قالك الباك تجيبو ب14 وميعطولكش ولا اختيار من العشرة الي خيرتهم

[noussy]

خلاص الباك راح وراحت أياماتو خلاص ما بقاش الواحد يتعب ويسهر باش يحقق لي في بالو بصح الله غالبـ في الأخير يقولولو هوما وش يقرا ويحطمو احلام المساكن هاذوما والله العظيم غير تعبونا بزاف انا جبت الباك ب 13.85 وكأنني ماجبتوش دارولي فيليار تبهدل مش حابتها طول

وانت اقرا وجيبو باش يقولو هذا بشهادتو وهانا ندعولكـ تجيبـ معدل مليح ان شاء الله

 

[Lili Bent Dz]

C Dz

و جماعة بن بوزيد يزيد و يزيد

مانهروش خير انا مازال جهدي كملت bem و ديجا بديت نخمم وش ندير و اختي قاتلي جيبيه ب 16 ولا ماكلاه

 

[الخجولة]

:scared:والله غير معاك الصح
ولكن الحمد لله انا جبت 13,94 ودرولي الاختياري الاول احمد الله واشكره
ولكن نعرف صحاباتي جبوه 14 و15 درولهم اختيارات نتاع معد11 ويا للاسف :scared:
وزيد نقولك كي سقسيت وحدا منهم قلتلها ودروك واش حتعملي قاتلي بغيت نعمل معاهم بالحلال ولكن الدولة نتاعنا غير نتاع دخلات ومعارف ودروك والله غير داخلة وش نحب ولكن ويا للاسف بالمعرفة وبالطريق العوجة الي هي مكانتش حابتها ولكن لزم الامر
وربي يعاونهم ويهدي والوزارة وبالاخص سي بن بوزيد
ونقولك خويا حاجة غير ما ديرش هذي الفكرة نتاع نبطل غير قرى وقرى اي حاجة ولكن دير في بالك باش تخدم اي حاجة بغات مليحة ولالا لازملك المعرفة والمعرفة
ومشكووووووووووووووور:re_gards:

 

[melody of life]

نووووووووووووورمال.......​

 

[مرام التيبازية]

سلام موضوع في وقته
ايه هادي هي امالا لازم تقرى وتزير على روحك ونعرفك حاجة باينة انشاء الله تكون من الناجحين وزيد متعاودش تقول منقراش هادي ماشي عفسة
على العموم ربي ينجحك سلام
تقبل رايي

 

[مابقاش بزاف.Dz]

هههههههههه و علاه الديزاد بلاد اصلا حتى تحكي عليها و على جامعتها بففف رانا اللخرين بوغ توجوغ

 

[makour]

هههههه 10 ماتهدرش كامل عليه انا بنت عمتي جابتوا 15.20 بعتوها تجارة فعنابة ههه هبال 15 ولات ماتسواش ربي يجيب الخير حنا وش نطمعوا

 

[Melia azedarach]

اه صح كلامك كاين بزاف لافامي دارو 10 اختيارات مجات حتى حاجة منهم ..وحتى انهمن جابو 13-14 والو اعطاولهم كيف يلي جابو 10

يا حسراه على الدزاير
يارب احرق بن بوزيد الظالم ..
صافي في عامي انا 18 متدير والو لا زم خمسين على عشرين ومعرف ..
ياه الواحد يروح يقرا في الخارج احسنلو .

 

[youyousra20]

خويا زير روحك
وما تتراجعش
وادا شفت روحك ما سلكتهاش
دير جوندام

ان شاء الله أنا العام لي موراك
مي نديه ب16 راني سور

 

[الورد الأحمر]

هذا الباك كي رخس ولاّو يديرولو عتبة
ويحدولهم الدروس وقريب يمدولهم السيجيّات
ويشبعو فرحة كي يجيبوه مالا يتحملو مسؤولية
الشربة ماء لي فوتوها وشبعو فرحة كي جابوها
سلامو
​

 

[yacino1993]

شكرا على مروركم ونصاحكم نورتو موضوعي ان شاء الله حنا نديرو الي علينا مي واش من فايدة نورمالمو الواحد يقرى باش يحقق حلمو مش حلم الدولة اما لو كان جينا نقراو على جال الدراهم لو كان مقريتش قع والدراهم ساهلة
​

 

[DZman]

14 كانت تدير وقت كان الباك بقيمته يعني بكري
يا خو ربي يوفقكم
​

 

[سهام1992]

والله كيما قلتوا انا جبته ب 15.29 علوم تجريبية وماصحتليش الطب ولا جراحة اسنان
رحت درت تعليم مدرسة عليا ونهني راسي على الاقل تخدم
والله ماهنا حالة رانا في تدهور مستمر

 

[sasi bella]

دوك القضية مراهيش قضية بن بوزيد ياو راهي تع سي رشيد حراوبية اللي راهو يخلط برك او يزيدو يكذبو عيناني عطنالهم واش حبو او متنساش بلي قاع واش قريت فالخر تدي شهادة مثقف مادير بها والو.

 

[yacino1993]

كلش غلى في هادي دزاير غير الباك الي رايح ويرخس
​

 

[نجاة40]

ختراه رجعت المونسيون 10 كيلو ب 100
غير لي يقولك انا جبت 17 18 يا بن عمي 86 واحد
جامي صرات يعني عندنا عباقرة في دزاير هك كل
يا حنا نعرفو بعضانا غير عايشيتن بالهف​

 

[Iman89]

دوك القضية مراهيش قضية بن بوزيد ياو راهي تع سي رشيد حراوبية اللي راهو يخلط برك او يزيدو يكذبو عيناني عطنالهم واش حبو او متنساش بلي قاع واش قريت فالخر تدي شهادة مثقف مادير بها والو.

هادي تع شهادة مثقف اللي راهي دور بين الناس ماكانش منها ختي انا قريت نظام جديد ل م د وكي تخرجت العام اللي فات كتبولي فالديبلوم شهادةليسانس وخدمت بيها نورمال وراني ضرك الحمدلله نكمل فالمستار اللي هو مجستار :sheer:
يعني صححي المفهوم تاعك شهادة مثقف هادي راي ممكانش ممنها​

 

[°~Kenza_02~°]

لالا زير وحك جيبو ب 16 وما تسال حتى على واحد ......تولي انت الي تتشرط ......وقاع ما يخلعوكش.....وبالتوفيق

 

[بقايا إنسان]

كلام معقول وينهضم على طول الباك نتاع 2011اصبح من حض المهبول والي جاب 14وكأنو مجبوش طول
نشكرك اخي عى الطرح المعقول

 

[الوردة الناعمة]

راك غالط خويا راهم يقولو 15 و14 مايديروا والو لان 15 و 14 متبعتكش طب او صيدلة او جراحة اسنان .......... ولكن تقدر تروح حوايج اخرى مثل المدرسة العليا او هندسة او طيران ....الخ عليه لازم تقرا مليح وتجيب الباك بمعدل جيد باه تروح واش تحب انا فوت الباك فى 2010 وتحصلت عليه بتقدير جيد جدا وتحققت رغبات تاعي مي كلما يمر عام كلما زادت المعدلات و التخصصات يزيد معدلها نتمنى لك التوفيق و ربي ينجحك في الباك بمعدل جيد جدا ان شاء الله وتفكير تاع تحبس لقرايا راهو 100 عالط لانك بلا مستوى ماتعيش في الدنيا