من روائــع الدعــاء عند الـجـزائـريين

[CaPaBLe]

نبداوها بتاكل راسك ان شاء الله

اشكون فيكم الي ما قالوهالوش في الدار
نورمال الصراحة راحة جزائريين ونعرفو العقلية

يا الخاوة واش رايكم في الي يدعي كيما هاك
و الاكثرية الوالدين ربي يهديهم
هوما الي جابو هاذي الظاهرة

واش رايكم في

ـ لــعمى يــعميـك نـشالله
ـ روح الله لاتــربحــك
ـ تـاكل الــرهــج يـرهــجك نـشالله
ـ يـسكت حـسـك
ـ يـعـطيك كية تـكـويك

يعطيك حبة في فمكـ هههههههه



​

 

[تاعبة كل الناس]

ههههههههههههههههههههههههههه حرام عليك انا اول رد اول كلمة قريتها ناكل راسك
هي خالية عليا و زيد ههههه
صح والله هلكونا بالدعا مبعد يقلك الطفل هادا وش بيه تقول مدعي:scared:
تقولو اني راقد ===< اروح الله لا ينوضك:sheer:
اني خارج ====< روح الله لا يردك طريق السد:sheer:
بلا ماننساو ضربة تضربك والى اخر المدائح ههههههه

:shiny:شعب مليان رومانسية ماعندك مادير :shiny:

​

 

[مروة 95]

وش تحبوا الشعب كامل هكا
الواحد مين يولد و هوا غير يلم في الدعاوي
ههههههه
و منبعد كيماه رح تصلح
مي لحق يعجبوني الدعاوي اديكا
شكرااا ​

 

[صانعة الافراح]

يعطيك ضربه ان شاء الله
اللي يعطيك مصيبه اللي تنصبك ههه
طريق السد اللي تدي ما ترد
الرهج اللي يرهجك
.................الخ

مي انا نفضل نقول الله يجيبهالك
ولا العمى اللي يعميك
و عندي حاجه كي ندعي على واحد نقولو بعيد الشر ههه

موضوع شباب
يعطيك الصحه

 

[DARINE05]

الله يبارك علينا الرمانسية متخلاش من الديار الجزائرية

نصبحو على دعاوي ونرقدو على دعاوي

مي بلا متحكم في قلبك باينة دعاوي الوالدين ولا الخاوة اللي كيما هاك ماشي من القلب

 

[خولة93]

شكــــــــــــــــــــــــــــــــــــرااااااااا
​

 

[بلادي نبغيك]

ههههههههههههههههههههههههههههههه والله كتلتني بالضحك يعطيك كية هذي وحدة مدعاوي بعيد الشر عليك انا لكترية نقول الله لا تربحك بصح من فوق القلب والله وتبانلي قاع ندعو من فوق القلب دعاوي تعتبر جزء من روتين الجزائري

 

[aneshabib]

ما تخممش صحيبي دعاوي كما هادو ما يزيو ما ينقصو هادو داخلين برك في الرمنسية تاع لهجتنا برك معمرة محسنات بديعية والله ما تلقى كيفها في العالم.

 

[DZ-23]

توكل راسك و ساسك و مـgـعاسك و عشرة من ناسك

هههههـ​

 

[روز]

ههههههه ماكاش لي مادعاتوش امو ولا باباه حتى لو يولي مطيع 100%
الله غالب لازم الجزائريين الآخيرين في الدنيا لي ممكن يكونو رومانسيين ولا يبينو حنانتهم بسكو يحسبوها ضعف مالا تلقا الام والاب يابسين هكذا
تبان معزتك غير اذا طحت في فم السبع
حنا نقولو يلحس راسو هههه
وجيبلك نحة تنحك
وراهم بزاف مي كي تجي تحوس على كلمات الدلال ماتلقا والو غير ربي يخليه ربي يحفظو
نمشو بيها طول حياتنا ماكاش اختراعات في هذ الجانب
​

 

[one piece]

لالا خويا مش كامل الوالدين يدعوا هكا نا الحمد لله والديا وعيين
بصح خويا تصيب غير لي والديهم مساكين مش قاريين يتقلقوا و تصيبهم هكا يدعوا
بصح خويا هذا الدعاء ميستجابش تعف وعلاش لخطر الوالدين ميقولوهش من قلبهم يقلوه زعاف
يخي انت شفت واحد والديه يخلوا عليه

 

[sabrina17]

يعتيك مينة تزلعك هههههههههههههههههههههههههههههههههههههههههههههههههههههههههه

بعيد الشر ميرسي ايه نصبحووو على هاد الدعاوي ونرقدوو عليهم من ماشي من القلب

ميرسي خووووياااا على المووووضووع

 

[إيمان قلب]

هههههههههههههههه والله يعطيك الصحة موضوع هو
يعني صاي الحنانة والرومانسية عندنا ولا تتدفق لازم ندعو هاك
اسكت يسكت حسك والأرض تدسك
راني رايح نرقد ... روح يعطيك راقدة ماتنوضش قاع منها
تكثر الهدرة .... ضرسة
تكون تحوس على حاجة وماتلقاهاش .... لعما
يااااعمري انا والله شبعنا دعاوي
بالصح مالقري تو ربي يحفظلنا والدينا
الله غالب جزائريين
ايا السلام عليكم ...

 

[AnGeL*dZ]

عندنا دعاوي باهين يبردو لقلب
انا ساعات ماما كي تعود مغششة تدعي مي نوض نضحك برك
فينا طبيعة الله غالب
الله لاتربك ولا تفرحك ولاتوريك يوم بيض يسود يامك وسعدك ان شاء الله ههههههههههه،تجيبلك مصيبة وضربـة على راسك
حـتى أنا ندعي بزآف قمة السعآدة تحكمني
​

 

[همس الوُرود]

نبداوها بتاكل راسك ان شاء الله

اشكون فيكم الي ما قالوهالوش في الدار
نورمال الصراحة راحة جزائريين ونعرفو العقلية

يا الخاوة واش رايكم في الي يدعي كيما هاك
و الاكثرية الوالدين ربي يهديهم
هوما الي جابو هاذي الظاهرة

واش رايكم في

ـ لــعمى يــعميـك نـشالله
ـ روح الله لاتــربحــك
ـ تـاكل الــرهــج يـرهــجك نـشالله
ـ يـسكت حـسـك
ـ يـعـطيك كية تـكـويك

يعطيك حبة في فمكـ هههههههه

ههههههههههههههه والله صح
روح تروح منك الروح انشاء الله
كول ياكلك جن
يعطيك ضربة على راسك وتروح وماتوليش
طريق السد لي ماتدي ما ترد
تكحال على راسك انشاء الله
ههه أيا بزاف دوكا
بصح ماعندك ماتدير هادي أي عند الغضب برك كا تصرا ماشي عن قصد يهدروها
​

 

[عاشقة الرعب]

ـ

لــعمى يــعميـك نـشالله
ـ روح الله لاتــربحــك
ـ تـاكل الــرهــج يـرهــجك نـشالله
ـ يـسكت حـسـك
ـ يـعـطيك كية تـكـويك

يعطيك حبة في فمكـ هههههههه

ههههههههههههههههههههههههههههههههه هذو كامل سمعتهم ولله عندك الحق بصح ولله ميخرجو من القلب نقلهم هكذاك ​

 

[مينة آلاء الْقُدُّوس]

هههههههه اول حاجة كي قريت ضحكت
والله علابيها قعدنا 10 سنين وحنا فاالعشرية السوداء
يعطيك بومبة يعطيك كية
انا امي تقولي
يعطيك مانعرف واش يعطيك ؟؟هههههههههه
نقولها يعطيني الهنا وراحة البال هههههه
شكرا على الموضوع بصح ياريت نقسو من هاد الدعاوى خاطر كاين اوقات تستجاب فيهم الدعوة
​

 

[kiosedire]

أنا تمنيت لوكان حكيتو على دعاوي الخير مبصح الله غالب رانا جزايريين ماكانش إلي ماداش حقو من دعاوي الشر سورتو لعجايز راهم وصلو لدرجة الإبداع في دعاوي الشر
أنا راه نشارك بدعاوي إلي يسمعهم الواحد كي يكون يسوق
واش بيك طاير...الله يطير عمرك
يجيبلك accident
نشاء الله ما تلحقش
يعطيك سيمي يرحيك
نشاء الله تتقلب ما يجبدوكش بالشليمو
و خلي خلي
الله يجعل الخير​

 

[مينة آلاء الْقُدُّوس]

أنا تمنيت لوكان حكيتو على دعاوي الخير مبصح الله غالب رانا جزايريين ماكانش إلي ماداش حقو من دعاوي الشر سورتو لعجايز راهم وصلو لدرجة الإبداع في دعاوي الشر
أنا راه نشارك بدعاوي إلي يسمعهم الواحد كي يكون يسوق
واش بيك طاير...الله يطير عمرك
يجيبلك accident
نشاء الله ما تلحقش
يعطيك سيمي يرحيك
نشاء الله تتقلب ما يجبدوكش بالشليمو
و خلي خلي
الله يجعل الخير​

هههههههههه الله أكبر
هادو قع
الله يحفظنا ويسترنا من دعاوي الشر​

 

[قوت القلوب]

ههههههه
سمعت جالرتنا قلقها وليدها قالتلو
غمة تغمك وقبر يلمك
هاهو وجهي اذا ربحت الله يكشف عليك الستر ووووو
وجداه من وراها تقولها لا ان شاء الله لا انشاء الله
ان شاء الله ما تلحقكم غير دعاوي الخير يا رب