مطبخك في رمضــــــآن سيدتي

[merieme hassi]

أنا تاني ما نكثرش المواكل لخاطر ما ناكلوش و زيد ماناش عايلة

المهم راني جايبة ليكم البريوش تاع الدار كي غير خرج من الفور​

​

​

قولولي واش رايكم فيه​

يهبل حنونة
تبارك الله عليك
اكيد الوصفة و الطريقة
صح فطورك

 

[روز]

ام دودو شكلو مقرمش وخفيف امممم وش وصفتو

 

[°/°مبدعة اللمة°/°]

سلام لبنات
انا نقلكم صحة فطوركم
ومبعد الصلاة ان شاء الله
واذا مدخلتش ان شاء الله غدوة نتلاقاو
سلام

 

[ibtesem]

بصحتكم ايمان تلمسانية وام دودي هايل البريوش
مليح مع الفجر بالقهوة والحليب قبل السحور واش قلتي روز امممممممممم

 

[روز]

ههههههههه هو مليح في الحقيقة يجي هايل تاع الصح

مي راني نسحر بكاس حليب وتمرة وحدة
الله الله اخطيني يا ابتسام واخطيني من فكايرك لنبطل ريجيمي

 

[ibtesem]

صح فطوركم يالبنات ​

 

[nada242008]

هذا فطوري
جاري فريك كالعادة

شخشوخة الظفر

سلاطة

سلاد دو فروي

فاكهة ومشروبات

وهذي المائدة مانحطش مافيهاش الفاكهة خطراه ناكلوها في السهرة

وهذي سينية التمر والحليب لعيون فوفة ههههه

 

[ibtesem]

اممممممممممممممممم ندود صح فطورك

 

[l'algeroise]

مساء الخير صح فطوركم كامل
أنا فطوري : شربة فريك + جلبانة + سلاطة ليوم راني فحلت وجدت بكري ومانسيت والو :sheer::sheer::sheer::sheer:
​

 

[أم دودو]

صح فطوركم يا بنات
إحنا رانا فطرنا و الحمد لله ربي يدومها نعمةو درك نحطلكم الصور
اللي طلبو طريقة البريوش هاي ليكم الطريقة :
المقادير : رطل و نص فرينة
مغرفة كبيرة و نص خميرة
مغرفة كبيرة و نص حليب غبرة
مغرفة كبيرة و نص سكر
ملح
نص غنجاية زبدة
نص فنجان زيت
ماء دافئ
الطريقة : تخلطي جميع المكونات مع بعض ماعدا الزيت و الماء الدافئ و تجمعي العجينة بالماء الدافئ و تعجيني و ترخفيها و من بعد تفرغي نص فنجان الزيت و تزيدي تعجني حتى تولي ملساء و تقسميها 8 أقسام و تكوريهم و تتركيهم يرتاحو شوي و في هذا الوقت ندهنو السينيات تاع الفور و نرجعو للعجينة : نرش الطاولة بالفرينة و نبسط العجينة بالحلال و نبرم العجينة كيما la buche و نحط في الصينية و نكمل باقي العجينة بنفس الطريقة و نجيب موس حاد جدا أو lam جديد غير مستعمل و ندير 3 شلطات في النص و خلاص نغطوها و نتركوها تتخمر و كي يتضاعف حجمها ندهنوها بصفار بيضة مخلوط بشوي قهوة ثقيلة و نرشوها بالجلجلان و نطيبوه
وان شاء الله تجربوه و يعجبكم
​

 

[ايمان التلمسانية]

صح فطوركم
هادا فطورنا نتاع اليوم
هادي بيتزا

وهادا الجلبان بالدجاج والبيض

وهادي الطابلة

ناقصها الفواكه على خاطر ناكلوها من بعد
سلام والله يدومها نعمة علينا وعليكم
​

 

[كوثر الوهرانية]

صح فطوركم لبنات ان شاء الله نهاركم جاز مليح
راني جبتلكم فطوري تاع اليوم
خبز الفرينة

خبز الفطيرة

سلاطة تاع الروز و المتبل

حميص

معقودة

كلمار فارسي

و هدي الطابلة تاع اليوم

و هدا المحلبي

بصحت فطوركم كامل

 

[كوثر الوهرانية]

روز و ندوشة و ايمان التلمسانية الله يبارك فطوركم مشاء الله الله يعطيكم الصحة
ام دردر خبز رائع الف شكر على الوصفة راكي فحلة نتاع الصح
باقي الاخوات صح فطوركم

 

[l'algeroise]

أم ندى إيمان التلمسانية كوثر الوهرانية أم دودو بصحتكم​

 

[أم دودو]

فطوري طبقت كفتة بطريقة جديدة لأم ندى يعطيها الصح و الله جات تشهي بصح أنا حمرته في الزيت جا تحفة

و زدت معاه بريوش الدار و حلة و سلاطة خضرة و خلاص و ربي يدومها نعمة يا رب
هذي المائدة

​

 

[روعة2005]

صح فطوركم وربي يتقبل منكم

الله اكبر على بنات الجزائر ربي يحفظكم كي العادة فطور مميز لندوشة اممممممم
وبعدو بعدو قالت لعيون فوووووفة

مرسيييييييييييييييي حبيبتي
وام كوثر والجيغواز وايمان وام دودو موايدكم تشهي ان شاء الله دايما عامرين با الخيرات

 

[merieme hassi]

السلام عليكم
صح فطوركم و بصحتكم كامل

 

[أم دودو]

أم ندى إيمان التلمسانية كوثر الوهرانية أم دودو بصحتكم​

الله يسلمك ألجيرواز و صح فطورك إنت تاني

أم ندوش و كوثر و إيمان طوابل تشهي يعطيكم الصح
​

 

[روعة2005]

الله يبارك مريومة مايدتك تشهي والكيش باين هااايل بصحتكم

 

[nada242008]

الله يبارك وماشاء الله كل مائدة تنسي في ختها
بصحتكم جميعالالجيغواز وايمان وكوثر وفوفة وام دودوومريم والكل وبدون استثناء:sheer: