أرشدوني إلىا بنت الفاميليا...ما أصعب الإختيار

[الطفلة البريئة]

بارك الله فيك ختي كنت حابة نرد عليه ولكن ردك يكفي ويوفي
كل واحد يحاسب نفسه والناس الباقية لها رب يحاسبها
سلام

و فيك بارك الله حبيبتي
صح كل واحد يحاسب نفسو عندك الحق
@m!m​

 

[kiosedire]

الوالدين هوما ليعرفو بنت الفاميليا مليح و الزمان هدا ربي يستر قليل تلقى الراجل راجل و المرا مرا...........تبدلت العقليات و الطيبون للطيبات

على حساب الهدرة نزيد نخاف أكثر و أكثر:cra_zy:
مشكورة:re_gards:

 

[عبدو28]

بيناتنا نتا راك مخمم في أكثر من واحدة وقل عليها لموك وهي تزيد تعطيك رايها
ونشالله تتفاهمو وتخرجو بنتيجة . وخير البر عاجل .وزواج حظ ونصيب .ازدم برك تسهل الامور كلها
وزيد دير النية ولللقدام يا زدام.وماتنساش تعرضنا للعرس ورانا نجيوك إن شاء الله.
​

 

[المتفائلة_91]

والله راكم يا جماعة هازين نظرة خاطئة عن بنت عائلة معروفة ونسبها مشهور،
البنت كي تكون متربية جامي تتكبر ، وعلاه تتكبر وكلنا ولاد ادم وحواء،
وقضية النسب من عند ربي ، مش هي اللي خيرت تكون بنت عائلة فقيرة وغير معروفة ، او بنت عائلة ذات صيت،،
المهم في ربايتها ،،،

تعبتني عقلية يا بنت ..... شكون يقربلك ؟؟؟
علاه الوحدة كي تعود بنت حاجة كبيرة ، ما يقربولهاش ؟ واش فيها زايد


المهم

يا خويا ، ربي يصلح حالك ان شاء الله وتلقى بنت الحلال اللي تسعدك سواء كانت من النوع الاول او الثاني ،
خير الرباية قبل اي معيار اخر




موفق،،​

 

[07 _H@yThm]

كاين لعوج وكاين صحيح
كيما كاين ولاد لحلال كاين بنات لفميليا
والعكس ولحديث قياس
​

 

[adel-mz]

بنت الفاميليا هي بنت الاصل اللي تكون هي القدوة ليك و اولادك
هي اللي تسعدك في الدنيا و الاخرة
هي اللي تشاركك كل همومك و افراحك
هي اللي تكون رزينة و كي تتكلم تسكت عرش
هي الظريفة العفيفة
ياخويا كاينين بنات الفاميليا
تلقاهم في دارهم
و انشاء الله تلقاها في اقرب وقت
ربي يهنيك خويا​

[ عليك نور هادي هي بنت الفاليا]

 

[AHLEM1992]

ربي يرزقك ببنت الفاميليا الي تهنيك خويا
...
مي علابالك كيما انتا تقولو لي بنات الفميليا قلاال
و الله حتى ولاد الفامليا كاين نسبة 5% برك ولا قل
و ربي قال الطيبون للطيبات
تأكد بلي ربي ما يبليش العبد في حاجة تخص شرف تاعو
ا دا كانت نيتك صافية راح تلقا الي نيتها صافية تاني
هد رايي ،، بارك الله فيك خويا
تحياتي​

 

[JAWHARA25]

لا تنسى اخي الطيبون للطيبات ،

 

[alisare]

كاين بنات الفاميليا بزاااااااااااااااااااااااااااااااااااااااااااااااااااف وين تروح تلقىوايلا ما لقيت عليها وين ارواح للشلف نمدولك وحدة هههههههههههههههههههههههههههههه

 

[الحياة كلمة]

في رايي
​

أولا: ما تعريف بنت الفاميليا عند الشاب الجزائري؟

هي فتاة تستحي كثيرا تخاف من الله
تخاف ان تقوم باعمال شائنة
فلا تكمل
تخاف من ابوها واخوتها

تحاسب نفسها
تحب الغير
وتسال عن الصغير والكبير

تكره
التكبر
العجرفة
​

هل هي تلك الفتاة التي تنحدر من عائلة ذات شرف و جاه و تحمل في فروعها الكثير من الأعيان و السادة؟

الشرف طبعا
الجاه يصبح تكبر
الا اذا ربوها والديها احسن تربية
ولاكن عندنا بنات هاذا الزمان من سلالة السادة اصبحت ترى نفسها هي فتاة فقط وكان الفتيات انتهو
​

بغض النظر عن تصرفاتها ففي غالب الأحيان تكون متهورة مستهترة متفاخرة بنسبها و لا تبالي بمن هو أقل منها درجة إجتماعية.

انا ارى ان الفتاة التي بتلك الصفات فتات تخاف ولهاذا تتكبر فلا تكلم احد
فهي ضعيفة ولا تسمح للناس برايت ضعفها فتراها علا هذا المنوال
ولاكن التي لا تبالي بمن هو اقل بدرجة هاذا تكبر
​

أو ربما تلك الفتاة التي تعيش في الأسر الفقيرة على هامش الحياة و قد تكون على قدر كبير من التربية و الأخلاق لكن يبقى عامل يبقى عامل الأصل يحول دون رضى أهل الشاب أو المجتمع كافة لأنه يجهل أصلهم كأن تكون أسرة دخيلة على منطقة ما.

تلك فتاة سوف تهنيك في حياتك اكثر من اي بنت والله اعلم
​

ثانيا: ما السبيل إلى الوصول إليها؟
او التجارب المستقاة من يومياتنا أثبت عدم نجاعتها سواءا كانت تقليدية أو حديثة، و خير دليل على كلامي قاعات المحاكم و قضايا الإنفصال التي أخذت حصة الأسد من مجمل المنازعات.

الحقيقة هاذا سال يراودني انا عن نفسي وجوابي انا هو طريق الحلال
​

و الخوف كل الخوف - هذا ما أعانيه - من الإنخداع بالمظاهر في زمن صار يحتكم إليها دون الأخذ بالباطن

ترا بنت عاقلة تظهر من عينيها


​

قطار العمر يتقدم و النفس طواقة للظفر بما يرضيها في إطار رضى الله، دلوني أعانكم الله إن لتجاربي مع الحياة كبوات و نكسات.

اخي قبل تقدم الي اي فتات هناك استخارة فربما انا اخذلك بجوابي
ولاكن الله لن يخذلك
​

تقبل مني هذه الكلمات
ولك مني اجمل تحية
من الحياة كلمة
​

 

[kiosedire]

أواه الواحد راح يهبل قواو المدبرين كانت عندي يما تدبر علي هذا اليومين راسي راح يطرطg ​

 

[شهرزاد32]

الله يرزقك بنت الحلال خويا

 

[Fethi.dz]

السلام عليكم

بنت الفاميليا تجدها عندمـــا نصبح نفكر بالمظهر الداخلي ( دينها, إمانها, عفافها ..الخ)لا بالمظهر الخارجي و ما يتشعب منها من شعب تجد البعض يركض ورائها من اجل مصلحة الشخصية لا من اجل اتمام نصف الدين.

بنا يخص التهم المطروحة / نتفق في كل مكان و زمان انه يوجد الصالح و الطالح .. في اطهر بقاع الارض و في اجنسها .. وعليه نحن في منتدى اللمة الجزائرية لا نقبل بتوجيه التهم لفئة محددة معينة موجهة لها ما تم اتهامها به .. فاعلم ان خطيئة فرد لايحاسب عليها مجتمع بأكملها و ان كان كذلك فاقول لك لما نحن اليوم هنــا نناقش بالعقل لا بالعاطفة.


يغلق.