علابالي راني retard بصح معليش

[soumi.19]

سلااام علييييكم وشراكم جماعة لاباس ؟؟
راح نكتب هذا الموضوع علابالي راني retard بصح معليييييش
راح نهدر على bac تع لعام هذا ............الله يبارك جابوه بزااااف و الحمد الله و كاين عباد يستاهلوه و كاين لي ميستاهلوهش و يعني لفرحة تع bac ماكانش كيفها ....وحدها .... malgré وحدة تزوج ولا تتخرج بصح ماشي كيما لفرحة تع bac
و لعباد هاذو لي مايستاهلوهش زعما قراولو ؟ مشكيتش
لعام طول و انا نشوف فيهم مقسرين و يتمسخرو و بورطابلات دايرين حالة والله غير حرت فيهم
و كاين صح لي تعبولو و جابوه الحمدالله والله غير فرحتلهم
و هاذوك لي ماجابوهش نقلهم ماشي la fin de monde هكذا كتبلكم ربي و انشاء الله لعام لجاي نفرحو بيكم و متزعفوش puisque هكذا جات
ايا جماعو اتهلاو في رواحك و في صحابكم و والديكم و ناس كبار في لعمر تلقاوهم في طريقكم
سلااااااااااااااام

 

[الجريئة]

هادي زغروتة لجماعة الباك واولهم خويا
يوووووووووووووووووووووووووووي
انا خويا قتل روحوا والحمد لله داه والفرحة كاش نهار ندير عليها موضوع

 

[HICHAMBECKHAM]

انا مجبتوش قريتلو وتعبت وناس فوتو ورايا انا الي خدمتلهم كلشي جابوه وانا والو راني رايح نخنgروحي انا علبالي وين المشكل العام الفات وهذا انا خطي مكرفس ميتقراش​

​

 

[الحاج قوقل]

ههههههههههههه خويا خيرها ف غيرها ادي معاك لكلافي ياخو دكا خطك فور

 

[Estrella]

ياو قالوها ناس بكري
الباااااك زهر
صحيتي ​

 

[AWDIESL]

انا مجبتوش قريتلو وتعبت وناس فوتو ورايا انا الي خدمتلهم كلشي جابوه وانا والو راني رايح نخنgروحي انا علبالي وين المشكل العام الفات وهذا انا خطي مكرفس ميتقراش​

​

hhhhhhhhhhh

حسن خطك .....و لعقوبة للعام الجاي.......و بدا دير ....هاد صيف les cours تاع الخط
​

 

[المتفائلة_91]

هيهي

لم يصدق الذي قال :
الباك زهر ،،،



شكرااا​

 

[ماكانش]

الباك ولا قجمي ....

 

[soumi.19]

مبروك عليه حنونة و لعقوبة لحاجة كبيرة انشاالله و انا ثاني خويا نجح في الباك و يعني تعبلو تع صح و الحمد الله

 

[♥ HOUda23 ♥]

كلشي مبرووووووووووووووووووووك
على لي جابو للباك
ولعقوبة لليماجابوهش العام الجاي ان شا الله
^^

 

[صدى القلوب]

مبروك للناجحين ولعقوبة لعام الجاي مي نقلك حاجة كايننين اللي يلعبو ويتسمخرو مي اعندهم فالراس لشتا يقراو غير شويا ويديوه وكاينين اللي يخدعو فالغاشي باللي ميقراوش مي فالليل يوليو يقراو باه العين نتاع الناس تخطيهم
وكاينين اللي داوه كوبياج وكاين اللي العام كمبلي يجبد مي عقلو ميهزش وميديهش الباك زهر سلام

 

[الورد الأحمر]

صراحة الباك تاع درك يبانلي ساهل
يديرو العتبة وينقصو الدروس
وقريب يمدولهم واش يطيح في السيجي
ومن فوق يخرج السيجي وكي نفاو الاشاعة
راهم يخرطو كيما تاع التربية اسلامية خرج
وطاح في يد اختي قبل ما تدخل للكلاصة
وبكري احنا حفظنا كلشي لا عتبة لا والو
وجبناه والحمد لله يعني الكل لي جابوه
درك راهم جابوه بأقل تعب من لي جابوه
في الدفعات لقديمة ومن نهار ديت انا
الباك الدفعة لي وراي ولاّو يديرولهم
العتبة والباك تاع بلادي الله لا يبارك
باقي غير في تقهقر مستمر وأنا ما
نستعرفش بيه يا حتى في الخارج
هيا سلامو
​

 

[الجنرال عمار]

اغلبهم جاب المواضيع من الفايسبوك .......... وكاين ناس نعرفهم طلعوا هاد العام بفضل الفايسبوك

 

[youcef 1]

قالك هذا العام

اللي ماربحوش الباك هما اللي يديروا الحفلات والزغاريد

علاخاطر راهم قلال بزاف

 

[noussy]

سلالالالالالالالامووو وشراكم لاباس ؟؟؟

مبرووووك علينا احنا لي فوتنا الباك وتعبنا على جالو وجبناااه في الاخير وهارد لاكــ لي ماجابووهش وماكانش منهاااااااا طول حكاية (( الباكـ زهر )) ؟؟ رانا نمثلو هنا في هوليوود ولا حتان ولا زهـــــر ؟؟؟ واحد يتعب ويشقا عليه وفي الأخير يجيه واحد ويقول دوماج شريكي الباك زهـر ههههههه والله العظيم غير حالا نشوفو العجب من الجماعة هذوما ...يصبرو في رواحهم مساكن :sadwalk:

 

[جوانا]

كلشي مبرووووووووووووووووووووك

 

[mira.21]

انا مجبتوش قريتلو وتعبت وناس فوتو ورايا انا الي خدمتلهم كلشي جابوه وانا والو راني رايح نخنgروحي انا علبالي وين المشكل العام الفات وهذا انا خطي مكرفس ميتقراش​

​

معليش خويا لكلافي يفري فيها
درك خطك او فوور ههه
معليش لعقوبة للعام الجاء نشاء الله وتديه افاك مونسيو

 

[07 _H@yThm]

راكي روطار
واشي هاد وين كنتي؟
​