spa بنات اللمة :: حملة تغيير من أجل طلة أروع ::

[shahrazad]

من فضلكم اريد وصفة سهلة من اجل نزع شعر الوجه واليدين ​

اهلا ايمان
رايحيين نتكلمو بالتفصيل عن نزع الشعر برك تابعينا
:sheer:
/
هيا ماكاش وصفة معينة
كاين الحلاوة الطريقة التقليدية
والا كريمات تشريهم والا آلة نزع الشعر
والحلاوة الي هيا الرجينة تقدري تخدميها فالدار
مكاش الي ميعرفهاش ..سكر ليمون والماء
ورايحيين نتكلمو عليها
كاين وصفات يمكن تقلل من الشعر اما تنحيه
كاين وصفة الحلاوة
نصيحة اذا مكاش عندك بزاف الشعر فالوجه ماتمسيهش خييير
طبعا اذا كان مايبانش
انا تاني مازال مالقيتش طريقة توالمني فنزع الشعر :sadwalk:
كنت نستخدم الموس الحلاقة لكن قررت انو نبطلو نهااائيا
اضرارو كثيرة
وسييت نخدم الحلاوة مخرجتليش احسن حل اني نشريها
استفسار آخر راني هنا :re_gards:
​

 

[shahrazad]

راني حطيت كاس ماء وغليت فيه ربع كاس رز
باه غدوا نبدا نغسل بيه وجهي
اي نتيجة مليحة رايحة نخبركم
جربوووووووه نتوما تاني متخسرووالووو
​

 

[sheherazed]

فيما يخص ماسكات الوجه وحب الشباب أنا عندي ختي الكبيرة وتعاني من هاد المشكل وقالولها جربي قناع العسل والليم وحقا جرباتو وبقات تقريبا كل يوم تنقي بيه وجهها يعني تحطو تقريبا نصف ساعة ومن بعد تغسل وجهها والصراحة وجهها يصفى والرؤوس السوداء تزول

أنا جربتو كدا مرة مي ما خرجليش على بشرتي لانو عندي بشرة حسااااااااااااااااااااااسة وما تحمليش العسل والليم


نتمنى نكون أفدتكم

 

[sheherazed]

الأخت ايمان بعد ما يكملو البنات مع مشاكل الوجه راح ننتقلوا لمشكلتي الاساسية وهي مشكلة الشعر وراح نقولك مجموعة من الحلول ولكن مؤقتة(للاسف مازال ما لقاولناش حل جذري!!!!!!!!!!!!!!)

 

[SIRMA]

بارك الله فيك اختي شهرزاد دمتي ودامت ابداعاتك​

 

[zahra09]

نكملو مع الماسكات الوجه يا زينات ​

ماسك للتخلص من شوائب البشرة وللتبييض
يعني تصفية الوجه في اسبوعين​

هدا جربتو عندي 3 اياام واش نقلكم روووعة
نتمنى جربوه وتخبروني بالنتيجة​

المكونات
3 مغارف حليب بودرة(لحظة)
4 مغارق دقيق(فرينة)
2 مغرف عسل
وماء الورد للعجن
راح توليلك تقريبا عجينا جارية شوية​

ملاحظة (انا ماكانش عندي لحظة ودرت حليب سائل بصح كونديا
يعني حليب تاع شكاير نظن مافيه حتى فايدة والله اعلم )
لكن نتي ادا عندك لحظة ديريها​

مدة الوضع
نصف ساعة ​

تحسي وجهك نشف بزاااف
ممبعد تقشريها بالفوطة والماء الدافئ
وتعاودي تغسلي بالماء بارد
النتائج
نعووووووووومة روووعة+ تحسي بلي بشرتك صفات شوية لكن مع الاستمرار تزيد​

مدة استعمال الماسك
اسبوعين وراني انا نديرو يوميا
فضلي من المرة الي فاتت وحطيتو فالثلاجة ​

سلاااام عليكم​

​

بالنسبة ليا البشرة تاعي دهنية بزاااف او عجبني هاد الماسك وراح نسييه ليوم ونداوم عليه ان شاء الله ​

​

انا كنت نستعمل القارص فليل نبات بيه يرجع البشرة رطبة وصافية وبيضة 2مرات فالسمانة​

​

او كي ندوش نشمخ القطن بماء الورد ونمسح البشرة تاع وجهي مليح ​

​

تاني معجون الاسنان يعطي بياض للوجه وينحي الحب(كان عندي حب خفيييف) انا استعملت هادو برك​

​

ملاحظة نورمالمو كامل نعرفوها مي تنبيه برك كي نديرو الماسك منخلوهش يتشقق (متهدري متضحكي هههههه سيرتو حنا نضحكو بزاااف​

​

واشنو هو الإيكرون توتال المليح (واقي الشمس)​

 

[shahrazad]

فيما يخص ماسكات الوجه وحب الشباب أنا عندي ختي الكبيرة وتعاني من هاد المشكل وقالولها جربي قناع العسل والليم وحقا جرباتو وبقات تقريبا كل يوم تنقي بيه وجهها يعني تحطو تقريبا نصف ساعة ومن بعد تغسل وجهها والصراحة وجهها يصفى والرؤوس السوداء تزول

أنا جربتو كدا مرة مي ما خرجليش على بشرتي لانو عندي بشرة حسااااااااااااااااااااااسة وما تحمليش العسل والليم


نتمنى نكون أفدتكم

يعطيـــــك الصحة شهرة على المعلومة :sheer:
صح البشرة الحساسة صعيبة شوية ماتتقبلش كلشي
لازملها الطبيب احسن
///
ان شاء الله نتكلمو على ازالة الشعر واحسن طريقة
ندوها من لبنات
:re_gards:
​

 

[shahrazad]

بارك الله فيك اختي شهرزاد دمتي ودامت ابداعاتك​

ربي يبارك فيك سيرما
اااااه بصح قلتيلي نشارك ومابنتيش نتي وبزاف بنات:schmoll:
اممم ماعليش المهم تكوني تستفادي
واي حاجة جربيها قولينا النتايج
سلام:re_gards:
​

 

[shahrazad]

سلاااام عليكم
بالنسبة ليا البشرة تاعي دهنية بزاااف او عجبني هاد الماسك وراح نسييه ليوم ونداوم عليه ان شاء الله
انا كنت نستعمل القارص فليل نبات بيه يرجع البشرة رطبة وصافية وبيضة 2مرات فالسمانة
او كي ندوش نشمخ القطن بماء الورد ونمسح البشرة تاع وجهي مليح
تاني معجون الاسنان يعطي بياض للوجه وينحي الحب(كان عندي حب خفيييف) انا استعملت هادو برك
ملاحظة نورمالمو كامل نعرفوها مي تنبيه برك كي نديرو الماسك منخلوهش يتشقق (متهدري متضحكي هههههه سيرتو حنا نضحكو بزاااف
واشنو هو الإيكرون توتال المليح (واقي الشمس)​

صحيــتي يالوفية تاعنا
هكااا لازم تتهلاو فرواحكم :sheer:
والله نتي كيما انا في كلشي ههه انا تان وجهي دهني
سيرتو كي نخرج برا فالسخانة تبهديلة وخلااااص :cra_zy:
///
صحيتي على المعلومات
وننصحك جربي هداك الماسك الي حطيتو
راني قلت لقاع لافامي عليه هههه
والبارح درتو ليما بسييف :scared: هههه
وتاني تاع ماء الروز حطيه في قرعة واغسلي بيه مع الصباح
ايــــه صح كي ديرو الماسك لازم ماتهدرو ماتندبو ههه
ولازم تنظفو وجهكم قبل ماتحطوه
///


​

 

[shahrazad]

واقي الشمس لمليح يا زهرة على حسااب
انا كنت نستعمل فينوس مليح نورمال
ودوكا راني ب uriage
تاني عجبتني
المهم باختصار لبنات يستخدمو
فينوس -اورياج-روك-فيشي
هادو الي يمشيو بكثرة
​

 

[نسيم الربيع]

السلام عليكم
موضوع مليح يعطيكم الصحه لبنات
كاشما وحده عندها وصفه تاع التخلص من الرؤوس السوداء وشحال من مره تندار اللي عندها تفيدني ومارسي بوكو​

 

[shahrazad]

السلام عليكم
موضوع مليح يعطيكم الصحه لبنات
كاشما وحده عندها وصفه تاع التخلص من الرؤوس السوداء وشحال من مره تندار اللي عندها تفيدني ومارسي بوكو​

وعليكم السلام
​

مايكون الي خاطرك اطلبي وتمني مادام جبتي الباك :sheer:
رايحة نجاوبك وان شاء الله تستفادي

تابعيني :shay:
​

 

[shahrazad]

رايحيين نطرقو لمشكلة الرؤوس السوداء
هيا مشكلة تعاني منها بزااف من لبنات وهي
عبارة عن انسداد المسام بالدهون
لازم يالبنات الحرص على النظافة الدايمة للوجه وهذا باستعمال المقشر للوجه والمنظف
الاخت نسييم الربيع ننصحك باستعمال مجموة مستحضرات كلين اند كلير للتخلص من الرؤوس السوداء وهي مفيدة جدا
لكن قبل عندي طريقة وقلت منحطهاش حتى كي نجربها انا
لكن سبقتي وسقسيتيني لازم نجاوبك
ماعليش نجربوها مع بعض مكوناتها سهلة طبيعية مافيهاش حتى خطورة
طريقة البياض البيض للتخلص من رؤوس السوداء

جيبي بياض بيضة تضربيها مليح ممبعد جيبي فرشاة كبيرة الي نوزعو بيها فوندوتا ليكيد اذا عندك ..المهم فرشاة وخلاص
استعملي الفرشاة هاديك فدهن الوجه بالبياض البيض تحطي طبقة خفييفة وخليها حتى تنشف (هويها مليح بكاش كتاب ولا)
ممبعد ماتنشف زيدي حطي طبقة اخرى من البيض وحطي فوقها مناديل يعني لصقيها على كل وجهك
ممبعد زيدي طبقة ثالثة من البيض وخليها تنشف قاااع واش كاين
وحد 10د هكاك
ملاحظة(بعدي على منطقة العين والشفاه)
بعد ماينشف مليح نحي المناديل راحة تكون لاصقة اجبدي مليح
رايحة تلاحظي اوساخ على منديل
وهادي هيا
ممبعد اغسلي وجهك بالصابون الي يناسبك ومسحي بماء الورد
ودامي تاني على الماسك الي حطيتو من قبل
رايحة تلاحظي الفرق في وجهك ان شاء الله
بلاك لبنات عندهم معلومات يزيدو يفيدوك اكثر

اي استفسار راني هنا:re_gards:
​

 

[zahra09]

واقي الشمس لمليح يا زهرة على حسااب

انا كنت نستعمل فينوس مليح نورمال
ودوكا راني ب uriage
تاني عجبتني
المهم باختصار لبنات يستخدمو
فينوس -اورياج-روك-فيشي
هادو الي يمشيو بكثرة ​

انا نستعمل فينيس مي منكدبش عليك مع لقرايا هادوك اليامات السخونين تاع ربيع كنت خطرا نديرها خطرا لالا ما بانتش النتيجة ديالها توجور روطار مع الصباح انا ههههههههههه لاتراس تاع الخيمار تبهدل راني نحاول نحيها بالليمون او دوك نجرب الماسك ديالك

غدوة ان شاء الله نصبح عليه والله مام انا لي نديرها نلسقها لماما بالسيف هههههه الى مدرناش هكداك ميتهلاوش فرواحهم خلينا نتهلاو فيهم حنا خير :shiny:

مرسي حنونتي ربي يخليك​

 

[zahra09]

رايحيين نطرقو لمشكلة الرؤوس السوداء

هيا مشكلة تعاني منها بزااف من لبنات وهي
عبارة عن انسداد المسام بالدهون
لازم يالبنات الحرص على النظافة الدايمة للوجه وهذا باستعمال المقشر للوجه والمنظف
الاخت نسييم الربيع ننصحك باستعمال مجموة مستحضرات كلين اند كلير للتخلص من الرؤوس السوداء وهي مفيدة جدا
لكن قبل عندي طريقة وقلت منحطهاش حتى كي نجربها انا
لكن سبقتي وسقسيتيني لازم نجاوبك
ماعليش نجربوها مع بعض مكوناتها سهلة طبيعية مافيهاش حتى خطورة
طريقة البياض البيض للتخلص من رؤوس السوداء ​

جيبي بياض بيضة تضربيها مليح ممبعد جيبي فرشاة كبيرة الي نوزعو بيها فوندوتا ليكيد اذا عندك ..المهم فرشاة وخلاص
استعملي الفرشاة هاديك فدهن الوجه بالبياض البيض تحطي طبقة خفييفة وخليها حتى تنشف (هويها مليح بكاش كتاب ولا)
ممبعد ماتنشف زيدي حطي طبقة اخرى من البيض وحطي فوقها مناديل يعني لصقيها على كل وجهك
ممبعد زيدي طبقة ثالثة من البيض وخليها تنشف قاااع واش كاين
وحد 10د هكاك
ملاحظة(بعدي على منطقة العين والشفاه)
بعد ماينشف مليح نحي المناديل راحة تكون لاصقة اجبدي مليح
رايحة تلاحظي اوساخ على منديل
وهادي هيا
ممبعد اغسلي وجهك بالصابون الي يناسبك ومسحي بماء الورد
ودامي تاني على الماسك الي حطيتو من قبل
رايحة تلاحظي الفرق في وجهك ان شاء الله
بلاك لبنات عندهم معلومات يزيدو يفيدوك اكثر​

​

​

اي استفسار راني هنا:re_gards:​

يبان ماسك راااائع راح نجربو تاني ينضف الوجه تاع الصح (تقوليه فروطوار هههههههه)

مرسي والله استفدت منك بزااف ربي يخليك ليا صحييتي بزاف​

 

[zenouba0511]

semholi ncharek m3akom konto tahadro 3la les points noirs ana ndir l'huile de carotte ytba3 3and pharmacien wenzidlah jus ta3 lim dirih fi wejhek 15mn menba3d teghesli bel ma rani mjarbatah

 

[shahrazad]

انا نستعمل فينيس مي منكدبش عليك مع لقرايا هادوك اليامات السخونين تاع ربيع كنت خطرا نديرها خطرا لالا ما بانتش النتيجة ديالها توجور روطار مع الصباح انا ههههههههههه لاتراس تاع الخيمار تبهدل راني نحاول نحيها بالليمون او دوك نجرب الماسك ديالك

غدوة ان شاء الله نصبح عليه والله مام انا لي نديرها نلسقها لماما بالسيف هههههه الى مدرناش هكداك ميتهلاوش فرواحهم خلينا نتهلاو فيهم حنا خير :shiny:هههه والله

مرسي حنونتي ربي يخليك

ديريه كيما درتو سواسوا مام كي تنحيه نحيه فالفوطة

ان شاء الله يفيدك الماسك كيما فادني :thumb_up2:

​

يبان ماسك راااائع راح نجربو تاني ينضف الوجه تاع الصح (تقوليه فروطوار هههههههه)

مرسي والله استفدت منك بزااف ربي يخليك ليا صحييتي بزاف​

ههههه والله وحدك نتي صح فروطوار تبان
بلا مزية زهرة الحاجة الي نعرفها رايحة نحطها باه نفيد لبناات
مرسي ليــــــك :re_gards:
​

 

[shahrazad]

semholi ncharek m3akom konto tahadro 3la les points noirs ana ndir l'huile de carotte ytba3 3and pharmacien wenzidlah jus ta3 lim dirih fi wejhek 15mn menba3d teghesli bel ma rani mjarbatah

اهلاااااا زنوبة :sheer:
بيان سيير شاركينا فأي وقت
///
اهااا سمعت بزيت الجزر بزاااف بصح ماعرفتش بلي يتباع عند الصيدلية
صافي مليح للرؤوس السوداء
اياا معلومة مجربة من عند حبيبتنا زنوبة
زيت الجزر +عصيير ليمون 15د للوجه
وينحي الرؤوس السوداء
بارك الله فيك على الاضافة
تابعينااا زنوبة

​

 

[zahra09]

semholi ncharek m3akom konto tahadro 3la les points noirs ana ndir l'huile de carotte ytba3 3and pharmacien wenzidlah jus ta3 lim dirih fi wejhek 15mn menba3d teghesli bel ma rani mjarbatah

مرحبا بيك ختي
مفهمتش ديري زيت الجزر او تاني واش...........مفهمتش​

 

[تاعبة كل الناس]

سلام عليكم حبيباتي
حبيت نشارككم في موضوع
نزع الشعر
جبتلكم الطريقة اللي نستعملها و اللي خلاتني تقريبا بلا شعر ههههههه
يعني عاد يطططططول باه ينبت و خفيف خلاص:sheer:

لا حبيتو تتحصلو على نتائج مضمونة تنزعي الشعر باستعمال الالة هادي





واحرصي ان تشتري المصنوعة في المانيا
حذاري لانو لوخرين يطيحو الجلد مع مرور الوقت لانهم مقلدين
ديجا هادي تنحي من الجذور و تخليه يطول باه ينبت
كي تخلصي استعملي :
1/ زيت السعد راهو يتباع عند العطارين واللي يعمل على التخفيف لما تكون الشعرة منزوعة من الجذور استعمليه 3 ايام بعد النزع.
او

2/ ديري الخلطة هادي


مقدار من الماء البارد + ملعقة ملح

الطريقة: يوضع الملح على الماء، ثم يوضع الخليط لمدة 5 دقائق على المنطقة المراد إضعاف نمو الشعر الزائد بها، ثم يغسل الجلد بالماء الفاتر.

مجربين و نتائجهم مية مية :sheer:​

ارجو اكون افدتكم ولو بالقليل :showoff:​