الشيطان حاب يدير عندكم ستاج ....2 season

[لاجودان شاف]

السلام عليكم ورحمة الله وبركاته
اهلا بجميع الأعضاء الكرام المحترمين ....ان شاء الله تكونو بخير

اليوم راح نحكيلكم على قصة سرقة صرات هنا ايضا في باتنة

في الحي المعروف بحوانيت الذهب والمجوهرات la verdure

وهذا القصة حكيتها لصحابي مكانش وفقير صغير بصح ماداوهاش فيا

وهاذ القصة صرات حقيقة وسمعتها من فم واحد شرطي

والقصة عندها واحد الشهر منين صرات

قالك واحد 3 سراقة حبو يسرقو صايغي - يبيع الذهب-

مالا وش عملو

دخلو الأول لابس كلش ابيض عباية وشاشية بيضة ومنحي كل شي من وجهو حتى حواجبو

الصايغي شافو حار شوي قالو وش تحتاج قالو السراق انا ملك الموت جيت نقبضلك روحك

الصايغي ضحك عليه وقالو وشبيك نتا مهبول هيا روح مكانش الصدقة

قالو السراق قتلك انا ملك الموت جيت نقبضلك روحك

مالا جاه الصايغي وقالو هيا برا اخرج عليا جاي شايخ بيا

وعندها دخلو صحابو الزوج لي كانو برا وكانهم زبائن راح يشريو

مع دخلو قالهم الصايغي هاكم تشوفو الناس هبلت هذا دخل عليا قالي انا ملك الموت

وجيت نقبضلك روحك

قالولو الزوج هاذوك وين راهو وين راك تشوف فيه

قالهم هاهو قدامكم ماكمش تشوفو فيه

قالولو وينو وين راك تشوف فيه واش راك شايخ بينا

وعندها تشوكا الصايغي وطاح تغاشى - اغمي عليه -

وطاحلو على الكاينة وداوهالو

اليكم التعليييييييييييييييييييييييييييييييييق​

 

[لاجودان شاف]

واش معجبكمش الموضوع​

 

[meriem150491]

هههههههههههههههههههههههههههههههههههههههههههههههههههههههههههههههههههههههههههههههههههه

قتلتني بالضحك والله


اي الناس رجعو شواطن يشف مسكين دك او كي ناض يحساب راه في لقبر

 

[ماكانش]

عندهم الحق يا الشيخ
لاخاطر ألي يبيعو الذهب كامل مسوقرين جبور كافيا ...
وحكاية الحطبة هذيك قليل ...​

 

[المتفائلة_91]

هيهي ،، حسيتو فيلم ،،

حتى ملك الموت ماخلوهش ههههه


يعطيك الصحة ، المهم في سلامة راسو






سلامي​

 

[لاجودان شاف]

هههههههههههههههههههههههههههههههههههههههههههههههههههههههههههههههههههههههههههههههههههه

قتلتني بالضحك والله


اي الناس رجعو شواطن يشف مسكين دك او كي ناض يحساب راه في لقبر

ههههههههههههههههههه

صح شكرا ​

 

[لاجودان شاف]

عندهم الحق يا الشيخ

لاخاطر ألي يبيعو الذهب كامل مسوقرين جبور كافيا ...

وحكاية الحطبة هذيك قليل ...​

مسوقرين جبور كافيا ...
هههههههههههههههههه
ههههههههههههههههههههههههه
ههههههههههههههههههههههههههههههه

يحلي ديراكت ​

 

[لاجودان شاف]

هيهي ،، حسيتو فيلم ،،​

حتى ملك الموت ماخلوهش ههههه​

يعطيك الصحة ، المهم في سلامة راسو​

سلامي​

وشمن سلامة الراسو الراجل دالو حانوتو وشمن سلامة بقات
راهي ملاير
شكرا​

 

[المتفائلة_91]

وشمن سلامة الراسو الراجل دالو حانوتو وشمن سلامة بقات

راهي ملاير

شكرا​

معليش المهم ماكملوش على عمرو ،

راهي عايلة وراه


الدراهم تروح وتجي

 

[لاجودان شاف]

معليش المهم ماكملوش على عمرو ،

راهي عايلة وراه


الدراهم تروح وتجي

صح

يعطيك الصحة​

 

[07 _H@yThm]

هههههههههههههههههههههههههههههههه
ياجدك قتلتني بضحك
والله ستاج وليكور يشيطان باطل في دزاير
​

 

[لاجودان شاف]

هههههههههههههههههههههههههههههههه

ياجدك قتلتني بضحك
والله ستاج وليكور يشيطان باطل في دزاير​

هههههههههههه

formation gratuit

ديبلو انجينيور ديتا في التشطين​

 

[JAWHARA25]

هذا كاشي فيلم تفرجوه مليح وطبقوه ، مسكين ري يعوض عليه ،دراهم لحلال يوليو ..والشيطان مزال يزيد ستاج تاعو مزال مطول ههههه

 

[DARINE05]

هههههههههههههههههههههههههه او جبايلي مسوقر و كافي ههههههههههههههههههههههههههه

 

[hanane alg]

هآآدي الحكآية سمعتها ديجآ في آحد المنتديآت

ولاو يستمعملو بزآآف هاذ الطريقة

ربي يهدهم
​

 

[بنـ MaPa ـت]

وعليكم السلاام

ههههههههههههههه هادي صرات عندكم في باتنة؟؟
الله يبارك عندكم ليزارتيست ههه
والله غير حيليين تع الصح هادو العباد بصح يجي النهار وتخرجلهم ويخلصوها

مرسي على الموضوع
​

 

[لاجودان شاف]

هذا كاشي فيلم تفرجوه مليح وطبقوه ، مسكين ري يعوض عليه ،دراهم لحلال يوليو ..والشيطان مزال يزيد ستاج تاعو مزال مطول ههههه

ههههههه قالك حاب يدير دكتوراه ؟؟؟​

 

[لاجودان شاف]

هههههههههههههههههههههههههه او جبايلي مسوقر و كافي ههههههههههههههههههههههههههه

ههههههههه

صحاب سفيان كامل جبايلية​

 

[لاجودان شاف]

وعليكم السلاام​

ههههههههههههههه هادي صرات عندكم في باتنة؟؟
الله يبارك عندكم ليزارتيست ههه
والله غير حيليين تع الصح هادو العباد بصح يجي النهار وتخرجلهم ويخلصوها​

مرسي على الموضوع​

هههههههه شكرا​

 

[hiba14]

هههههههههههه
هي صح تقتل بالضحك
بصح تدخل في راسي بلي دارو هاد الضربة بصح تاع الصايغي طاح تغاشى لا
صحيييت هههههههههه