مطبخك في رمضــــــآن سيدتي

[ايمان التلمسانية]

السلام عليكم يا غآآليات واش راكم مع رمضان ؟
هادا فطورنا نتاع البارح
هادي سلاطة روز

هادي لحريرة

هادو ليسكالوب(escalopes)

هادي لوبيا

وهادي الطابلة كاملة

في امان الله
وتفطرو بالصحة
​

 

[المتفائلة_91]

رطل فرينة
ملعقة ونص اكل خميرة خبز
م ص ملح
م ك سكر
ربع كاس زيت
3 م ك لحظة
فنجان ماء الزهر
بيضة
م ص محسن // اول مرة نجربو وفعلا يعطي نتيجة هايلة
نبسسو مليح ومن بعد نعجنو بالماء الدافي وترخفيه مليح باضافة الماء تديرجيا بالتناوب مع ما الزهر
في الاخير حطيت 2 م ك زبدة غير ذائبة //باردة وعاودت عجنتو
تخليه يختمر مرتين
تدهني المول بالزيت وتخليه يختمر للمرة الثالثة
تدهنيه بالبيض والحليب ورشة سكر وتدخليه الى فرن مسخن مسبقا 200 درجة مئوية
بعد ما يطيب وهو سخون تحطيه فوق شباك ولا غربال باش ماتفسدوش الرطوبة
جاا هايل وبنتو كي البريوش وكيما قتلك المحسن يحافظ على الانتفاخ تاعو يعني بعد ما يخمر مايهبطش
ان شاء الله تجربيه ويعجبك

يعطيك الصحة ندى جاك رووعة ربي يبارك

بصح سؤال : كيفاش نخليه يتخمر مرة ومرتين ثم للمرة الثالثة ، مديلي الطريقة تعيشي ؟

 

[المتفائلة_91]

مساء الخير عليكم واش راكم بديتو طياب انا رانى هدا وين نضت متفكرونيش فيه رانى خلاص مزال منصفناش رمضان وخلاصت ايمان ضياف كل يوم عندى ولازم كل يوم جديد
هدا فطورى تاع لبارح

شوربة فريك من لعيا مدرتلهاش معدنوس من فوق

لوبية ماشتو سوتى بلجاج

بوراك بكروفات وشمبنيون وسلق

لحم لحلو

سلاطة

حميس

درت قلب لوز صراحة جانى هايل اول مرة

وهادى طابلة تاع لبارح

طيابك هايل يا حرة الحراير ،،
عجبني كل شي ،
سيرتو قلب اللوز
كيفاش درتيه ؟

 

[{مُدَلَّلَتُهُ}]

amouna ftorkoum ychahi lah ybarek Merci bcp

 

[tasnim55]

صباح النور عليكم لبنات واش صبحتو ربي يعاون العارضين ضياف اليوم
هذا قلب اللوز بقلم صاحبته ياسمين177 يجي هايل ربي يبارك
قلب اللوز
اولا يوم من قبل تحضري الشربات:1لتر ماء+500غ سكر وتحطيه على النار يغلي لمدة 20د في نهاية الغاليان ديريلو ربع لتر ماء زهر وخليه جانيا.
1كلغ سميد متوسط+500غ سكر+رشة ملح+فاني+150غ زبدة ذايبة خلطي مليح مبعد رشي السميد بخليط ربع لتر ماء وماء زهر مخلطين وخلطيه كشغل الكسكس وغطيه وخليه يبات.
غدوة من ذاك اقسمي الخليط الى 2 نصف ديريه في صينية مدهونة ثم ديري فوقه كمية من الكوكاو او اللوز المرحي ثم غطيه بالسميد ثم قطعيه مربعات وكل مربع ديري فيه حبة لوز وديريه في فرن ساخن 200درجة وخليه حتى يحمار مليح خرجيه وسقيه بالشربات وعاودي حطيه في فرن ساخن بصح مطفئ لبضع دقائق وخليه يبرد مليح وقطعيه.
تحبي ديري السميد طول طبقة وحدة بلا حشوة.

الف شكر حبيبتي فوفة وصح فطورك:re_gards:

 

[tasnim55]

صباح الخير عليكم لبنات
بصحت فطوركم تاع امس اله يبارك موايد يشهوا الله يعطيكم الصحة و ربي يدومها نعمة على الجميع
انا حتى اليوم جبتلكم تشوفوا فطوري البارح مقدرتش نحطه خرجت مع امي
المهم
هدي سلاطو اورداف

هدوا لي شوصوا

هدا كتليط كنت رايحة نقليه منبعد بدلت راي و درته فالفور زدت معاه الفريت

و هدي الطابلة تاع الفطور

و هدي سلاد دو فروي

مشاء الله اختي ام كوثر والحريرة جات هايلة حبيبتي الوصفة بلييييييييز (بالتفصيل الممل) تعيشي

 

[tasnim55]

مساء الخير عليكم واش راكم بديتو طياب انا رانى هدا وين نضت متفكرونيش فيه رانى خلاص مزال منصفناش رمضان وخلاصت ايمان ضياف كل يوم عندى ولازم كل يوم جديد
هدا فطورى تاع لبارح

شوربة فريك من لعيا مدرتلهاش معدنوس من فوق

لوبية ماشتو سوتى بلجاج

بوراك بكروفات وشمبنيون وسلق

لحم لحلو

سلاطة

حميس

درت قلب لوز صراحة جانى هايل اول مرة

وهادى طابلة تاع لبارح

ايمان طابلة رائعة يعطيك الصحة وقلب اللوز هاااااااااااايلة بصحتكم

 

[mizora]

صحة رمضانكم
اعطوني رابط تحضير الزلابية تعيشو

 

[روز]

صحة رمضانكم
اعطوني رابط تحضير الزلابية تعيشو

تفضلي

https://www.4algeria.com/forum/t/282307

 

[tasnim55]

بصحتك فوفة الفطور يعطيك الصحة ووصفة قلب اللوز ماتنسايهاش يعيشك حنونة حبيت نجربو
وكما قالت تسنيم الشرح بالتفصيل الممل ههه تعجبني كي تقولها انا تاني هكذا نحب الشرح المفصل الممل
ومرسي على الجاري اممممم لونو يفتح النفس وبصحتك تارت الجبن خدمتيها هايلة و مليح لي عجباتك

روز وشراكي يالغالية ويعطيك الصحة على الاطباق انتاعك يشهو الله يبارك باش توجدي روحك معيا رايح يكون طلابي بالتفصيل الممل هههههههه باش هكذا منكثرش الاسئلة ونفهمها جيدا وصح فطورك :sheer:

 

[tasnim55]

ميزورة توحشناك وينك صح رمضانك عزيزتي والله غير خليتي بلاصتك
​

 

[tasnim55]

السلام عليكم يا غآآليات واش راكم مع رمضان ؟
هادا فطورنا نتاع البارح
هادي سلاطة روز

هادي لحريرة

هادو ليسكالوب(escalopes)

هادي لوبيا

وهادي الطابلة كاملة

في امان الله
وتفطرو بالصحة
​

مشاء الله طابلة تشهي بصحتكم

 

[imane27]

يامتفائلة قلب لوز هكدا
500غ دقيق مويان
250 غ سكر
125غ زبدة دايبة
65ملل ماء زهر 60 ملل ماء
سيرو
لتر ماء
500غ سكر
كاس شاي ماء زهر
ملعقة عسل
ليلة من قبل خلطى دقيق مع سكر وزبدة ورشيه بنصف ماء او مزهلر من بعد ما تخلطيهماو وخلطيه غير على راش صبعتيك كيما نديرو كسكسي او غطيه ودخليه فرجدار ليلة كاملة
فصباح عاودى فتيه بين صبعتيك وزدلو باقى ماء وماء زهروحطى نص كمية فى سنوة وزيدى عليها لوز ولا كاوكاو وهي كيلة لوز فى ربع كيلة سكر وقرفة وشمخيه بماء زهر وعاودى غطيه بباقى دقيق لبقالك وقطعيه وستفى فوقو حبات لوز ودهنيه ب100غ زبدة من فوق ودهنى سنوة من تحت تانى ودخليه للفور حتى يطيب ويحمار من فوق او مبعد وجدى سيرو متخليه يغلى بزاف غير 10 دقائق او طفى عليه زدلو ماء زهر ومغرفة تاع لعسل وكى تخرجى قلب لوز سقيه بسيرو وطفى لفور وعاودى حطيهداخل لفور وهوا سخون حتى يشرب او متقتعه حتى يفوت عليه 8سعات

 

[ام منصف]

​

انا نقلكم ليلة سعيدة وصحه سحوركم

ام منصف ربي يصبركم ويكون معاكم خاصة كي عاد رمضان وربي يغفر للمخلوقة تعذبت في اخر ايامها
سلميلي على حبايبي منصف وندوشة

​

الله يسلمك فوفة وربي يرزقنا حسن الخاتمة
وسلامك راهو وصل

الله يبارك كامل الي نحبهم راهم هنا الله يدومها محبة
و نقول لم منصف قلبي راهو معاك
و الغايبين ربي يهنيهم

ربي يخليك غاليتي
ورمضان كريم




​

 

[روز]

ام منصف اهلا بيك توحشناك والله ربي معاكم في هذ الاوقات

ام ندى يا ام ندى راني كملت الكفتة وخرجت هايلة

عندك انا برك زدت شوحتها فوق النار مع شوي زيت باش تعطي لون مغاير:showoff:

هاهو شكلها بقالنا أقل من ساعة على الافطار :like_1: راكي تقراي يا ابتسام ههه
و نقطعها و نزيد نحطيلكم الصور
ربي يستر ومن داخل تجي رولي بسكو كان عندي اللحم اكثر من الدجاج رغم اني درت دجاجة كاملة مي الدجاج نتاعهم صغير شوية يسموه.. فرخة

 

[ام منصف]

يتوحشك الخير حبوبتي روز
الكفتة جاتك هايلة بصحتكم وصحى فطورك

من الغدوة ان شاء الله نسحر مع بسومة ونفطر مع روز

راهي عياتني السخانة
​

 

[روز]

يسلمك ام منصف ارواحي برك ونديرك فوق راسي

 

[ام منصف]

ربي يخليك حبيبتي على بالي مولات واجب ومضيافة
عندي طلب للغالية روز ممكن تحطيلنا طرن الجبن موضوع مستقل باش الكل يستفيد وما نظلوش نحوسوا عليه
​

 

[nada242008]

روز يا روز اممممم جاك خير من الاصلي بصحتك مسبقا سمي بسم واقراي المعوذتين لا تحصلك هههه رانا كامل حاسدينك على فطور ال4 ههههه
المتفائلة قدت بلي تخليه تخمر مرتين يعني تخمر ويتضاعف حجمها ومن بعد تنزليها بيدك وتخليها تختمر للمرة 2 ومن بعد تنزليها وتقرصيها في المول وتخليها تخمر للمرة 3 وتدخليها للفرن

 

[روز]

من عيوني ام منصف

ههههه ربي يستر ام ندى رايحة نقرا 10 احزاب ههه
راني خليتها تبرد مليح باش ماتحصلش خصوصا ان السكين لي يقطع الدجاج ضيعتولي جارتي