البيتــ بيــــتكـــ : مع الثلاثي الخطير :القناص- barca232- youcef29

[BARCA232]

ماهو طبقك المفضل؟
لو طرحت المائدة ولم تجدين طبقك المفضل ماذا تفعلين؟؟
أين سامية من الصلاة والذكر او تبقى سر؟؟
هل هي من يغلبها رمضان؟
صح فطوركم
​

 

[شجـ الروح ـون]

ماهو طبقك المفضل؟

نحب اللازانيا
والمحاجب ههه

لو طرحت المائدة ولم تجدين طبقك المفضل ماذا تفعلين؟؟

ناكل اللي جات
مانتشرطش عالماكلة هههه

أين سامية من الصلاة والذكر او تبقى سر؟؟

ربي يثبتنا على طاعتو ويتقبل مننا
ويجعلنا من المسفرة وجوههم يوم الحشر
الحمد لله

هل هي من يغلبها رمضان؟

لا ابدا على العكس
في رمضان نكون في احسن احوالي

صح فطوركم
​

وانت زادة خيي
شكري لك
​

 

[M3TaZ eLLMa]

هلا بأختي شجون الطيبة

ومهما قلنا عليك فتظلين الطيبة والاخت المثالية

ربي يوفقك ياغالية

ويلا

نبدأ بأسئلة


س1 - كيف تستقبل عائلة شجون هذا الشهر الفضيل ؟؟؟

س2- شجون وختم القرآن في هذا الشهر الكريم يعني كم مرة تختميه ؟؟؟

س3- هل شجون عصبية في هذا الشهر وما الشيء الذي يقلقك وانتي صائمة ؟؟

س4- أعطينى مميزات هذا الشهر ؟؟؟؟

س5- في هذا الشهر يكثر فيه التقارب بين الاسر عند بعضها احكيلنا على أسرتكم عامة ؟؟

س6- ماذا تتمنــــــــــــــــى شجون في هذا الشهر ؟؟؟

س7- ماذا تقلين للأهل اللمة في هذا الشهر العظيم والمبروك ؟؟؟

س8 -ممكن نكتة أو حكاية أخت شجون ؟؟؟

س9- كيف استقبلتي هذا الموضوع مع أنك كنت متحيرة لما عملنالوا ضجة كبيرة وأنو قنبلة وطلع موضوع عادي ؟؟؟؟ هههههه

س10- كلمة للأصحاب الموضوع ؟؟؟


وربي يوفقك أختي الطيبة شجون

تقبلي شكرنا وتقديرنا إليك

​

 

[شجـ الروح ـون]

السلام عليكم
كمال خيي قبيل
قعدت ساعة نكتبلك فالرد
كي كملتو راحتلي الكوناكسيون هههه
ظك نرجع نكتبو
عذرا عالتاخر ههه
​

 

[شجـ الروح ـون]

هلا بأختي شجون الطيبة

ومهما قلنا عليك فتظلين الطيبة والاخت المثالية

ربي يوفقك ياغالية

اهلا باستاذي الغالي
الله يخليك ياطيب
وانا متشرفة باخوة مثلكم
ربي ينوركم يارب

ويلا

نبدأ بأسئلة

على بركة الله


س1 - كيف تستقبل عائلة شجون هذا الشهر الفضيل ؟؟؟

تحضيراتنا المادية لا تكاد تختلف عن باقي العائلات الجزائرية
رمضان شهر فضيل
نستقبله بشكر الله عزوجل
انه انعم علينا
لنعيش رمضان جديد
نستقبله بدعاء الله عسى ان يجعلنا من الصائمين القائمين المغفور لهم


س2- شجون وختم القرآن في هذا الشهر الكريم يعني كم مرة تختميه ؟؟؟

السنة الماضية ختمت ختمة واحدة
لكني عازمة على ختمه ثلالث مرات ان شاء الله
ربي يقدرني ونختمو اكثر

س3- هل شجون عصبية في هذا الشهر وما الشيء الذي يقلقك وانتي صائمة ؟؟

ابدا العصبية كلمة محذوفة من قاموسي
خاصة في رمضان
ههههه تقلقني اختي الصغيرة
كي تجي تقولي ديريلي نتغدى
:sadwalk::cra_zy:

س4- أعطينى مميزات هذا الشهر ؟؟؟؟

رمضان شهر فضيل
انزل فيه القران
تفتح فيه ابواب الفردوس
وتصفد فيه الشياطين
رمضان شهر المودة والرحمة والعتق من النار
شهر تعتق فيه الرقاب
فيه ليلة خير من الف شهر
رمضان كنز ثمين
وهبه لنا الله عزوجل

س5- في هذا الشهر يكثر فيه التقارب بين الاسر عند بعضها احكيلنا على أسرتكم عامة ؟؟

بالفعل رمضان تكثر فيه صلة الرحم بصورة عظيمة
بطبيعة الحال عائلتي كل العائلات
لكن زيارتنا قليلة
لانو في اغلب الاحيان يجونا ضيوف
نزورو بيت جدي لابي ولامي
اما باقي العائلة فكلهم في ولايات اخرى
وممكن بعض الجيران


س6- ماذا تتمنــــــــــــــــى شجون في هذا الشهر ؟؟؟

نتمنى ربي يجعلني من الصائمين القائمين
يوفقني لما يرضاه
يثبتني على طاعتو
يرزقني رضا والدي
وحسن الخاتمة

س7- ماذا تقلين للأهل اللمة في هذا الشهر العظيم والمبروك ؟؟؟

رمضان شهر عظيم لا تضيعوه بالقيل والقال
.
.
رمضانكم كريم
تصوموه بالصحة والهنا
ربي يجعلكم ويجعلنا من الفائزين يوم القيامة

س8 -ممكن نكتة أو حكاية أخت شجون ؟؟؟

هههه
واحد يحكي مع وحدة .قاللها وش اسمك؟؟
...قاللتلو اسمي موجود في كل بستان....
قاللها........ساشي ؟؟؟؟


س9- كيف استقبلتي هذا الموضوع مع أنك كنت متحيرة لما عملنالوا ضجة كبيرة وأنو قنبلة وطلع موضوع عادي ؟؟؟؟ هههههه

ههههههه
انا وقت سمعتكم تهدرو قلت خلات علينا
ههه
لكن اول ماجيت فرحت وسطكم
وقضيت معاكم وقت مميز
موضوعكم قيم
يسمحلنا نتعرفو على بعض وعلى عادات بعض اكثر
نتمنى اني وفقت في الاجابة برك

س10- كلمة للأصحاب الموضوع ؟؟؟

تزيدو تسقسوني نقتلكم ههه
مممممممم ماذا عساني اقول للاساتذة
ما انا الا تلميذة في حضرة اساتذة
يشهد لهم الجميع دون استثناء
بالاخلاق العالية الحميدة
والروح الطيبة
شرف لي ان يكون لي اخوة بسمو اخلاقكم
اساتذتي
كمال.يوسف .موح
اسمى تحايا التقدير والاحترام مني لكم
تمنياتي الخالصة لكم بالتوفيق والهناء
ربي ينوركم ويرزقكم برزقه يارب
تحياتي القلبية
:re_gards:


وربي يوفقك أختي الطيبة شجون

تقبلي شكرنا وتقديرنا إليك

​

اللهم امين
اجمعين استاذي
شكري الخالص لكم
عالاستضافة الطيبة
نتمنى اني وفقت في الاجابة ولو بصورة بسيطة
تحياتي
​

 

[M3TaZ eLLMa]

نشكر الأخت الكريمه شجـ الروح ـون تجاوبها مع الأسئله الخفيفه
نحن كامن هدفنا نوضع أسئله خفيفه باه ما نمارسوش ضغط على ضيوفنا الكراام
و باه تكون متعلقه فقط بشهر رمضاان و كيفية التعامل معه
.
.
.
.ضيفنا التالي هو
اسموا مميز جداا
نشيط جدا والجميع يحبوا لأنو يدخل القلب بسرعة

وغير اليوم وين طلع من المستشفى ربي يشفيه يارب

وراه من الاعضاء الغاليين علينا


هو العضو

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
., ‏═♥ hasni231♥═


بالتوفيق يا حسني الطيب:shiny:​

 

[M3TaZ eLLMa]

نبدأ على باركة الله

الاسئلة مع الغالي حسنـــــي الطيب





س-1 حسني ما هو شعورك وانت معزوم عندنا في موضوعنا الهادء ؟؟؟


س2- حسني الطيب ممكن تعطيلنة حياتك اليومية في رمضان وسهراتكم وكيف لم شمل العائلة

عشان نتعرف على عادتكم يا طيب


س3- بنضرك كيف نكون نحن مع هذا الشهر وكيف نتاعمل معه ؟؟؟


س4- منتدى اللمة احكلنا عليه في سطور بكل أمانة


س5 - هل أعجبتك عزومتنا يا حسني في موضوع البيت بيتك :shiny::shiny:؟؟


س6- هل تتصل بأهل في هذا الشهر وماذا تمثل لك مدينة عنابة وخاصة في رمضان ؟؟؟

س7- ممكن تحكيلنا حكاية يا حسني ولو قصيرة ومعها نكة تضحنا شوي ؟؟؟

س8- بما أنك كنت مريض وفي المستشفى كيف قضيت كل هذه الايام وهل فكرت في اصدقائك وخاصة في اللمة



وهنا أنهي اسئلتي


وشكرا على قبول الدعوة يا حسني الطيب

وربي يشفيك


وأنتضر أسئلة الاخوة يوسف والاخ محمد

بالتوفيق أخ حسني

نحيات الثلاثي الخطير​

 

[mostafa agha]

السلام عليكم ورحمة الله


​

 

[يوسےفے]

بسم الله اول الأسئله :
هناك عادات و تقاليد تطبق في هذا الشهر
1- كي تنوض حسوووونه صبااح في رمضاان كي يحس روحه ههه؟
2-هل انت مدمنه على القهوه ..و كي يصرالك في رمضان بدونها؟؟؟
3-ما هي عادت العائله الجزائريه في شهر رمضاان في دياار الغربه؟؟؟؟؟
4-أفضل طبخه يحب حسوونه دايما يوووفها فوق مائدة الأفطاار ؟؟
6-واش هو برنامجك ورااء الفطووور ؟؟؟
8-واش تحب تتفرج في رمضاان؟؟؟
9--يتسحر حسووونه و لا يغلبه الرقااد هههه؟؟؟؟
10- كيفاه يصرالك النهار الأول تاع رمضان ..كيما أنا راسي يولي ثقيل بزاااااااااااااااااف هههه؟؟؟
بزاااف عليك على الصبااح ههه
تحياتي
سلام​

 

[المسلم حسني الجزائري]

نبدأ على باركة الله​

الاسئلة مع الغالي حسنـــــي الطيب ​

س-1 حسني ما هو شعورك وانت معزوم عندنا في موضوعنا الهادء ؟؟؟
شعور راعة والله​

س2- حسني الطيب ممكن تعطيلنة حياتك اليومية في رمضان وسهراتكم وكيف لم شمل العائلة ​

عشان نتعرف على عادتكم يا طيب
رمضان التي مضى كنت انا مسلم ومعي 2 صديق مسلمون وخالتي ماوش كان معي وعائلة كنت لاتهمني اخبارهم
كانت تمر رمضان دون عائلة هي صحيح تمر ايام جميلون وانت مع التي تحبهم ويحبونك مي بعض مر تكون تفقد جلسة مع العائلة ايا نحن مغتربون كلنا عائلة 1 ونلتقي مع بعض في سهرات راو تحس كانه انت في دزاير
اما عادات ساخبرك بهم
نحن لما تصل شهر رمضان تكون نغير بعض مواعيد وفي العمل نكون نغير شويا مواعيد تانا ونكون نشتري شويا حاجات تكو تخص رمضان وتانا نغير الديكور المنزل لازم يتغير وتكون كل شي جديدة
راو لما تصل رمضان كانه انت تغير حياتك كلها
نحن تانا تغير بزاف شي
اما سهرات راو كل 3 يوم نلتقي مغتربون نلتقي في الغابة ايا نحكيو نضحكو وتمر سهرة جميل مع حلوات دزاير
س3- بنضرك كيف نكون نحن مع هذا الشهر وكيف نتاعمل معه ؟؟؟
تقصد في دزاير ياك
على اضن تكون رمضان روعة في دزاير
يعني تجد خوتك صوم معاك تجد كثيرون مسلمون تسمع الادان تدهب مسجد اي وقت تريدها تجد الكل مثل بعض تعمل سهرة مع عائلة
هكا يعني
رمضان تكون جميلة​

س4- منتدى اللمة احكلنا عليه في سطور بكل أمانة
لمة هي مندى جميلة جعلتني
1* اواصل في طلب تعلمعن عادات بلادي
وحمد لله عرفتهم شي عادات رائعون ماوش حلمت انه تعلمهم
2* سبب لمة رجعت مدمن على لغة عربي واحب اكتب بها ولما اكون اكتب وتوجد شي كلمة ماوش اعرف ترجمها الى عربي احاول ابحث عن كلمة تشبهها وتكون تشبه الى لغة عربي
3* جعلتني تعرف باعضاء عمري ماوش حلمت انه اعرف بشر مثل هكا
رائعون كسبت في لمة كسبت بها اروع بشر وانا فرح وسعادة انه دخل لمة وكانت هي سبب كل هاته اشياء
روعة مندى راو رجعت مدمن عنه
ااااه نسيت ماوش قلت هاته
علبالك انا دروك في فرنسا انت في باتنة يوسف في معسكر محمد في سعيدة مي علبالك حاجة
احس كانه مع بعض والله:shiny:
راو تجعلك لمة تحس بعائلة وتحب اخوانك واصدقائك​

س5 - هل أعجبتك عزومتنا يا حسني في موضوع البيت بيتك :shiny::shiny:؟؟
موضوع رائعة اعجبني والله
من يكون ضيف في هاته موضوع سيجد بها طعم رائعة يعجبه الموضوع
لما يجربون سيعرفون​

س6- هل تتصل بأهل في هذا الشهر وماذا تمثل لك مدينة عنابة وخاصة في رمضان ؟؟؟
خالتي اتصل بها كل وقت دائما معي تقف معي نبغيها بزاف ربي يخليها تاج الراس وحنونتي فاتي
توجد ام صديقي هي من دزاير تسكن باتنة هاته اعتبرها مثل امي نبغيها بزاف بزاف بزاف نتصل بها هي تانا
توجد تانا اتصل به دائما ماوش برك في رمضان
توجد عمي هاته بصراحة اعترف لك ياغالي انه ماوش يهمني وماوش احبه ابد ابد ومند تقريب 7شهر اصبحت لي معه علاقة عمل لااكتر لااقل وكل تواصلنا تخص العمل وحده لااكتر لااقل
اما مادا تمثل لي عنابة في رمضان
صدقني ياغالي ادا قلتليك ماوش اجد كلامات تصف مادا تعني عنابة نسبة لي
لانه مهما اقولها ماوش استطع اصفها
اكتفي اقول لك عنابة حبيبتي عنابة روحي ودمي عنابة هي = انا
راو روعة
علبالك خويا كمال بلادنا كلها شابة وعنابة هي نصف جمال دزاير
​

س7- ممكن تحكيلنا حكاية يا حسني ولو قصيرة ومعها نكة تضحنا شوي ؟؟؟
توجد ولد سال بنت قالليها شاوالا اسمك
قالتليه اسماء
شاف معاها وقالليها يعني مكاش اسم محدد ؟
هههههههههه​

س8- بما أنك كنت مريض وفي المستشفى كيف قضيت كل هذه الايام وهل فكرت في اصدقائك وخاصة في اللمة
انا ادكر انها لما كنت في مستشفى اتتني خالتي قالتليا انه اصدقائك يرسلون تحياتهم لك ويتمنون لك شفاء صدقني ياغالي تلك لحضة التي قالت لي هاته كلامات قلت نفسي ليته اخرج من مستشفى واكون اقابل احلى اروع بشر
راو فكرت في لمة واصدقائي توحشتكم بزاف والله​

وهنا أنهي اسئلتي ​

وشكرا على قبول الدعوة يا حسني الطيب ​

وربي يشفيك ​

وأنتضر أسئلة الاخوة يوسف والاخ محمد ​

بالتوفيق أخ حسني​

نحيات الثلاثي الخطير ​

ربي يخليك ياغالي ياكمال ونشالله نكون عرفت جواب يعجبونك
انتضار اسالتكم
احترامي:re_gards:​

 

[المسلم حسني الجزائري]

السلام عليكم ورحمة الله


​

وعليكم سلام رحمة بركات الله
صح فطورك خيي ​

 

[المسلم حسني الجزائري]

بسم الله اول الأسئله :
بسم الله
تفضل حبيبي يوسف
هناك عادات و تقاليد تطبق في هذا الشهر
واه ياغالي معك حق والله
1- كي تنوض حسوووونه صبااح في رمضاان كي يحس روحه ههه؟
سؤال جميلة منك حبيبي يوسف
انا ادا نهض في باكر نحس روحي نورمال وتمر عني يوم جميلة
اما ادا تاخر في نهوض راو تمر عني يوم متعب ماوش تعجبني ابد
هكا يعني
2-هل انت مدمنه على القهوه ..و كي يصرالك في رمضان بدونها؟؟؟
هي من قبل كنت شويا مدمن على قهوة ورمضان التي مضى اخطات وفطرت سببها هي ههههههههههه
الله يسامحنا يارب
دروك نورمال ماوش مدمن على قهوة حمد لله
3-ما هي عادت العائله الجزائريه في شهر رمضاان في دياار الغربه؟؟؟؟؟
عادات انهم ديكور كلها تغير وديكور التي كان يضعونه كله يتغير
توجد بعض تجدهم يقدمون كتابنا المقدسة قرءان يقدمونها الى اخرون
يقضيو حاجات رمضان توجد بعض جزائرين لما يرجعو من دزاير يكونون يبيعون شويا حاجات تخص رمضان يكون الجزائرين يشترونها منهم
تجد عائلات تقريبا كلهم مع بعض وبعض مر تكون فطور مع بعض
يعني انت تكون تكلف بشي حاجة والاخر تانا وهكا نعمل فطور مع بعض كل جزائرين
وهاته حتى تكون تحس انك في بلادك وتكون شباب مغتربون لما ينتهي فطور كل منا يقدم هدية لام جزائرية لتكون دكرى تربطنا مع بعض
هكا يعني

4-أفضل طبخه يحب حسوونه دايما يوووفها فوق مائدة الأفطاار ؟؟
ممممممم انا نبغي شخوشخة نبغيها بزاف مي رمضان متقدش تاكلها
لهادا طبقي مفضلة هي بوراك تعجبني
6-واش هو برنامجك ورااء الفطووور ؟؟؟
اقولها لك نورمال حبيبي راو رايت وحد عملها اعجبتني وقلت اطبقها هاته رمضان
ياك لما تشرب شويا حليب ياك تصلي مغرب بعدها تكون تجلس فطور
لما تكمل فطور ايا نعمل صلاة تعرف العصر ياك ياك هو بها 4 ركع ياك ياغالي
انا هاته صلاة التي قلتليك عنها تكون بها 2 برك نصلي انا وصديقي ونشكر الله انه استطعنا صوم ونشكره على نعمة اسلام
هاته صلاة راو نقصد بها شكرا لك ياالله نحن نحبك:re_gards:
بعد نكملها لازم شويا نضافة نحمل صحون نغسلهم بعدها نخرج شويا بعدها تصل وقت صلاة عشاء نرجع دار نصليها مع بعض او يصلي معنا جارتي وزوجها راو هو التي كان يعلمنا صلاة ربي يخليه
تكمل صلاة نخرج شويا تجول نلتقي مع اصدقاء بعدها نرجع الى دار نقرا قراءن وناااام
هكا يعني ياغالي
8-واش تحب تتفرج في رمضاان؟؟؟
والله ياغالي تلفاز ماوش اشاهدها بزاف مي توجد قنات رياضة او اخبار او علمية هاته كل فرصة اشاهدهم
مي كل تكون ماتش ملاكمة راو لازم تفرج

9--يتسحر حسووونه و لا يغلبه الرقااد هههه؟؟؟؟
انا منقدش اكل في ليل مي اشرب ماء بعدها نوووم ههههههههههههه
10- كيفاه يصرالك النهار الأول تاع رمضان ..كيما أنا راسي يولي ثقيل بزاااااااااااااااااف هههه؟؟؟
ههههههههههههه لو تراني والله تضحك ياغالي ههههههههههههه
راو اكون اكاد خطا لو ماوش ينبهني صديقي نفطر هههههههههههههه
نهار الاول شويا صعب مي برك في صباح ههههههههههه
بزاااف عليك على الصبااح ههه
تحياتي
سلام​

يعيشك يوسف خويا ربي يحفضك يارب
صح فطورك ياغالي رمضان مبروكة ياغالي
اعجبوني اسالة جميلون
نشالله تكون عرفت جواب يعجبونك
سلام عليكم
احترامي​

 

[M3TaZ eLLMa]

نشكر الأخ الكريم والغالي على قلوبنا حسني و تجاوبه مع الأسئله الخفيفه
وكانت الاجوبة رائعة كروعتك أخي الطيب
نتمنى تكون استمتعت معنا


وربي يوفقك ويشفيك وترجع زي زمان وأكثر
نحن كامن هدفنا نوضع أسئله خفيفه باه ما نمارسوش ضغط على ضيوفنا الكراام
و باه تكون متعلقه فقط بشهر رمضاان و كيفية التعامل معه
.
.
.
.ضيفتنا التاليه هي ضيفه مرحه جدا
اسمها مميز جداا
كانت غايبة علينا

وكانت أول معزومين للموضوع ما كتبش المكتوب تكون هي الاولى

يلا
نروحوا معها
هي العضوه

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
., ‏═♥ايمانوا ♥═​

 

[يوسےفے]

يعيشك يوسف خويا ربي يحفضك يارب
صح فطورك ياغالي رمضان مبروكة ياغالي
اعجبوني اسالة جميلون
نشالله تكون عرفت جواب يعجبونك
سلام عليكم
احترامي​

شكرااا ليك حسني على الأجابات الرائعه
سعدت بأستضافتك معنا هنا
ان شاااء الله صحه و عافيه حسووونه
سلامي و أحترامي​

 

[يوسےفے]

بسم الله اول الأسئله :
هناك عادات و تقاليد تطبق في هذا الشهر
1- كي تنوض أيمان صبااح في رمضاان كي تحس روجها ههه؟
2-هل انت مدمنه على القهوه ..و كي يصرالك في رمضان بدونها؟؟؟
3-ككل العائلات و في هذا الشهر الفضيل ماهي عادات عائله راجيه؟؟؟
4- اول مهمه منزليه تقوم بيها أيمان ؟؟
5-أفضل طبخه تحب أيمان تطيبها ؟؟
6- هل أيمان عصبيه بزاااف في رمضان ؟؟؟
7-هل تترددي على ركن الطبخ بكثره ؟؟؟؟؟؟
8-واش هو برنامجك ورااء الفطووور ؟؟؟
9-تتسحر أيمان و لا يغلبها الرقااد هههه
ياااااااااااي بزااااف
دك يجي القناص يزيدلك شويه أسئله
تحياتي
سلام​

 

[إيمان قلب]

السلام عليكم
اولا نشكر الإخوة الإعزاء كمال , يوسف , ومحمد على الموضوع الرائع
​

بسم الله اول الأسئله :
على بركة الله
هناك عادات و تقاليد تطبق في هذا الشهر
1- كي تنوض أيمان صبااح في رمضاان كي تحس روجها ههه؟
مانكذبش عليك مع الصباح مانضويش ويكون غالبني رمضان تاع الصح ويلزملي انوض نقضي شوية ونرجع نرقد باش نسطالي
2-هل انت مدمنه على القهوه ..و كي يصرالك في رمضان بدونها؟؟؟
لا مالقري نشربها بزاف بالصح في رمضان مانشربهاش قاع شهر كامل نتفركت مع القهوة
3-ككل العائلات و في هذا الشهر الفضيل ماهي عادات عائله ايمان؟؟؟
كيما كامل العائلات فالفطور الحريرة والبوراك والطاجين كل يوم يتنوع السلايط والحلو اللي انا نموت عليه مايخطيش الطابلة كاينة حاجة اخرى اللي هي كل ثلاثة ايام ننظمو حلقات ذكر مع مجموعة أخوات ويكون فيها درس ديني
4- اول مهمه منزليه تقوم بيها أيمان ؟؟
الميناج تاع الدار
5-أفضل طبخه تحب أيمان تطيبها ؟؟
الحلو ههههههه
6- هل أيمان عصبيه بزاااف في رمضان ؟؟؟
هههه لالا الحمد لله مانيش عصبية لا في رمضان وفالفطر
7-هل تترددي على ركن الطبخ بكثره ؟؟؟؟؟؟
قليــلا
8-واش هو برنامجك ورااء الفطووور ؟؟؟
التراويح وقراءة القرآن مرات نخرجو للفاميليا وكيما قلتلك كل ثلاثة ايام عندنا حلقة ذكر
9-تتسحر أيمان و لا يغلبها الرقااد هههه
هههههه مانكذبش عليك نتسحر قبل مانرقد لخاطر اذا رقدت مستحيل انوض ناكل
ياااااااااااي بزااااف
واش تواصينا على ياي ؟؟؟ هههه
دك يجي القناص يزيدلك شويه أسئله
راني نقارعلو
كمالو مابانش ان شاء الله لباس عليه هههه
تحياتي
اغلى تحية
سلام
أحر سلام
​

شكرا اخي يوسف على اسئلتك اللطيفة
ربي يبارك فيك ويفرج عليك
​

 

[يوسےفے]

السلام عليكم
اولا نشكر الإخوة الإعزاء كمال , يوسف , ومحمد على الموضوع الرائع


شكرا اخي يوسف على اسئلتك اللطيفة
ربي يبارك فيك ويفرج عليك
​

شكرااا إيمان على الأجابه الراائعه
الله يخليك و يهنيك
و تهلايلي ف البورااك
و راكي ما شااء الله
صح فطووورك
سلامي الحاار​

 

[M3TaZ eLLMa]

هلا ايمانوا اعتذر نات تقطع عليا بعد الرسالة الثانية

الله غالب

يلا ما عليش بعرف أنك انتضرتي اسئلتي طولت عليك


يلا

راهي اسئلة خفيفة ظريفة كما قتلك يا طيبة




بدأ على باركة الله




س-1 ايمانوا ما هو شعورك الاول عندما كنا نخطط لهذا الموضوع وعملنا ضج كبيرة عليه بكل صراحة ؟؟؟


س2-ايمانوا الطيبة ممكن تعطيلنة حياتك اليومية في رمضان وسهراتكم وكيف لم شمل العائلة

عشان نتعرف على عادتكم يا طيب


س3- بنضرك كيف نكون نحن مع هذا الشهر وكيف نتاعمل معه ؟؟؟


س4- منتدى اللمة احكلنا عليه في سطور بكل أمانة


س5 - البيت بيتك ماذا كان لك بكل أمانة بأسلوب أخر راجية بعرف أنك فهمان عليا ؟؟


س6- من هي راجية وماذا تمثل لك وأنتم اعز نااس وخاصة في رمضان ؟؟؟

س7- ممكن تحكيلنا حكاية يا ايمانوا ولو قصيرة ومعها نكة تضحنا شوي ؟؟؟

س8 - كم مرة ختمتي القرآن في رمضان يا ايمانوا ؟؟؟

س- 9 عندما تصلي ايمان وختصة التراويح ما هي الادعية التي حبيد الدعاء بها ؟؟؟

س10- ايمانوا ختام الحلقة معك الليلة ماذا تقلين للأهلك للأصدقائك سواء في اللمة أو في اي مكان على سيدنا رمضان



وأشكرك أختي الطيبة على تلبية الدعوة لنا

وفي إنتضار اجوبتك التي أتمنى تكون رائعة كروعتك ياطيبة
​

 

[إيمان قلب]

هلا ايمانوا اعتذر نات تقطع عليا بعد الرسالة الثانية
هلا بيك خيي , معليهش النت هاذ الأيام راهي تعيي

الله غالب

يلا ما عليش بعرف أنك انتضرتي اسئلتي طولت عليك
لاعليك

يلا

راهي اسئلة خفيفة ظريفة كما قتلك يا طيبة




بدأ على باركة الله

بسم الله


س-1 ايمانوا ما هو شعورك الاول عندما كنا نخطط لهذا الموضوع وعملنا ضج كبيرة عليه بكل صراحة ؟؟؟
صراحة كنت متشوقة ليه لخاطر علبالي افكاركم شابة وفي الوقت نفسه متخوفة من التشرشيم ورمضان والسخانة

س2-ايمانوا الطيبة ممكن تعطيلنة حياتك اليومية في رمضان وسهراتكم وكيف لم شمل العائلة

عشان نتعرف على عادتكم يا طيبة

بداية بصلاة الفجر وقراءة القرآن ومبعد نرقد نعاود انوض الصباح على الثمنية نديرو ميناج للدار نرجع نرقد هههه انوض مع صلاة الظهر ولا قبلها نصلي وكي العادة بعد كل صلاة نقرا قرآن ومبعد نكوناكتي حتى لل 3 ونص انوضو نوجدو لفطور كي يلحق الفطور نسجيو الطابلة نفطرو قاع ملمومين ثمانية افراد ومبعد صلاة التراويح فالدار جماعة ومبعد اذا كانت قصرة فالدار زلابية ولا قريوشة ولا قلب اللوز وقهوة عن نفسي مانشربهاش نبغي لتاي والا نخرجو للفاميليا
س3- بنضرك كيف نكون نحن مع هذا الشهر وكيف نتاعمل معه ؟؟؟
لازم مانصوموش غي على الماكلة والشراب ونغتنموه لأنه فرصة لكل مخلوق

س4- منتدى اللمة احكلنا عليه في سطور بكل أمانة
بكل اختصار بيتي الثاني فيه اخوتي اللي يحبوني واللي يفتقدوني تقدر لقيت فيه ناس ماقدرتش نلقاهم فالأرض الواقع

س5 - البيت بيتك ماذا كان لك بكل أمانة بأسلوب أخر راجية بعرف أنك فهمان عليا ؟؟

ههههه ياعيني على البيت بيتي راك قلتها البيت بيتك يعني هو بيتي باختصار
س6- من هي راجية وماذا تمثل لك وأنتم اعز نااس وخاصة في رمضان ؟؟؟
باختصار اخت لم تلدها امي ومالقيتهاش فالواقع أطيب صحبة رزقني اياها الله , نعزها فوق ماتتصور
س7- ممكن تحكيلنا حكاية يا ايمانوا ولو قصيرة ومعها نكة تضحنا شوي ؟؟؟
هههه والله مانعرفش نحكي نكت بالصح رايحة نجرب
حكاية صراتلي البارح كي كنا ملمومين على الطابلة كنت باغية نقول للوالد يدينا بعد الفطور نخرجو نحوسو قلتلو ابي ادينا بعد الفطور للمغرب ...
نكته حكاهالي خويا الصغير
قالك هذو زوج مزطولين خرجو وكان البرق واحد قال لصحابي اعدل اعدل روحك قالو علاش قالو تاع المريخ راهم يصورو فينا
س8 - كم مرة ختمتي القرآن في رمضان يا ايمانوا ؟؟؟
عندي ثلاث ختمات في كل رمضان
س- 9 عندما تصلي ايمان وختصة التراويح ما هي الادعية التي حبيد الدعاء بها ؟؟؟
ربي يثبتني ولا يزغ قلبي
س10- ايمانوا ختام الحلقة معك الليلة ماذا تقلين للأهلك للأصدقائك سواء في اللمة أو في اي مكان على سيدنا رمضان

رمضان كريم وتصموه بالصحة والهنا وربي يشافي كل مريض ويرجع كل غريب لبلاده

وأشكرك أختي الطيبة على تلبية الدعوة لنا
العفو, الشكر كله لكم ياثلاثي
وفي إنتضار اجوبتك التي أتمنى تكون رائعة كروعتك ياطيبة
اتمنى أن أكون عند حسن الظن وأكون قد وفقت في الإجابة
​

ربي يوفقك أخي كمال والله يرزقك كل خير
أسئلتك كانت ظريفة وخفيفة
صح رمضانكم وصح فطورركم
​

 

[BARCA232]

السلام عليكم ورحمة الله تعالى وبركاته
تحية للضيـــــــــوف
الذين يشرفونا بهاته الزيارات الخفيفة
وان شاء الله رانا عند حسن ظنكم
يوسف كمال
النت راه تقطر برك
أمالا البركة فيكم
وأهلا بالضيف القادم
آسف أيمان على الرد المتأخر كنت نتمنى نكون حـــــــــــــــاضر
باه نشرشمك
​