هل تذهب للبحر ؟

[youcef 1]

مع حلول الصيف وارتفاع درجة الحرارة

يتوجه الكثير من الناس إلى شواطئ البحر

للسباحة والراحة والإستمتاع والتبرد

فتجد كل انواع الناس الأمرد والملتحي

والمتحجبة والمتجلببة والشبه عارية

وتجد العائلات والأفراد والرجال والنساء والشباب

ماهو رأيك في فكرة الذهاب للبحر ؟

هل ممكن السباحة بالحجاب والملابس المستورة ؟

أم يجب الذهاب إلى اماكن معزولة ؟

أم على المسلم عدم الذهاب للبحر مطلقا ؟

 

[روز]

الذهاب للبحر ليس ممنوعا أو مخلا بالحياء لكن التصرفات الغيرمسؤوليةهي من شوهت مفهوم التصييف و البحر لو ساد الاحترام وانتظمت الشواطىء بضرورة دخول العائلات فقط لكان الموضوع أهون
اما عن السباحة بالحجاب النتيجة تتشابه لا أظن أنه يجوز

شكرا يوسف على الموضوع



​

 

[youcef 1]

الذهاب للبحر ليس ممنوعا أو مخلا بالحياء لكن التصرفات الغيرمسؤوليةهي من شوهت مفهوم التصييف و البحر لو ساد الاحترام وانتظمت الشواطىء بضرورة دخول العائلات فقط لكان الموضوع أهون

اما عن السباحة بالحجاب النتيجة تتشابه لا أظن أنه يجوز ​

شكرا يوسف على الموضوع​

شكرا على التفاعل يا روز

أخذت فكرة الموضوع من تقرير

كتبته الشروق من أيام تتحدث عن

إختلاط المحجبات والملتحين بالكاسيات العاريات

لقد كانت العائلات المحافظة تذهب للشواطئ المنعزلة

ولكن هذه الشواطئ غير مؤمنة وقد تعرض الناس للخطر

نتمنى ان نرى في الجزائر شواطئ للنساء وأخرى للرجال وشكرا

 

[hiba14]

صح راني معاك في تاع الاختلاط
باش ما نكدبوش كنت نروح و نعوم نورمال و عندي عامين مانيش قاع روح سايي نحوس بصح ما نهودش قاع لاخاطر كيفكيف مالا ما نروحش انا ضد انك تروح و ما تعومش و لا تلبس مستور بالاك بلاصة وحدك صحا
يعطيك الصحة

 

[youcef 1]

صح راني معاك في تاع الاختلاط
باش ما نكدبوش كنت نروح و نعوم نورمال و عندي عامين مانيش قاع روح سايي نحوس بصح ما نهودش قاع لاخاطر كيفكيف مالا ما نروحش انا ضد انك تروح و ما تعومش و لا تلبس مستور بالاك بلاصة وحدك صحا
يعطيك الصحة

شكرا مرة أخرى ياهبة على التفاعل مع مواضيعي

صح الإنسان مايروحش للبحر أحسن

لكن إذا راح كيف كيف يعوم ولا مايعوم

رايح يشوف بعينيه

 

[حنان18]

أنا نروح للبحر و نعوم بجبة مستورة

 

[dendor]

اموضوع مليح يعطيك الصحة
على البحر هي كل واحد ورأيو كل واحد وتفكيرو وثاني كل واحد وتربيتو
انا تبانلي عادي الواحد يروح للبحر اللي ماهيش متحجبة تقدر تعوم وهي مستورة لا حبت
واللي متحجبة ثاني تعوم بالمرتاح وهي مستورة
وماكان حتى يقدر يقول مكان لبسة مستورة لي تحب تستر روحها تلقى الطريقة
وعلى الاختلاط الواحد يبعد على البلاصة لي فيها الرجال وفرات
انا البحر مايبانليش مشكلة خلاص

 

[youcef 1]

أنا نروح للبحر و نعوم بجبة مستورة

شكرا حنان نحترم رأيك

أغلب النساء والبنات راهم يعومو بملابس طويلة

 

[l'espoire.h]

هو صح البحر ماشي حرام، بصح الصوالح لي يصرو فيه ضيعوه، أما راني مع أو ضد المروح للبحر، انا بالنسبة ليا الابتعاد عن الشبهات أحسن
​

 

[RINAR]

انا ساكنة فيه لوكان ما نروحش على الاقل يوم على يوم نموت ههههه mais هنا ما كانش عندنا الكاسيات العاريات صح كاين المتبرجات mais متلقاش اللي تحشم تعوم بحداهم خطااااااااااااااااي وين تلقاهم شكرا على الموضوع :re_gards:

 

[youcef 1]

اموضوع مليح يعطيك الصحة
على البحر هي كل واحد ورأيو كل واحد وتفكيرو وثاني كل واحد وتربيتو
انا تبانلي عادي الواحد يروح للبحر اللي ماهيش متحجبة تقدر تعوم وهي مستورة لا حبت
واللي متحجبة ثاني تعوم بالمرتاح وهي مستورة
وماكان حتى يقدر يقول مكان لبسة مستورة لي تحب تستر روحها تلقى الطريقة
وعلى الاختلاط الواحد يبعد على البلاصة لي فيها الرجال وفرات
انا البحر مايبانليش مشكلة خلاص

شكرا على الرد ونحترم رأيك الذي فيه الكثير من الصواب

 

[RaNiA]

من حق العائلات تروح تصيف و تبحر و تنحي على بالها و نورمال لي يعومو بالحجاب مافيها حتى عيب كل واحد حر في نفسو

 

[nour el yakine]

أجل أخي نروحو للبحر ونشوفو واش قلت gاع .
المهم نحاولو نروحو لي بلاج نتاع لي فامي لي على الأقل تقل شوي هذا المظاهر .
بقات فاللباس عندي لباس مخصص للبحر حجابي مانستغناش عليه وكذلك لبحر السخانة هذي مليحتلها غير البحر
سلمت يمناك على الطرح المميز
دمت
​

 

[zaho1994]

السلام عليكم
انا كنت روح للبحر نقضي العطلة كامل فيه كنت نروح قبل الدخول المدرسي ب اسبوع برك
مبصح درك مانروحش ختراكش كاين نساء وبنات ما يحتارموش رواحهم ياخي راكم تعرفو
مشكور اخي على الموضوع

 

[youcef 1]

شكرا لكم على التدخل والرد

 

[sarah_]

ماهو رأيك في فكرة الذهاب للبحر ؟
انا نحب نروح للبحر
هل ممكن السباحة بالحجاب والملابس المستورة ؟
بالتاكيد بالملابس المستور
أم يجب الذهاب إلى اماكن معزولة ؟
دائما
أم على المسلم عدم الذهاب للبحر مطلقا ؟ انا لا اوافق فكرة عدم الذهاب مطلقا لكن يجب التمسك بالقيم والدين والذهاب الى الاماكن المنعزلة او التي تسودها الحياءوشكراااااااااااااااااااا

 

[youyousra20]

علاش خويا راك باغينا نخلو البحر
غير للمتعريين والغير متخلقين

هداك حقنا ولازم ندافعو عليه

 

[hiba14]

شكرا مرة أخرى ياهبة على التفاعل مع مواضيعي

صح الإنسان مايروحش للبحر أحسن

لكن إذا راح كيف كيف يعوم ولا مايعوم

رايح يشوف بعينيه

شكرا ليك انت يا الاخ يوسف على المواضيع الللي تطرحها

 

[فراشة الربيع95]

ماهو رأيك في فكرة الذهاب للبحر ؟
و علاه لا ربي سبحانه و تعالى لم يحرمه بل حرم ما يجود به
هل ممكن السباحة بالحجاب والملابس المستورة ؟
نعم لكن في مكان بعيد عن اعين الناس
أم يجب الذهاب إلى اماكن معزولة ؟
بالطبع ممكن
أم على المسلم عدم الذهاب للبحر مطلقا ؟
بالطبع لا

 

[3abdo-18]

ماهو رأيك في فكرة الذهاب للبحر ؟
فكرة جيدة
هل ممكن السباحة بالحجاب والملابس المستورة ؟
نعم
أم يجب الذهاب إلى اماكن معزولة ؟
ممكن اذا كان هناك اختلاط وازدحام
أم على المسلم عدم الذهاب للبحر مطلقا ؟
المسلم اولى من غيره بالتنعم بنعم الله