دورة تدريــبية لتعليـم فنـون الطبـخ للمراهقات قبل حلول شهر رمضان المبارك مع princesse waوبنـ ṀąṖąـ ت

[إشراقات]

وعليكم السلام ورحمة الله وبركاته :
رااااااااااااااائع فكرة هايلة
يعطيك الصحة
نبدأ اول حاجة
عندي استفسار على
الكريمة اللي يزينو بيها الجينواز
اريد وصفة سهلة
من دون كريمة الزبدة لاني لا احبها

 

[roudi92]

فكرة رووووووووووووووووووووعة مي لازم من لاباز راني نعرف الا البطاطا المقلية

 

[برنســ اللمة ـيسة]

:sadwalk:

وعليكم السلام ورحمة الله وبركاته :
رااااااااااااااائع فكرة هايلة
يعطيك الصحة
نبدأ اول حاجة
عندي استفسار على
الكريمة اللي يزينو بيها الجينواز
اريد وصفة سهلة
من دون كريمة الزبدة لاني لا احبها

أهلا و سهلا أختي
مرحبا بيك معانا
بون درك مابقاش اللي يستعمل الزبدة و الكريمات هادوك و أنا من نفسي نستعمل الكرام شونتي
راها تتباع برا بودرة زيديلها قطرات حليب و طلعيها بالخلاط تجي هااااايلة و خفيفة روووعة
:re_gards:​

 

[برنســ اللمة ـيسة]

فكرة رووووووووووووووووووووعة مي لازم من لاباز راني نعرف الا البطاطا المقلية

أيــــــــه ماعليش تتعلمي معانا درجة درجة
سقسي برك و خاطيك الحال
و لازملك التطبيق باش تتعلمي مليـــــــح
:re_gards:​

 

[سلمى2010]

فكرة رائعة عزيزتي

بارك الله فيك

تحياتي

سلمى​

 

[إشراقات]

:sadwalk:

أهلا و سهلا أختي
مرحبا بيك معانا
بون درك مابقاش اللي يستعمل الزبدة و الكريمات هادوك و أنا من نفسي نستعمل الكرام شونتي
راها تتباع برا بودرة زيديلها قطرات حليب و طلعيها بالخلاط تجي هااااايلة و خفيفة روووعة

:re_gards:​

Ok
صحيتي على المعلومة :thumb_up1:
وان شاء الله ينضم لينا اكبر عدد ممكن من العضوات
باش نستفادو من بعضنا

 

[برنســ اللمة ـيسة]

فكرة رائعة عزيزتي​

بارك الله فيك​

تحياتي​

سلمى​

و فيكي بركة أختي
تسلمي
​

ok
صحيتي على المعلومة :thumb_up1:
وان شاء الله ينضم لينا اكبر عدد ممكن من العضوات
باش نستفادو من بعضنا

العفو أختي و انشاء الله
خليكي معانا و تبعينا و جيبيلنا كشما عندك الجديد هكدا ينجح الموضوع
و نستفادو كااامل من بعضانا

​

 

[إشراقات]

راح نبدأ أنا اول وحدة نقدملكم الشخشوخة من مطبخــــــي

​

المقادير:​

500غ شخشوخة
فخذين دجاج
حبة طماطم مفرومة
حبة بصل مفرومة
ملح
فلفل اسود
ثوم
2 ملاعق زبدة
100غ زبدة
حمص
2ملاعق كبيرة طماطم مصبـــرة​

الطريقة: ​

- المرق :
- ضعي البصل و الطماطم و البهارات و الحمص و اللحم و ثم أضيفي ملعقتي الزبدة و نصف كوب من الماء واتركيها تتقلى على نار هادية حتى يدبل الخليط وبعدها أضيفي 1.5 لتر من الماء .
- عندما تغلي المرق أضيفي ملعقتي طماطم معلبة و أتركيها حتى ينضج اللحم . ​

- كيفة طهو الشخشوخة :
- أضيفي الى كمية الشخشوخة مقدار من الزيت و ضعيها لتطهي على البخار و ثم كرري العملية باضافة كمية من الماء حتي تنضج .
- بعد الطهو على البخار أضيفي لها كمية الزبدة و بعدها أضيفي المرق الى الشخشوخة و ضعيها على النار حتي تتشرب الشخشوخة المرق و تقدم . ​

يعطيــــــــــك الصحة

 

[بنت الجسور المعلقة]

فكرة رااااائعة ان شاء الله نشاركم ولي عندها استفسار رانا نجاوبوها لازم لبنات لي متعلموش الطبببخ من هنا يخرجو حرااااير هههه ​

 

[برنســ اللمة ـيسة]

يعطيــــــــــك الصحة

الله يسلمك شكرا
:re_gards:​

فكرة رااااائعة ان شاء الله نشاركم ولي عندها استفسار رانا نجاوبوها لازم لبنات لي متعلموش الطبببخ من هنا يخرجو حرااااير هههه ​

ايـــه لازم صح
نخرجوها مرا و نص المهم تسقسي برك و ماتهابش
و التطبيــــــــق أكيــــــــد
:re_gards:​

 

[برنســ اللمة ـيسة]

ثاني وصفة من مطبخي
الحميص

المقادير
-1 كلغ من الفلفل الحلو
-3 حبات فلفل اخضر حار من النوع الطويل حسب الرغبة
-4 كبات طماطم طازجة
-5 ملاعق كبار زيت زيتون
- ملح
- فصي ثوم مهروسين

التحضير>
-1 نشوي الفلفل الحلو و الحار و الطماطم على شواية او نضعهم في صينية في فرن عالي الحرارة مدة 30 دقيقة>
-2 نطلعهم ثم نضعهم في كيس بلاستيكي حتى يبردو تماما و يسهل تقشيرهم
-3 نقشرهم ونقطعهم بالسكين اظيفي له الملح الزيت و امزجي جيدا و حطيها فوق نار هادئة وتركيها ترتاح 30دقيقة
ضعيه في صحن التقديم
شهيـــة طيـــبــة
​

 

[كاترين]

ثاني وصفة من مطبخي
الحميص

المقادير
-1 كلغ من الفلفل الحلو
-3 حبات فلفل اخضر حار من النوع الطويل حسب الرغبة
-4 كبات طماطم طازجة
-5 ملاعق كبار زيت زيتون
- ملح
- فصي ثوم مهروسين

التحضير>
-1 نشوي الفلفل الحلو و الحار و الطماطم على شواية او نضعهم في صينية في فرن عالي الحرارة مدة 30 دقيقة>
-2 نطلعهم ثم نضعهم في كيس بلاستيكي حتى يبردو تماما و يسهل تقشيرهم
-3 نقشرهم ونقطعهم بالسكين اظيفي له الملح الزيت و امزجي جيدا و حطيها فوق نار هادئة وتركيها ترتاح 30دقيقة
ضعيه في صحن التقديم
شهيـــة طيـــبــة
​

يم يم شهيتيني هههه
موضوع مميز
حتى انا راني نشارك معاكم
للعلم راني ما نعرف والو _o:

 

[برنســ اللمة ـيسة]

يم يم شهيتيني هههه
موضوع مميز
حتى انا راني نشارك معاكم
للعلم راني ما نعرف والو _o:

مرحبا بيك أختي
ماعليش سقسينا برك و استفسري من عندنا و يكفينا تكوني حاضرة معنا
نعلموك درجة درجة​

 

[rima29]

صباح الانوار
نبداو ب:
شخشوخة ظفر :

نحطو شوية لحم ولا دجاج وحمص و2 حبات تاع طماطم
3فصوص ثوم
وبصلة ولا زوج
وملعقة طماطم مصبرة تاع البستان
وقرن فلفل حار
ملح وفلفل اكحل ولفاح وزيت وزبدة
وعلى جيهة تغلي 2 بيضات باش تزيني بيهم
في كوكوت تحطي الزيت والبصلة والثوم وطماطم واللحم ولا دجاج ومعاهم الملح وتوابل ونقليها مليح مليح
ومباعد نمرقها بالماء الدافي
بعد 35د نحي الجاج من لاكوكوت واللي يحب يحمروا في الفور يحمروا
وتضيفي للاصوص قرن فلفل حار حتان نشوف لاصوص خثارت نطفي عليها
ومباعد نصفو هذيك لاصوص ونحو الحمص منها
طريقة تفوير الشخشوخة :
نفرغ الساشي نتاع الشخشوخة في قصعة ونفرغوا عليها شوية ماء ونصفوها ليهليه
الشخشوخة ونحركوها مليح مليح
نحطوها في الكسكاس ونحركوها هذي التفويرة الاولى لمدة 10د
نحوها من الكسكاس ونحطوها في القصعة ونرش عليها شوية ماء ونخليها تشربوا
ونزيد نحطلها شوية زيت ونحطها تتفور لمدة10د للمرة الثانية وونديرولها شوية ملح ونحركو
ونزيد نحيها من الكسكاس ونزيدلها شوية زيت ونخليها تشربوا
ونزيد نرجها للكسكاس تتفور للمرة الثالثة والاخيرة ونديرولها الملح
*كي تتفور نحيها من الكسكاس ونخليها تبرد
ومباعد نحط الشخشوخة في لاصوص مع شوية زبدة
ونخليها لمدة 5 د على نار هادئة
ونزينوها بدجاج والبيض والفلفل الحار
بصحتكم .​

 

[حاملـة المسك]

دورة ممتازة و ذات فائدة كبيرة خصوصا للمبتدءات
لكن من رأيي أبداو بالاكلات السهلة .....كما الحميص إختيار صائب
بالتوفيق​

 

[برنســ اللمة ـيسة]

دورة ممتازة و ذات فائدة كبيرة خصوصا للمبتدءات

لكن من رأيي أبداو بالاكلات السهلة .....كما الحميص إختيار صائب

بالتوفيق​

شكرا جزيـــــــلا اختي بائعة الكبريت على التشجيع
و انشاء الله نبداو كيما قلتيلنا بالاكلات السهلة من دركا
بارك الله فيكي​

 

[ابوندى]

موضوع للاميرة ولمروة ياعيني عليكم اكم تتعلموا في الطبخ والله مليحة تري بيان
بون كوراج ان شاء الله نوصيكم مع اني لاافهم شيئا في المطبخ عندكم الملح يجي زايد في الماكلة او سينون تطيش هههههه
ديما قللوا وادا جا مسوس تقدروا تزيدوا الملح خير من زايد ههههههه
ايا سلام عليكم وربي يعينكم

 

[المتفائلة_91]

فكـــــرة هايلـــة ورائعة
ان شاء الله نشارك معاكم ، بصح راني غدوة مسافرة،
في رمضان ان شاء الله نرجعلكم بوصفاتي ، ونتعلم منكم

حجزت مكان ، فانتظروني



بوركتم​

 

[برنســ اللمة ـيسة]

موضوع للاميرة ولمروة ياعيني عليكم اكم تتعلموا في الطبخ والله مليحة تري بيان
بون كوراج ان شاء الله نوصيكم مع اني لاافهم شيئا في المطبخ عندكم الملح يجي زايد في الماكلة او سينون تطيش هههههه
ديما قللوا وادا جا مسوس تقدروا تزيدوا الملح خير من زايد ههههههه
ايا سلام عليكم وربي يعينكم

هههههههههههه
ماتخافش يا خويا مراد رانا مدايرين احتياطاتنا
مانخليش الملح قدام مروة علابالي بيها تفسد و تزيد بزاف
هههههههه
:re_gards:​

 

[الخجولة]

موضوع روعة حتى انا راني باغيا نشارك بصح مافهمت شكي فاش انضك مامعنى الصورة