عيش تشوووووووووووووووووووووف

[سيموني]

سلاااااااااااااام ولاد اللمة هادي غيبة تاع الصح ان شاء الله ميكون فاتني والو المهم راني باغيا نحكيلكم على وحد الظاهرة راهي منتشرة بزاااااااااااف في المجتمع نتاعنا للاسف وهي ظاهرة الفتيات المدخنات مرنيش عارفة علاه سموهم الجنس اللطيف العجب بكري كانو الرجال يحشمو يدخنو قدام والديهم دروك لا نساء ولا رجال يحشمو قدام الناس وتحس كي تكون داير بيديها السيجارة فتاة متقدمة وبنت المدينة وراهي ديك الحشمة وانوثة لي تتميز بها البنت وهاد قاع كي ولينا نتبعو في الممثلات والمشهورات وحاسبين كي نديرو هاد الشي نولو كيفهم نتمنا بزاف بنات الجزاير يفيقو ونتوما تاني راني باغيا نسمع رايكم ونديرو حملة للاقلاع عن التدخين في رمضان المبارك واش رايكم...سيموني:re_gards:

 

[mira real]

يا لطيف يا ريي استرنا من عادو لبنات الجزائريات يدخنو كاشما قعد ...قعد غير الماء يغلي
يعني ختي انا جامي شفت طفلة هنا في دزاير دخن شفت لي عايشين في فرنسا ويجيو هنا عند لافامي صح يدخنو بصح عايشين هنا جامي شفت وانشالله منشوفهمش باش منشوكاش كثر ههههههههه
ربي يهديهم حنا قاعدين نقلدو في الغرب غير في سلبياتهم بصح الاجابيات لالا منلتاوش بيهم

 

[mama hbibti]

انا راني موافقة وربي معانا والله فكرة شابة

 

[hannsg]

طفلة تدخن؟ انا صراحة جامي شوفت وحدة جزائرية تدخن
و نظن اذا طفلة توصلت تدخن يعني بيئة لي تربات فيها كارثة
لان الطفل غالبا يتعلم التدخين من الشارع و المقاهي فالطفلة لي تدخن منين جابتها هذي؟ تروح للقهاوي تلعب دومينو وقيلا؟
الرجال و راهم بداو يقلعوا عليه خلي يا البنات اصلا ماكاين حتى انوثة في التدخين تخايل طفلة تفوح منها ريحة الدخان!! ياو انا طفل و ما ندخنش و جامي ندخن و التدخين مضر بالصحة و زيد عفان
ربي يهدي

 

[Jeune Sghir Mc]

ناس فارغين في ريسانهم متخلفين لاعبينها هاربين على المجتمع
انا نعرف الرجل يتكيف حاسبها رجلة وهو راه يحشي لروحو
المحير في الامر النسا لي يتكيفو واش يحسبو رواحم؟؟؟؟؟؟
سلام
​

 

[♥بنت عنابة♥]

الحق اانا جامي شفت فتاة جزائرية تدخن
يا ربي واسترنا واشي ها لحقنا حتى لدخان هكا ما بقا والو
نتمنى لي تدخن حتى في الدار برك تفيق مع روحها وتشوف وش قاعدة تدير
شكرا على الموضوع ​

 

[fouad dz]

البارح كانت قاعدة وحدة قدامي في البحر تدخن والشيشة ماشي gارو ولا هههههه كلشي ولا عادي عند بنات اليوم (ماشي كامل) والله يهدي ما خلق .

 

[وطني]

منا للقدام يتكيفو الكيف....و يبداو يقريسيو ف الغاشي هههههههه
صح...مالقري ظاهرة قليلة مي كاينة تاع الصح.....
الله يهدينا

 

[aneshabib]

والله يا لوكان نقولك دوخي من عقلك انا مين كنت نقرا برومياراني في الليسي كانت الاستادة تاع اللغة الانجليزية اللي تقرينا تتكيف مي ما شي قدامنا جايبة اللعقلية تاع لهيك وسنانها كوحل ونصهم طايح من الويسكي

 

[*nassima*]

ربي يهدي فتيات هاد الوقت

 

[حفيد هواري بومدين]

انا اول ماشفت يعني في زيارتي للبلدان العربية لقيت المصاروة نساهم يتكيفو
هنا في الجزائر كاين بصح مقتصر على فئة معينة برك ولاد الأغنياء لانو عمرك تلقاي فقيرة هازة قارو
المهم موجودة هاد الضاهرة هنا وتكتر في الولايات الساحلية عنابة بجاية العاصمة وهران
فكرتك مليحة بصح كيفماه نطبقوها؟؟ راني معاك​

 

[مغرورة بأنوثـتي]

صح كاين منهم وكاين بزاااف
ويديروا ما كثر
واش نقلك
الله يهدينا ويهديهم وخلاص

 

[Lili Bent Dz]

سلام

نورمالمو جنس يا لطيف ماشي اللطيف و الله ربي يلطف بينا و الله في يومنا هذا رجعت نووووووورمال

OMG لكان ولاو يدروgـيو مالا الدخان عندهمخ نورمال

ربي يهديهم

 

[souhila-alg]

c kayan ihhhhh 3ich tchouf hhhhhhhhhhhhh

 

[RaNiA]

انا جامي شفت دزيرية تدخن قدامي غير لاكان عادو وحايد مش نورمال .... اك تعرفي
ربي يهديهم

 

[ندى الورد]

والله عيش تشوف عيش تسمع

والله حتى النساء عادو يتكيفو شي عجب

ربي يهدي برك

يعطيك الصحة على الموضوع

 

[adel-mz]

سلام
والله نصنفوها لقلة حياء .
البنت لي تدخن وتدمنعلى مخذرات والله كارثة + مسلمة !!!!!!!!!!لاحول ولاقوة الا بالله.
مشكورةالاخت

 

[ryma_lool]

قرووووووب الساعة

 

[مابقاش بزاف.Dz]

هههههه الاولاد الجنس الحشن اسم يليق بيهم مي غلط الي قال على هاد الصنف المدخنات الجنس اللطيف

 

[مابقاش بزاف.Dz]

احجزولي بلاسة لي عوده