تقبلي تتزوجي بيه؟؟ / تقبل تتزوج بيها؟؟

[مفآهيمـ الخجل]

وعليكم السلام

شكرا على طرح الموضوع القيم
بالنسبة للفئة هاذي راح تبقى ديما مهمشة
بالنسبة للمجتمع
لانو كاينة واحد النظرة عليهم مستحيل تتغير
بالرغم انها ماش بيديهم
وراهي غلطة والديهم
لكن للاسف حكم عليهم هكذا
اما ان اقبل ام لا
فأنا عن روحي منقبلش
صحيتي على الموضوع

تحياتي ​

للاسف راح تبقى نظرة المجتمع ليهم ديما هاك

ديما نظرة ناقصــــة

كاين لي يقبلهم و كاين لالا

ماارسي عالمرور شوشو​

 

[moi*]

صح ونورمالمو هوما معندهم مدخلهم ومعندهم حتى ذنب باه يهمشهم المجتمع ويحتقروهم الناس
لكن من يسمع ومن يستجيب ربي يثبت علينا الدين والعقل

 

[مفآهيمـ الخجل]

السلام عليكم أختي​

أولا حبيت نحييك على الطرح المميز للموضوع​

انا من رأيي هذي الفئة مظلومة لأنها تخلص ثمن أخطاء الغير ومهمشة وعيب علينا نزيدو نظلموهم
وانا من جهتي وبدون مثالية أكيد نقبل بشخص ماعندوش أصل لأنو ماقترفش ذنب حتى نرفض العيب لوكان أخطأ هو لكن اذا كل وحدة قالت نرفض يعني هاذ الفئة ماتتزوجش علاش مانفرضوهاش فينا احنا !!!!اكيد نتجرحو لما نلقاو نفسنا وحدنا والكل ينفر منا ويتخلى علينا ​

شكرا عزيزتي​

و عليكم السلاام ​

يعطيك الصحة على وش قلتي ختي ​

هما ماعندهم حتى ذنب و عيب علينا نظلموهم ​

لكن للاسف نظرة الناس ليهم راح تبقى ديما ناقصة ​

و انا رايي من رايك اذا كان لباس بيه و مقبول علاش لالا ​

صحيتي ختي و بارك الله فيكـِ​

 

[مفآهيمـ الخجل]

وعليكم السلام ورحمة الله

صعيبة شويا بصراحة
بورطون ماعندهم حتى ذنب مي صعيبة ​

ممكن تكون صعيبة

مي يليق الواحد يكون مأمن بلي ماعندهم حتى ذنب و يجرب يحط نفسو في بلاصتهم

اكيد راح يحس

شكراا اخـــي​

 

[مفآهيمـ الخجل]

سلااااااااااااام
شكرا اختي على الموضوع
انا عن نفسي ما نكذبش عليك
لوكان نلقا واحد ويكون لاباس بيهم ونحبو نروح ليه ما فيها والو
بالرغم من اني نحب نعيش مع عايلة ومع يماه و باباه
وحتى هو بالاك تغيضو عمرو كي ماكانش
مي نوووووووووووووووووورمال
اذا كتب ربي ما فيها والو هو واش ذنبو
بالاك بالعكس راح يعيشك احسن عيشة

و عليكم السلااام

صحيتي ختي و انا نشوف هاك

و بالاك كي يكون هو ناقصو عايلة كي يتزوج راح يكون احســـن مع مرتو و ولادو

يعطيكـ الصحة​

 

[هــــيلدا]

اهلا،،
اولا بالنسبة للرجل للي راح يدي بنت بلا اصل هاذي حاجة متضرش خصوصا اذا كانت متربية و متخلقة وعاشت فيي كنف عائلة محترمة،
اما المراة للي راح تدي راجل بدون اصل هاذي تضر مهما كان فيه من شروط خيالية علا خاطر لولاد للي راح يجو من بعد يهزو الللقب نتاع الراجل،
وبالتالي اذا واحد دا مرا لقيطة مايش راح يهزو ولادها نقتها، بصح للي راح تدي راجل لقيط راح تمشكل اولادها من بعد.
عن نفسي منقبلش.

 

[مفآهيمـ الخجل]

ينحقروا غير عند العرب c tou باسكو بعدنا على القيم واخلاق الدين نتاعنا .

ايييه في الغالب هاذي النظرة الشينة عند العرب برك

شكراا اخي
​

 

[مفآهيمـ الخجل]

السلام عليكم

هوما صح يشفو وحتى هوما عندهم نصيب في هذا الدنيا
لكن الشيء الصعب هو الاولاد في الغد
صعيبة بزاف اولا مايعرفوش اعمامهم او اخوالهم
او حتى لما يسمعو انو ابوهم او امهم بنت علاقة غير شرعية
ممكن تصرالهم مشاكل نفسية بزاااااااااف

انا عن نفسي نظن منقدرش​

و عليكم السلام

امالا مايعيشوش هاذو؟؟

يبقاو بلا زواج؟؟

مايكملوش نص دينهم؟؟

ماعندهمش الحق يجيبو ولاد و يستمتعو ؟؟

شكراا اخـــي​

 

[مفآهيمـ الخجل]

أنا نقولك الصح

و ربي عالم اذا كنت كاذبـ
أنا اذا كانتـ وحدا بنت زنا أو ما تعرفش والديها و تفاهمت معاها نديها عاديـ
لأنها ما عندها حتى ذنب
المشكل في ولاد العائلات لي رانا نشوفو فيهم وش يديرو
هذوك ما نقيمهمش بربعا دورو
و صباطي أشرف منهم

و لكن رانا في منتدى و عالم افتراضي كلنا ملائكة معصومين من الخطأ​

ايه صحا تلقاهم احسن ملي يكون وليد فاميليا

والصراحة راحة

شكراا اخــي​

 

[الرومنسي الجاد]

وعلاه مكانش بنات خلاص خلاص حتى نزوج انا و نجيب وحدة للدار منعرف ساسها من راسها ..؟
صعيبة هذي يا مادموزال .. ​

 

[مفآهيمـ الخجل]

لفايده ولحصول بنت فاميليا متربيه

علااه انا رايح نديها هي ولا ولديها​

يعطييك الصحة ...راح تتزوج بيها مش باهلها


شكراا اخي​

 

[zahya]

والله اختي العزيزة لي معندهم اصل لا دنب لهم هم ابرياء من دنب الغير وعلاش نعاقبهم بافعال غيرهم ...
كاين لي معندهم اصل وهم في الحقيقة احسن 1000000 مرة من لي ياصلهم تلقاه مربي مدين وما يخصو والو
وانا عن نفسي يهمني الشحص وينه المشكل ادا مكانش عندو اصل المهم الصراحة باش نكون على نور

 

[abire.chatr]

انا عن نفسي ما نكذبش عليك
لوكان نلقا واحد ويكون لاباس بيهم نروح ليه ما فيها والو
على الاقل عيود معنديش عجوزتي ولا طفلتي نتهنا
مشكل مكانش داوهم كامل

 

[BREAVE-HEART-91]

شكرا على الموضوع

 

[مفآهيمـ الخجل]

والله كاين و كاين
فيهم لي متربي و خير من ولد ولا بنت الاصل
و فيهم الي صاع ما يتلامش معذووور ​

انا واحد من ناس نزوج بيها و نحاول نسيها في همومها و نكونّلها الاصل ​

عندك الحق كاين و كاين و بالاك تلقا لي بلا اصل مربـــي اكثر من لخرين

يعطيكـ الصحة خويا وربي يرزقك بنت لحلال

شكـــراا​

 

[مفآهيمـ الخجل]

سلام
و عليكم السلاام

يا ختي والله دوك ماشي المشكل عندو اصل ولا معندوش
واش دنبو
واذا كان راجل يعرف ربي ولاباس بيه
ويـــنو المشكل يعني دنيا ظلماتو وحنا نزيديلو
امالا نقولولهم روحو موتووو خيير
المشكل كيما قال الاخ
ولاد عايلات ومعرفوين ومنا
تشوفيهم تقولي عليهم متربيين فالشارع
لادين لاسيدي زكري
نقلك حاجة
دوكااا الي صاب وحدة مربية مدينة تحشم
يروووووح يجري ويتزوج بيها
والي لقات واحد يعرف ربي ومتخلق ولاباس بيه
تقبل طووول
مابقى لا اصل ولا فصل
الحالة راهي مخلطة قاع
الا من رحم ربــــــــــي​

عندك الحق هاذيك هي

صحيتي ختـــــي​

 

[الحاج كتو]

وعليكم السلام ورحمة الله تعالى وبركاته
شكرا لكي اختي على فتح هذه النافذة الهامه على فيئة منا تعاني وتعاني الامرين
وارجو ان نساهم كلنا في ارجاع الابتسامة لهم ولو بكلمة طيبة .
صحيح صعب ما تقولين لكنه ليسى مستحيل
لي انا الزواج لايسى اختيار بل هو مكتوب في اعتقادي
بارك الله فيك وحقق امانيك
​

 

[رقيقة المشاعر]

انا بالنسبة ليا نقبل
بصح اذا كان القرار بيدي
شوف على والديا واش يقولو
و نسبة 90 بالمئة مايقبلوش ​

 

[مفآهيمـ الخجل]

صحيح تماما من ناحية لا ذنب لهم

1000 في المئة أوافقكم
و الله يهدي مجتمعنا
هؤلاء الناس في اوروبا راهم مبجلين عن الناس العاديين ديما في عالمنا العربي يوجد التهميش بزاف
شكرا على الموضوع نقاشي و جميل
تحية و سلام​

عندك الحق جابلي ربي راهم مهمشين عندنا برك

بالصح الله غالب مش بالساهل تتبدل نظرة الناس ليهم

و الله يهدي

شكراا اخــي​

 

[مفآهيمـ الخجل]

..............................

صحيتي خـــــتي
​