spa بنات اللمة :: حملة تغيير من أجل طلة أروع ::

سلام عليكم لبنات
ان شاء الله تكونو لاباس
اسمحلولي على الغياب
والموضوع راهو مستمر باذن الله :showoff:


TeNtOuNa-هداية الروح
SIRMA
اهلا بيكم معانا لبنات:sheer:
ويعطيكم الصحة على الوصفات والنصائح
ان شاء الله نجربوها

زهرة ونور ونجمة بارك الله فيكم الغاليات



​
 
بعد ما تكلمنا على وصفات عدة ومشاكل عدة
وهي
تقوية وترطيب الشعر...واسرار الشعر
بالنسبة للوجه تحدثنا على حب الشباب على الترطيب على الكلف
على نظارة وتبييض البشرة
ممبعد تكلمنا على طرق نزع الشعر و الوصفات الي نستعملوها قبل وبعد حف الشعر
وكذلك الزيوت الي تقلل من نمو الشعر
///
رايحيين نكملو
بالنسبة لليدين والرجليين
:shay:
​
 
أهلا بيك شهرزاد
مرحبا بعودتك

​
 
توقيع الورد الأحمر
أختي موضوع في القمة ويستحق التثبيت
برنامجي كتالي
.نستخدم زيت الخروع لرموشي وراهم طوالو
.حبة بيض صفارها في شعري قبل الدوش
.اليمون نطلي بيه وجهي أحيانا باش يروحلي الحب
.فازلين لترطيب جسمي
عندي مشكلة وهي أني باغيا نطوال ونسمن
طولي1.56ووزني47
لي عندها كاش تجربة تساعدني
 
العناية باليدين والرجلين

اليدين والرجليين
يمثلو جزء مهم جدا من اجسامنا
سورتو حنا لبنات :shay:
ولو انو حنايا منهتموش بزاف بهاد الجزء بالرغم من انو
يعطيو انطباع على البنت
لما تشوفي في طفلة رجليها ولا يديها مش متهليا فيهم
يعني تشققات وخشونة والى غير ذلك ..
انا عندي متبنليش الانوثة نتاعها :sad:
لذلك لازم نتهلاو فيهم لانو يتعرضو بزااف لمواد كيماوية
و الماء دااااااااااااايييما (نظلو نحكو :sad:)
لازم كل مرة يتعرضو فيها للماء
بعدها يترطبو بمرطب خاص بيهم تقدري حتى انتي تصنعيه فالبيت(رايحيين نتكلمو عليه)
وحتى قبل النوم لازم يترطبو
والحاجة ثانية لازم ولازم ماتمشيش بلحفا يعني بدون كلاكيت
رايحة تسببي تشققات لرجليك+امراض
انا عن نفسي نحب نمشي بلحفا بصح كي عادت فيها اضرار بديت نحي فهاد العادة

الحاجات الي قلتهم ساهلين باه نطبقوهم دااااااايييماا
ولا لالا؟؟؟:showoff:

الآن ندخلو فالصح
فالتطبيقات والوصفات
تابعوني :shay:
​
 
الله يسلمك نور مرسي :re_gards:




قال youyousra20:
أختي موضوع في القمة ويستحق التثبيت
برنامجي كتالي
.نستخدم زيت الخروع لرموشي وراهم طوالو
.حبة بيض صفارها في شعري قبل الدوش
.اليمون نطلي بيه وجهي أحيانا باش يروحلي الحب
.فازلين لترطيب جسمي
عندي مشكلة وهي أني باغيا نطوال ونسمن
طولي1.56ووزني47
لي عندها كاش تجربة تساعدني
إضغط للتوسيع...


اهلااااا يسرى شرفتينا :sheer:
برنامجك مليح
اقراي الموضوع ورايحة تلقاي وصفات اكثر مجربيين ضيفيهم لبرنامجك

اهاا فكرتينا بالرموش ماحكيناش عليهم
..صح زيت الخروع نحطوها في مسكارا نقية ونمسحو بيها الرموش قبل النوم يقوي الرموش
بارك الله فيك
///
بالنسبة لمشكل الوزن نتاعك راه كاين موضوع سبيسيال
تجمع لبنات النحيفات في ركن صحة حواء
https://www.4algeria.com/forum/t/278596
رايحة تلقاي ثما
ردود وتجارب تساعدك باذن الله وحتى انا راني درت تما رد
وعن تجربة مني
اي مشكلة او نصيحة تقدميهالنا مرحبا بيك فأي وقت
:re_gards:

​
 
اهلاا شهرزاد الحمدالله لي راكي بخير

نورتينا​
 
(الله ينورك ختي زهرة مرسي ):re_gards:
////


*قبل اي شيء لازم فالاسبوع تخصصي ايام تعملي فيهم تقشيير لليدين
باه تنحي الجلد الميت
حاجة ساهلة ماهلة جيبي السكر مع الزيت الزيتون وتحكي بيهم يديك لمدة 10 د

رايحيين نحضرو كريم خاص باليدين والرجليين
للنعومة وتخلص من التشققات
يتكون من
ملاحظة المكونات تلقاوها فأي صيديلية وبسعر معقول

علبة كريم جليسوليد (يبيض+يرطب)
فازليين( مرطب روووعة) نصف كمية نتاع الجليسوليد
زيت الجليسيريين
وماء الورد

ماتكثريش بزاف من ماء الورد باه تتكون عندك كريم
حطيها في علبة صغيرة
تدهني بيها الصباح وفالليل كل يوم يعني خليها عادة عندك
ورايحة تلاحظي نعومة وبياض داااايما باذن الله

كريم اخر
علبة جليسوليد+زيت الجليسيرين+م وربع نشا+بودرة اطفال اذا كاين

كاين وصفة اخرى تاني نستعملها وهيا الجليسيرين مع الليمون
ندهن بيهم قبل النوم ديما نعووومة روعة

للرجلين تاني حطيهم فماء دافي +شوية زيت زيتون
مليح للتشققات
وممبعد ادهنيهم بالكريم
وبالنسبة للاظافر تدهنيهم بزيت الخروع او زيت الزيتون
لانهم يحتاجو الفيتامينات وتاني حكيهم بالليمون مليح
ولازم ديما يكونو مرتبيين باه يعطو مظهر شباب لليديك
///
*نكرر لازم لازم الترطيب يومي يومي يومي *
هادو هوما اغلب المكونات المفيدة لليدين والرجليين ساهلين وماشي حاجة غالية
روحي للصيدلية ويمدهملك
انا هادا هو الاساس تاعي حاجة ساهلة مفيدة وماهيش مكلفة

واي اضافات او كريمات تستخدموها بالنسبة لليدين والرجليين
تفيدونا بيها اهلا بيكم :shay:
​
 
آخر تعديل:
هدا هو الجليسيوليد
واذا ملقيتوهش استخدمو زيت الجليسيرين السائل


]
111176_1300126855.jpg


​
 
آخر تعديل بواسطة المشرف:
عدنا والعود أحمدو...>>>
يعطيك الصحة لحبيبة على النصائح والمجهودات المبذولة
قلنا قبل بلي لازم الوصفات تكون مجربة و انا عندي وصفات مجربين وساهلين ان شاء الله البنات كامل يستفيدو منهم
اصبرو نجيب الكارني تاعي ونجي ...


​
 
موضوع اكثر من رائع،

فكرة مبدعة

مشاركة فيه باذن الله

وصفاتكم هايلة​
 
هاني جيت.....:sheer:
مانيش رايحة نكتر بزاااف:showoff:

الوصفة الأولى :: لترطيب اليدين
ملعقة صغيرة عسل + ملعقة صغيرة عصير ليمون + 1/2ملعقة من حليب أطفال

افركي بهذا المزيج لمدة 10 دقائق اليدين والمرافق واغسليه بعدها بماء دافئ
ملاحظة / يكمن حتى استعمال الوصفة على القدمين والاعقاب أو أي جزء جاف بالجسم/

الوصفة الثانية :: لتبيض الجسم

نصف كوب بودرة من أي نوع / للأطفال/++
نصف كوب ماء ورد ++ 3 ملاعق زيت زيتون++نصف ملعقة صغيرة ملح++
نصف ملعقة صغيرة سكر+++2 ملاعق زيت الخروع ++قطرات من عصير الليمون
توضع على الجسم بكمات كافية
وفي غضون 10-15 يوم نلاحظ الفرق أن شاء الله

​
 
قال المتفائلة_91:
موضوع اكثر من رائع،

فكرة مبدعة

مشاركة فيه باذن الله

وصفاتكم هايلة​
إضغط للتوسيع...
مرحبا بيك معانا ختي :sheer:
بارك الله فيك
راني ننتظر مشاركاتك وتطبيقاتك ان شاء الله

​

​
 
سلااااام
راني جربت الماسك تاع التقصف الي حطيتيه شهرزاد
وكانت نتايج روووعة درتو 3 ايام
وان شاء الله نداوم عليه كيما قلتي
والوجه درت ثاني ماسك تاع الفرينة
حسييت وجهي نااااعم
جربووووه يالبنات

يعطيــــــــك الصحة وراني نتابع

​
 
جربت الماسك تاع العسل وعطاني نتيجة هايلة

شكرااا ليكم


فصح ما افدتوناش بخصوص التخلص من الخطوط البيضاء؟​
 
قال المتفائلة_91:
جربت الماسك تاع العسل وعطاني نتيجة هايلة

شكرااا ليكم


فصح ما افدتوناش بخصوص التخلص من الخطوط البيضاء؟​
إضغط للتوسيع...
سلام
اهااا ايا مليح بصحتك
**
بالنسبة للخطوط البيضاء مازال ماحكيتش على الجسم
لانو راني نمشي بالتدريج باه يكون الموضوع منظم
ان شاء الله تابعيني وراح نحكي على مشاكل الجسم
:re_gards:
​
 
قال aidouch:
سلااااام
راني جربت الماسك تاع التقصف الي حطيتيه شهرزاد
وكانت نتايج روووعة درتو 3 ايام
وان شاء الله نداوم عليه كيما قلتي
والوجه درت ثاني ماسك تاع الفرينة
حسييت وجهي نااااعم
جربووووه يالبنات

يعطيــــــــك الصحة وراني نتابع

​
إضغط للتوسيع...
وعليكم السلام
ايا مليح نفرح كي نشوف واحد يطبق ولقى نتيجة :sheer:
تابعي وان شاء الله تستفادي اكثر
:re_gards:

​
 
العناية بالجســـــــــــــــــــــــــــــــــم

لازم تجعلي اهتمامك ببشرتك جزء من روتينك اليومي حتى لو خصصتي له جزء بسيط فاليوم فاباذن الله راح يعطيك نتايج تبهرك
رايحين نتكلمو على
*
**
*
*ازالة شعر الجسم
*مشكلة الخطوط البيضاء فالجسم
*العناية بالابط(تفتيح-ازالة شعر-التخلص من الرائحة)
*وصفات طبيعية وسهلة لتقشيير وتفتيح الجسم
ولنعومة خيالية :shay:
*التخلص من المناطق المسودة في الجسم
*ورايحيين نتكلمو بالتفصييل على عناية بالمنطقة الحساسة
ايا تابعيني:shay:
.
.


اولا ---ازالة شعر الجسم
تكلمنا على هاد الموضوع لكن رايحيين نعاودو نطرقو اليه
فنقاط بسيطة
البشرة الناعمة ذات الملمس الحريري من علامات الانوثة وللوصول لها
لازم اولا تكون بشرة جسمك من غير حتى شعرة تكلمنا على طرق ازالة الشعر
ومن الاحسن دايما نستخدمو الحلاوة هي الاكثر استخداما والاكثر فعالية
حيث تزيل الطبقة الجلد الميتة وتنعم وتقلل من نمو الشعر
مشكلة نقاط السوداء فالجسم ونمو الشعر تحت الجلد !
1- مشكلة النقاط السوداء بالارجل
من اسبابها
*استخدام وسائل نزع الشعر مثل موس الحلاقة ولا الكريمات هاذ الوسائل لا تنزع الشعر من الجذور لذلك تبقى تحت الجلد وتسبب نقاط سوداء
*الاستخدام الخاطئ للحلاوة
*الغسل مكان المنزوع مباشرة بالماء العادي

حل المشكلة
*تجنبي الازالة بالموس او الكريمات
*الاستخدام الصحيح للحلاوة كالتالي
*لابد من تعريض المكان للماء الدافئ لمدة 10 د قبل الازالة بالحلاوة لكي تتفتح المسام
*فرد الحلاوة في نفس اتجاه الشعر ثم النزع عكس اتجاه نموالشعر
بعد النزع امسحي المكان بماء الورد المثلج ثم اعملي نشا مع ماء الورد وحطيها لمدة 20د
2-مشكلة نمو الشعر تحت الجلد
سببها الاساسي طبقات الجلد الميتة و عدم الترطيب
كيفاه؟؟
بعد ما تنحي الشعر وبشرتك تولي ناعمة وشابة تخليها هكاك بلا ماترطبيها او تعمليلها صنفرة وهنا المشكلة تتركز طبقات الجلد الميتة والشعرة لما جي تخرج ماتقدرش فتتلوى وتقعد الداخل
نصائح لحل المشكلة
تعملي صنفرة للتخلص من الجلد الميت قبل نزع الشعر بيوم وهي عبارة عن زيت زيتون وسكر وليمون
بعدها لازم الترطيب دااايما على الاقل مرتين فاليوم خصوصا قبل النوم
وبعد ما تنزعي ايضا ترطبيها بالنشا وماء الورد تخلطيهم مليح وتحطيهم 20د حتى تنشف
وبعدها تدهني بزيت الزيتون او زيت نبات السعد لتقليل نمو الشعر

المزيد من عناية بالجسم ومشاكله
تابعيني :shay:
.
.
*.
​
*



​
 
آخر تعديل:
يعطيك الصحة حبيبتي

كملي راني نتابع فييك

ربي يخليك​
 
مشكورة اتختي شهرزاد
كلنا في تشجيع و تطبيق
وصفاتك الجيدة
نحن في الانتضار​
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom