كي شفتها هكذاك بديت نحكي مع روحي ...

[ماكانش]

السلام عليكم ورحمة الله وبركاته
واش راكم خاوتي لاباس بخير الحمد لله
أيا ليامات هذي درت فيها تحويسة خفيفة، وصراولي وشفت بزاف امور فيها ، أيا قلت نديرهم مواضيع هنا بصح نرتبهم في راسي برك ...
أيا هذيك المرة نتمشى في الليل نتبرد أيا فت على واحد السهرية مدايرينها على الهواء الطلق زعما، أيا وقفت شوي مع الفوقارا ورا الشباك نشوف واش كاين ، أيا شفت الشطيح وشفت وحدة صغيورة مع باباها ويماها تشطح مدايرة حالة ...
والغاشي كامل يتفرج فيها ووو راكم عارفين
أيا تحركت وبديت نحكي مع روحي وراسي وقلت أيا هذي ذرك الواحد يروح يخطبها زعما يبداو والديها وشكون نتوما وواش من فامي وواش تخدم ويتأففو ويتكسلو ويبداو يشرطو وبنتنا وبنتنا ووو ولازم دارها وحدها ، ونمدوها ب15 مليوم ويطولو مايرجعوش لخبر وووو، وهيا راهي تشطح والناس كامل تتفرج وتقيس ووو ...
كي يكونو بناتكم ملاح ومستورات وويزات ووو ... أشرطو على رواحكم ...

ملاحظة:
الموضوع كتبتو على عجل لأني هذا وين دخلت للدار من السفر
ثانيا:
ماتقولوليش مازلت تحكي على الزواج لأني عندي بزاف ماحكيتش عليه هههههههه
ثالثا:
توحشتكم كامل :shay: ......
​

 

[مابقاش بزاف.Dz]

و عليكمـ السلام اهلا بيك ماكانش راكـ وليت ماكانش تاع الصحـــ هههههه
صحا ليكـ التحواسـ الناس بداوها مقبل و انتـ خليتـ مع رمضان ههه
هههه باين فيكـ تنشنش بزافـ
عندك حق ياك عندهم ولادهم و سورتو البنات ما يوصلوش عام و لا عامين يعلموهم فالشطيح و الرديح و بئس التربية تلكـ صافي يولوا يفهموا حتى هوما اللبسة تاع لكار و المشيط و غيرو
@+لازم الي تروح لوالديها يديرولك رينيون كبير ماشاء الله مع انو نشوفوا فالزواج تاع دركا فالزهر ولاوا يشخرطوا فيه مالgري الطفلة ما تستاهلش كيما قلت اموا تكون مستورة و قارية بيان المهم
حكاياتك معظمهم على الزواج دونك ربي يبعتلك بنت حلال ههه
موضوع زينون يعطيك الصحة
و صحا رمضانك
سلامو

 

[DARINE05]

ايييييييي شتهم ا جاري لعزيز كي يجو لتيمقاد اعععععععععع انا جامي روحتلو واش نكره العفايس هذو كي ينعتوهم في التيفي تلقاها تشطح وباباها يسفق يخي حالة يخي ربي يهديهم بخصو بينا مرسييييييييييييييييييييييي

 

[hiba14]

شت كيفاش بصح اسمحلي ومع كل احتراماتي ههههههههههه
بصح انتوما تروح غي لهادوك و يشرطو و تقبلو هادا اللي رانا نشوفو فيه اما بنات الفاميلا ما تروحولهمش و نهار اللي يشرطو تعايروهم
صحا فطورك و زيد ما نيش عليكم قاع بصح الاغلبية الكبيرة

 

[ماكانش]

والله غير تعجبت الموضوع لم يقبل منذ 3 أيام الا اليوم ؟؟؟

 

[Orodent]

سلام
حبيت نسقسيك خويا سفيان وينا بلاصة كنت فيها
لعبد يروح يديفولي شوي
ههههههه


ما عنداك خويا وين نديفولي في بلاصة هكا
قول يزيدو عليا ناس هكا
شفت عينات كيما هكا في دواودة
مام هوما يديرو سهريات ميكست
واش نقولك لحالة ما تعجبش خلاص
خاصة كي يعودو لوالدين شايفين وساكتين
يعني عاجبهم لحال
وما تخمم ماوالو كاين اشباه رجال لي يدو بنات هكا
الله يهدي برك الناس العوجة
يعطيك الصحة على الموضوع لمليح
صيام مقبول وافطار شهي ​

 

[ماكانش]

و عليكمـ السلام اهلا بيك ماكانش راكـ وليت ماكانش تاع الصحـــ هههههه
صحا ليكـ التحواسـ الناس بداوها مقبل و انتـ خليتـ مع رمضان ههه
هههه باين فيكـ تنشنش بزافـ
عندك حق ياك عندهم ولادهم و سورتو البنات ما يوصلوش عام و لا عامين يعلموهم فالشطيح و الرديح و بئس التربية تلكـ صافي يولوا يفهموا حتى هوما اللبسة تاع لكار و المشيط و غيرو
@+لازم الي تروح لوالديها يديرولك رينيون كبير ماشاء الله مع انو نشوفوا فالزواج تاع دركا فالزهر ولاوا يشخرطوا فيه مالgري الطفلة ما تستاهلش كيما قلت اموا تكون مستورة و قارية بيان المهم
حكاياتك معظمهم على الزواج دونك ربي يبعتلك بنت حلال ههه
موضوع زينون يعطيك الصحة
و صحا رمضانك
سلامو

أهلا بيك مابقاش بزاف
قتلك اسمك يعجبني ههههههههه
او مابقاش بزاف ونتهناو
والله الموضوع درتو قبل رمضان ولكن اليوم برك قبلوهولي ومافهمتش علاه ؟؟؟
المهم كيما قلتي الناس كامل تحكي معاها وتقصر وتقيس وكي يوصلو عندك يشعلو فيك النار هههههه
كون غير جات تستاهل الواحد ينحي عينيهم ويعطيهملها ...
ربي يحفظنا ويجيب الخير
يعطيك الصحة ​

 

[أم راضية ~_]

سلام
بصحتك التحويسة :sheer: نتا لازم نزوجوك و نتهناو ههه
إيييه كي ولاو الوالدين يعرضو السلعة للناس :schmoll:،لازم يتشرطو و يشرطو
الله يهديهم برك

ونتا ربي يرزقك ببنت كيما يحبها خاطرك ،(تعرف طيب كلشي حتى البغرير)

 

[NICHA03]

اهلا اهلا اهلا
واشي الغيبة هاذي كنت حندير عليك في كل شيئ ممكن
ا مزيا لي بنت
ههههههههههههههههههههههه
والله غير تحير تشطح و تردح للغاشي براااااااااا
والنهار لي تقعدلواا فالدار و يعود يطلبواا فيهاا الغالي تقول عندوا الماسة جامي شافوهاااا
بصح كي تكون وحدة مستورة مربية ياااو مليار ماشي خسارة فيهاااااااااااااااااااااااا
مرسي على الموضوع توحشناك ​

 

[ماكانش]

ايييييييي شتهم ا جاري لعزيز كي يجو لتيمقاد اعععععععععع انا جامي روحتلو واش نكره العفايس هذو كي ينعتوهم في التيفي تلقاها تشطح وباباها يسفق يخي حالة يخي ربي يهديهم بخصو بينا مرسييييييييييييييييييييييي

أهلا بيك دادو
شفتي كيفاش
اف واش نكره الرجل كي يكون ديوث اكرمك الله
يحكمو بناتهم عندهم ...​

 

[حفيد هواري بومدين]

يضهرلي لازم نشوفلك وحدة من جيهتنا تربية وعقالة زين ولاطاي
ونهنيوك من مواضيع الزواج اسفيان

 

[ماكانش]

يضهرلي لازم نشوفلك وحدة من جيهتنا تربية وعقالة زين ولاطاي
ونهنيوك من مواضيع الزواج اسفيان

أهلا بيك حبيبي عبدو
عاود عاود زين ولاطاي والتربية مممم
غير أزرب شوف لخوك راح نموت هههههه

 

[♥بنت عنابة♥]

نعل بو الرجولية لي عندو باباها هادا لي يخلي بنتو تشطح ويزيد يسفقلها
عيب كبير كيما قلت لكان جاو خطبوها برك اي مليحة تبانلي
راهي كاشي الناس كل تعرفها لي تشطح كيما هكا تلقاها مدايرة حوايج اكثر
ما اكثرهم عندنا هنا في عنابة
المهم ربي يسترنا
وبرك
بارك الله فيك على هادا الموضوع ​

 

[zahya]

واش راك سفيان على سلامتك وبصحتك تحويسة ...... الشطيح والرديح .....راهم شرط من شروط الزواج في الوقت الحالي
...... والبنت مسكينة كانت تخرج مواهبها ....... برعاية ابوها وامها ......واحد معرفتنا ....لما راح يخطب شرط انو البنت هديك تكون تعرف تشطح وتردح..... عجائب الدنيا عجائب...... عندنا مدرسة وطنية لتعلم الشطيح والرديح ... راني حابة نسجل فيها ههههه ههههه ههههه .....كاش مايجيني نصيب .....هههه هههه هههه ... وزيرتنا كثرت من المهرجنات للغنى ونسات مدارس الرقص البلدي

 

[Melia azedarach]

عندو باباها حاجة مليحة انها ترقص قدام الشعب
يخي عقليــة ..
والله غير تحير وكي يجي واحد يخطب يقول بنتي درة مصونة مكنونة ..نشرط ...[وتبدا القائمة الي متحبس كومبلي] ..

يك ربي بنتك واهدر وتشرط ..
اصلا منظنش انو واحد يجي يخطبها بعد التبهديلة ديالها نتاع الرقص قدام الناس الا يلي مخلوق ميعرفهاش ..


!!!
مارسي على الطرح والله غير عندك حق

 

[fifi-la-brunette]

شت كيفاش بصح اسمحلي ومع كل احتراماتي ههههههههههه
بصح انتوما تروح غي لهادوك و يشرطو و تقبلو هادا اللي رانا نشوفو فيه اما بنات الفاميلا ما تروحولهمش و نهار اللي يشرطو تعايروهم
صحا فطورك و زيد ما نيش عليكم قاع بصح الاغلبية الكبيرة

اسمحولي انا رايي من رايhiba14 هاذو هوما اللي يتزوجو وبنات الفاميليا تلقاهم قاعدين في ديار والديهم وين تلقاها كيما هكا تلقاها حكمت دارها واللي داها كادر ربي يهدي ما خلق

 

[dendor]

ايه هاديك التربية لي مكانش
وثاني الرجلة مكانش كيفاش راجل يشوف بنتو تشطح قدام الناس
وعاجبو الحال كون زاد زغرد ليها كانت كملت
وثاني الطفلة ماهيش حاشمة بويسك لقات الدلال ولي يديها يبانلي ماهو راجل خلاص
وخسارة فيه كلمة رجولية
مي الدنيا هادي ولات ماشية بالعكس تلقى هاديك تتزوج وبنات فاميليا لي متربيين قاعدين لدرك
حبيت نسألك برك لبستها مستورة على الأقل ولا......
كون هكاك كملت

 

[ZAKI ZIANI]

sah 3andek lha9 kho

 

[هدى]

ايييييييه يا ماكانش انت واشمن يمدوه ب 15 مليون
عدنا في قالمة الرخيسة خلاص ب20 مليون وطلع
غير ابدا اخدم على عمرك
​

 

[zaho1994]

السلام عليكم خويا
الحمد لله على سلامتك وصح التحويسة دبرتهااااااااااااا هههههه
واش راح نقلك انا والله نعف بنات نوع هدا وبلايص كيما هادو والله ربي يهديهم
قولو امييييين
صح فطورك خويا
تقبل مروري ​