.~.:.~. نورمال .. يخي رانا في عرس ما فيها والو !! .~.:.~.

Houda Chaouienne DZ

*طبيبة*
إنضم
4 جويلية 2010
المشاركات
5,103
النقاط
323
الجنس
أنثى
السلام عليكم و رحمة الله تعالى و بركاته

بسم الله الرحمن الرحيم


واش راكم يا جماعة الخير ؟؟ إن شاء الله تكونو لاباس
إذا ماراكمش لاباس قولولي برك ذرك يتنح عليكم

مادام رانا في فصل الصيف .. و كامل علابالنا بلي فصل الأفراح و المناسبات .. حابة نهدر شوي على بعض الظواهر اللي نشوفوها فالأعراس تبالنا ما فيها والو و هي ماهيش مليحة



أول حاجة : حابة نهدر على ظاهرة التعري في الأعراس .. يا لبنات مام قدام النسا مي شوي شوي .. اسمحولي مي بنات خرين يكثرو فيها .. البسو كيما يصلح مش تلبسولنا لبس الفنانات الفاجرات أعزكم الله و تقولو رانا في عرس نورمال
و الله نروحو للعراس نحشمو من النسا الكبار :blush: .. يحيرو .. أنا مانقولكمش ماتلبسوش حاجة مليح .. البسو حاشة ما هيش مفضوحة بزاف ..



ثاني حاجة : و هي دخول الرجال للأماكن وين يكونو النساء .. و يقولولك جينا نكاميريو .. يخي عرس ما فيها والو .. يا أخي في العرس ماكانش ربي ولا كيفاه ؟؟ استغفر الله .. كيفاه تحلل لروحك تدخل للنساء و تكاميري نورمال .. حاب تكاميري مد للنسا يكاميريو .. حتى هوما يعرفو .. ماهيش حاجة صعيبة لدرجة تدخل انت ..

ثالث حاجة : الكورتاج .. لبنات كي يجو يروحو للكورتاج .. لي بالحجاب تقلعو .. و لي ما هيش مدايرة هكذاك مليح .. و كي تقولهم كيفاه .. يقولولك يخي عرس نووورمال .. يا سبحان الله .. تحير .. كيفاه مالا .. ربي قالنا في العرس حلال تنحو الحجاب .. يعني برميسيو .. لي تحب تروح فالكورتاج تلبس حجابها .. و لي ما عجبهاش تقعد واحد ما حتمها ..

يا إخواني .. هاذو أكثر ثلاث ظواهر لي يتكررو بزاف في العراس ..

و العباد ماهمش مدايرينلهم قصة بزاف ..

يبانو صغار .. بصح هوما عند ربي كبار ..

و ثاني يديرو فتنة فالمجتمع ..

قداه من مرة تطلقت على جال الكاميرا و الرجال لي يدخلو ..



أنا حبيت نكتب هاذ الموضوع باش نحسسكم بخطورة هاذ الظواهر مام رانا نشوفو فيهم صغار

لازم نحاولو نتجنبوهم .. و نخليو لي معانا يتجنبوهم

على الأقل نغيرو شويا من مجتمعنا لي رايح يضيع

أنا قلتلكم .. و نتمنى ما تنزعجوش من حديثي

و في الأخير .. نشكركم على حسن القراءة

و نتمنى تشاركوني برأيكم في الموضوع هذا
و تزيدو تثريوه أكثر



و السلام عليكم و رحمة الله تعالى و بركاته
 

** غزال الصحراء **

:: عضو شرفي ::
إنضم
19 جويلية 2007
المشاركات
10,901
النقاط
319
العمر
29
محل الإقامة
العدم
الجنس
ذكر
موضوع حساس يا هدى ,, خاصة النقطة الثالثة , في الكورتاج تشوف لعجب
ديفوا نتوسوس نقول بالاك راني غالط ماهيش هاجي مولات الحجاب !!

تلقاهم ينحو الخمار و مقطرين ماكياج ..إلخ ,, و كي تسقسي علاش ؟ تقولك ياخي العرس يجينا غير خطرة و لازم نزهاو

و كيما قلتي تحسب ربي ماكانش في العرس ,و الله عجب العجابة
ربي يلطف بأمتنا برك

بارك الله فيك .
 

EL General

:: عضو شرفي ::
إنضم
7 ديسمبر 2009
المشاركات
10,431
النقاط
351
محل الإقامة
تبسة
شكرا على التنبيه أول مرة يرد هذا المووضوع بالمنتدى شكرا لكم ...

بالنسبة للماكياج تع الأعراس : 5 كيلوا آلاك في وجوههم ، و 6 كيلو آوندوي ، تحييير تفهم و لا تتفهم

هاذي الناس كاين منها بزاف ، و الأعراس في الصيف تكثر ، و السخانة علابالكم راهي بزاف ، و هاذيك هي الفرصة المواتية ، كي تجي تحكي معاهم علاه و علاه ... يقولك السخانة لازمنا انحيو قشنا

المهم القالب فيها فيها

و أما بالنسبة للكورتاج ، فهو كيف كيف

و ديرو في بالكم بلي راهو كاين عريس و عروس يتزجوا من ولايات بعيدة و راكم تعرفوا الكورتاج ، هههه طريق كاملة الخمار ماكانش ربي يستر ،، و الكامير اتبع

و أما بالنسبة لـ : دخول الرجال

هاذي نعطيلك الحق فيها
كاين رجال بزاف يدخلوا مش على جال الكاميرا و لا حاجة
يحبوا يدخلوا باش يحرجوا أنفسهم و راكم علابالكم على واه يحوسوا ،
يا صاحبي بنات الناس و راها الناس مخلطة الداخل
روح شوف شريكة العمر و لا حبيبتك بعيد على الناس

مرسي عليكم إثرتم نقطة مهمة في الناس و خاصة في الصيف

مشكورين .........
 

بيكهام

:: عضو بارز ::
إنضم
22 ماي 2008
المشاركات
6,341
النقاط
331
ربــي يخـليـك موضوعك في القمة
رووووووعـــــة
تقبل منى أجمل التحيات والمودة
شكرا لك
بيكــــهام
تشاو تشاو
 

تسنيم الهناء

:: عضو شرفي ::
إنضم
30 أفريل 2009
المشاركات
2,298
النقاط
79

حقيقة يا حلوة هي ظاهرة مش غير منتشرة
و يبانلهم الي تعري اكثر هي لي حطة كثر, ووحدة تلقايها مخلوعة تقلد في اليسا و لي تقلد في هيفاء و لي و لي
هذاك اوموا راهو باين حسابهم عند ربي و العبد بصح حنا لي كارثة

ربي يهدينا هذا ما كان, و الله لعبد شاف كلش بصح و الله ما كان خير من السترة و التربية

شكرا ليك بالتوفيق
 

سماح4

:: عضو متألق ::
إنضم
16 أوت 2009
المشاركات
3,189
النقاط
659
العمر
38
محل الإقامة
الجلفة.
الجنس
أنثى
عندك الحق حنونة واش تحبي ربي يهديهم وأن شاء الله يكون موضوعك تنبيه لكثير من البنات ربي يخليك ويجعلو في ميزان حسناتك ،والله لعجب راهو صاري في بعض لعراس وهذي الظواهر كاين منها فعلا ...شكرا.
 

sandybelle

:: عضو مُتميز ::
إنضم
12 جوان 2010
المشاركات
615
النقاط
17
الله يهدينا
مرسييييييييييييييييييي على الموضوع
 

DARINE05

:: عضو متألق ::
إنضم
11 أفريل 2010
المشاركات
4,776
النقاط
157
صاح هذي ضاهرة كاينة بزاف ربي يهديهم
 

ريفال

:: عضو مُشارك ::
إنضم
21 جوان 2010
المشاركات
313
النقاط
7
شوفي يا اختى الموضوع تاعك راه يحكى في الصح بصح ماشى كل البنات هك كاين لي محتشمة وتعرف كيفاه تلبس وكاين لي رايحة فيها تلبس كيما هيفاء وزيد.......... صح هاد الشئ فرط فى حدو ديفوا تلقى وحدة مسشورة ودايرة مكياج تاع عروسة وخارجة لكاش شاب هداي تانى كاين منها البنت تلقى راحتها في الاعراس زعما كى دير هكا راح يكون معجب فيها لا بالعكس والله ترخص روحها برك
 

02asma02

:: عضو فعّال ::
إنضم
15 أفريل 2009
المشاركات
1,846
النقاط
77
يا ختي واش نقولك ربي يهدي ما خلق
 

أماني2

:: عضو مُتميز ::
إنضم
14 أوت 2009
المشاركات
1,466
النقاط
37
يعطيك الصحة
موضوع مليح ونقطة مهمة

كامل لعراس ولاو هكذا ربي يصلح الأحوال
وزيديلها لغنا اللي يديروه بدون توقف وزايد أفون بالدي جي
هذا ازعاج كبيييير


ربي يهدي الجميع ان شاء الله
 

dana1993

:: عضو بارز ::
إنضم
3 نوفمبر 2008
المشاركات
7,621
النقاط
317
أول حاجة : حابة نهدر على ظاهرة التعري في الأعراس .. يا لبنات مام قدام النسا مي شوي شوي .. اسمحولي مي بنات خرين يكثرو فيها .. البسو كيما يصلح مش تلبسولنا لبس الفنانات الفاجرات أعزكم الله و تقولو رانا في عرس نورمال
و الله نروحو للعراس نحشمو من النسا الكبار .. يحيرو .. أنا مانقولكمش ماتلبسوش حاجة مليح .. البسو حاشة ما هيش مفضوحة بزاف ..


و الله صح كاين منها يلبسو لبسة متصلحش كي تكوني وحدك و متتلبسش يا سيدي هاذو نقولهم ربي يهديكم



ثاني حاجة : و هي دخول الرجال للأماكن وين يكونو النساء .. و يقولولك جينا نكاميريو .. يخي عرس ما فيها والو .. يا أخي في العرس ماكانش ربي ولا كيفاه ؟؟ استغفر الله .. كيفاه تحلل لروحك تدخل للنساء و تكاميري نورمال .. حاب تكاميري مد للنسا يكاميريو .. حتى هوما يعرفو .. ماهيش حاجة صعيبة لدرجة تدخل انت ..


ايه صح كاين بصح حسب اهل العرس هوما لي يتحكمو في كلشي والله في عرس ختي خويا و مدخلش كلشي من بارا لسحق حاجة يبيبي نروحلو ولا يعيط راجل مدخل الحمد لله بصح كاين لي لا احم لا دستور يقولك دارنا ولي معجبوش يقلع بصح ماهيش عقلية هاذي
ربي يصلح لحوال

ثالث حاجة : الكورتاج .. لبنات كي يجو يروحو للكورتاج .. لي بالحجاب تقلعو .. و لي ما هيش مدايرة هكذاك مليح .. و كي تقولهم كيفاه .. يقولولك يخي عرس نووورمال .. يا سبحان الله .. تحير .. كيفاه مالا .. ربي قالنا في العرس حلال تنحو الحجاب .. يعني برميسيو .. لي تحب تروح فالكورتاج تلبس حجابها .. و لي ما عجبهاش تقعد واحد ما حتمها ..

ايه هاذي بزااااااااااااااااااااااااااف تلقايها حجاب نهار الكورتاج الشعر متلوق من الفوق دوني وملتحت ميني وسلكيها نتي انا الحمد لله ملي تحجبت جامي خرجت بلا حجاب هههه ههههه و لكورتاج نروح غير اذا كان تاع الاقرب الاقرب ومع لازم واحد قريب


يعطيك الصحة وتستاهلي تقييم
 

Mr mino

:: عضو شرفي ::
إنضم
20 ديسمبر 2007
المشاركات
4,790
النقاط
351
والله يعطيك الصحة هدى اختي

موضوعك قمة

بارك الله فيك


 

nina_el_zina

:: عضو منتسِب ::
إنضم
28 جوان 2010
المشاركات
76
النقاط
2
ah oui normalmo a7na ysamona blade normale psk kole 7aja 3adna normale mais el hmd ma9asitniche hadi el dahira eli raki tez7ki 3liha mani dayra khimare manedi dnoubou ki na7ou w ana chaba bla makiyage hmd mandire makiyage mawalo zini naturale machi taywane tsibihome kamele dayrine des tableaux ta3e makiyage w el lebsa sa7e nelbese
en fin merci beaucoup pour ce phènomaine
 

islam7729

:: عضو منتسِب ::
إنضم
2 نوفمبر 2008
المشاركات
74
النقاط
7
العمر
24
ربــي يخـليـك موضوعك في القمة
رووووووعـــــة
 

✿ мιss яosє ✿

:: عضو منتسِب ::
إنضم
4 جويلية 2010
المشاركات
74
النقاط
3
والله عندك الحق اختي ، هذي طبيعة خاسرة منتشرة في كل بلاصة
وزيدي اشياء اخرى راهي تصرا فالعراس والله العبد ولا يحشم.... اختلاط ولباس مفضوح ورقص وغناء ساقط ....
ربي يهدي ما خلق
 

جزائرية حتى الموت

:: عضو متألق ::
إنضم
27 نوفمبر 2009
المشاركات
3,400
النقاط
157

الله يعطيك الصحة اختي هدى على الموضوع

بصح شكون اللي راه يعمل بالنصيحة

اللهم اهدينا واصلح شاننا
 
Top