شآء القدر و كان من نصيبك...

[أم راضية ~_]

بسم الله و الصلاة على رسول الله
راكم ملاح ؟؟ لاباس ؟؟ الحمد لله :shiny:
موضوعي يقول: قدر الله و جا نصيبك و بعثلك ربي شريك الحياة :shay:
إلا أنه من ذوي الاحتيجآت الخاصة ، كفيف أو صم و أبكم أو مُقعَد أو أعرج أو أي إعاقة أخرى ماعدا التخلف الذهني ، هل تقبل (ي ) لماذا ??
أتمنى منكم الصراحة و عادي مهما كان قراركم المهم قناعاتكم بأرائكم
و إدا حبيتو تعرفو رايي أنا ما عنديش مانع إدا كان متوفرة فيه كل شروطي ،منها:خدام عاقل مربي يحبني يقدرني و يقيمني على حساب عقلي ماشي على أصلي و شكلي
يعطيكم الصحة نتمنى القبول و الردود و الصراحة أثناء الوجود و خودو مني عبارات الحب و باقة من الورود :shiny:

 

[sahiko hamza]

ياو ربي ينقص في حاجة ويزيد في حاجة كون هاني فيها هاذ المعلومة
​

 

[ماكانش]

يعطيك الصحة ختي على الموضوع الباهي ...
انا على نفسي على حسب الإعاقة تاع الطفلة هذي
اذا كانت اعاقتها مما تؤثر في العلاقة الزوجية مثلا صم بكم ولا ماتشوفش شويا واعرة
أما اذا كانت مثلا عرجاء ولا حاجة هكذا نقدر نقبل اذا كانت مليحة بزااااف في امور اخرى ...​

 

[رقيقة المشاعر]

يعني حسب الاعاقة
بصح بلا كذب نسبة 80 بالمية مانقبلش ​

 

[DARINE05]

منقبلش منكذب عليكككككككككككك

 

[فقير صغير]

واعرة بزاف بزاف
انا معنديش اجابة...
​

 

[بنـ MaPa ـت]

وعليكم السلاام

اختي ماكانش في هاد الدنيا واحد كامل من كل الصفات حتى ولو كان الله يبارك ومايخصو حتى شي فيزيكمون الا وتجي حاجة ناقصة مورالمون ماشي مريض عقليا مي يكون فيه ديفو ههه...الصراحة ختي انا مانقبلش كيما قالو لي قبلي هادا هو رايي....

نعرف واحد خو جارتنا تشوفيه ياختي ماشاء الله تقولي يرفد صبعو يجوه 10 ومتزوج بوحدة عمية مسكينة يتهلى فيها يطيبلها ويغسللها متهلي فيها ماشاء الله....يعني ماتقدري ماتعلقي على حياتهم + عندو الدراري تاني ولاباس عليهم ربي يخليهملو...تتسائلي تقولي علش حتى هادي لي تزوج بيها...هي صح علابالي لي تقولي العمية واش خصها ماشي عبد كيما الناس ومايحقلهاش تتزوج مي ياختي والله الاجابة صعيبة بزااااف ماتلقايهاش...

مرسي على الموضوع
​

 

[mira bey]

منكذبش عليك ختي صعيييبة بزاف هادي الحاجة
منقبلش

 

[ابوندى]

هناك من ذوي الحاجة من يمتازون بالفعاليةالمميزة بمجتمعاتهم..فالله دائما يعوض نقصهم..
وهم اكيد افضل من كثير من الاصحاءالذين يعيشون عالة حقيقية على مجتمعاتهم وهناك من لديها او لديه قناعات داخلية جميلة قد ييسهل الارتباط بغية ان تنال او ينال اجرا من عند الله والستر.
كم من سليم تزوج من معاقة وكم من معاق تزوج بسليمة فرزقهما الله بنين وبنات قرة عين ومهجة فؤاد وحازوا من العلم مراتب ومن الوظائف سلما والقضاء والمكتوب نافذلا محالة
موافقتى هنا مرتبطة بنوع الإعاقة يعنى تشوف الشخص المعاق له كل الحقوق فى أن يحلم بحياة طبيعية و بإنجاب أطفال أصحاء لكن قد تكون الإعاقة الذهنية وحدهاهى الشىء الوحيد الذى يقف الواحد أمامه حائرلأنه أمر خاضع للجينات الوراثية يعنى ماكانش هنا سيطرة طبية على الموقف
شكرا على الطرح ربي يبارك فيك
​

 

[himina]

وعليكم السلام والرحمة
انا نقبل انقولك اعلاه بارسكو كل واحد حي في الدنيا هاذي قسمو حي امعاه ولي عندو اعاقة علاه ماهوش انسان ولي حاب يدير الخير في دنيتو يشهد اعليه في اخرتو يدير ربي بين عنيه وكلشي بالمكتوب

 

[بلادي نبغيك]

معلاباليش سؤال صعب بلاك نشوف معاه يلا يعجبني

 

[لاجودان شاف]

صعيبة الحال صح

ربي يقدرنا ويرزق ذوي الاحتياجات الخاصة من فضلو​

 

[أم راضية ~_]

ياو ربي ينقص في حاجة ويزيد في حاجة كون هاني فيها هاذ المعلومة
​

شكرا لك على الرد بصح حبيت لوكان نعرف رايك إدا كان ممكن :shiny:

 

[أم راضية ~_]

يعطيك الصحة ختي على الموضوع الباهي ...
انا على نفسي على حسب الإعاقة تاع الطفلة هذي
اذا كانت اعاقتها مما تؤثر في العلاقة الزوجية مثلا صم بكم ولا ماتشوفش شويا واعرة
أما اذا كانت مثلا عرجاء ولا حاجة هكذا نقدر نقبل اذا كانت مليحة بزااااف في امور اخرى ...​

نشكرك خويا على صراحتك و على ردك الجميل

 

[أم راضية ~_]

يعني حسب الاعاقة
بصح بلا كذب نسبة 80 بالمية مانقبلش ​

:shiny: :shiny: :shiny:صحيتي على صراحتك

 

[hiba14]

شوف و الله ما عندي و لو احتقار صغير و لا نظرة نقص من حهتهم
بصح ما نقبلش

 

[lakhdar29]

ماسبتلك حتى اجابة لى نقولهالك الله يسهل​

 

[أم راضية ~_]

منقبلش منكذب عليكككككككككككك

عادي، صحَة على صرآاحتك :shiny:

 

[نجمة رجاص]

machakitch nkbal allah ghalb

mais bssah lakan ;aktoubi houwa wqch thabni ndir

 

[أم راضية ~_]

وعليكم السلاام

اختي ماكانش في هاد الدنيا واحد كامل من كل الصفات حتى ولو كان الله يبارك ومايخصو حتى شي فيزيكمون الا وتجي حاجة ناقصة مورالمون ماشي مريض عقليا مي يكون فيه ديفو ههه...الصراحة ختي انا مانقبلش كيما قالو لي قبلي هادا هو رايي....

نعرف واحد خو جارتنا تشوفيه ياختي ماشاء الله تقولي يرفد صبعو يجوه 10 ومتزوج بوحدة عمية مسكينة يتهلى فيها يطيبلها ويغسللها متهلي فيها ماشاء الله....يعني ماتقدري ماتعلقي على حياتهم + عندو الدراري تاني ولاباس عليهم ربي يخليهملو...تتسائلي تقولي علش حتى هادي لي تزوج بيها...هي صح علابالي لي تقولي العمية واش خصها ماشي عبد كيما الناس ومايحقلهاش تتزوج مي ياختي والله الاجابة صعيبة بزااااف ماتلقايهاش...

مرسي على الموضوع
​

مرسي ليك ختي و إن شاء الله هاد الراجل ياخد ربي بخاطرو و يرزقو من خيرو الكبير:shiny:
و شكرا على ردك الجميل