شافوني مع واااااااحد

[NICHA03]

انا مرة خويا جا للجامعة باش يوصلني للدار رجعو يقولو شوفو شوفو الناس صح يجيها صاحبها يوصلها​

والله مالقيت وين نحط روحي جاب ربي ماسمعهمش خويا
ومرة ثاني خالي يقري فالجامعة نتاعنا كي تلاقيتو قاعد يحظن فيا ختراه هو لي رباني وقالي تزوجي وتجيبي لولاد وتبقاي مموشة نتاعي شافني واحد راح عند خالتي قالها بنت اختك قاعد يحظن فيها واحد قدام الناس ماشي متربية تعرفي هبطو عليا السما كي روحت مبعد باش تقكرت بلي او خالي مبعد حكماتو خالتي بهدلاتو قاتلو اتلها بروحك خلي عليك بنات الناس

والله صح "ان بعض الضن اثم" وكيما قلتي ارضاء الناس غاية لا تدرك​

سبحان الله ربي يهديهم مرسي على المرور نورتي

 

[الأميرة سالي]

يعطيك الصحة اختي

هاذي هي العقلية dz
الله يهدينا

 

[NICHA03]

الله يسهل المهم كل واحد علابالو في روحو

مرسي على المروور نورتي

 

[NICHA03]

ايا بيان كي عرفو بلي راه عمك​

wééééé ta3 sah b1 mercii pour le passage

 

[NICHA03]

الله غالب اختى وين تروحى تلقى هدا شىء

واش تحب يا خويا هاذي هيا دزاير مرسي على المرور

 

[NICHA03]

صح كرهونا من هذي العقلية

والله غير كرهناهااااااااااااااااااااااااااااااااا مرسي على المرور

 

[NICHA03]

ان بعض الظن اثم

هدرة الناس جامي نديرها في بالي لخاطر ديري واش ديري تبقاي ماشي مليحة

ربي يهدي ماخلق​

والله غير صح مرسي على المرور

 

[رقة الاحساس]

الصراحة عندك الحق الناس مولاتش بالاتهامات حتى اذا شفوك مع اقرب الناس ليك يشكو فيك و يبدو بالاتهامات
الله يهديهم
​

 

[NICHA03]

انا تاني صرالي نفس المشكل مع عمي وكي لعشية فت مع اختي قالولها صباح راهي كانت مع فلان وعندو كدا
ايا ناضت ليهم اختي بردتهم ....
يخي عباد يخي يفهموآآ غير النقص.

ربي يهدي ماخلق مرسي على المرور

 

[NICHA03]

انا الحمد لله جامي صرات معايا :shiny:​

واصلا عندي عم واحد توفى الله يرحمه وخوالي زوج كبار بزاف وبعاد عليا i-o:​

وولادهم ما نتمشاش معاهم برا لو كان يقطعوني بلاما نسمع هدرة زايدة تضرلي راسي :du_nno:​

عقلية الناس قاع ما تقدريش تتحكمي فيها يشوفوا غير الظاهر ايا ويبدو في التمنشير​

الله يهدي ما خلق ​

ربي يبارك فيك ختي :shay:​

مرسي على المرور تهنيتي

 

[NICHA03]

بففففففففف العقلية تع البغولة هذو جامي نطورو مرسيييييييييييييييييي

chaftiiiiiiiii kifach mercii darine

 

[NICHA03]

ان ما بعد ظن اثم

مرسي على المرور نورتي

 

[NICHA03]

وعليكم السلاام​

اهلا حبوبتي عاش من شافك​

نقولك غير الهدرة لي فيها كنتي مع وحدة ولا مع واحد ولا وحدك كيما قلتي يهدروا يهدروووووا
كاين بزاف ناس يقراو النقص...ايدا كانت مع خوها يهدرو فيها....حتى ومع باباها يشوفوهم ماشيين ومقصرين يقولك راهي مع شيبوخ قد باباها....ربي يهدي ماخلق..​

مرسي على الموضوع​

ouii كيما دير متسلكش منهم مرسي على المرور توحشناك

 

[NICHA03]

وعليكم السلام
وي ختي كاينة هدي العقلية عندنا بزاف فالدزاير
ان بعد الضن اثم وكيمل قلتي ادراك الناس غاية لا تدرك
يعطيك الصحة ختي على الموضوع الشباب

الله يسلمك اختي لعزيزة نورتي الموضوع

 

[NICHA03]

walah ghir hada mawdou3 tkhayli makanch amak lok daro 3lik riwaya khti hadi hiya lblad nta3 twaswis lah yahdi makhlak
merciti okht nich rabi ykhalik

mercii pour le passage rima raki tchoufi ya khtiiii lwahd kima ydir mayslakch manhom ya3tik saha

 

[NICHA03]

اجتنبوا الشبهات​

صدق رسول الله صلى الله عليه وسلم​

الناس تفهم كان بالغالط، مالا ماتعطيهمش فرصة​

يعطيك الصحة​

صح يعطيك الصحة اختي نورتي الموضوع

 

[NICHA03]

ههههههههههههههههههه كون جيت منك
راني حكمتو من يدو
و طريق كامل و انا نسلم و نحضن
وخليتيهم نقصو عليك الذنوب
وش خاسرة نتي
وش تحبي شعب ميكي

هههه رمروم لاباس اني خممت فيهااااااا ومبعد قلت هاذا شافوني ماشية معاه هدروا هكا ...................... مرسي على المروور نورتي

 

[NICHA03]

هههههههههههههه ​

صرالك كيما انا نهار الي شافوني مع خالي حسبوه صاحبي هههههههه
من تم مزدتش تمشيت معاه فالطريق هههه تصيبيني غير نتهرب منو
ولله الناس تاع ضرك يضحكو
هذا ماعندهم يديرو غير فلانة دارت وفلانة عملت
ربي يهديهم​

يعطيك الصحة ختي​

ههههههه الواحد راهوا هارب من هدرتهم و خلاص مرسي على المرور نورتي

 

[NICHA03]

ان بعض الظن اثم​

صح اختي والف صح
اصحاب النفوس المريضة هادي كاين ف كل بلاصة يضنو ويشكو بزاااف
الله غالب ناقصيين عقلية وفهامة كون جاو عباد صح ميهدروش ف الناس ف فلان وفلانة
اصلا يفكرو ويتقنوا غير بمعدالات غير صحيحة
ربي يهديهم
وانت خيتو كبري بالك
تحياتي ليك ع الموضوع

دمت مميزة ​

مرسي على المرور اختي لعزيزة نورتي الموضوع ويعطيك الصحة على الهدرة تاعك

 

[NICHA03]

وشكون اللي قاعدين يهدرو

ياخي غير لجيآح لادين لا والو ويعلقو
موالفة كنت معديا انا وصحيبتي شاورتلي على طفلة وطفل قالت لي هاذو خاوة
مي ناس ديما يخرجو عليهم لهدرا
انا نهدر مع اللي نحب وهدرتهم اخر حاجة تهمني​

عندك الحق اختي لعزيزة مرسي على المرور نورتي