السلام والرحمة والاكرام
اناا هاذو النهارات راني نتبع في tour de france
طواف فرنسا للدراجات الهوائية الشهير عالميا
وضربتلي فالراس ندير موضوع على البلاد
يعني كي نكون نتبع ونشوف هاذيك المناظر والنقاوة والنظافة
في بلادهم تحكمني الغيرة على بلادي L'ALGERIE
الدعوة نقية ونظيفة ماشاء الله
لوكان تشوفنا حنا تلقى les sachets و les bouteilles و الكارطون يتلاوحو في كل بلاص meme فالخلا
meme البناء نتاعهم مازالو محافظين على المعمار تاع بكري
surtout لي خلاوهنا من بعد الاستعمار
وهنا نحوسو على الاسباب لي خلاتنا نكونو هاك
طبعا كل هذا يولي للتربية والثقافة لي مابقاتش
meme الدولة نتاعنا تهمل كل حاجة
surtout الشعب يحتاجوه غير كي تضيقلهم
وهاذي الامور لي حكيت عليها gاع داخلة فالدين
يعني حناا مارانا ناجحين لا فالدنيا لا فالدين
وذوك نهدر على الدولة شوي
الدولة لي راهي تخمم فالنسا كيفاه تزيدلهم الحقوق برك
والعقوبة ان شاء الله النسا يعودو يحكمو فالبلاد
الدولة لي تشوف للشعب نتاعها غير كي تضيقلها
وراها تخطط تبني اكبر عدد من لحباس باش يلوحو لي جان فيه
طبعا و توفير مناصب الشغل الراقية للجنس اللطيف ويزيدولهم الحقوق والحريات
بالاك الموضوع راه يحتوي على قضيتين مختلفتين
فالاخير انا مادرتش الموضوع هذا باش نطيح ببلادي
هاذي بلادي وتبقى بلادي ونعتز ونفتخر
درت الموضوع باش نتناقشو ونلقاو حلول
.
.
.
سلام
