صباح الخير انا شفت السيدة بوحامدعملت صلصة بيضاء عادي بلحم الخروف لكن فيها عود قرفة وفي بلاصة الحمص دارت اللوز حباة وعملت حبات نتاع الكفتة كيما نعرفو وحطتهم في الصوص يطيبو ربع ساعة من بعد خرجتهم وخلاتهم يبردو
وحضرت عجينة مثل نتاع اللازاني يعني فرينة وملح ونص كاس سمن وبيضة ولمتهم وخلات العجينة ترتاح من بعد حلتها وقطعت دوائر وغلفة كل حبة كفتة بدائرة من العجين وشكلتهم مثل الرزمات وقلاتهم في زيت غزيرة و حامية وكي قدمتهم سقاتهم بالمرقة
صحا فطوركم
