ساعدوني أختار بين شبه طبي أو البيولوجيا

[chichina]

انا طالبة سنة اولى بيولوجيا .والعام هذا نطلع للثانية .عجبني التخصص نتاع الشبه طبي وحبيت نسجل فيه بصح راني محتارة نكمل بيولوجيا ولا نبدل باراميديكال خير

ساعدوني من فضلكم ويناه الاحسن؟ ويناه لي فيها مستقبل؟
​

 

[آمِيْرَتُه]

السلام عليك أختي

و الله قالولي شبه الطبي احسن أنا ندمت لي دخلت الجامعة و حدة صحبتي قرات شبه الطبي و خلصت قرايتها و راها تخدم

في مستشفى كبير في وهران الله يبارك و أنا مازلني حاصلة

و يقولو ان دراست شبه الطبي مضمونة لخاطرش يدو على حساب لي بوست لي يحتاجوهم

 

[زهرة لوتس]

اختي راكي تهدري على باراميديكال نتاع سطيف فيها اختبار قبل ماتدخلي اذا نجحتي فيه كمل خير واذا لالا كملي الجامعة
حق حبيت نسقسيك نتاع باراميديكال يقبلوا الادبيين انا متحصلة على باكالوريا 2011 بصح ما نعرف اذا يقبلوني اذا يقبلوني قوليلي ماندخلش للجامعة ونقراها

 

[فؤاد الورقلي]

سلام

اهلا بك

انا ختي تقرا علوم طبيبعة
قالت دراسة بيولوجيا مثل ما يدرسوووووووووووووو جماعة الطب والشبه طبي
زائد
صاحبي عندو اخته درست بيولوجيا وتخرجت وراهي درك تعمل في مستشفى مختصة في التحاليل

ولك الراي انت اختي
لتقدري عليها شوفيها

وماذا بيك تسقسي اكثر سيرتو اهل الاختصاص


..........................
اما عن البنت لدرست ادبي لا يمكنها دراسة الشبه طبي لانه يقبل الا العلمييييييييييييييييييين



بالتوفيق لكم جميعا​

 

[اماليا]

انا ختي كي ربحت الباك دارت كونكور باش دخلت بارامي ديكال وددارت تخصص انيستيزيست يعني تقوم بتخدير المرضى ضك غير خرجت حكم البوست

 

[عربية6]

انا على حد علمي الباراميديكال خير من البيولوجي

اتكلي على ربي و ادفعي و ماتسمحيش في الجامعة بويسك فيه كونكور يا ختي
يعني ماشي غير تدفعي معناها غادي تقرايه

ربي يوفقك اختي

تحياتي
​

 

[صفـاء و نقـاء]

أنا من رأي الأخت عربية 6

الباراميديكال خير من البيولوجي
بصح لازم تربحي في الكونكور
وعلى حد علمى كاينة قضية المعرفة فيه والله أعلم
أنا خويا دخل باراميديكال تاع سطيف وكى خرج طول لقى خدمة

وربي يوفقك
​

 

[Iman89]

السلام عليكم
انا راح نعطيك نصيحة من وجهة نظري وانطلاقا مما راني نشوف عندي اختي العام اللي فات دات الباك بمعدل قريب من الجيد 13 سجلت نورمال فالجامعة وقرات يامات في نفس الوقت بقات تانسيستي على الباراميديكال المهم فوتت الكونكور تاعها واللي في اغلبو معارف في معارف فوتاتو هنا في خنشلة وكي نجحت في التخصص اللي ختاراتو وهو مخبرية بعثوها لعين البيضاء ولاية ام بواقي وكي نجحت سحبت الملف تاعها من الجامعة وراحت تقرا وعجبتها لقراية بزاف وراهي جويلية هادي خرجت سطاج فالسبيطار...انا من رايي حاجة مليحة بزاف على خاطر لي بوست اللي تنجحوهم فالكونكور هوما اللي راح تخدمو فيهم وبلاصة مضمونة في اي قطاع صحي نعرف بزاف اللي داروها وراهم ضركا بخدمتهم متهنيين ...بالتوفيق اختي​

 

[chichina]

شكرا للجميع على النصيحة بارك الله فيكم
​

 

[katia48]

السلام عليكم ورحمة الله تعالى وبركاته
من راي تديري باراميديكال خير
لانها فيها خدمة مضمونة وفيها تجوزي كونكور
واذا ماقبلوكش تكملي واش راكي تقراي عادي

 

[jiji17]

أديري براميديكال تشووووووووووفي
والله لوكان أديريها !!
في ديجااااا يا أنا يا البراميديكال وخيري نتي ادا قدرتي تخيري !!!!!


هههههههه معنداك شيشينا ديري ألي يخرج عليك أون فان هذا مستقبلك مي أنا من رايي كملي فالجامعة أومبعد زيدي ديري حاجة مليحة فالبراميديكال

 

[سعاد..ة..]

صح باراميديكال ساهلة وتتخرجي في 3 سنين كاقصى حد وتلقاي الخدمة فيها مي نقولك رايي الشهادة الجامعية احسن واضمن تخدمي فالمخابر بالشهادة الاعلى خير

 

[امينة.19]

السلام عليكم .
بما اني من من قطاع الصحة (sage femme 3 emme année)
انا قريت كيما انت اختي بيولوجي عام ومبعد بدلت لقيت بلي البرا مدكال خير منها بزاااااااااااااف.
ضمان مستقبل و .....................
ربي يوفقك.نشالله.

 

[امينة.19]

صح باراميديكال ساهلة وتتخرجي في 3 سنين كاقصى حد وتلقاي الخدمة فيها مي نقولك رايي الشهادة الجامعية احسن واضمن تخدمي فالمخابر بالشهادة الاعلى خير

اختي حتى البرا مدكال تخرجي شهادة عليا .
ممرضة او مخبري.........متحصلة على شهادة دولة .

 

[الفارسة الشجاعة]

أنا ننصحك بالباراميديكال أنا قريت math et informatique وراح نبدل للبراميديكال تخصص مخبري
هذا رايي و ديري واش يخرج عليك

 

[قمر ال14]

شوفي حنونة قال لك سقسي مجرب ولا تسقسي طبيب انا قريت بيولوجيا دراسات عليا ومالقيتش خدمة ودروك راني دورتها شبه طبي ننصحك بشبه طبي لانك ستجدين عملك وماتبقايش حاصلة فالكونكورات تكرهي

 

[قمر ال14]

صح باراميديكال ساهلة وتتخرجي في 3 سنين كاقصى حد وتلقاي الخدمة فيها مي نقولك رايي الشهادة الجامعية احسن واضمن تخدمي فالمخابر بالشهادة الاعلى خير

وعلاه شبه طبي ماشي مضمونة

 

[Anoucha asma]

سلام الاخت انا نشوف بلي تبلوكي العام وتسجلي فالشبه الطبي ....................انا تاني هد العام عطاوني بيولوجيا سنة اولى ...........وغادي نسجل في شبه الطبي و نبلوكي العام باش كي نبغي نولي منحصل ..............صح فطورك

 

[الفارسة الشجاعة]

سلام الاخت انا نشوف بلي تبلوكي العام وتسجلي فالشبه الطبي ....................انا تاني هد العام عطاوني بيولوجيا سنة اولى ...........وغادي نسجل في شبه الطبي و نبلوكي العام باش كي نبغي نولي منحصل ..............صح فطورك

ماتقدريش تبلوكي العام وتسجلي في الشبه الطبي لازم ديري ترونسفار و يمدولك كشف النقاط تاع الباك باش تقدري تقراي في الشبه الطبي حتى انا كنت حابة هكذا مي مقدرتش

 

[LOveLy cOmpLex]

السلام عليكم
انا راح نعطيك نصيحة من وجهة نظري وانطلاقا مما راني نشوف عندي اختي العام اللي فات دات الباك بمعدل قريب من الجيد 13 سجلت نورمال فالجامعة وقرات يامات في نفس الوقت بقات تانسيستي على الباراميديكال المهم فوتت الكونكور تاعها واللي في اغلبو معارف في معارف فوتاتو هنا في خنشلة وكي نجحت في التخصص اللي ختاراتو وهو مخبرية بعثوها لعين البيضاء ولاية ام بواقي وكي نجحت سحبت الملف تاعها من الجامعة وراحت تقرا وعجبتها لقراية بزاف وراهي جويلية هادي خرجت سطاج فالسبيطار...انا من رايي حاجة مليحة بزاف على خاطر لي بوست اللي تنجحوهم فالكونكور هوما اللي راح تخدمو فيهم وبلاصة مضمونة في اي قطاع صحي نعرف بزاف اللي داروها وراهم ضركا بخدمتهم متهنيين ...بالتوفيق اختي​

ايه صحـ مام انا نجحت لعام لي فات ب 13 قريت شهر بيولوجيا
و بعد نجحت برامديكال سحبت الباك من لبيولوجيا و قريت باها في لبرامديكال
و درت صيف هذا ستاج روعهـ تعلمتـ كلش
نحنا لبوست تاعنا مضمون نكملوا لقراية طول نبدوا لخدمة
و لقراية باهية و زيد مع اصلاحات القطاع الصحي العام هذا رانا رابحين :shiny:
بقت في الادبيين يقدروا يسجلوا بصح يقبلوهم غير اختصاص سكريتار مديكال خدمتهم
كامل في لبيروا يخلصوا كيفنا و مرفهدين ما تعب ما والو :shiny:
​