يوميات اعضاء وعضوات اللمة اللي يغلبهم رمضان

[امورة المنتدى]

السلامـ عليكمـ خاوتي وشراكمـ مع الصحة لاباآآس ؟ :shay:​

اليومـ جبتلكمـ ميضوع نديروا فيه بعض من اعضاء و عضوات اللمة خخخخ تحت المجهر و هادو البعض منهم​

وكيفاش يجوزوا رمضــــــــــان​

لكن بدون زعاف ​

رانا نضحكو فقط ​

نبداو اولا مع اختي​

ISMA.dz​

اسومة من اللي يبدا النهار وهي فالكوزينة طبعا :sheer: وشمن شربة وشمن بوراك
وشمن طاجين حلو​

بصـــــــح رمضــــــــان راه قـــــاتلها و غالبها حتى لتما i-o:​

كل دقيقة تحط عينها على الســــــاعة وتسقسيني شحال مازال باش يأذن i-o:​

مسكينة تعس فالساعة بالثانية و ثلث الثانية :shiny:​

sendrine​

سندرينة راهي تدور فاللمة مخلية يماها وحدها فالكوزينة (عديمة مسؤولية خخخخخ) راه
غالبها رمضان​

تطل على قسم الطبخ تلقاها لتما كل موضوع تدخل فيه تاكل بعينيها ياكل راسها هههه _o:​

Barça232​

عالنهار وهو راقد ويماه تعطي فيه بالبالي :like_1: حتى لحمو ولا زرق من الضرب​

ياولد نوض روح اقضي​

يما خليني نرقد​

وبعد ساعة من الضرب بالبالي حتى تكسر البالي باه استسلم للامر الواقع وناض​

اعطاتو دراهم يقضي جابهم كامل زلابية وقلب اللوز :blink:​

رمضـــــــان راه غالبو​

فــــــــــــــــــــاصل اشهاري ونعود​

ياولد تقدر تجوز رمضان بلا منتدى اللمة الجزائرية​

هاهاهاهاهاهاهاهاهاهاها​

تقدروا تجوزوا رمضان بلا اللمة​

هاهاهاهاهاهاهاهاهاهاها​

قلتلك نحبسو هاد السؤال من الصبح وهوما يضحكوا علينا :schmoll:​

رمضان بلا منتدى اللمة مكانش منها ​

عدنــــــــــــــــــا والعود احمد :yaw:​

برنسيــ اللمة ـــسة​

من اللي بدا النهار وهي تسيي تطيب كل دقيقة تتحرق القدرة من بعد اتطرطقت عليها الكوكوطة​

كيما يقولو سيدي مليح زادولوا الهوا والريح ولات مخبوطة تمشي وتتمايل كي شدت روحها وماطاحتش راهي لاباس​

لذا بإختصار راه غالبها رمضان​

وانت هل يغلبك رمضان ام لا؟ ​

تحياتي لكم ورمضان كريم ان شاء الله​

 

[@R@ZIK]

[font=&quot] [/font]
تم التصويت
اكيد ما يغلبنيش رمضان
ان شاء الله نصوموه بالصحة والهنا
​

[font=&quot] [/font][font=&quot][/font]

 

[الرومنسي الجاد]

نهار كامل و انا راقد حتى لبعد العاصر نجي داخل للمسابقة ديراكت ..
في ميزك يغلبني السي رمضان ..؟​

 

[ISMA.dz]

يغلبني ويغلبني ويغلبني تان هههه

راني مولية للموضوع شوي هك ونجي امورة

تم التصويت​

 

[BARCA232]

السلام عليكم ورحمة الله تعالى وبركاته
ههههههههه
لالا حاشة يغلبني ماكانش منها
ياو خصه
يعني تقول راك معايا يالمصيبة كيما قلتي
نضرب طلة ونرجع
مشاكسة
​

 

[عازفة الاحزان]

لا الحمد ااه ميغلبنيش بالعكس
كل الفرح لاستقباله
بصح خاطيني الكوزينة والطيابة
أنا نغسل لماعن برك
هههههههههههه
شكرا حبيبتي على الموضوع وصح رمضانك
​

 

[NeيRسNe]

رمضان مبارك للجميع و لي بلاصتها الكوزينة تروحلها و لي بلاصته القضيان يروحله بلا بالي بلا والو ماخصناش صوط ههه
​

 

[ISMA.dz]

الله غالب أمورة كي مانطيبلكش انا تموتي بالجوع وراكي تعرفي عقلية خوك خليها فالستر


ماعليه وانا اعترفت من قبل وقلت يغلبني رمضان :schmoll::schmoll:الله غالب نعطش بزاف اما الماكلة راكي تعرفيني مابقا فيا والو يانهار ماتصيبينيش:um_sh:


خويابرصا امورة راها شابعة رقاد :like_1:غير ماتكسرش راسك تقدر تهرب من الموضوع راها ماخلات فينا

ماخلفت وراها خايفة من رمضان تموت

وكي يلحق رمضان تجيلي مع العصر للكوزينة وتبقى تغنيلي غنا تع هنودا وتحكيلي فحكايات خرطي

فخرطي وانا مساعفتها حتى التم وكي تفطر وتشرب قرعة حمود كي نقولها شوفي وش حكيتيلي:like_1: ماتامنش المسكينة رمضان كامل ماتجيبش خبر فالنهار وفالليل تبات كي البومة ساهرة _o:


>>هاذا كامل كي بهدلتيني هههههه>>> :sly:_o:

 

[nassim007]

عادي جدااااا

ميغلبنيش
​

 

[بيكهام]

هههههههههههه
يااو يقتلني
خاااصة صباح اممممممممممممم
​

 

[صفـاء و نقـاء]

النهار كامل وأنا في دار البرودية والراحة

غير وقت العصر ندخل للكوزينة

كيفاش يغلبنى؟ رمضان يغلب مساكن اللى يخدمو في الشونطى واللى يقابلو الشمس

ربي يكون في معاهم والله غير يغضونى

مشكورة أمورة رمضانك مبارك
​

 

[السلطانة]

وعليكم السلام

ههه يغلبني كي نشوف القرعة تاع الماء باردة برك

صحيتي امورة على الموضوع الطيب
تحياتي
​

 

[kiki96]

لالا ما يغلبننيش رمضان
صح فطوركم

 

[دنيا البسمة]

انا ما يغلبنيش بزاف مي نتقلق كي ما يحبوش يقضولي واش نحب انا
العام اللي فات كنت نطيب وحدي
وهاذ العام الحمد لله راني درتلهم ملمة وعرايسنا رايحين يجوزوه معانا يعني الدالة نهار بنهار

 

[برنســ اللمة ـيسة]

و عليـــــكم السلام و الرحمة و الاكرام
ضحكتيني بزاف على الكوكوطة و الله صح نخاف منهابزاف ههههه
بصح رمضان مايغلبنيش نحبـــو بزاف و طول أيام السنة نتوحشو و نتوحش أياماتو
الحمد لله
بالاك أنتي اللي راه غالبك اخخخخ
صحا رمضانك خيتو و ينعاد عليكم بالصحة و الهنا
و صحا فطورك من درك ​

 

[بنـ MaPa ـت]

sendrine​

سندرينة راهي تدور فاللمة مخلية يماها وحدها فالكوزينة (عديمة مسؤولية خخخخخ) راه
غالبها رمضان​

تطل على قسم الطبخ تلقاها لتما كل موضوع تدخل فيه تاكل بعينيها ياكل راسها هههه _o:​

ههههه صار هكدا يا المونغو؟
انا رمضان تع السنا نشالله راني معولة ندخل للكوزينة كاشما نطيب ونتعلم الاطباق المعقدة هههه
رمضان تع السنا ياكلو غير من يديا بصح لازم يرحلو السبيطار يجيبوه قدامنا ههه

ورمضان انا مايغلبنيييييييييش نهااااائيا انا لي ندير فيه التير :showoff:

يعطيك الصحة على الموضوع مع اني روطار + تقييم
​

 

[زهرة الندى]

ههههههههههههههههه عجبوني اليوميات سيرتو تع محمد هههه ايا بصحتك الضربة

هههههههههه

مانعرف لا يغلبني ولالا لحد الآن راني عادي



​

 

[beautiful -soul]

تم التصويت...
...بكل صراحة
وي يغلبني رمضان...
...مي كاين يامات وين نجيبو التعادل
...
شكرا على الموضوع
تحياتي ليك
سلام!!
​

 

[imene23]

مشي يغلبني يقتلني رمضان ليفات نعقبو نهار كامل راقدة نوض مع المغرب مي فليل نحصل فالكوزينة ماما تروح تصلي وانا ننقد الدار مي ليوم راني اون فورم مزال محسيت بوالو ربي يستر و صحا فطوركم

 

[missa_1]

راني صوت خيتي
مي كون زدتي ثاني وحدة تاع شوية
يعني نعم ولا لا ولا شوية
راه خطرات يغلبنا وخطرات لا يعني شوية​