وين كانوا قبل ما يقرب رمضان

ه

هآجر

:: عضو فعّال ::
أوفياء اللمة
السلام عليكم
عندي مدة مدرتش موضوع هنا
راني جيتكم اليوم بموضوع ساخن
واكيد اراح يعجب حتى واحد في المنتدى هذا :sadwalk:

هي الايام الاخيرة نتع شعبان
وجاينا رمضان
ربي يغفرلنا فيه ويقدرنااننا نعقبوه على احسن وجه
المهم

لاحظة هذي الايام هنا في المنتديات وحتى برا في المجتمع

انهم بداو يعرفوا قيمة الدين بزاف
الي ادير برنامج لحفظ القران
الي يدر برنامج لختم القران
الي يدر برنامج لحلقات

وووووو



وقبل وين كانوا ؟؟؟؟؟؟؟؟؟؟؟؟؟؟؟؟؟؟؟؟؟؟ قصدي قبل رمضان ؟؟؟؟؟؟؟؟؟؟؟؟؟ مكانوش يبانوا الحجات هذي


هدوما الحاجات الي يخاف ربي ويخاف لا يموت قبل غدوة راهوا دايرهم على طول العام
كاين ناس راهي مالفة بالبرامج هذي على طول العام ومشي في رمضان برك :schmoll:


بصح هدوما الي يعملوا في برامج هذي
وبعد رمضان .......................

اه من بعد رمضان نرجعلكم نشوفوا الحالة هل بقاو على هذه البرامج ولا نساوها ورجعوا كما كانوا ؟؟؟؟؟؟؟



في الاخير نقللكم
رمضان كريم غفر الله لنا ولكم كل الدنوب ثبتنا على دينه الحنيف

وعليكم السلام​
 
وعليكم السلام ورحمة الله وبركاته
بارك الله فيك خيتو راجية موضوعك في الصميم
لازم المسلم يثبث روحو على اعمالو
والا كان دار حاجة مليحة اليوم لازم يداوم عليها
ومايحصرهاش في مناسبات ومواسيم

تحيتي
تقبلي مروري

​
 
قال secret de coeur:
وعليكم السلام ورحمة الله وبركاته
بارك الله فيك خيتو راجية موضوعك في الصميم
لازم المسلم يثبث روحو على اعمالو
والا كان دار حاجة مليحة اليوم لازم يداوم عليها
ومايحصرهاش في مناسبات ومواسيم

تحيتي
تقبلي مروري

​
إضغط للتوسيع...

السلام عليكم
سوكري دو كور انت هيا لاولى الي تردي مشرفتني يا اختي
ايه يا اختي ظاهرة قلبي تقسم عليها وليت كتب موضوع هنا في اللمة بش نتقاسم الالم معاكم نتوما :tears:

ربي يهدينا ويهديهم يوقربنا للربي حتى في سائر الايام
منورة
وعليكم السلام​
 
و الله غير عندك الصح أختي راجية، لي بيغي يخدم لآخرته يخدم اليوم و غدوا و بعد غدوة ، ماشي غير في رمضان و لا في مناسبات دينية نتفكرو رواحنا، ربي يحفظك حنونة على الموضوع، و ربي يبلغنا رمضان و نصموه بالصحة و العافية، و نصموه على أحسن وجه يعني إيمانا و احتسابا، على خاطر ادا راح نصوموا على جال باش نجوعو رواحنا ما كان لاه، لازم قاع الجوارح تصوم، ربي يوفقنا و يوفق جميع الامة الاسلامية
​
 
السلام عليكم ورحمة الله تعالى وبكاته اختي الغالية
صح هذي الظاهرة كاينا بصح احنا نقولو الحمدلله لربي دارنا شهر كيما هكا نتوبوا فيه
وبالعكس لازمنا نشجعوا الظاهرة هذي مش نوقفوا ضدها
ولازم نعرفوا قيمة هذا الشهر مش بالصيام فقط على الاقل نحطوا مواضيع دينية الانسان يقراها شوي
والا لماذا نقول رمضان شهر التوبة والغفران
كون جاوا المسيح عندهم شهر كيما هكا وشفنا هذي الظاهرة كنا قلنا شوفوا كيفاه مدايرين قيمة للدين تاعهم
بصح كي درناها احنا ولات حاجة مش مليحة
ولربما الناس هذو يكون قدوم شهر رمضان هو انطلاقة التوبة تاعهم
علاش ننزعجوا من امور طيبة
ربي يهدي الجميع ومادابينا نلقاوا ديما مواضيع كيف هك
والحمدلله الي هدانا للاسلام
​
 
ممكن كاينه هاد الظاهره اختي

و لكن انتي شكون اللي قالك انو ممكن هادا اللي يدير مواضيع كيماهاك غير في رمضان

ما يهديش منو ربي و يولي متدين حتى بعد رمضان

حنونه رمضان شهر المغفره و التوبه ممكن الواحد اللي يكون عاصي كامل العام يتوب في رمضان

لانو رمضان ماشي كيما كامل العام و كامل الاشهر

اذا كان ربي يغفر و رحمته وسعت كل شئ علاه ما يتوبش الواحد

هاد المواضيع كاين اللي يقراهم فعلا و يتبعهم و كاين اللي يدي منهم معلومات مهمه و يستفاد منهم غير في رمضان



تبانلي هادي ماشي بروبلام

اسفه ان كان رأيي يعارض رايك

اسفه ان كنت ازعجبتك بردي

و لكن هذا هو رايي

شكرا على الموضوع ...تحياتي
​
 
السلام عليكم
أهلا بيك غاليتي راجية
كاينة هاذ العفسة كاين اللي يتوب غير في رمضان وكاين حتى اللي يصلي غير في رمضان
استغفر الله العظيم وكأنو ربي يحاسبنا غير على رمضان
احنا اضعف الإيمان أننا ندعو لهاذ العباد أنه ربي يثبتهم على توبتهم حتى ولو جات مع رمضان برك لأنه شهر التوبة والمغفرة
ومايتبدلوش مبعد رمضان على هذا المشكل ماهوش فاللي يتوب كي يلحق رمضان المشكل فاللي يتوب غير في رمضان وكيما يخلاص يرجع لهواه
يعطيك الصحة غاليتي على الموضوع
سلامي
​
 
وعليكم السلام ورحمة الله تعالى وبركاته
يعني عندك الحق كاينة هادي الظاهرة يتوبوا غير كي يلحق رمضان بصح ماشي كامل يعني هادي حاجة مليحة تدير مواضيع دينية خيرررررر من والواااااااا كاينين حتى الي ميحطوش حتى موضوع ديني لا في رمضان ولا غير رمضان بصح نتمناولهم انو يكملوا على هادي التوبة ويتوبوا توبة نصوح وربي بلغنا رمضان
مرسي اختي على الموضوع
 
وعليكم السلام ورحمة الله وبركاته
اهلا بيك راجية
عاش من شافك راكي غبتي علينا
ساعة ساعة اتفكرينا بموضوع باهي كيما هذا
المهم
هذي هيا النفس يا راجية لهوا ألي يجي يديها
تقرب مناسبة تاع دين كيما قلتي يبداو شوي يقربو للدين
وهيا تروح خلاص يذوبو ويروحو معاها
ربي ثبتنا في رمضان وبعد رمضان وقبل رمضان
بصح كاين خرين بزاف نعرفهم بداو الصلاة والتوبة من رمضان وكملو فيها ...
يعطيك الصحة ...​
 
بالاك يكون رمضان بداية لتوبتهم ورجوعهم للطريق .. من يدري



ربي يهدينا ويثبتنا ويرزقنا حسن الخاتمة هدا منقولو

سلام
​
 
موضوعك قيم يا راجية الجنة .....ايه الظاهرةهدي كاين منها لكن كاين ناس والحمد لله دايما مع ربي ماشي غير في رمضان ....وكاين ناس تصلي ويرتفع ايمانها غير في رمضان ....ربي يهديهم .

وربي يبلغنا الشهر الكريم ويجعلنا من صيامو ومن قيامين ليلو .......يا ربي امين
 
يتوبو في رمضان خير لا مايتوبوش طول
ورمضان راهو شهر التوبة نتي مومنة وراكي تعرفي بلي الشياطين تتصفد في رمضان عليها الناس ترجع لربي مالا علاه الاستغراب هاذا؟؟؟؟؟؟
وقادر مع يرجع لربي يموت ويموت تايب لرب العلامين
وراكي تعرفي الحديث لاخر لي يقول فيه النبي صلى الله عليه وسلم
يعمل بعمل اهل الجنة حتى ما يكون بينه وبينها الا ذراع فيسبق عليه الكتاب فيعمل بعمل اهل النار فيدخلها والعكس
مالا الانسان يطلب من ربي يثبتو ويدعي لخاوتو التايبيين الجدد وماتبالوش بلي هو صلى يومين ولا شهرين قبل رمضان راهو خلاص ضمن الجنة
الرسول وكان يدعي ويقول يا مقلب القلوب ثبت قلوبنا على دينك مالا حنا واش نقولو
​
 
قال فقير صغير:
يتوبو في رمضان خير لا مايتوبوش طول
ورمضان راهو شهر التوبة نتي مومنة وراكي تعرفي بلي الشياطين تتصفد في رمضان عليها الناس ترجع لربي مالا علاه الاستغراب هاذا؟؟؟؟؟؟
وقادر مع يرجع لربي يموت ويموت تايب لرب العلامين
وراكي تعرفي الحديث لاخر لي يقول فيه النبي صلى الله عليه وسلم
يعمل بعمل اهل الجنة حتى ما يكون بينه وبينها الا ذراع فيسبق عليه الكتاب فيعمل بعمل اهل النار فيدخلها والعكس
مالا الانسان يطلب من ربي يثبتو ويدعي لخاوتو التايبيين الجدد وماتبالوش بلي هو صلى يومين ولا شهرين قبل رمضان راهو خلاص ضمن الجنة
الرسول وكان يدعي ويقول يا مقلب القلوب ثبت قلوبنا على دينك مالا حنا واش نقولو
​
إضغط للتوسيع...

10/10 هدا رد مليح يعطيك الصحة اخي فقير صغير

هديك هيا راهم كانو يصليو ويعبدو ربي ونهار ماتو ماتو موت شينة وكانو يسكرو ويخدمو في خدايم الشياطين وكي تابو قبضلهم ربي على التوبة ورزقهم حسن الخاتمة

سلام
​
 
آخر تعديل:
مرسي يا رب يتقبل منا امين مرسييييييييي
 
وعليكم السلام ورحمة الله تعالى وبركاته

ادعي لهم بالمغفرة والهدى والتقى هدا هو المؤمن يجب ان يكون ايجابيا ولا يكون سلبيا ايهود هادو الي تحكي عليهم اختي الكريمة هادو اخواننا واحبابنا وابناء جلدتنا ونحن منهم اي والله لو درتي موضوع على الغيبة ولا النميمة لكان احسن وتعم منه الفائدة وتنالين الاجر
وانا واحد من الناس كل منين يجي رمظان نكثر من المواضيع ونكثر من البرامج هناك لاني اعلم علم اليقين ان الزوار والاعظاء يكثروا في هدا الشهر ممكن احدهم يتعض من موضوع عملتوا ولا فلاش حطيتوا وهدا طول سيرتي في المنتديات التي لديا فيها خبرة ماشاء الله ممكن انتي جديدة على المنتديات اختي الكريمة ولاتعرفين كيف تسير الامور في شهر رمظان
كل رمظان هكدا باينة تكثر المواضيع الجدد والناس تكثر من زيارة القسم الاسلامي مليحة هادي واش فيها علابالنا باللي العبادة طول العام المهم ماكانش ومايدوروش في ساير العام ام يدوروا في رمظان لعله فال خير
من الاحسن لنا ان ندهب ونشجعهم ونتواصل معهم ممكن كلمة منكي وكلمة مني تحفزهم ممكن يتعضون من كلامي وكلامك ونفوز انا وانتي وهو بالخير الوفير والاجر الكبير من الله عز وجل
لعلها تكون الحسنة التي تدفع السيءة اختنا الموقرة واستادتنا راجية
الرسول عليه الصلاة والسلام لما دخل لمكة قال لاهلها ..ادهبواانتم الطلقاء ..

سلام عليكم
 
آخر تعديل:
واااه كاينة
حنا الشعب نتاعنا يعرفو ربي غير يوم الجمعة
مع انو نقصت قيمة هذا اليوم في مجتمعنا
ويوليو يعرفو ويخافو ربي نهار يلحقهم رمضان
gاع يتوبو ونهار يخرج رمضان يولو لعوايدهم وكثر
طبعا ماشي الناس كامل البعض
ونورمالمو لي حاب التوبة يتوب في أي وقت ماشي حتى يوصلو رمضان
مي كاين حاجة مليحة كاين لي يتوب في رمضان ويكمل طريق التوبة
يعني مازال ناس فيها الخير
المهم
ربي يهديني ويهدينا جميعا

سلام
.
.
​
 
آخر تعديل:
يا ختي هادا هو شهر رمضان شهر التوبة و المغفرة صح كاينين لي بعد رمضان يبطلو كلشي و يرجعو لعادتهم تاع بكري بصح ماشي كامل و في رايي يصلي في رمضان ويتوب احسن من لي ميصليش خلاص لا في رمضان ولا بعد رمضان
ربي يهدينا كامل في رمضان وبعد رمضان
 
حب يقول هادو يتفكرو ربي غير في رمضان هاكدا وي راها صارية يتفكرو ربي غير في رمضان شي يامات غير نهار الجمعة والله عجب ..شكرا على موضوعك
 
منوافقكش هاذا الراي ختي راجيه
صح بلاك بعد رمضان يرجعو كيما كانو
مي متنسايش كاين لي تكون بدايتو من رمضان ويكمل مالا
كون نحكمو علا كلامك يعني يقولك انا علابالي بروحي ندير هكا في رمضان برك وبعدو نرجع كيما كنت ايا مالا خلي كي نتوب راني نتوب علا صح وميدير والو في رمضان
مالا نورمالمو نشجعو لي راح يبدا قبل رمضان او في بدايت رمضان علا اساس انه راح يواصل لعباده
مش نحكو هكا لي يقرا ينقصو معنوياتو
مي كي يلقى التشجيع ومع رمضان وحلاوة لعباده فيه بلاك راح يواصل لمشوار
والله اعلم انا عطيتك رايي برك ختي
سلام
​
 
قال mira real:
يا ختي هادا هو شهر رمضان شهر التوبة و المغفرة صح كاينين لي بعد رمضان يبطلو كلشي و يرجعو لعادتهم تاع بكري بصح ماشي كامل و في رايي يصلي في رمضان ويتوب احسن من لي ميصليش خلاص لا في رمضان ولا بعد رمضان
ربي يهدينا كامل في رمضان وبعد رمضان
إضغط للتوسيع...


هيه هاذا هو لكلام لي يبدا يدير في راسو بلي راح يتوب مش راح يصلي رمضان برك
ولمهم يصلي ولباقي علا ربي
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom