عقلية الايمو emo

[مايا الجزائرية]

سلااام
وعليكم السلام
إإإيييمو

تابع ل الروك نوع من الروك وعندهم ستيل يتبعوه طبعا

كاين لي يتبع ستيل تعهم كفاه يلبسو وهدي كل وحد اوو كفاااه

مي باه يجرح روووحو بالذمة يا لطييف

شكرااا موضوع عجبني...
​

شكرا على الرد المميز

 

[مايا الجزائرية]

الراب ماشي ايمو انا نبغي الراب
الراب يفهم الناس ويوريلهم الطريق الصح

اما هاذي الايمو عقلية فارغة
مام انا فيا بعض صفات الايمو بصح من عند ربي ماشي انا لي اكتاسبتها

سلام
​

شكرا على رايك صحا صيامك

 

[مايا الجزائرية]

هاني انا نلبس الروز و لكحل
يا حوشي وليت منهم وانا ماعلاباليش ههههه
انا خاطيني لحمي عزيز عليا بزاف ماهبلتش حتى ندير كيفهم
ربي يهدي ماخلق​

​

ههه شكرا على ردك المميز اختاه

 

[مايا الجزائرية]

إيمو" "emo" اتت من مصطلح "emotional" بما معناه حساس أو عاطفي ذو مشاعر متهيجة أو حساسة و هذه الجماعة تتبع نظام لبس معين و موسيقى معينة و تسريحة شعر معينة و أخذت الظاهرة في الانتشار بين الشباب المراهقين أعمارهم ما بين 12-17 و من تعدى سن 17 ستخلى عن هذه الجماعة لأنه ليس بالسن المطلوب و هي مرحلة من مراحل تحويل الشباب الى عبدة للشيطان حيث صممت الجماعة للمراهقين هدفها نشر اليأس و الحزن و الانطواء في قلوب المراهقين و اجبارهم على التقيد بلباس أسود مليئ برموز الشياطين و الجماجم و عمل تسريحة بالشعر تظهر عين واحدة و تخفي الأخرى :
هذى قضية خطيرة خطيرة بزااااف واحنا ولادنا غير يقلدو بلا ما يفهمو
انا قالهالى مرا خويا الصغير وحوست عليها وقريت شوية وهادى ماهيش مضاهر ناس مسلمين
لازم تنبهو كامل اللى تعرفوهم واللى صغار ميفهموش مش مليح التقليد الاعمى

نعم ليجان دياولنا راهم يقلدو برك مي ان شاء الله يكونو واعيين هادا ماكان شكرا على ردك

 

[مايا الجزائرية]

كانت في الروايات نتاع ديكانز والمدارس الفرنسية هوما كانو يخدموها بالاحساس والقلم والشعب نتعنا باللبسة والتمهبيل

عقلية من كل النواحي ماتخرجش
عيش simple تلقا روحك
شكرا ​

يسما نقدرو نقولو تقليد للغرب شكرا الك على الرد المميز

 

[مايا الجزائرية]

الحمد لله انا مزالني قديموا c pas ايمو ا
مزال نلسبو القندورة والشاش .ههه
الله يهدي هذا نوع من الشباب الى الطريق الصواب.
مارسي الاخت.[/QUOTE
مرسي ليك الاخ على ردك المميز

 

[مايا الجزائرية]

أنا نكره أي شيئ خارج عن الفطرة السوية و الدين الاسلامي

بالطبع الفطرة من الايمان شكرا على ردك

 

[مايا الجزائرية]

ثقافة الايمو انتشرت بزاف سيرتو مع الافلام تع المريكان
بصح نحب نقولك بلي الايمو ماشي هيب هوب ولا راب هي قريبة للروك
وعلى التقليد من المفروض كل واحد يعيش ثقافتو لاه حنا برك نقلدوهم
علاه هوما مايقلدوش لبستنا ولا ثقافتنا ؟
مشكورة ختي على الموضوع

​

على بالي بلي ماهيش راب ولا هيب هوب مي هيا عقلية تحكم من كل الزوايا..شكرا على الرد المميز

 

[مايا الجزائرية]

هادي الظاهرة منتشرة بزاف كيما قلتي ايمو حياتهم كامل حزن توجور حزنين وكي يتقلقو ولا يبكووووو يجرحو رواحهم وتلاقايهم ثاقبين يلبسوووووووووو noir يسمعوووو لاغاني band rock يعني ستيل نتاعهم روك
مرسي

مرسي ليك الاخت

 

[مايا الجزائرية]

هادي الجماعة ماهيش منتشرة بزاف في الجزائر تلقاي حبة في المليوووووووووون لكن منتشرة بكثرة في دول عربية اخرى مثل السعودية و دول الخليج لانهم يتاشرة بالعقلية الامريكية اكثر منا حنا

صح كاينة مرسي على الرد اختي

 

[مايا الجزائرية]

|| هدا سبابو vide و ضعف
الشخصية
يدير حاجـــة باش يبرز
فيها نفسه
نظــــن ماعدها حتى مرجعــ ديني
او شيء من عاداتنا
فقط التباعية للغربـــ
في كل
شيء حتىـــــ التمهبيلـــ ’’’’
​

تقدر تقول صح الvide يلعب دور في هادي الشخصية تاع الايمو

 

[مايا الجزائرية]

emo


ظاهرة انتشرت بزاف وبدات تلحقنا تانى

وهذوا لى يتبعوها تلقاى عندهم مشاكل نفســية

​

كاينة منها تلقاي عندهم مشاكل نفسية صح مرسي على الرد اختي

 

[مايا الجزائرية]

مراهقين + فارغين شغل + الحب و خرابيط الزمان دارت حاله

شكرا

ايواه شكرا على الرد المميز

 

[مايا الجزائرية]

يعبدو الشيــــطان
الله يعفينا
​

وي يقولولهم عبدة الشياطين شكرا على الرد

 

[مايا الجزائرية]

يا لطيف اللطف اشحال نكره هاذ النوع من الناس عايشين في لكحل انا تاني انحب لكحل مي دايمن كاين كولور معاه ماشي هكذا و انتاوعنا ولاو غير يقلدو يا ربي احفظنا و استرنا يا رب

مرسي على الرد

 

[مايا الجزائرية]

الطفلة لي دير هكا ما عندهاش لي يحكم فيها و الطفل ربي يهديه حنا عندنا ستيل واحد الحجاب و الصلاة هدا هو تاع المسلمين برك

هادا رد ولا خليني بالطبع حجا ب والصلاة والى الامام مع ربي

 

[houhou_islam]

تبهليـــــــــــــــــــــــــــــل في تبهليــــــــــــــــــــــــل

 

[Bissan-sisil]

نقولك انا وحدا انتبع الراب ماش هدا الايمو مي ماشي هكدا

​

موسيقى حزن وحياتهم قاع حزن mais الشي الي حيريني هو يجرحو رواحهم كي يزعفو بزاف

لا لا ماشي اكل كيف كيف كل واحد وستيل ديالو ok

​

 

[ندى الورد]

اييه كثرة هادي ظاهرة ويآآسر تاني

مي مش كامل لي يلبسو الغوز ولكحل كامل من الايمو بصح كاين وكاين

يعني كيما قلتي لي يجرحو رواحهم هادم لي ديما قاعدين في ركنة وحدهم ويجرحو في رواحهم هادم هوما انا نظن هادم هوما الايمو

يعطيك الصحة موضوع مميز
تحياتي

 

[مايا الجزائرية]

تبهليـــــــــــــــــــــــــــــل في تبهليــــــــــــــــــــــــل

واش الي تبهليل ما فهمتكش