مساعدة يا أعضاء من فظلكم

[آمِيْرَتُه]

السلام عليكم أحبابي و إخواني

حبيت نفرغ واش كاين في قلبي ربما أجد الحل عنذكم المشكلة التاعي هي أني مانحس بحتى أي

إحساس إتجاه الوالد تاعي فهو تركني رفقة العائلة و عمري 3 سنوات و ماكانش قاع يحوس علينا غير الوالدة

ربتنا و تعبت علينا و ردتنا كبار لي تزوج ولي تزوجت ولي قرات و حتى كي كبرنا ولا يعرفنا و حاب يولي بصح

الام ما بغاتش و قالتله إذا جبيت تشوف ولادك مرحبا بك بصح تسكن معانا مستحيل و ولا يجي عنذنا بصح

خوتي يروحوا يسلموا عليه بصح غير أنا لي منبغيش نحساه غريب عني و هذي الحكاية حكيتها لصاحبتي و

قالتلي روحي عنذ أخصائية نفسانية . وأنتما واش تنصحوني

و شكرا :re_gards:

 

[ماكانش]

أهلا بناس وهران الغاليين
والله يا ختي حسيت بالموقف الي وقفو ودارو بكري وحسيت بيكم
ولكنو لما راهو يجي أكيد راهو ندم وفاق مع روحو
ومهما يكون ويكون الا وراهو باباك وراكي من دمو ولحمو
والله يا ختي كاين ناس يحوسو برك يعرفو والديهم رغم انهم يعرفو بلي والديهم دارو جريمة في حقهم ورماوهم ولكن حبو برك يعرفوهم. ..
نتي احمدي ربي سبحانو انك تعرفي الوالد تاعك وراهو جا ليكم
حاولي سلمي عليه وان شاء الله تتغير حالك​

 

[آمِيْرَتُه]

أهلا بناس وهران الغاليين
والله يا ختي حسيت بالموقف الي وقفو ودارو بكري وحسيت بيكم
ولكنو لما راهو يجي أكيد راهو ندم وفاق مع روحو
ومهما يكون ويكون الا وراهو باباك وراكي من دمو ولحمو
والله يا ختي كاين ناس يحوسو برك يعرفو والديهم رغم انهم يعرفو بلي والديهم دارو جريمة في حقهم ورماوهم ولكن حبو برك يعرفوهم. ..
نتي احمدي ربي سبحانو انك تعرفي الوالد تاعك وراهو جا ليكم
حاولي سلمي عليه وان شاء الله تتغير حالك​

شكرا على الرد و النصيحة بارك الله فيك

 

[KHOLOUD]

اختي منيني هذا احساس صعب وقصتك كاين منها بزاف
ما تخليش هذا الاحساس يتغلب عليك وحطي في بالك انه والد وانت عارفة الوالدين مكانتهم كيفاش عند الله وفي الحياة تاني
انت عامليه بما يرضي الله وتقربي منه حتى تتغلبي على احساسك اللي يسيطر عليك وعمرك ما تفكري في الماضي لان رجوعه لا يدل على انه رجع على خاطر انتو كبرتو وما عدتوش تحتاجوه لا لا يمكن رجع لانه ندم وما يقدرش يصلح الماضي لان الوقت فات وانتو اولاده ماشي كيما امكم اللي هي زوجته
عاملو بوكم بالخير والبر والحب وامحو الماضي من بالكم لان الدنيا ما تستاهلش والعمر مهما كانت طويلة يجي النهار اللي تروح عند مولاها
وصدقيني هذا احساسك في بوك راه فيك غير من هو راه قدامك بصح لو شاء القدر ==بعيد الشر عليه==وتوفى راح تحسي ان افتقدتيه وانك خسرتي بوك وتندمي على كل اللي فات وفي هذاك الوقت راح تندمي ندم كبير

نتمنى لك الخير والله يخليلك والديك ويحميكم يا رب

تقبلي تحيتي

 

[آمِيْرَتُه]

اختي منيني هذا احساس صعب وقصتك كاين منها بزاف
ما تخليش هذا الاحساس يتغلب عليك وحطي في بالك انه والد وانت عارفة الوالدين مكانتهم كيفاش عند الله وفي الحياة تاني
انت عامليه بما يرضي الله وتقربي منه حتى تتغلبي على احساسك اللي يسيطر عليك وعمرك ما تفكري في الماضي لان رجوعه لا يدل على انه رجع على خاطر انتو كبرتو وما عدتوش تحتاجوه لا لا يمكن رجع لانه ندم وما يقدرش يصلح الماضي لان الوقت فات وانتو اولاده ماشي كيما امكم اللي هي زوجته
عاملو بوكم بالخير والبر والحب وامحو الماضي من بالكم لان الدنيا ما تستاهلش والعمر مهما كانت طويلة يجي النهار اللي تروح عند مولاها
وصدقيني هذا احساسك في بوك راه فيك غير من هو راه قدامك بصح لو شاء القدر ==بعيد الشر عليه==وتوفى راح تحسي ان افتقدتيه وانك خسرتي بوك وتندمي على كل اللي فات وفي هذاك الوقت راح تندمي ندم كبير

نتمنى لك الخير والله يخليلك والديك ويحميكم يا رب

تقبلي تحيتي

شكرا لك حبيبتي و الله كلامك أثر فيا بارك الله فيك

 

[ما فهمت والو]

السلام عليكم اختي منيني
واش احوالك
يا اختي جربي سلمي عليه ممكن يتنحالك هاذ الاحساس لان اصعب خطوة في كل شي هي الخطوة الاولى و ما تنسيش اللي هو باباك مهما يكون
ومادام رجع ممكن عرف غلطتو و حاب يصححها
يا اختي احنا بشر و كامل نغلطو حاولي تسامحي و تنسي الشي اللي فات و اغتنمي هاذ الفرصة ممكن ربي شاف فيها خير و حاب يعوضكم على السنين اللي فاتت
المهم كيما قلت لك انت قومي بالخطوة الاولى سلمي عليه و ان شاء الله يكون فيها خير
سلام

 

[قلم مجروح]

يا اختي رايي من راي الخاوة حاولي تسلمي عليه و تتقربي منه ..واذا منجمتيش ممكن تصارحيه باحساسك ..و تلقو الحل معا بعض ..متفرطيش في ابوك ..مدام رجع معناها راه نادم على اللي خلاكم ..متكسريش بخاطرو ..الله يقدم اللي فيه الخير

تحياتي قلم مجروح ​

 

[حذيفة بن اليمان]

أبدي لك إعجابي أختي الكريمة بشخصيتك التي صبرت طول هاته السنين من جراح ترك أبيها لها.

جربي الأخصائية النفسانية فلربما تأتي بالفائدة.

 

[النورس]

حاولي تبيضي قلبك اختي
و قربي ليه ممكن يولي يدخل قلبك
وكيما قالو لي قبلي
راهم كاين لي محتاجين حتى يشوفو والديهم
​

 

[آمِيْرَتُه]

شكرا لكل من مر و نصحني بارك الله فيكم تقبلوا:re_gards:

 

[صفـاء و نقـاء]

أختى قصتك مأثرة

وقصتك مثل قصتى

وعلبالى صعيب تنسى و تتغير مشاعرك

​

بصح الواجب علينا احترام الوالدين والإحسان إليهما

والصبر على أذاهما والدعاء لهما

​

وتأكدي ختى راح تكوني سعيدة إذا غيرت نظرتك

لوالدك وصبرت عليه

​

إصرار الوالد على عودته يدل على حبه لكم




وخوفه عليكم ولكنه لا يحسن التعبير عن هذ



المشاعر

وأنتى ختى العزيزة ألتمسي له الأعذار

وربي يوفقك
​

 

[آمِيْرَتُه]

أختى قصتك مأثرة

وقصتك مثل قصتى

وعلبالى صعيب تنسى و تتغير مشاعرك

​

بصح الواجب علينا احترام الوالدين والإحسان إليهما

والصبر على أذاهما والدعاء لهما

​

وتأكدي ختى راح تكوني سعيدة إذا غيرت نظرتك

لوالدك وصبرت عليه

​

إصرار الوالد على عودته يدل على حبه لكم




وخوفه عليكم ولكنه لا يحسن التعبير عن هذ



المشاعر

وأنتى ختى العزيزة ألتمسي له الأعذار

وربي يوفقك
​

شكرا على حبيبتي دمتي صديقة وفية لي

 

[zaho1994]

شوفي ااختي مهما كان راهو با باك لازم عليك تحاولي تتقربي منو باي وسيلة اختي
حاولى تروحيلو وتصاحبيه باش يحس بيكم
تقبلي النصيحة
موفقة

 

[فتاة طموحة]

اختي .......
ولله احساس صعب ولكن معليش لنت انسانة متعلمة ولازم تتفهمي باباك ...وتقعدي بينك وبين روحك وحاولي ممكن تقتنعي بلقصة وانشاله تتحللك العقدة هدي ......متنسايش هدي الدنيا اختبار ...ولانسان خطاء ..ومدام الله يغفر دنوب قد الجبال ....ولانسان علاش ميديرهاش؟؟؟؟؟؟؟؟؟؟؟ والمسامح كريم

 

[آمِيْرَتُه]

اختي .......
ولله احساس صعب ولكن معليش لنت انسانة متعلمة ولازم تتفهمي باباك ...وتقعدي بينك وبين روحك وحاولي ممكن تقتنعي بلقصة وانشاله تتحللك العقدة هدي ......متنسايش هدي الدنيا اختبار ...ولانسان خطاء ..ومدام الله يغفر دنوب قد الجبال ....ولانسان علاش ميديرهاش؟؟؟؟؟؟؟؟؟؟؟ والمسامح كريم

شكرا لك بارك الله فيك يا أعز انسانة و أروع صديقة

 

[آمِيْرَتُه]

شوفي ااختي مهما كان راهو با باك لازم عليك تحاولي تتقربي منو باي وسيلة اختي
حاولى تروحيلو وتصاحبيه باش يحس بيكم
تقبلي النصيحة
موفقة

شكرا جزاك الله خيرا

 

[ام منصف]

التمس لاخيك سبعين عذرا فان لم تجد فلم نفسك
اختي ربي وصانا ببر ابائنا مهما كانت المواصفات اللي فيهم والرسول اوصى بذلك
حاولي تتقربي منو وتهدري معاه وشوفي السبب اللي على جالو راح وخلاكم
واكيد انه ما رجعش الا وهو نادم وفاق لعمرو وانتبه للغلطة اللي دارها
​

 

[آمِيْرَتُه]

التمس لاخيك سبعين عذرا فان لم تجد فلم نفسك
اختي ربي وصانا ببر ابائنا مهما كانت المواصفات اللي فيهم والرسول اوصى بذلك
حاولي تتقربي منو وتهدري معاه وشوفي السبب اللي على جالو راح وخلاكم
واكيد انه ما رجعش الا وهو نادم وفاق لعمرو وانتبه للغلطة اللي دارها
​

شكرا لمروركي الكريم و شكرا لنصائحك

 

[nadimm]

انت مخطئة اخت الفاضلة

لن يدخل الجنة عاق لوالديه حتى لو كان الوالدين يهوديين او مجرمين

قال تعالى والا تعبدو ا الا الله وبالوالدين احسانا

اي ان الله جعل احسان الوالدين ثاني مرتبة بعدة العبادة وقبل الصوم والزكاة

انا سوف اسلم على ابي حتى لو كان مجرما

لانه حقه الالاهي علي

يكفي انه اتى بي الى هذه الحياة لادرك انه هناك الاها

اختي الفاضة منيني

هناك فتاة في مثل عمرك جارة لنا وابوها قتل والدتها في شجار

والمدهش ان الفتاة لا تزال تزور ابوها في السجن وتوصل اليه ما يحتاج

ولما سالناها كيف ذلك قالت انه حقه الالاهي ولن ادخل الجنة ان نسيته

الله اكبر عليها

هذه ضريبة الاحسان اختي الفاضلة في الله منيني

سدد الله اخطاكي اختي الذكية

وجعل دربك ياسمين الى يوم الدين

 

[hiba14]

السلام عليكم اختي منيني
واش احوالك
يا اختي جربي سلمي عليه ممكن يتنحالك هاذ الاحساس لان اصعب خطوة في كل شي هي الخطوة الاولى و ما تنسيش اللي هو باباك مهما يكون
ومادام رجع ممكن عرف غلطتو و حاب يصححها
يا اختي احنا بشر و كامل نغلطو حاولي تسامحي و تنسي الشي اللي فات و اغتنمي هاذ الفرصة ممكن ربي شاف فيها خير و حاب يعوضكم على السنين اللي فاتت
المهم كيما قلت لك انت قومي بالخطوة الاولى سلمي عليه و ان شاء الله يكون فيها خير
سلام

هادي الهدرة زينة ديري الخطوة الاولى برك