اسمحلوي الباك ولا يتلاوح

[الحق سلاحي]

للاسف رانا في بلاد ميكي..............
​

 

[الحاج قوقل]

وتستمر المأساة

 

[AHLEM1992]

علابالك المأساة هي كي تكون متمسك برأيك و تحوس على المناقشة
....
الي قرا سيستام قديم يقول تاعنا هو صعيب و الجديد يقولو هو الصعيب
آلور -23 سنة يقولو جديد احسن
+23 يقولو قديم احسن
و هما في الهوا سوا كيما يقولو ما صحاب سيستام قديم خرجو علماء
و اصحاب السيستام الجديد خليهم مازالو يقراو
اتهلا في روحك الشيخ
سلام عليكم ...​

 

[عاشقة رجاص]

علابالك المأساة هي كي تكون متمسك برأيك و تحوس على المناقشة

....
الي قرا سيستام قديم يقول تاعنا هو صعيب و الجديد يقولو هو الصعيب
آلور -23 سنة يقولو جديد احسن
+23 يقولو قديم احسن
و هما في الهوا سوا كيما يقولو ما صحاب سيستام قديم خرجو علماء
و اصحاب السيستام الجديد خليهم مازالو يقراو
اتهلا في روحك الشيخ

سلام عليكم ...​

يا أختي أحلام خلي برك والله عيينا من الهدرة واش تحبي

يهبط المستوى يقولو مش ملاح يطلع مش ملاح

اللي راهو يتعب اكيد ربي مش رايح يخذلو وأكيد راح ينال ويبني مستقبلو بأساس قوي ​

 

[missa_1]

احلام والله غير عندك الصح كل واحد يبغي يفرض رايو
سيستام القديم ما خرجو علماء وحنا ثاني كيفهم ياك بلاد ميكي
يا حوجي خلونا نزهاو​

 

[السلطانة]

وعليكم السلام
رانا نشوفو في ناس متستاهلش كانت تلعب وتمرح ومباعد يخرجو بمعدلات جامي صرات في الباك
في هادي نقولك الباك راه طاحت قيمتو
لكن متنساش كاينة ناس قرات واجتاهدت على روحها وتستاهلو
هاذي هي لالجيري
ربي يستر برك
صحيت
تحياتي
​

 

[aneshabib]

يا جماعة حنايا صح سوفرينا باش جبنا الباك وكانت النسبة 31 % بصح خليوهم يفرحو ويزهاو شوي والله حرام اللي ميقراش مبعد يبان في الجامعة ياك مساكن اخيرتها شوماج.

 

[missa_1]

وعليكم السلام

رانا نشوفو في ناس متستاهلش كانت تلعب وتمرح ومباعد يخرجو بمعدلات جامي صرات في الباك
في هادي نقولك الباك راه طاحت قيمتو
لكن متنساش كاينة ناس قرات واجتاهدت على روحها وتستاهلو
هاذي هي لالجيري
ربي يستر برك
صحيت
تحياتي​

لا شرطية هذي الهدرة مكاش منها
يحب يلعب قدامك باه متعينوهش برك بصح كي روح لدار يقرا
هذي انا كنت نديرها المعدل نحكم5 وداخلتها غير لعب بصح كي نروح لدار نقرا على روحي نسهر نجيب 3
نهار جبتو نخلعو فيا وجبتو غير انا من بين لبنات فالكلاصة تاعنا
الشيوخا قلولي مناش مأمنين
وهذي تاع اللعب قاع مكاش منها
وثاني متنسايش الباك زهر هذي معروفة من بكري مشي غير فالنظام الجديد​

 

[missa_1]

يا جماعة حنايا صح سوفرينا باش جبنا الباك وكانت النسبة 31 % بصح خليوهم يفرحو ويزهاو شوي والله حرام اللي ميقراش مبعد يبان في الجامعة ياك مساكن اخيرتها شوماج.

لايه خلونا نفرحو بن عمي والله غير الفرحة نحاوها
يكون هكا الواحد عايش هكا في احلام يجي واحد معلبليش واش
المهم قاع رايحين لشوماج كي تاع النظام الجديد كي تاع النظام القديم
اما هي غير خلونا نفرحو هذيك اللحظة برك​

 

[missa_1]

ايا وثاني نقلكم رانا نقارعو لتاع النظام القديم يحكمو طابوري تاع بن بوزيد ويرجعو القرايا كيما بكري هكا يرتاحو ويطلعو لبلاد ويرجعو للباك قيمتو كيما كان بكري
هي قاع رانا في لين وحدة سوا قديم ولا جديد قاع الشوماج
خطرش بلاد ميكي ايا ورانا نقارعو تاع القديم كاش ميطلعو فيها
​

 

[AHLEM1992]

لا شرطية هذي الهدرة مكاش منها

يحب يلعب قدامك باه متعينوهش برك بصح كي روح لدار يقرا
هذي انا كنت نديرها المعدل نحكم5 وداخلتها غير لعب بصح كي نروح لدار نقرا على روحي نسهر نجيب 3
نهار جبتو نخلعو فيا وجبتو غير انا من بين لبنات فالكلاصة تاعنا
الشيوخا قلولي مناش مأمنين
وهذي تاع اللعب قاع مكاش منها

وثاني متنسايش الباك زهر هذي معروفة من بكري مشي غير فالنظام الجديد​

مع شعبنا لازم تديري شهود كي تكوني تقراي
هكدا باه مايجوش يقولولك كنتي تلعبي
ماقراش و جابو بـ 10 بلاك مي ماقراش و اداه بـ 17 اسمحولي في هادي​

 

[AHLEM1992]

ايا وثاني نقلكم رانا نقارعو لتاع النظام القديم يحكمو طابوري تاع بن بوزيد ويرجعو القرايا كيما بكري هكا يرتاحو ويطلعو لبلاد ويرجعو للباك قيمتو كيما كان بكري

هي قاع رانا في لين وحدة سوا قديم ولا جديد قاع الشوماج
خطرش بلاد ميكي ايا ورانا نقارعو تاع القديم كاش ميطلعو فيها​

:re_gards:
ايا +5
كي تطلعي للجامعة يقولولك سيتام كلاسيك خير من lmd
غير وجدي واش تقوليلهم
​

 

[missa_1]

:re_gards:

ايا +5
كي تطلعي للجامعة يقولولك سيتام كلاسيك خير من lmd
غير وجدي واش تقوليلهم​

هههههههههه
والله غير عندك الصح خلي برك نسلكو هنا ومن بعد الكلاسيك ربي يدرلو تاويل
راني خايفة ثماك من الباك متزديش ترجعي​

 

[[ايمآن]]

عندك الحق يا خويا الحاج
وصدقني اللي يخدم واللي ميخدمش كيف كيف انا فوتوا هذا العام ومتأكدة من اني خدمت مليار بالمية وتعبت وخسرت دراهم و.....
بصح حرقوني في التصحيح بلاك كي راني من الاحرار
الله لا تربحهم واولهم بن زيد ولا منعرف وش اسمو

 

[aneshabib]

ايا وثاني نقلكم رانا نقارعو لتاع النظام القديم يحكمو طابوري تاع بن بوزيد ويرجعو القرايا كيما بكري هكا يرتاحو ويطلعو لبلاد ويرجعو للباك قيمتو كيما كان بكري

هي قاع رانا في لين وحدة سوا قديم ولا جديد قاع الشوماج
خطرش بلاد ميكي ايا ورانا نقارعو تاع القديم كاش ميطلعو فيها​

شوفي ختي ما يتعكرش الميزاج تاعك بالخف مبروك عليك مي يليق تعرفي هما ماراهمش عليك راهم يحكيو علا هاذوك اللي قاعدين عاطينها المسلسلات التركية جامي ريفيزا ولا حل كاييه ومبعد يقولك جبت الباك ب14 سي امبوسيبل سرات في النظام الكلاسيكي . صح راهي ارتفاع كبير المعدلات و لي نوت

 

[aneshabib]

لازم تقروا بلي حنا الباك القديم وسيستام قديم كان رائع بالرغم انو متعب و مافيهش معدلات ضرب من خيال ههههههههههه مبروك للجميع :sheer:

-----
خويا و الله واش المهم في برنامج القديم
الجديد اصعب منو + فيه دروس جديدة
قريت تارمينال و شفت لي سوجي من 94 كلهم في البرنامج تاعنا العكس انت بلاك يمدولك واش راهم يقراو ضكا ما تعرفش تحلو

مكان حتى حاجة زيادة​

سمحيلي ختي راكي غالطة في هادي انا عندي صاحبي دا الباك في 99 ب 10 وعاودو كوندبدا ليبر العام اللي فات جاب 15.69 بلاما يريفيزي ولا يكسر راسو.

 

[shahrazad]

سلام
ايـــــــــــــــه صح و ملياار صح
نص الي جابو الباك مايستهلوهش
وهادي الي تغيض
وهاد الشريحة الي ماتستاهلش الباك راهي كل عاام تزييييد
انا نعرف اساتذة وهاد المرة كي طلعو النتايج قالولي والله والله غير نصهم يقراو عدنا ومايستاهلوهش
المشكل ماهوش فالباك لقديم والجديد
انا جوزتو فال 2008 الباك اللول تاع نظام الجديد
صح جابوه بزاف
بصح ماكنش كاين هاد المعدلات الخيالية كيما قال الاخ
راهي تزيد كل عام
هاد المبالغة فالمعدلات تبيين بلي كاينة حاجة انوورمال
ياا اماا التصحيح سااايب بزاف والا
الاسئلة ماشي فالمستوى تاع امتحان شهادة باكالوريا
المهم
دوك تطلعو للجامعة وتشوفي العين الحمرا من لي بروف باه يعطيك 0.25(هههه راني دخلت موضوع اخر القلب معمر)
وتزيد تشوف تاااني ناس ميستاهلوش ويدو عوامهم
مي في زوج حالات برك
عندك لكتااف فالجامعة جيب عامك ونتا راقد
ولا الغش الي راهو فالجامعة داير حالة

ولزوج خماج بارسكو بينك وبين نفسك كي ترفد الديبلوم هداك
مام ويدا مالقيتش خدمة بصح
يكون ضميرك مرتاح كي تدي عوامك بتعبك

واش نقول الي تعب فالباك وداه بشقاه راه يعرف روحو ماشي حتى يبرر لناس
ومبروك عليـــــــكم


​

 

[السلطانة]

لا شرطية هذي الهدرة مكاش منها
يحب يلعب قدامك باه متعينوهش برك بصح كي روح لدار يقرا
هذي انا كنت نديرها المعدل نحكم5 وداخلتها غير لعب بصح كي نروح لدار نقرا على روحي نسهر نجيب 3
نهار جبتو نخلعو فيا وجبتو غير انا من بين لبنات فالكلاصة تاعنا
الشيوخا قلولي مناش مأمنين
وهذي تاع اللعب قاع مكاش منها
وثاني متنسايش الباك زهر هذي معروفة من بكري مشي غير فالنظام الجديد​

هدرتلك من منظور عام
الله غالب الخبرة بينتلي هك :sheer::sheer::sheer:
اما عن العفسة هادي تاع التايهة في لقراية وي كاين منها صح وراكي قلتيها
هيا ربي يوفقك في حياتك الجامعية
تحياتي :re_gards:

 

[الحاج قوقل]

علابالك المأساة هي كي تكون متمسك برأيك و تحوس على المناقشة
....
الي قرا سيستام قديم يقول تاعنا هو صعيب و الجديد يقولو هو الصعيب
آلور -23 سنة يقولو جديد احسن
+23 يقولو قديم احسن
و هما في الهوا سوا كيما يقولو ما صحاب سيستام قديم خرجو علماء
و اصحاب السيستام الجديد خليهم مازالو يقراو
اتهلا في روحك الشيخ
سلام عليكم ...​

وتستمتر المأساة كتبتها ع نضام تعليمي و ع بلاد ....ونتا علاش فهمتها راني عليكم

راني ع بالي بلي كاين لي يقروا والمجتهدين في كل وقت وحين بصح راهو صاري قونفلاج + تحديد الدروس + الكوبياج + قلة احترام ............واش تحسبنا مديكونيكتين من الدنيا ....ديجا وشكون لي قرواك ؟؟؟ انا صحابي كامل راهم يقرو .....ايملا قراك سيستام القديم :showoff::showoff::showoff:

 

[الحاج قوقل]

يا أختي أحلام خلي برك والله عيينا من الهدرة واش تحبي

يهبط المستوى يقولو مش ملاح يطلع مش ملاح

اللي راهو يتعب اكيد ربي مش رايح يخذلو وأكيد راح ينال ويبني مستقبلو بأساس قوي ​

علاش تعيي ؟؟؟ قلنا كاين المجتهدين ولكن كاين التضخيم وكفي ....اعتراف واجب