هــاكذا نفــوت السهــرة ...واش فيها يخي نووورمال

[مفآهيمـ الخجل]

الســلام عليـــكم

صبـــاح / مســـاء الخيــــر

وشراهم نـــاس اللمة ان شاء الله بخيـــر ...يخي ماكمش خايفيـــن من عمكم رمضان و السخانة :shiny:...ربي يفوتو على خير ان شاء الله

ايا بمنـــاسبة رمضـــان حبيت نهدر شوية على السهـــرات و كيفاش نفوتوهم

ديما يفوتو ملاح وسط العايلة و الزلابية و البقلاوة وقهيوة الله الله ...القصرة و التفراج و لا التحواس .... و كاين لي يفوت السهرة برا مع لصحــاب ...المهم سهرات ملاح

ينسونا شوية في التعب تع الصيـــام و باش نوضو نــاشطين النهار الجاي ..:sheer: و لا غير عندي:shay:

المهــــم نظن الاغلبيــــة هاكذا يفوتو سهـــرات رمضـــان

بالصح لي حبيت نهدر عليهم اليوم ......سهراتــــهم غـــــــير

و نقصــد الغاشي لي يبات يحكي في التليفــــون .... الغاشي تع تخسار الهدرة في التيليـــفون

هادي سهرتـــهم يباتو يهدرو و يخسرو ...(...) .........راكم تعرفوهم بلا مانزيـــد نعرف :santa_1:

هــــاذو هما لي حابة نسلـــط عليهم الضـــوء .... نهـــار كامل راقديــــن لا صلاة لا ذكر الله لا خدمة لا صرف دراهم

و في الليـــل يباتو مقصريـــن في التيليفـــون و نسبة 90 بالمية منهم يهدر هدرة مش نورمــــال ...يعني تخسار × تخســـار

يا خي ماكفاكمش كامل ليام لخرين ..تشتيكم الهدرة غير في رمضان

علاش ؟؟؟ محتــــوميــــن ؟؟؟ و الله غير حــــرام

و المشكل انهم ماهم مفيدين والووو غير تطياح الهدرة و التعفاس على الكرامة و خلااااص

حكاتلي صحبتـــي مرة على جارتهم و الله غير تخلــــعت ...ساعات تقول هاذو مش عبــــاد خلااص ..حاشا خلق ربـــي

و كي تنصحهم ينوضو ليـك راح ياكلوك و يقولك وااش فيها يخي نفوتو سهرة برك و يخي في التيليـــفون برك



ماعنديش باش نفوت السهــرة !!!

انا وش حبيت نقول بلي هاد الشي عيـــب عيـــب و حراام اكيد اوموان يديرو شوية قيمة لسيدنا رمضان ...يخي ليام لخرى دايرين رايهم ..و و احد ما يلقاهم

و لا وش رايكــــم؟؟

ايا صحـــا رمضانكـــم و يفوت خفيف ان شاء الله و بلا قــــب

ايا في لامـــان

:re_gards:​

 

[نسيم الربيع]

حرام ؟؟؟؟؟؟؟؟ تبالي حرام عام كامل مش غير فرمضان
انا نكره هذوك المنافقين اللي عام كامل وهو داير كراعو ومبعد يجي رمضان يولي يصلي ومنعرف واش
صح منيش مع الغاشي اللي يحكي فالتلفون بصح اللي رخيس رخيس 11 شهر ولا 12 شهر كيف كيف
مارسي عليك​

 

[ماكانش]

يعطيك الصحة مفاهيم الخجل
وين راهي الطفلة الي تخمم كيفك ...
في رمضان تتضاعف الذنوب
الناس تقولم في الليل اطيع في ربي والناس تعصي فيه
ويعجبك ليبونيس تاع جيزي ولا نجمة ولا موبيليس كامل يبداو من ال12 تاع الليل وروح
باين نية خبيثة يفسدو وقت الشباب باش يرقد يبكر يخدم لالا يجيبها حكايات وفي النهار راقد وراهي رايحة عليه ...
يعطيك الصحة على الموضوع الباهي ​

 

[حسام د]

يعطيك اختنا العزيزه
صح لسانك
أصبتي في التعبير
وانا معك فهو عيب والف حرام
شكرا لكِ وسدد الله خطاكِ وبلغنا رمضان
​

 

[Kynda]

هذاك التيليفون هو لي فسد العيباد ما بقات معنى ما بقا حيا
الناس خسرو الهدرة خسرت الأخلاق يسال عليك الخير

الله يهديهم واش نقولو
​

 

[sarra2]

الله يعطيك الف عافية اختي مفاهيم الخجل
طلينيلي على قلبي
انا ثاني نحير فيهم ونحب ننصحهم مي
يحشموني توجور ويقولولي يالجايحة
فورمي نيميرو وشايخي
بصح ما نلقا ما نقول
ربي يحفظنا منهم
مشكورة
اختي​

 

[adel-mz]

بارك الله فيك الاخت
كلامك صحيح ،الله يهدي الامة الى الطريق الصواب .

 

[Amoula ALG]

ختي عبالك عندك لحق وانا ثاني حابة نحكي فيه لموضوع هذا
هذو الناس مايخافوش ربي ومرض نفسيا ولفراغ قاتلهم
ربي يهدي ختي
يعطيك الصحة ختي​

 

[يوسےفے]

أهلا بيك مفاهيـــــــــم ..ان شاء الله تكوني مليح
موضووعك في الصميم ...و حنا رانا على ابواب الشهر المعظم
لازم يغتنمه العبد يااه يضااعف الأجر فيه مشي بااه يضااعف الذنوب
و الناس لي كنتى تتكلمي عليهم ...صبحو منهكين حرمة رمضان
تبانلهم حاجه عاديه انهم يهدرو ف التليفون و ما نعرف شكون لي راهم يهدرو معاهم و الكل رانا عارفين شكوون سوا بنت و لا ولد
رمضاان شهر الرحمه و اأبتعااد على الشهوات ما ظهر منها و ما بطن
أملا لازم نغتنمووووه
تحياتي مفاهيـم الحجل

​

 

[N@riM@N]

يعطيك الصحه ختي مفاهيم صبتي الجرح لي موحال نلقاولو دوا فزمان هاد
ديــــفو نحير في هاد الناس بلااك ماعلابالهمش بلي كاين شي اسمو لخره؟؟؟؟!!
ربي يهدي هاد مانقولو وربي يبلغنا رمضان نشالله
​

 

[لاجودان شاف]

صح عندك حق ربي يستر برك​

 

[القطة الزهرية]

اولا حنونتي صح رمضانك ولكامل اهل اللمة تقبل الله منا ومنكم
ندخلو للموضوع المطروح لبنات راهم يديرو هك لشدة الفراغ الي عندهم مي مافهمتش علاه هد التمصخير تشوفي طفلة عندها قداه ان بيس تحيري في عمرك خلاص اي بصح تاع تخسار لكلام انا الحمد لله ماشفتش والي تحاولي تنصحيها وتقولي اخطيك ماش مليحة تفسد غير السمعة تاعك تبدا تقولك اولا راكي عقلية بريمي واكي 00 تاع عصر قريش وووووو اكي علابالك ماعندنا مانقولو غير ربي يهدي ماخلق :sad:

 

[═♥.ЈŪšť_ màn.♥═]

.....
سهــــــــرة رمضــــــــان في التليفون
....
و الله غير عفسة مليحة
..
علابالكـــ هادوووووووووووك صحاب الرقية ... ديما معاها
و الجــــــيزي و يا الله
مي الله غالب
لا حياة لمـــــــــن تنادي ....... يقولكــ لاه ياكــ الباطل كاين
.....
شكــــــرا على الموضوع
و تحيا رمـــــضان و قلب اللووووووووز :shay:​

 

[07 _H@yThm]

يالبورطابل راهو شويا اخرجي برا تشوفي لعجب
تقولي مكيش في بلاد مسلمه
​

 

[fufa22]

ربي يهدي
***********
​

 

[DARINE05]

ربي يهديهمممممممممممم

 

[النورس]

لي عينو يتوب يا مرام يتوب طول العام ش غير في رمضان
اما لي يكملوها في رمضان هادوك وش نقولو ربي يهديهم وخلاص

ربي يقدرنا نفوتوه كيما يلزم الحال
​

 

[النورس]

و الرجال لي مخليين خواتاتاهم يسهرو فالتلفون
يااااااااااو فوق لعمرك
اختك ماديها الواد
​