مطبخك في رمضــــــآن سيدتي

[روعة2005]

الله يبارك ايمان مايدتك تشهي وبصحتك بسومة بصح وينا مايدتك ايا البارح السماح بصح اليوم لازم نشوفوها ههههه
البقلاوة جاتك هايلة ام فاروق بارك الله فيكي

 

[nada242008]

تهلاونا في الضيفة:sheer:
ضيفتنا الثانية في كوزينة جزائرية

 

[l'algeroise]

بصحتكم imane فطور يشهي يعطيك الصحة​

 

[روز]

الله يسلمك صار هكذا روز كيعاد طابلتي برك معجباتكش......اهئ اهئ منزيدش نصورها اهاه:sadwalk:
راني غير نضحك معاك بلاك غدوة ندير تارت تاع الجبن تاعك شهاتني

ههههه لالا عفوفة نسيت برك مائدتك كن نقلك طاحت عيني في هذاك الدلاع لونو يفطر مش يشهي والشربة وش نقلك باين من بعيد نتاع حراير ماشاء الله
عاوديها ولا قربي ليها الكمرا اليوم ماتنسايش

عفاف ربي يخليك راني نجي ووريني كفاش يتخدم والله منين نتفكرو ريقي يولي يسيل ههه هذا كل شفتها برك

 

[nada242008]

كنت نحكي مع ام منصف راهي تسلم عليكم واحدة واحدة ووصلتلها سلاماتكم وتعازيكم ..قاتلي بلي ام المتوفيه راهي صابرة والحمد لله ربي يعطيها القوة ويلهمهم الصبر والسلوان..

 

[نبع اليقين]

سلام يابنات واش ركم كامل توحشتكم بزاف بزاف كل واحدة باسمها في لو البارح رجعنا من سفر
رمضانكم كريم وكل عام وانتم بألف خير والصحة وهناء
بصحتكم كامل واش طيبتو البارح كل مايدة أحسن من اختها ان شاء الله نصورلكم مايدتي
البارح طبينا
شربة فريك
والمثوم ( كفتة )
وطاجين الحلو
وبوراك
وسلاطة خيار
وديسار وقازوز طبعا
وخبز

واش نويتو اليوم واش راح طيبو احنا مازالنا ماخممناش

الله يصبرك اختي ام منضف

اختي ام فاروق وفولسة كترو من دعاء في هذا الشهر وربي ينوللكم في بالكم ياب ونفرحو بيكم

 

[روز]

وش عولتو اطيبو اليوم كاش مانكوبي من عندكم

 

[روعة2005]

شكرا على كلامك حبيبتي روز علبالي كثرو عليك الطوابل برك هههههه وربي يخليك خلاص اليوم نليها زوم على جالك
---------
يسلم عليها الخير وربي يلهم ذويها الصبر خاصة اولادها

 

[mina87]

صباحكم بالخير يا حبابي
ان شاء الله راكم بخير
قولولي كاش فطور ولله راني حايرة بديت نخمم من درك
هيا راني نستني ههههههههههههه

 

[زهرة الجنوب9]

صباحكم بالخير يا حبابي
ان شاء الله راكم بخير
قولولي كاش فطور ولله راني حايرة بديت نخمم من درك
هيا راني نستني ههههههههههههه

صباح الخير رنا كلنا نخمو واش نطيبو الله طياب تاع امس كيما راه غير الماء وديسير لتاكل فقط

 

[Houda Chaouienne DZ]

يبآآن يشهي معليش تعطيني لوصفة نتاعو

ماكانش مشكل بصح هذا تاعي مادرتش فيه الزيتون الاخضر و الدبشة معنديش هوما يعدلوه خير

المهم

تخدمي مرق دجاج عادي فلافل و ملح و شوية زيت وطرف دجاج و بصلة و ثوم مرحيين تخلطيهم مع بعضاهم و تقلي المرقة تاعك مليح اومبعد كي تتقلى مليح مرقيها و خليها حتى تنقاااااااص خلاااااص تبقى غير شوية برك

و من جهة أخرى تجيبي حبة بطاطا ولا على حساب المول لي راح تطيبي فيه "أنا درتو صغير درت غير حبة برك" تقشري البطاطا و تقصيها و تقليها "فريت"

كي تكملي المرقة و البطاطا

جيبي المول أول ماتحطي فيه حطي البطاطا المقلية و سويها مليح كي شغل تعمليها ايتاج
بعدها اجبدي لحم دجاج من المرقة تاعك و فتتيها و زيديها ايتاج فوق البطاطا
بعدها قصي الفروماج مربعات و حطيهع هو ثاني فوق اللحم و البطاطا
و زيدي قصي الزيتون الاخضر اذا عندك و حطيه

بعدها جيبي المرقة و صبيها بالتساوي فالمول تاعك
بعدها كسري 3 عظام "ولا على حساب الحاجة" و خلطيهم و قصي فيهم الدبشة
و صبيهم أيضا بالتساوي على المول تاعك

بعدها لوحيه فالفرن و خليه حتى تشوفيه طاب و خرجيه

انا مديتلك الطريقة ماعطيتكش المقادير بالضبط نتي تقدري ديري من عندك

سلاااام
و صح رمضانك
​

 

[naGam]

السلام عليكم يابنات
وصحا رمضانكم
ماشاء الله مايدتكم تشهي
احنا البارحة درنا شربة فريك وبوراك ودجاج بالفرماج وسلاطة روز وسلاطة انتاع خيار وكريم ديسير وزلابية وراكم تعرفوا ديسير والعصائر
واليوم والله احترت واش ندير وانتوما على واش معولين يابنات ​

 

[دنيا البسمة]

سلام
اسمحولي ماكانش على بالي بللي لازم ليفوطو
المرة الجاية اذا قدرت

 

[كوثر الوهرانية]

السلام عليكم
كيراكم لبنات مع اليام
كاش طياب و لا مزلتوا
اليوم ان شاء الله راح ندير حريرة و كوتليت مقلي بالثوم و المعدنوس و لي شوصوا في خاطر كوثر و باقيلي الحميص من الامس و سلاطة ورداف و ندير سلاطة تاع الفاكهة و كاين قلب اللوز
بصحت فطوركم كامل و نقولكم موائدكم مشاء الله و تبارك الرحمن الله يدومها نعمة على الجميع

 

[merieme hassi]

السلام عليكم
الي راها في الكوزينة نقولها الله يعاونك
انا اليوم مطيبتش علاخاطر البارح بقالي كلشي :shay::shay:
اليوم جربت زلابية الاخت ابتسام و جاتني روووعة بصح متضحكوش علي الاشكال
بارك الله فيك حبيبتي ابتسام و في صاحبة الوصفة

مع العلم ان الوصفة لا تاخد وقتاا كثيييييراااااا
​

 

[ibtesem]

صباح الخيرات عليكم يالبتنات واش راكم
والله انا بقالي كل شئ من البارح
منطيب والو مي شهاني تارت جبن تاع روز وقيلة نعملو برك + البوراك
من بعد نحط الطابلة

 

[ibtesem]

اممممممممممممممممممممممممم مريم جاتك هايلة
بما انو اليوم معنديش طياب نعملها انشاء الله

 

[كوثر الوهرانية]

جاتك روعة الزلابية اختي مريم راكي ساجية تبارك الله عليك
بسومة ممكن رابط وصفة طجين الجبن تاع اختنا روز

 

[ام ايناس]

مساء الانوار عليكم وشراكم انا اليوم نعمل طاجين الفرماج والبوراك

 

[nada242008]

انا ثاني بقالي الجاري والسلاطة والحميس نزيد معاهم بوراك وفيها الف براكة
مريومة الزلابية جاتك تشهي وتتقرمش يعطيك الصحة