مطبخك في رمضــــــآن سيدتي

[ibtesem]

السلام عليكم وشراكم

عندي سؤال حبيباتي على بات افيلو شريت بزاف وخليتها في ثلاجة ولدات في سبتمبر تموت يعني كون انديرها في الكونجيلاتور وكي نسحق وقت الحاجة نستعملها ياك معليهش و لالالا خطراش ديمة مدة الاستعمال تقريبا 3 شهور
ومرحبا بالغالية اخت عفاف الجزائرية معنا ​

وصح فطوركم​

تسنيم مدام راها في البلاستك مغلق عليها متخفيش
انا كي نشريها نحطها ديركت في الفريزر
كي نسحق نخرج

 

[mina87]

منصف راهو راقد وشوية مريض السعلة والسخانة خاصة مع الكليماتيزور ​

زيد مانيش متولهة بيه الايامات اللي فاتو بسبب الظروف نتاع الدار​

ربي يجعلوا الشفاء ان شاء الله راح واعر كليماتيزور راح يزيد عل العبد
حبيبني ربي يسهل امورك ان شاء الله
ما تقلقيش روحك :sheer:

 

[ibtesem]

مساء الخيرات عليكم يالبنات هدا فطوري تاع البارح اليكم الصور ههههههه
روز راني نزاكر من وراكم ماشي نتفرج في المسلسلات باش مننجحش هههههههههه

 

[tasnim55]

ربي يخليك اختي وريدة
منصف راهو راقد وشوية مريض السعلة والسخانة خاصة مع الكليماتيزور

زيد مانيش متولهة بيه الايامات اللي فاتو بسبب الظروف نتاع الدار​

قلبي معاك ربي يشفيلك منصف اختي ويحميه وتفرحي بيه وتشوفيه ناجح في حياتو وربي يعينكم ويعطيك القوة انشاء الله وصح فطورك ورمضان كريم

 

[rima29]

اهلين ابتسام وش راكي لباس ؟
لافوطو تاع فطورك ويني ​

 

[ام منصف]

يعطيك الصحة حنونه ، مفهمتش حاجه برك كيفاه تحليها بالمايزينه

يعني ترشيها بالمايزينة وتحليها
وبين كل كرة وكرة ترشي ايضا النشا باش تتورقلك مبعد
​

 

[ام منصف]

ربي يخليكم والف شكر لكم على السؤال

حنا فطورنا كالاتي

شربة فريك
شطيطحة بالكبدة
فريت
سلاطة خيار
سلطة الارز بالخضر
خبز الدار

​

 

[tasnim55]

تسنيم مدام راها في البلاستك مغلق عليها متخفيش
انا كي نشريها نحطها ديركت في الفريزر
كي نسحق نخرج

مشكوووورة بسومة حتى كي تموت مدة الاستعمال معليهش حتى 4 شهور زيادة وصح فطورك اختي الغالية:re_gards:

 

[ام ايناس]

يعطيكم الصحة ومرحبا بيك ام عبد الصمد
ام منصف ربي يشفي منصف ما عليك غير بالعسل الحرة
ابتسام وين الفطور مابانش راهو يتقلش علينا
انا اليوم راني دايرة شربة فريك وشطيطحة جاج ونقلي البطاطا وبوراك

 

[ibtesem]

جاري
اسمحولي على الصورة بنتي سيحتلي الصحن والادان يدن مالتيتش باش نمسحو :cra_zy:

ملوخية
تفضلي فلوسة بماانك تحبي المولوخية :sheer:

ملوخية

هذي شهاتني فيها ايمان قلت نعملها منخليهاش في قلبي هههههههه :showoff:

نصف دجاج وفريت :sadwalk:

خميرة الفرينة :shiny:

هدي الطاولة

هنا عيسى حلف يالي تحطي اسمك صوريني حطي اسمي _o:

اليوم عندي كل شئ منطيبش

 

[ام منصف]

بصحتك بسومة
وربي يحفظلك عيسى يا رب

ام ايناس بصحتك وساعدي روحك وبوسيلي انوسة
​

 

[ourida17]

يعطيك الصحة حنونه ، مفهمتش حاجه برك كيفاه تحليها بالمايزينه

يعني كي تفرديها وتحليها بالحلال مديريش فرينة ديري في بلاصتها المايزينة
انا راهي خاسرتلي مشينة لي نحل بيها فراح نحلها على سعدي بالحلال برك
ياك تهبل تتقطع بلخف تعييك

 

[ام ايناس]

وصلت البوسة ام منصف
ابتسام الله الله على هديك الطابلة بصح حلاها اليوم عيسى ربي يحفظو ويعطيك الصحة

 

[ourida17]

بصحة مايدتك ابتسام وربي يدومها عليكم
يااااا عمري على عيسى كي يعرف يتصور شباب الله يبارك باين يشبهلك هههههههه
مكنتش علابالي بلي عندك دراري ربي يحفظهملك وهكدا لفلوسة وام فاروق باش نديرو طمينة
ان شاء الله تكون ابواب سما مفتوحة وربي يسمع منا كااااااااامل يتحقق واش حبين يارب

مممممممممممم
انا فطورنا يوم
حريرة
دولمة فلفة رولي فيها لحم مرحي وزيتون بيض وفرماج
ومن فوق درتلها زبدة وزدلتها فرماج rape
ووسلاطة
ولجم حلو
وبوراك باللحم مرحي وبطاطا وبيض وفرماج يوم باش درناه توحشتو
وهادي هيا مايدتنا لنهار اليوم
والله مرانا ناكلو والو كلشي يقعد
يغيضني تعب لي نتعبو ومبعد يقعد هكاك

​

 

[ايمان التلمسانية]

ايمان طابلتك تشهى بصحتكم قوقليى هاديك تحلية كيفاش درتها عمتك

سلام ايمان
هاديك التحلية بسيطة
شوفي تجيبي نصف لتر حليب ديريه في كسرونة وتحطي معاه 3 معالق مايزينة و3 معالق سكر وتحركي مليح لحتى تعقاد مليح من بعد ديريها فالاكواب نتاع التقديم وديريها فالثلاجة تجمد.
وفي هاد الوقت تجيبي كيس عصير بودرة من الافضل يكون نتاع الليمون وتقدريها بالماء عادي وديريه في كسرونة وتزيديلها 3 معالق نشاء والسكر حسب الرغبة خصوصا اذا كان العصير حلو وحركي مليح حتى تعقاد كيما لحليب ,جبدي الي درتيه فالاول قصدي لحليب يكون جمد حطي فوقها اي نوع فواكه حنا حطينا البنان والعنب وحطينا الخليط الزاوج نتاع العصير
وتحطيه فالثلاجة حتى يجمد مليح.
حنا كي درنا لحليب ما عجبناش بزاف .اذا حبيتي فالخليط الاول ديري عصير ليمون وفالثاني عصير ليمون وبنفس المقادير
سلام
​

 

[روز]

راني جيت..نحطلك صور الفطور اسمحولي صورتو في آخر دقيقة مالحقتش نعملولكم في صحون باش يبان مليح مي نظن تقدرو تدو نظرة كفاش جا عامل
قبل كل شي الخبز خدمتو ونسيت تماما ماصورتوش جا هايل وخفيف عملتو كي خبز الهامبرقر ودرتو السانوج من فوق جا هايل وفي الطياب وقفت عليه جا لونو يشهي...

اولا سلاطة تاع الاخت نور تارت الخضر

والتشيشة فريك ماقدرتش نصورها مليح كان الفوار خارج منها سخونة ياسر والضباب وليت ننسف في البخار ونصور ههه وماخرجتش الصورة مليح مي خرجت بنتها هايلة وخاثرة وبينيةيااااسر

والبوراك بالديول نتاع ابتسام واللحم والفرماج رابي من داخل قبل لنحط الحبات الاخرين فوقهم صورتها هادوم قبل

والدجاج ايفيلي محشي باللحم المطحون والفرماج روج تاني قليت البطاطة حطيتها من تحت وفوقها الدجاج والليمون

مع طاجين الزيتون بلي بولات والشومبينيون بدلت رايي ههه

والميني بيتزا على طريقة ام ندى خدمتها في آخر دقيقة فات عليا الحال مي جات خفيفة كي القطن

والبسبوسة يحلو بيها مع تاي الصحرا

و هذا في الاخير نوعية الطناجر لي حبت تشوفهم ام ندى
شوفيهم نتي برك هههه هبطو عينيكم نتم

ادعولي مواعيني تاع الزجاج يرجعو بخير هههه

 

[تسنيم الهناء]

سلام لبنات بصحتكم كامل واش طيبتو
راكم قايمين بالحالة كيما يحب

ابتسام ماكلتك بجيهة و وليدك الله يبارك بجيهة ربي يفرحك فيه و يحفظهولك حتيتي

انا اليوم جبتلكم حلوى تصلح تتدار حتى في رمضان

و هنا عن قرب

هذا الشابو

و هذي السنبلة

بصحتكم و صحا مورا لفطور
​

 

[ايمان التلمسانية]

الله إبارك يصحنكم
كل شيئ الله إبارك
حبيبتي إيمان
ممكن كيفية التحلية ؟
راهو شكلها عجبني
حبيبت تعطيني لروسات ؟
من فضلك ؟​

سلام اختي
الوصفة راني حطيتها هنا ممكن تشوفيها
ردا على سؤال الاخت ايمان
​

 

[عفاف الجزائرية]

ابتسام نسقسيك الملوخية واش هو طعمها اسكو مليحة ولا لالا
وتحسيه هكذاك ولا تسقي بيها كاش حاجة
باسكو قالولي بنتها كيما الحنة مانعرف
عمري لا كليتها

--------------
روز صرالك كيما انا كي نخرج كاش ماكلة نقولهم ادعو الطباسى نتاع السارفيس ولا الطنجرة نتاع السارفيس ترجع بخير هه نقوللك يعطيك الصحة يا اختي

---------
احنا بقالنا كل شي من فطور لبارح بالاك مباعد على 7.15 نقلي شوي بطاطا برك ونقلي دي ستاك

ندوش ما احلاها والميكرو بجانبك هههههههههه
​

 

[ibtesem]

لا عفاف انا تستعمل مولوخية تاع الورق هايلة
ملوخية تاع الغيرة هي كيما الحنة في الطعم