يا ليجان يرحم باباكم فهمو وفهمونا معاكم

[missa_1]

السلام عليكم ليجان وليجانات

كيراكم دايرين

عندي بزاف مدرتش موضوع هنا

ايا واليوم جبتلكم واحد الظاهرة كاين بزاف فدزايرنا

وهي انو ليجان تاوعنا دروك كي يروح يخطب طفلة

يحوس على الخدمة والخلصة قبل كل شيئ

يماه يا وليدي لقيتلك طفلة دايرة كاللويزة:shiny:

وهو حبسي حبسي بصح تخدم ولالا وشحال طلع فالشهر

يلا لقاها خدامة يوافق ويلا لقاها قاعدة فالدار يبطل

بصح الي رانا نشوفوه هو انو كي يلقا مرا رايحة تخدم

يتنارفاو .... ياه هذي واش خرجها.... بلاصتها فالدار يلزم

متخدمش الراجل هو يخدم ؟؟!!!

هذو النسا داو قاع بلايصنا

وهي صح تلقاها في كل بلاصة

بصح مافهمتو رواحكم مخليتو السحليات يفهمو

تبغوها خدامة وطلع الشهر وثاني قاعدة فالدار والراجل

يخدم!!!!!!:shay:

سلام​

 

[ماكانش]

يعطيك الصحة ميسا
شوفي تخمام الرجال يختالف
كاين ألي يحبها خدامة ومايقبلش بوح
دة ماشي خدامة
وكاين العكس لازم قاعدة في الدار ولا مايزوجش ...
اما المنافقين بزوج وجوه هذوك مانحكيوش عليهم ...
يعطيك الصحة ...​

 

[Jeune Sghir Mc]

ماشي gاع الرجال يبغوها خدامة
والي يبغيها خدامة على جال صواردها يكون ماشي راااجل
سلام
​

 

[إيمان قلب]

كاين ثلاث انواع تاع الرجال اللي يحب مرتو تصرف عليه وتخرج وتدخل كيف كيف معاه
واللي هي تطلب باش تخدم وهو ماعندوش مانع يعني تحب تخدم تحب تقعد فالدار على راحتها
واللي يبغيها تتربع فالدار وأحسن بلاصة ليها هذيك
اما اذا طلب الراجل الخدمة والخلصة من المرة الأولى نقولك هنا العام يبان من خريفو
ويعطيك الصحة على الموضوع
والسلام عليكم​

 

[بيكهام]

ههههههههههههههههه
ايا مليح
ماشي قع كاين ليكون طامع في خدمة تاعها ودراهمها
وكاين ليحب يجيبها طول لدار متخرجش قع لا خدمة لا والو
ول عندو دوبل فاص هادك وحدو​

 

[hard_way1990]

لا أظن أنو كاينة مشكلة ..
التفكير يختلف من شخص لآخر .. كاين ألي يحبها خدامة وله أسبابه والعكس صحيح ..
اللهم إذا كان في ادئ الأمر تشترط عليه أنو يخليها تخدم ومع الأخير يبدل رأيو هنا تولي فيها هدرة خلاف ..
شكرا على الطرح
​

 

[fufa22]

machi ga3 kif kif
​

 

[lebien]

حنونا هدا حاب يتزوج بدراهمها و الشهرية + الخدمة الديالها ما رهاش حابها علي سواد عينها ههههههه تقبلي المرور سلام

 

[CaPaBLe]

جوبريفار تكون تخدم بصح كي يكبرو لولاد و يلحقو 10 مثلا
لازمها تتفرغ للولادها و لدارها
فالبداية ماعليهش تعاون
​

 

[07 _H@yThm]

انا واحد نحب مرتي فدار
ماشي نعارض لخدمه تاع ليفام مي خدمت خدمت ماخدمتش صاي
​

 

[DARINE05]

الرجالللللل عياو يفهمو روحهم مرسييييييييي

 

[adel-mz]

سلام اختي
والله حسب الواقع وماراه في اخوتي المتزوجين بالمراة العاملة
بصراحة احبذ المراة الماكثة في البيت احسن .
والله عالم بالمكتوب .
shokran okhti

 

[اميرة45]

صح والله
دورك الرجال يبغو لمرا تجيب الدراهم من الخدمة و ثاني كييشوفوها تخرج تروح لخدمة يبقاو يفهمو عليها والله غير حرام عليهم مي مشي قاع الرجال كيف كيف

 

[missa_1]

يعطيك الصحة ميسا

شوفي تخمام الرجال يختالف
كاين ألي يحبها خدامة ومايقبلش بوح
دة ماشي خدامة
وكاين العكس لازم قاعدة في الدار ولا مايزوجش ...
اما المنافقين بزوج وجوه هذوك مانحكيوش عليهم ...

يعطيك الصحة ...​

صحتين على قلبك سي كاين
ايه عندك الصح كل واحد وكيفاه يخمم
بصح الاغلبية تاع الناس يبغيها خدامة
وكاين الي يقول منبغيهاش تخدم بصح هو ياه يا ماتحت السواهي دواهي
يقولها بالفم قدام الناس انا مرتي متخدمش بصح نهار الي يعول تاع الصح يقول يلزم طلع الشهر ولا منتزوج
ايه ومرسي على المرور​

 

[missa_1]

ماشي gاع الرجال يبغوها خدامة

والي يبغيها خدامة على جال صواردها يكون ماشي راااجل
سلام​

ايه وثاني مشي gاع الرجال يبغوها مشي خدامة
وثاني الي يبغيها خدامة مشي على جال صواردها يبغيها تعاونو برك
ايا وسلام​

 

[missa_1]

كاين ثلاث انواع تاع الرجال اللي يحب مرتو تصرف عليه وتخرج وتدخل كيف كيف معاه

واللي هي تطلب باش تخدم وهو ماعندوش مانع يعني تحب تخدم تحب تقعد فالدار على راحتها
واللي يبغيها تتربع فالدار وأحسن بلاصة ليها هذيك
اما اذا طلب الراجل الخدمة والخلصة من المرة الأولى نقولك هنا العام يبان من خريفو
ويعطيك الصحة على الموضوع

والسلام عليكم​

ايه خيتي التربيعة والجفنة قدامها
بصح هي كيجي يخطبها وين تعرف بلي على جال صواردها
صحيتي على المرور​

 

[hannsg]

انا على حسب واش نشوف يا اختي فالاغلب تلقايهم ضد انو زوجتهم تخرج تخدم برا
و بالنسبة لي الراجل لي يطمع في زوجته المصون تصرف عليه .....ليس برجل _o:
انا شخصيا ان كانت زوجتي تعمل و كان عمل محترم يناسبها و بمكان محترم اعاينه بنفسي فسأسمح لها بذلك و طبعا بظوابط معينة و ليس هذا لتصرف عليا طبعا فلا ارضى ذلك لكن كي اكون داعم لها في طموحاتها لكن كما قلت بظوابط و شروط معينة كي اضمن ان لا يؤثر ذلك علينا سلبا فالعائلة تأتي في المقام الاول
اما ان ارادت المكوث بالبيت فهي ملكة بمملكتها و في كل الحال انا الذي اعمل و انفق على زوجتي و ليس العكس سواء عاملة او لا

 

[missa_1]

ههههههههههههههههه

ايا مليح
ماشي قع كاين ليكون طامع في خدمة تاعها ودراهمها
وكاين ليحب يجيبها طول لدار متخرجش قع لا خدمة لا والو

ول عندو دوبل فاص هادك وحدو​

صح ضحكة ها بيكهام

مشي عندو دوبل فاص غير قدام الناس يهدر هدرة وفي قلبو راه يدقدق​

 

[sahiko hamza]

وعليكم السلام


انا عن نفسيمادوخنيش الخدامة
بصح ماشي لخدم بكل نقبلهــا ....
​

 

[hiba14]

يا اختي ربي يرزقنا بولد الحلال