كبيرة ختي جربيها ان شاء الله تفيدك

انا مازال ماحوستش على لابوماد مي اكيد كاينة
ماتحوسيش في صيدلية وحدة برك ​

اوكي اختي مشكورة
ان شاء الله الوصفة تكون في الصواب

و لابوماد يا غاليتي حوست عليها في جميع صيدليات المنطقة ماصبتلهاش اثر
ممبعد نزيد نحوس...
بارك الله فيكي​

 

[shahrazad]

يعطيك الصحة GIFT♥DZ,
وهاد الوصفة سمعت بيها وراني معولة نجربها
بصح سمعت للجسم نغسلو بيها
****
عايدة
فير اند لوفلي راهي معروفة
بصح انا مانفعتنيش
كل واحدة وكيفاه
مرسي
​

 

[aidouch]

****
عايدة
فير اند لوفلي راهي معروفة
بصح انا مانفعتنيش
كل واحدة وكيفاه
مرسي​

انعم اختي علابالي راهي معروفة
مي كيشفتها خرجت نتيجة مليحة طرحتها على بنات اللمة
ا كيما راكي تقولي كل واحد كيفاه و كل واحد و البشرة تاعو
سلامي..​

 

[shahrazad]

تاني لبنات هادي طريقة قاتلي عليها مرت خالي
ورايحة غدوا نبدا نجربها

كاس ماء + ربع كاس رز
تخليهم يغليو لمدة 5 د ممبعد تصفيه
وتحفظيه فالثلاجة وتغسلي بيه وجهك كل صباح
ينقي+يصفي

وصح سمعت بلي الماء تاع الرز مليح للوجه

ايا لبنات الي عندها حاجة ديرها لوجها مليحة تفيدنا بيها
وراني هنا لاي استفسار او مشكلة
​

 

[*ايمان*]

بما انكم تتكلمو على منطقة الوجه وحب الشباب

راح نفيدكم في تجربتي للتخلص منه بصح طبيا

انا رحت لطبيب الجلد وقاللي اولا اسباب حب الشباب

واول سبب هو الادوية والاعشاب اللي تسمن

تانيا
تخلاط الدهاين اللي نشوفوها في الاشهار كما فير اند لفلي ونيفيا وغارنيي وكريم الاساس من النوع الرخيص


لحابة دير حاجة ديروها مليحة وماركة تاع الخارج

المهم هاهم الادوية اللي مدهملي

دوتور وهو عبارة عن كاشيات ناخذ نص حبة مورا الاكل مرة في اليوم معنديش صورتو

بوماد

نديرها على كامل وجهي في الليل فقط وراهي تنشف الوجه مي تنحي الحب
تم غدوا ندير في بلاصتها

وكل ليلة بوحدة مرة هاذي ومرة هاذي

وصابون اسمو نسيتو ملقيتوش قاللي مليح ولكل انواع البشرة يدير ب40 الف ولا 50 الف للاسف بحثت عنو عندنا وملقيتوش

اول مستعملتهم وداومت الحب راحلي وصفا وجهي بصح للعلم انا الحب تاعي خفيف وبشرتي دهنية قعدو الاثار ودارتلي مشكلة اخرى وهي القشور

اعطاني اكسفوليك مرطب وينحي الاثر مع المداومة

ويا بنات بوماد اللي تحمي البشرة من الشمس لازم معاهم انا ندير اورياج 90

برك

 

[shahrazad]

ربي يبارك فيك على المعلومات قيمة جدااا
يعطيك ماتتمناي
راح تفيد لبنات
وصح ديفواا الحل يكون غير فالمنتجات الطبية
ونصيحتك مليحة
يا لبنات متشروش كريمات وخلااااص
بارسكو التقليد راه داير حالة
تحسبيها رخييسة بصح هيا ماشي دوريجين
ديما اشرو من عند الفارماسيان ولا من محلات ثقة فالجودة
مرسي ايـــــــــمان
​

 

[*ايمان*]

بلا مزية اختي شهرزاد رانا هنا باه نفيدو بعضنا

ومن تعاني من مشكلة الكلف والبقع البنية يوجد هذا المنتج

وهو مصفي للبشرة يوضع في النهار والليل




​

 

[ايمان 02]

من فضلكم اريد وصفة سهلة من اجل نزع شعر الوجه واليدين ​